جماعة الأكشاك و الشجره الإلكترونية ههه رغم انه ميدان الأمم المتحده شالوهو بره و الأكشاك الجمبو ذاتها
أنا طبعاً من فريق ود البشرى لكن ما داسيها من الحاقدين الكبار على الميرينغي نجي للكابتن سيرجيو راموس طبعاً الزول ده مدافع من الفصيلة البرشمية اكتر زول اتقلب و اتبهدل من نجوم البارسا من زمن ناس رونالدينيو و هنري و ايتو و بيدرو و طبعاً سيد الكفر ميسي هو و شلة الجلاوزه المجرمين بيبي و اربيلوا و كونتراو و كارفاليو و من لف لفهم من الجزازير أعداء المواهب المهم هو من كترة القلب و الشخبطه و البهدله اكتسب بعض الخبره و اتعلم ليهو حبة كوره على كبر طبعاً برضو اخد نقلات من المعلمين منتخب برشلونه قصدي اسبانيا لما كان بيلعب معاهم فردة باك طبعاً الريال فريق كبير ما بننكر لأنه عنده قروش و وراهو حكومات و سلطه و نفوذ فاز بالبطوله الاوروبيه في السنوات الاخيره بس بسبب إدارة برشلونه السيئه طبعاً ما دايرين نتكلم عن القرعة الساهله الموجهة و البارد و الساخن و التحكيم و كمان سمعنا اشاعات عن لعيبه ببيعو الكوره عديل هههه البارسا عندها فريق كامل هو ميسي و مفروض تستفيد بتكريب الفريق التاني الهو باقي اللعيبه عشان تلعب بفريقين لكن للأسف بقت تجيب لعيبه و مدربين يخصموا من فريق ميسي بدل يضيفوا المهم مبروك ليكم لكن طبعاً ما من جوه القلب و بنعترف ليكم بالحظ و الظروف البتخدمكم بس لكن كوره ما عندكم شي
بالمناسبه ضربة محمد صلاح دي ما أهم لقطه في المباراة في لقطه وقف عندها كل المحللين و المعلقين في التلفزيونات الاوروبيه و هي اعتداء سيرجيو راموس بالكوع على الحارس قبل الهدف الاول المحللين السويديين و كذلك الحارس العملاق اوليفر كان بيقولوا انها ممكن تكون عملت رجه في الراس للحارس و فقدتوا التركيز يعني التور ده حسم الماتش براهو عمل للحارس منخوليا و طلع اخطر لاعب في الفريق الخصم بلعبة جودو قردية و برضو يقول ليك هلا مدريد الرشاشات ديل مع الإعتذار لود البشرى.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة