هلا بالاخت تماضر انا ما قديم في المنبر (يعني قبلك بشويه سنين دون الخمسه :) ) هناك حقائق مشاركتها مفيده منها في البدايه التفاعل حيكون ضعيف ( الناس بكونو حذريين من الجديد ) اختاري بوستاتك بعنايه وتاكدي من فهمك جيدا لمضونها اوردي المصادر ان كانت علميه او خبريه احبكي المقال جيدا واستعدي لاي نيران عدوه او صديقه ( وطولي بالك) لا تنجري وراء تشتيت مضمون البوست بالمهاترات و الغلوتيات وسوف تتعلمي الكثير
سلامي واهلا وسهلا
06-06-2018, 05:59 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
أنا زول قديم وعجوز في المنبر هنا مامن دفعة ناس 2002 لكين قديم وأمكن جا وقت المخارجة وفي وقت عضويتي كانوا في المنبر هنا جهابذة القوم علماء ونجوم مجتمع وأدباء ومتخصصين في كل المجالات كنت في حالة من الانزواء شديد لانو الضربة منهم رهيبه تعويق وأستمر الحال مع كم هائل من الهجوم وقتها كنت يدوب صاحب معرفة معقول بالجهاز وكيفية الكتابة بهيو لكين أتردمت ردم بكل أنواع الاسلحة في تلك الايام الجميلة طاب وقتك أيتها الشاعرة
06-05-2018, 11:28 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
سلامات يا تماضر وعيدك مبارك ان شاء الله دخلنا المنبر أول عشان نفش الفينا، وفي بالنا ان الكتابة لمن سرق لا من سبق ولكن وجدنا مساحات من الجمال لاتحجبها الاعين واعتادت عيوننا الصدق والجمال ثم جاء من بعدنا خلف ابدعوا وجعلوا من مجرد الدخول والاطلاع متعة لاتدانيها متعة ومازال الخير في المنبر حتى قيام الساعة
06-05-2018, 01:15 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11854
سلامات ناصريا ريت لو ما فرملتها وإنتظرت تعيش تجربتك ،في مناحي كتيرة من الحياة بنظلم نفسنا بإعتبار تجارب الآخرين مقدسةوحكاية الطبيب والمجرب دي بالذات انا ما بعتقد فيها..مرات الطبيب بيهزم المجرب وتحياتي كمان
(عدل بواسطة تماضر الطاهر on 06-06-2018, 06:29 AM) (عدل بواسطة تماضر الطاهر on 06-06-2018, 06:31 AM)
06-05-2018, 02:24 PM
ياسر السر ياسر السر
تاريخ التسجيل: 08-06-2010
مجموع المشاركات: 3204
الف مرحب بك اختي تماضر واتمنى لك اقامة طيبة في هذا الحوش الكبير .... وبي زيارتك بيتنا نور والله نور وكلو زينة .... جد انا لا اذكر من هو اول من رحب بي في هذا المنبر لان الزهايمر قد اصابني تماما والله لذا اعتذر عن الاجابة عن سؤالك ..
تحياتي : ياسر العيلفون ...
06-05-2018, 09:19 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 5592
. . . ما في زول رحب بي اصلن ... لأني جيت داخل بنمرة 4 وفتحت بوست طوالي ، لا وكمان بشتكي فيه من بطء المنبر ... والمفاجأة انه اول متداخل معاي في اول بوست لي كان هو سيد الحوش "شخشيا" ...... . في اللحظة ديك ، شعرت الرعشة من صوف راسي لي كرعي ... وقلتّ في نفسي الليلة يحلني الحلّ بلة ......
. .
06-06-2018, 06:52 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
عندي اعمامي شغالين خراجة في رفاعة والخراجي زول عندو حمار وفيهو خرج بضم الخاء ، خرج من جلد قاعد زي السرج في ضهر الحمار ، بشيل فيهو الموية بجيبو الموية من البحر وبوزعوها في البيوت بمقابل مادي . اها مرة واحد من اعمامنا ديل جاتو حمة .. وردة بكسر الواو ، بقا ميرود ( مي روود) ، وعندو صاحبو ورفيقو بمشو سوا لامن بقا محموم رفيقو بقا الصباح يجي غاشيهو في البيت ويسوق حمارو بي خرجو ويمشي البحر اي زول عندو زباين .. اها عمنا بسوق حمار عمنا العيان ويرد البحر ويوزع ليهو علي زباينو وهو يشتغل في حمارو . يعني قايد حمارين نهاية اليوم يغشا السوق يشيل العليقة ليهو ويشتري ليهو اغراض بيتو ويدي باقي القروش عمنا راقد عيان وامورو ماشة ، واكبر الموقف دة في صاحبو . بعد بقا نصيح وشد حيلو داير يشكر صاحبو ويعبر عن امتنانو ليهو قام قاليهو والله يا فلان اخوي ماقصرت وحقيت الخوة ان شاء الله تورد ونجازيك
06-06-2018, 08:33 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
شفتي الناس دي طيبة وبسيطة كيف؟ هاك اسمعي القدال كان يودر الوردة
طريتك ليل وبرقا فى المشارق شال وبلل العينه زى دمعى المحقن شال طريتك ليل وبرقا في المشارق لال وبلل العينة زي دمعي المحقن شال طريت الطيبة طيبة امي طريت فرحي وطريت المي وطريت همي وريدة اهل الفريق للقال طريت الناس وظلم الناس رضيت يا دنيا شلت احزاني فوق الراس اكان يا دنيا تنجمي قالو البسمة للتانين ودمعك ليك وبيك وناس وعرق الطيبة عند اهل الحنين دساس بدور يا ناس بدور متل الخريف ما عاد بعد غرب متل ناس الله ما بتفرح بدور افرح وبعد الصبنة والسفاي وجلدا في العضم كرب يجيني رشاش واشم الطين واكج حرماني فرقان ريدة للغاشين بدور افرح واقوم يا ناس بعد هودت فوق الصي اعاود لي بلود الرب واتيقن واشوف الرحمة شوف العين يزول البي واقوم افرح تشقشق فرحة الاطفال في الكون خير وخضرة وضي والحنية ما لاقيها من الناس اشيلها قصيد واسيها سبيل سبيل للناس فرح يملي الحنينين ري اصلو البسمة للتانين ودمعك ليك وبيك وناس وعرق الطيبة عند اهل الحنين دساس
06-06-2018, 09:49 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
في مرحبين الامين البشاري اول مرحب أن لم تخونني الذاكرة وبرضه في شكل وحاجات تانية تظل في الذاكرة زي انت يا بكري بتجيب النوعيات دي من وين هههه ووحينا العضو الجديد المدعو ابو روضة يتجاسر علي كبار المنبر وفي نفس الاسبوع تم تخفيض مشاركاتي لعدد مشاركة واحدة استمرت هكذا الي اندلاع سبتبمر المجيدة وقتها كتبت لبكري وطلبت منه زيادة عدد مشاركاتي لان شعبنا السوداني الان يخوض مواجهة شرسة ويموت علي الطرقات ومن العيب أن نظل سكوتا كتب لي ردا مختصرا يفيد اديناك ستمائة مشاركة حتي ولو كان هذا الرد فيه شي من المبالغة او حقيقة ولكن للامانة احترمت هذا الرد جدا واداني دافع اني اظل عضوا بهذا المنبر فوق كل الظروف اجمل ما اهدتني اليه تجربة تحديد المشاركات وفي الاسبوع الاول من دخولي للمنبر اني اتابع الهجوم الذي يسلطه البعض علي الاعضاء الجدد بشي من التكالب والتشرذم تصل درجة محاولات التطفيش من المنبر المهم الترحيب او رفض وجودك من اساسه كلها تجارب بكل تأكيد مفيدة وبتضيف للعضو اكثر
تحياتي للجميع
06-06-2018, 10:15 AM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
Quote: تكمن القدرة على تجاوز الماضي في استعداد المرء ليخطو خطوات للأمام، ومقدار الجهد الذي ينوي بذله ليرفع الصخرة العاطفية عن كاهله ويلقيها بعيدًا
بيكساباي
من الجزيرة.نت لا انظر لإخفاق البدايات بغضب او اي مشاعر سالبة. اشكر من رحبوا بي حينها، اعترف، كان كل همي في الايام الأولى معرفة ما اذا كان المتداخل كوز أو أمنجي !
