قبيلة سودانية تُعلن تقديمها (10) آلاف مقاتل للدفاع عن المملكة العربية السعودية

Quote: بمعنى أنها شعوب خلقت لتنقاد لا تقود، وليست عنصرية بالتأكيد، بل مقولة وجدت التأييد، وبمقدورك التحقق منها في كل دول المنطقة ما كفاية عندك محلياً نداءات (تمليك) الرئيس؟

IMG]http://sudaneseonline.com/db/attention/010_Smile.gif[/IMG
وحكمة لله كلما زنقوهو يزيد الشعوب دي زيادة ، بدلا من ان يفعل العكس ، يقنطر رقبتو براهو ويهبشوهو يقعد يفنجط
اها ، اما زلت مصرا على هذا الهذيان ؟
اطلاق اي صفات سالبة على مجموعة او اثنية او شعب او التقليل من شأنهم او حطهم هو عنصرية لا تشوبها شائبة ..تنبح بالعنصرية الزمن ده كلو وما عارف معناها ؟
انت حكايتك مع الشعوب دي شنو ؟ شي غريب جدا ، الاسيويين وناس شمال افريقيا شعوب منقادة ، السودانيين شعب رخيس ، اها فيك الخير ، هوز نيكست ؟

Quote: تعمدت عمل فتنة في موضوع عام بانتقاء أسماء محددة لقبائل بعينها

انت ادعيت بأن المجتمع السوداني الحالي هو نتاج تجارة الرقيق ، طلبت منك المصدر كالعادة مشيت تلف وتدور ، طرحت عليك السؤال ده بقا ليك مراقة طبعا .. وقعدت تتزاوغ
عندما تدعي شيئا فعليك عبء اثباته ، او تبقى راجل وتتحمل مسؤليتو ، هذه القبائل جزء من المجتمع السوداني العريض ، كان الممكن اعتبارها عينة عشوائية ربما تسهل او تبسط لك الاجابة ، هب انني ذكرت لك كل المجموعات السكانية ، اها كنت حتعمل شنو ، حتجاوب كيف ؟ يا بوي بطل اللف والدوران ده مرة واحدة وخليك شجاع .. جاوب يا بطل شيل القبائل دي وجاوب ، بس حتجاوب كيف يا شاطر طالما المجتمع السوداني الحالي كان عبارة عن قبائل شبه مستقلة في الفترة التي يعنيها السياق ؟ في الحقيقة انا ما منتظر منك اجابة لانك لا تفقه ما تتحدث عنه ولا تمتلك شجاعة الاعتراف بالخطأ ..

Quote: كوركت وزعمت أنني (هددتك) بمراسلة جوي ديغرو!

كوركت لي منو يا زول ؟ ياخوانا دي نصيبة شنو دي ؟ اولا الرابط ده مش رابط البوست الاصلي يا ملفق يا مزور ، البفتح الرابط ده بلقى اصداء لكلامي حسب تفسيرك الشخصي ليهو ، لكن ما بلقا كلامي القلتو انا ..
انت فعلا حاولت تهرشني بأنك حتراسلا بعد ما وقفتك في حجمك الطبيعي وريقك بقى دقيق دقيق وماعندك شي تقولو ، وانا في الحقيقة تهكمت عليك بأن خطوتك هذه ذكرتني ببعض ما كان يقوم به البعض بالمدرسة الابتدائية وقلت لك بالحرف " يا تسكتو يا اكلم ليكم المدرسة " ، حتى التهكم بقيت ما بتفهمو ، لاكين برضو اخدت الموضوع بجدية وقلت ليك امشي يا حاتم راسلا بس ورينا كتبت ليها شنو عشان نعرف هي ردت علي شنو بالظبط وما نفهما غلط ، الارشيف موجود ، الكضب والاحالات الماعندها معنى دي ما بتحلك ..

Quote: بتراوغ عن الموضوع وبتحاول منذ فترة إقحام السياسة في أي شأن كأنك مصر على دمغي بصفة محددة للتهرب من استحقاق الرد بالمنطق

ياخي لو ما عندك حاجة تقولا امشي ساي ، مافي زول قابضك ، ما تتبكى فوقنا منطق شنو البتعرفو انت ؟
موضوع علاقات اي دولة مع دول او محيط او اقليم بناقشوها كيف خارج اطار السياسة ؟
انت بتتذكر الانقاذ لمن جات ؟ بتتذكر موقفا في حرب الخليج ؟ بتتذكر يونس محمود وشتمه اليومي لحكام السعودية ومصر والخليج ؟ بتتذكر محاولة اغتيال مبارك ؟ الافغان العرب ، بن لادن في السودان ، زيارة رافسنجاني للخرطوم ؟ الزمن داك كنا ما "رخيسين " يعني وفجأة كده جاتنا الرخسة دي من وين ما عارف ؟ الاتغير شنو يا حاتم ؟ كل التاريخ الانا سردتو ليك ده كان موجه ضد محور السعودية توجيه مباشر ، انت كنت عايش وين ؟ اخوان وشيعة (السودان وايران) ضد المحور السني (السعودية مصر ) ده على المستوى الاقليمي ، الان عندما حاول السودان الرجوع لمحور السعودية مصر ماذا حدث ؟ طلبوا منه قطع علاقاته مع ايران واخوان مصر ، صح يا شاطر ؟ ياخي ما تعلنا الله يرضى عليك ، اي زول في سودانيز اونلاين دي عارف الحكاية دي كلها ...
انت ماعندك اي معرفة بالسياسة او العلاقات الدولية ولا التاريخ ، ما عيب ابدا ، بس البدخلك فيها شنو ؟
انت بتذكرني بالمثل بتاع "الحرامي بقول اصبعي بغطيني" ..
++++
نعم عنوان البوست بقول قبيلة ، لكن متن البوست بقول شيخ قبيلة ، وطوالي شباب القبيلة "المفترض انهم ال10 الف الحيرسلهم ديل ) قالو ليهو اقيف يا زول هوي ..بس الاقتباس الجايبو ده علاقتو شنو بتعليقك؟
موضوع شيخ القبيلة ده انا فسرتو بأنو زول رامي جبادتو للسعودية ، يعني عارض خدماتو كشيخ موالي لانه يعلم ان هناك من يبيع خدماته ويقبض الثمن ، صحفيين ، وزراء ورجال دولة وشيوخ قبائل واشرت الى كتاب هيكل ، انت ياخي جيب كلام معقول بستند لوقائع او مصادرما تعمل لينا فيها سايكولوجيست وانت ما فاهم في االسايكولوجي غير اسمو ، ما تتهجم ساي يوم دكتور ويوم لغوي الخ الخ ..
واحد بلدياتنا زمان كان بعمل عمايلك دي ، وان بظرف وخفة دم ، فانتهى به الامر ان اطلق عليه اسم "وهوه" ، وهي تصغير واختصار لـ "وهو على كل شيء قدير"

غايتو لوش الله تعالى نسوي شنو البتقع من السما بتتحملا الواطة
يتبع ..