|
Re: بلقى الدُنيا ( بروة ) .. لما اجيكا تايه .. ( و � (Re: يحي قباني)
|
نرجع لي قصة صابونة الوش ...
حقيقة فاجأني صديقي لما قال صابونة الوش كملت ؟
طيب ليه الناس في السودان رغم الظروف يا حلوة دايماً ... عندهم صابونة وش و صابونة يد و صابونة حمام ...
يعني صابونة موحدة ما بتؤدي الغرض ؟
و لا صابونة الوش غالية ما بضيعوها على باقي الجسم !!!
الوش ده مش راكب في نفس الجسم ؟
اذكر في الستينات كنت لسة في الكتاب ... كان عندنا زوج خالتنا عنده مصنع صابون بلدي ...
بيعمل صابون بلدي و مرات صابون فنيك ...
صناعة يديوة بدائية ... يطلع الصابون في الصواني و يتقطع بي سكين يدويا ...
صابونة قدر اختها مافي ...
و لكن :
الصابون البلدي مصنوع من مواد طبيعية 100% موية و ملح و شوية زيت جوز هند او زيت زيتون ان وجد ...
لا توجد مواد حافظة و لا من يحزنون ... و كما الحرير على الجسم ... لا كانسرات و لا بلاوي زرقا ...
اما الفنيك فيهو مادة الفنيك المطهرة ... يقتل اي بكتريا حايمة ...
اها ...
عشنا حياتنا كلها بالصابونة البلدي ما اشتكينا ...
غسلنا بيها وشوشنا ... استحمينا بيها ... غسلنا بيها ايادينا ... ولبعض الشبابا فيها مآرب اخرى ...
الى جانا طبعا الصابون ابيو ريحة فيما بعد ...
كامي و لكس و بوكيه ... و بدأ الشغل التجاري و التفنن في دفع الناس لشراء لزوم ما لا يلزم ...
الصابون البلدي الان يباع هنا في افخر محلات المستحضرات الطبيعية و يباع غالي جدا ...
ذهبت الى مزرعة غرب مدينتنا ... مزرعة ( لافندر ) ...
وجدت عندهم صابون بلدي للبيع بعطر اللافندر ... الصابونة بي 7 دولار ...
قلت للبنية 7 دولار ليه في شنو .؟
قالت لي دي Organic
طوااالي اتذكرت مصنع زوج خالتنا البلدي في زقاقات ام درمان ...
و قلت اتاري الناس هنا ( بدأوا ) من حيث ( انتهينا ) في السودان ...
|
|
|
|
|
|
|
العنوان |
الكاتب |
Date |
بلقى الدُنيا ( بروة ) .. لما اجيكا تايه .. ( و ما ادراكا ما صابونة الوش ) | يحي قباني | 05-29-18, 03:14 PM |
Re: بلقى الدُنيا ( بروة ) .. لما اجيكا تايه .. ( و � | Nasser Amin | 05-29-18, 08:07 PM |
Re: بلقى الدُنيا ( بروة ) .. لما اجيكا تايه .. ( و � | محمد أبوالعزائم أبوالريش | 05-29-18, 10:28 PM |
Re: بلقى الدُنيا ( بروة ) .. لما اجيكا تايه .. ( و � | محمد أبوالعزائم أبوالريش | 05-29-18, 10:30 PM |
Re: بلقى الدُنيا ( بروة ) .. لما اجيكا تايه .. ( و � | يحي قباني | 05-30-18, 00:26 AM |
Re: بلقى الدُنيا ( بروة ) .. لما اجيكا تايه .. ( و � | يحي قباني | 05-30-18, 00:36 AM |
Re: بلقى الدُنيا ( بروة ) .. لما اجيكا تايه .. ( و � | يحي قباني | 05-30-18, 00:54 AM |
Re: بلقى الدُنيا ( بروة ) .. لما اجيكا تايه .. ( و � | يحي قباني | 05-30-18, 05:38 AM |
Re: بلقى الدُنيا ( بروة ) .. لما اجيكا تايه .. ( و � | عبدالحفيظ ابوسن | 05-30-18, 05:48 AM |
Re: بلقى الدُنيا ( بروة ) .. لما اجيكا تايه .. ( و � | جلالدونا | 05-30-18, 07:16 AM |
Re: بلقى الدُنيا ( بروة ) .. لما اجيكا تايه .. ( و � | عمر دهب | 05-30-18, 07:52 AM |
Re: بلقى الدُنيا ( بروة ) .. لما اجيكا تايه .. ( و � | يحي قباني | 05-30-18, 09:17 AM |
Re: بلقى الدُنيا ( بروة ) .. لما اجيكا تايه .. ( و � | جلالدونا | 05-30-18, 09:20 AM |
Re: بلقى الدُنيا ( بروة ) .. لما اجيكا تايه .. ( و � | Hassan Makkawi | 05-30-18, 09:53 AM |
|
|
|