06-06-2018, 11:45 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
تحياتي تماضر لو سمحت لنا المشغوليات اكيد حيكون لينا حضور من هنا زميل المنبر الصديق علي دفع الله كتب ذات مره بوست علي مرور عام علي تسجيله بالمنبر فيه كتير من روح الدعابة والطرفة وتوثيق في ظني مفيد علي دفع الله برضه تسجيله علي خلفية بوستات العشرات هههه لم اكن عضوا بهذا المنبر حينها ومتابع جيد المهم كانت كتمة ليها عجاجة بالمناسبة علي دفع الله ظل ورا تسجيلي بالمنبر الي أن تحقق فله التحية من علي البعد وعد لو اني لقيت البوست المعني بتاع الاحتفال بمرور عام للعضو علي دفع الله حاجيبه هنا وشكرا لاتاحة هذه المساحة والمتاكد منه الان انه المنبر كسب عضوية تماضر بوصفها قلم حيكون ليه حضور انيق ومرتب وعشرة علي عشرة
06-06-2018, 12:16 PM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
تحيات حصرية وجديدة ليك شكراً على الكود وانا ما فاهمة ليه هنا الموضوع معقد ، علشان ترسل ابتسامة تعاني ( انا أبتسم) ههههههه يا سلام ولو قريتني اقتصادياً معناها قدرتني تقدير شديد ، في انتظار ما تصطاد
Quote:
الإسم "تماضر" إن سمعته او قرأته ارى "طماطم"... ومنذ صغرى!!
06-07-2018, 06:45 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
تحيات حصرية وجديدة ليك شكراً على الكود وانا ما فاهمة ليه هنا الموضوع معقد ، علشان ترسل ابتسامة تعاني ( انا أبتسم) ههههههه يا سلام ولو قريتني اقتصادياً معناها قدرتني تقدير شديد ، في انتظار ما تصطاد
(الإسم "تماضر" إن سمعته او قرأته ارى "طماطم"... ومنذ صغرى!! )
حاولت استخدم الكود وافتكر الحكاية جاطت ههههه
كده احسن لحد ما أمحى أميتي
06-06-2018, 09:24 PM
النذير بيرو النذير بيرو
تاريخ التسجيل: 08-08-2004
مجموع المشاركات: 215
الاخت تماضر رمضان كريم وكل الاخوة غايتو انا ماعارف تصنيفي سنير عجوز شديد حضرت المنبر ده وكنا بنخش نسلم علي بعض الصباح بدون باسوويرد وكنا مع سيد الحوش الاخ العزيز بكري بجيكم راجع ان شاء الله بي زكريات المنبر الجميلة سلام للجميع برالمة وسناير النذير
06-06-2018, 11:13 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
دخولي المنبر كان عام 2013 بمساعدة و تزكية من الاخ الاستاذ الامين عبدالرحمن.. مع شوية الحاح على بكري... ما كنت بحصولي على كلمة السر برلوم لاني كنت متابع من الشباك من مدة.. و بالجد زمان كان في ناس قامات قبل ما نجي نحن..
المهم الان المنبر في ناس و كتابات بنكهات متعددة و مشكلة و ظريفة ده بشكل عام. كويس انك بدخولك حاولت تتعرفي على الناس و اراءهم يعني برلوم وثلِد بسنونه.. شكلك اضافة قيّمة للمنبر و اعدت للمنبر ألق دفء الكلمة و طعم الشعر و الرومانسية. تحياتي
06-07-2018, 09:12 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
أستاذي العزيز الرقيق الرائع من قبل التسجيل..بقرا للكثيرين هنا وانت منهم واشكر كل من ساعدك ..ليصلنا بجميل اهتماماتك وكتاباتك لتعارفوا دي من اسرار التعايش..وهنا في ناس جديرين بالمعرفة اتمنى اكون عند حسن ظنك
شكراً عميقاً
06-07-2018, 08:44 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
تحياتي وسلامات عزيزتنا تماضر قدمت نفسي بتاريخ 28/11/2004 ببوست بعنوان ( هل غادر البرالمة من متردم ؟؟ ) كانت مداخلته الرئيسة
Quote: طالما ساءلت نفسي في أوقات التأمل ، و قد تفرقنا في أرجاء المعمورة في منافينا الاختيارية أن كيف يمكن أن ننعم بوطن متصالح مع نفسه و مع الآخر ، متجاوزاً بذلك نظريات آيدولوجية وإثنيات ضيقة أقعدته سنيناًعن اللحاق بركب عالم تبحر سفينته فى عباب ألفية جديدة لاتأبه بمن يعجز عن مجاراة سرعتها . تساءلت عن هل و كيف يمكن لأطفالنا أن ينعموا بوطن ( هم أصحاب حق أصيل فيه ). تساءلت عمالذى أوصلنا للمرحلة التي أضحت فيها غاية أمانينا الحصول على قرين كارت أو إقامة دائمة في بلاد كان حتى أمس قريب مجرد الحديث عنها يحتاج منا للإستعانة بالأطلس .
تقاذفتني الآراء مداً و جذرا لكن الإجابة الشافية التي إرتأيتها أن أستعين بالأخوان و الأخوات ، نتلاقح الأفكار ، نفكر معاً بصوت عال ، نبث بعضنا هموم بعضنا لأنه في البدء كان الكلمة. نتعرف معاً كيف و متى و لماذا تنكبنا الطريق . في حوار ذكي صادق لا غالب و لا مغلوب فيه . حوار ندخله و فى النفس أن ( رأيي صواب يحتمل الخطأ و رأى غيرى خطأ يحتمل الصواب ). حوار فيه نتفق من غير تبعية إلا للحقيقة و فيه نختلف دون أن يفسد الخلاف ودنا للآخر .
وجدت في المنبر الحر وسيطاً جيداً للتعرف بكرام أفاضل / فضليات كلهم اكتسب مع معارفه الأكاديمية الرفيعة خبرات الحياة الواسعة . ووجد في الأسفار فوائدها السبع . استمتعنا زماناً من مقاعد المتفرجين بحيوية ( رجاء العباسي ) و ظرف ( سيجيمان ) و نشاط ( لنا مهدى ) و عمق ( علاء الدين نصار ) وغيرهم كثر . كلهم أضافوا لمعارفنا الكثير محواً و إثباتاً . فأردنا أن نكون ضمن منظومتهم ( منظومتنا ) الرائعة
الشكر أجزله للأستاذ بكري أن أتاح لنا هذه الفرصة , أرجو أن نكون إضافة للمنبر .
و دمتم
أخوكم
عاطف عمر
جاء أول تداخل من الأخت العزيزة لنا مهدي
Quote: بل قد عرفت الدار بعد لا توهم الاخ الحبيب عاطف الف مرحبا بك بيننا تتلاقح رؤاك ههنا وتمد يد الفكر و الثقافة و تمتد اليك ايادى اخري بالفكر و الثقافة نزلت سهلا
06-07-2018, 08:30 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
العزيز عاطف عمر سلام وتحايا جميل جداً ما حدث معك وتظل هنالك أسماء وأشخاص لا تغادر مواقفهم الجميلة والمشجعة تفاصيل ذاكرتنا هم الذين تُفتح بهم الأبواب وتتسع الأمكنة لك وعبرك لهم اندى تحياتي ، اين هم الآن؟
06-07-2018, 09:35 AM
جلالدونا جلالدونا
تاريخ التسجيل: 04-26-2014
مجموع المشاركات: 9873
هلا بيك تماضر بوست ذكرياتى لذيذ بالنسبة لى يمكن كنت معروف لى بعض العضوية قبل انضمامى للمنبر واحد من السناير اطلق علينا ناس تحت الخط حتّى بالامارة السنير و صاحب المكتبة المنبرية محمد البشرى الخضر لامن خلاااااص تغلبو الحيلة يقول لى انت ما ترجع الفيس ابركلك ارجع اقول سبحان الله ود البشرى عندو مكتبة و ابو حسين ما عندو نقول شنو عاد يدّى الحلق لى شنو كده ما عارف
06-07-2018, 10:42 AM
Kabar Kabar
تاريخ التسجيل: 11-26-2002
مجموع المشاركات: 18547
عارفة يا تماضر ، سنة 2003 ، دوبك جديد في البكان ده ، كتبت وسألت (ماتت منى ولا مات القمر)..
كــنا جمــاعة ، فرشنا النيــل ضــرا..و الشمــس المــدارية كانت غطــانا..أمــا الضــل ، فكــان مفــردة غايبة تمــاما عن قامــوس كــلامنا..جمعتــنا ريــدة مـــــنى.. قام واحــد مننا ، وهب ليها النخـــيل ، رمــى نعليهو..و حلــف يحرق برمـــل الهجــير..في قصــاد مــنى واحــد تاني ، كان الســيف عــندو معــزة..قام كســر ســيفو ، و قال :يــغور الزمــان المــا بيجيب مـــنى واحــد تالت ، هـويتو وســم جمــال ممـــدود فوق وشيهو شــلوخ..عقـد لســانو وســكت حــزنا على غيــاب مــنى ، و في زمــن الســكوت داك.. نحت ليها عصــاية آبنــوس ، مرصعــة بســن فيـــل.. و قايــض غيابها بالإنتــــظار واحـــد رابـــع ، شــرب جمــالها قــوافي..صبــاها في بطــون التبلــــدي وعد شفــيف، و قعــد في رجـــاها ســـنين في صبـــاح حـــزين ، جانا كلب مخمــور..قال :يا أهل المحــبة الغافليـــن ..خــبر قلنــا ، بخشـــم واحـــد : خير إن شــاء اللـــه قال الكلب:المــــوت حاصل ، يا في مـــــنى ، يا في القمــــر و قعـــدنا دهـــر تــاني و مــا عرفـــنا مـــنو المــات.. ماتت مـــنى ..و لا المــات القمـــر؟ و إتقاسمــنا اليــقين عشــا، ورفضنا نقــر بإننــا رقدنا القـــوى كنــا جماعـة ، و فضــلنا جمــاعة فرشـــنا النيـــل ضــــرا الشمـــس المــدارية ، كانت غطــانا و مــاعــرفنا المــات منـــو ماتت منـــى ، ولا مات القمــــر؟
تداخلت تماضر شيخ الدين ، المطر (ابوذر بابكر) ، الموصلي ، يحي ابنعوف ، الزومة ، الجندرية ، ميرفت..
ميرفت قالت لي:
سلام وتحية ، اخي كبر اننا ، كلنا ، صالحون للعزاء في أي وقت لا وقت يلائم حصاد الدموع إلى اليقين من هذه الوحشة وحشة السؤال الطازج في اساه : المات منو ،، منى وللا القمر ومنى كتيرة وموزعة في الامكنة مياه الدموع الساطعة/ المالحة تتسلل, الآن إلى وحدة الأمهات الأمهات يهرمن بين الإبرة والخيط بانتظار الأولاد والأولاد لا يعودون يعود البكاء بخفي الوجع
قلت ليها:
صــديقتي ميرفــت..حبابك وســـلاما في الرايعين،يازولــة من نبــض تاني في حــديث العــزاءت تتنمــر علينا القطط السمان و تمارس ادعية ضد الخــوف و صــرخة الأطفال الجماعية، وقتها سيكتب الزمن ملامح الخــروج و ســوف نهزم بيادر النسيان بأن نلبس الزهـو و نغنــى في حضــرة منــى في حديث الأمهات ،لا خــوف عليهن ، فلقد رضعنا منهن تراتيــل الرجــوع، صــدقيني يا ميرفــت..لن نمــل من حملهن في غابات النبض الصدوق و من ذكراهن نغنــى نشــيد الرجعة البهية حينها تغدو منــــى ما تبقى من امــل حنون
صدقت ميرفت..الأمهات يهرمن بين الإبرة والخيط ، والأولاد لا يعودون..لا يعودون..يعود البكاء..اليلقاهن قبور وشواهد صغيرة في البقاع البعيدة..!
تماضر شيخ الدين حلفت بكل ماتملك: مات القمر..ومنى ما ممكن تموت..!
يا ربي هل لازلنا جماعة..وفضلنا جماعة فرشنا النيل والشمس المدارية كانت غطانا؟..
ويبقى الحنين كما هو اشكال وانواع..
سبحان اللـــه يا معاوية الزبير..
نفس الترنيمة ..نفس نحاس القرع..نفس الوجوه والأصوات والخصل الشاردة..بتكتب حنين الأمهات للأولاد..يكتبن الحنين بنفس التنغيم والوجوه التي تبدو للوهلة الأول محايدة الملامح ، ولكنها تخفي حزن نبيل انيق..!
شكرا تماضر..
كبر
06-07-2018, 10:22 PM
علي دفع الله علي دفع الله
تاريخ التسجيل: 08-31-2012
مجموع المشاركات: 2504
تماضر الطاهر والله هلت الانوار يا صديقة والبورد موعود بي اضافة نوعية
كل له قصة بداية في هذا البورد اللعين 😂😂 وقصتي زي ما حكاها ابو روضة كانت معركة حامية الوطيس لكن عدت بخيرها .. انتي هسي بدايتك هادية ورزينة وخليك على المود دا
والله سعدت بي شوفتك هنا حبابك عشرة وقنبي طولا والتحيات لكل الاصدقاء
06-08-2018, 00:19 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20523
أول شكلة كانت مع عصام جبرالله .. شكله مهذبة جدا وتداخل "بورداب الدوحة" وحاولوا يقولوا لي عصام ان محمد المشرف ده زولنا وكده ..
اول الاختلافات كانت مع محور تراجي بشاشا ومحمد سليمان وبشار صقر وآخرون حول التكييف الاثني للصراع .. وللحقيقة استفدت كثيرا منهم .. والان, وان كانت نظرتي ومازالت رفض التكييف الاثني للصراع, الا ان هذا الرفض مختلف جدا عن الرفض الزمان بفضل هؤلاء .. وبعضهم بالتأكيد قد تغيرت مواقفه ..
اجمل ما كتبته في نقد هؤلاء كان نص منجور ساي قدام الكيبورد .. اسمو (قيامة كانتونا) .. رحم الله زميلنا كانتونا رحمة واسعة وألطف ما حدث حول ذلك النص الساي انو استاذنا الكبير فضيلي جماع ظن اني انتحلت نصا لغابرييل غارسيا ماركيز ووضعت اسمي عليه ..
تملكني الزهو قليلا .. أعترف!!
لو خصم هذا المنبر مني شيئا لكانت قدرتي على الكتابة .. كنت احاول كثيرا ان اقلل كثيرا من الكتابة المزينة حتى ضاع مني تزيين الكلام الى غير رجعة :)
شكرا تماضر
06-08-2018, 12:16 PM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
حباب المشرف المشرِف أدب الإختلاف وتقبل الآخر يحتاج لي روح " نبي إلا شوية"... انا بتمنى اقبل من يخالفني الرأي في ظاهري وباطني..بالله مش صعب؟ اعجبني وصفك للشكلة واتعلمت منك شي جديد...النظر للمواقف بعد زمن بالله يا ريت تحكوا لي عن العداءات الاتحولت لي صداقات و دور اللقاءات الاجتماعية في تخفيف حدة التوتر الكتابي ، سعيدة شديد جداً انا
06-08-2018, 12:03 PM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
النور نوركم والله بين الشيخ التوم والشيخ فرح قلوب تهيم وحكم تبين أتمناك وأسرتك في احسن حال أخي ، ( فكيف ترونها تبدو بداياتي نهاياتي) مرات بكون مشاكسة..بس ما بحب الشكل هههههه
ليك ولي ابو روضة سلام خاص
فرحت بي ترحيبك
06-08-2018, 02:56 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
العزيز جداً كبر اول شي جبر الله خاطرك الذي ياما جبر خواطرنا وجمل أيامك بما يعزيك ويسلينا إذ تبتسم ولو كان بالإمكان..لضحينا بمجرة أقمار لبقاء منى لكن..حياة المعنى اطول عمراً الموت سعادة لمن يجد بعد الرحيل قلوباً آسفة وعيوناً راثية وخلود في عقول سماوية المرتقى. والحياة بخواطر المميزين لا تنتهي بتاريخ اليوم المعلوم يكفيني إذا رحلت أن يبكيني حبيبي ساعة قبل أن يعشق أخرى والساعة كألف عام مما يعدون ، بعد ما اكمل بكاي برجع ارحب بيك تاني وتاني
06-08-2018, 02:07 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
البوست لذيذ بوجودكم والله والذكريات سجن ومهرب تجرحنا وتداوينا ، كنت وين قبال ما تجي هنا؟ ، هههههه صاحب المكتبة دي حلوة مرات بحس انه حكيم..تتفق معاي؟ بس في دي ما تسمع كلامو..هنا ابركلك انا ما مصدقة بعد زمن من المتابعة اني معاكم وبنتعرف على بعض ، صحي رمضان كريم ، المكتبة دي شروطها شنو؟ واطالب بمكتبة لي ابو حسين وفوراً
06-08-2018, 01:37 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
سلام وكل اوقاتكم سعيدة كل واحد فيكم اجمل من التاني والله من سعادتي ما قادرة اعبر ، يا داب رجعت من مشوار طويل ح اقرا حروفكم حرف حرف محبتي وشكري وامتناني
06-08-2018, 02:27 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39382
بالله كلميهم الحاقدين ديل ... 😂😂😂 ياخ ربنا يسعدك دنيا و آخرة ..... همسه في اضانك .. ارجي الراجيك من الحاقدين و الحاسدين و الشمات و اعداء النجاح و اعداء الناجحين ... 😂😂😂😂😂😂
06-08-2018, 03:05 AM
Abdelrahim Mohmed Salih Abdelrahim Mohmed Salih
تاريخ التسجيل: 04-13-2016
مجموع المشاركات: 960
تحيه لك ولقلمك الانيق اعتبر زمنيا وكتابيا من الجدد فى حوش اخونا بكرى رغم متابعتى له منذ سنوات قارئا وحين قررت الانضمام كتبت له مباشره دون شفيع ومزكى واستجاب مشكورا ولااذكر إذا كتبت بوست قيدومه: ) لكن ما اذكره دخول هادئ بدون ضجه وشكرا للب الشعر فى عررصات المنبر مبذولا صرحا للجمال وفضاء للبوح الاليف طبعا فى بوستات كتيره تعجبنى لكن امر عليها قراءه صامته ليس عن بخل او كسل بل لضيق الوقت وحين اكتب ردا اكون مخنوق فى الكلام والزمن فارجح حال على حال فتنتصر رئه القلم حافز الكتابه مزاجى لكن ربما هناك مواضيع بحكم الاهتمام الشخصى ولاهميتها حسب التقدير الشخصى تدفع إلى المشاركه وهذه فلسفتى الكتابيه على قلتها روح المرح وحس النكته الذكيه لايغيب عن كتاباتك يا تماضر رمضانك كريم وشكرا على البوست
06-08-2018, 04:51 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
العزيز جداً عبد الرحيم...قريت مداخلتك اكتر من مرة اسعدني جداً انك تخصني بمشاركة من مشاركاتك القليلة وانا بتفق معاك شديد في الاختيار والمرور الصامت البستفز الحواس كتير بس مرات ما بقدر ابوح...خوفاً أو طمعاً. مرورك هنا وهناك اسعدني شكراً لمكان جمعني بمميزين يقدرون ويقدرون على صنع الفرح في خاطري ، ما تنقطع
06-08-2018, 12:21 PM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
يديك العافية و طاب مقامك. ننوسة المذكورة في اول البوست دي نانسي عجاج ولا ننوسة تانية، بعدين اسهبي لينا في واواي الوقانيب دي شوية، و دخلينا الفلم دا و فكي طرطشتنا شوية،، هههه. السنير معاوية المدير عنده المحن و تشفيره عينة..
كونوا بالف خير..
06-09-2018, 07:11 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
ننوسة دي يا سيدي من مغنيات هذا الزمن..ما بقدر أصنفها هل هي مغنية "زنق" ولا ما "زنق"..المهم هي عندها استايل جديد ومحبوبة جداً..مشهورة بي ترديد أغاني "الزار"- يجعل كلامنا خفيف عليهم - وعندها تكنيك صوتي بيتغير فيهو صوتها لأغلظ درجة. سمعتها في الترحيل وأنا راجعة البيت..أدهشتني..وفي أثناء الأغنية بيجي الترويج..الجديد الحصري والجميل الأصلي..واسم الجهة الطلعت الأغاني وعنوانهم. إقترحوها شباب حِلتنا كختام لليالي رمضان وبعدها من شدة الضحك ما وصلوا لأي نتيجة..كدي قوقلها وأسمعها لو ممكن.
واواي الوناقيب بوست مسكني زمن في حضرة البادية والشعر الحقيقي..كاتب عنه أستاذ معاوية المدير لقيتو أثناء بحثي عن شعراء البطانة ومساديرهم الحنينة. نقلت ليك من البوست تعريف صغير:
(الواواي هو صياح رعاة الإبل في الخلا بتنغيم ونبرة معينة ، يحثونها به على فعل شيء ما ) ( الوناقيب " جمع " ونقيب " ، فهي في الراجح عندي ، من الألفاظ السودانية المحلية الأصل. وهي تعني في لهجة المؤلف: " راعي الإبل)
لو بحثت ح تلقى موضوع ممتع جداً
هذا مع شكري العميق أخي
06-09-2018, 09:35 AM
Faisal Saad Faisal Saad
تاريخ التسجيل: 08-23-2015
مجموع المشاركات: 155
العضو الجديد عليه اولا ان يثق فى نفسه وفى قدراته والحذر من استسهال الكتابة حيث السناير هنا لهم راى حتى فى المصادر . ويجب على العضو الجديد فحص المصدر - الدليل جيداً قبل ايراده وقبل هذا وذاك عليه بالصبر الجميل وطولة البال وعدم الانجرار وراء الشتائم والسباب والتلاعن .
بالنسبة لاول شخص رحب بى بصراحة مافاكر ولكن الذى اذكره ان الناس هنا رحبت بى ترحيب شديد .
06-09-2018, 12:43 PM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
مرحباً اخي علاء وشكراً على النصائح القيمة يمكن لأني بميل للمواضيع الأدبية..ما بحس اني في حالة حرب مع الآخرين الثقة بالنفس مطلوبة دايماً.. علاقتي بالمنتديات قديمة..وقابلت انواع من البشر نختلف أو نتفق فكلها آراء يجب أن تحتفظ بقدر من الود وأنت عندما تكتب، تكتب ذاتك وتاريخك ، هسي انا برحب بيك وحبااابك
06-09-2018, 10:12 AM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
Quote: يا استاذ معاوية نسيت اقول ليك... انا لي زمن مع واواي الوناقيب
يا تماضر بيقولوا، فلآن مولود بسنونو، دا طبعاً لو بقى زول شِفِت . غايتو عيني باردة لكن إنت بسنيناتِك جيتي البُكان دا وحات ربي . ساحات المعارك شغلتنا لكن الظاهر عليك حا ترجعينا تاني للمربع دا ...
06-09-2018, 01:39 PM
الصادق عبدالله الحسن الصادق عبدالله الحسن
تاريخ التسجيل: 02-26-2013
مجموع المشاركات: 3246
أعتذر يا عزيزتنا تماضر لعدم وجود إجابة على سؤالك فأنا لا أذكر متى جئت، ولا بماذا ابتدأت، ولا أعلم من أين، ولا كيف أتيت
ما أنا متأكد منه أنني لا اتمتع برُبع جسارة حبيبنا عبد الفضيل ولا أملك الجرأة لمواجهة تلك المفاجآت التي تخلع القلب وتذهب بالألباب. وبالطبع ليس في وسعي أن أدخل بنمرة (1) أو (2) ناهيك أن أندفع مفحطاً بنمرة (4) كما هو ديْدن فضيل ودَأْب معاوية المدير.
ولقِلة حيلتي فقد انتهزتُ فرصة تصاعد ذلك الغبار (الحمروني) الكثيف الناتج عن قبقبة السناير للبرالمة ودخلتُ الحوش خلسة (ملتوياً بالبهجة كعمامة إعرابي يزور المدينة للمرة الثانية) اتوجس واتحسس طريقي خوف العِراك والمفاجآت والأشواك وأنا شِبه حافي القدمين (نُص فى النِعال، نُص فى الأرض، ونُص في الغبار).
وتفادياً لأن اصطدم بالسناير، أو أن انزلق في تلك الشِراك "الخبيثة" المنصوبة من جماعة (قُوم لِف).. فقد تسللت بلا توصية ولا ترحيب كالظِل خوف أن أدوس على القَش فتفاجئني المصائب والدبايب أو يصدر عنه كَش.
و(منذ تلك اللحظة التاريخية) ما زلت ألِّـف لففان ثور الساقية وأدور وأتحسس طريقي في حوش بكري ولا أدري إن كان طويل أم قصير؟ وهل أنا أصعد أم أهبط فيه وأغور؟ لست أدري!!
عيد سعيد أستاذة تماضر لكِ ولزوار بوستك الأحباب ونتمنى صمودك ونمو سِنيناتك واستمرار مساهماتك بـ(جديدها الحصري .. وجميلها الأصلي) كما نأمل - ونحن على قبايل عيد - عودة سناير المنبر و"تماضراته" ونجماته السابقات وأوبة كل الغائبين والغائبات. ... .. .
06-10-2018, 05:21 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
أول من رحب بي رجل وامرأة رحب بي أولا ود الصايم بضحكته المجلجلة أعقبته تراجي مصطفى بأهلا ، ثم صره في الصرة قالت لي أوع تكون ياكا بتاع كسلا العامل لينا بي هناك جلابي وبتشتم فينا أما أول من رحب بك يا تماضر فهو أنا وكمان اكتشفتك من أول مداخلة حتى قلت حاتقول فيني شيء لله
06-11-2018, 01:01 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
تحياتي أخي فيصل سعد هم اتنين لحد الآن..ومفكرة الصباح اكتب واحد تالت..فيه خواطر تحت إسم واحد اجمع فيه قصاصاتي المبعثرة. اتمنى يكون البوست فعلاًً عمل شي كويس بالنسبة للتعارف أنا سعيدة لأنه جوني ناس جميلين ومميزين شاكرة من قلبي..لك وللجميع
06-11-2018, 03:37 PM
Faisal Saad Faisal Saad
تاريخ التسجيل: 08-23-2015
مجموع المشاركات: 155
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
تماضر الطاهر
معاوية الزبير
الصادق آدم
عبدالحفيظ ابوسن
يحي قباني
زهير عثمان حمد
عمر التاج
MOHAMMED ELSHEIKH
محمد جمعه الخير
Nasser Amin
ياسر السر
محمد على طه الملك
قسم الفضيل مضوي محمد
فرح الطاهر ابو روضة
نعمات عماد
ABUHUSSEIN
Hassan Makkawi
معاوية المدير
النذير بيرو
محمد عبد الله الحسين
عاطف عمر
جلالدونا
Kabar
علي دفع الله
محمد حيدر المشرف
Abdelrahim Mohmed Salih
Faisal Saad
علاء سيداحمد
الصادق عبدالله الحسن
فيس بوك
تويتر
انستقرام
يوتيوب
بنتيريست