|
|
 Re: السر سيد أحمد وخيار الانتخابات لهزيمة الن (Re: عبداللطيف حسن علي)
|
نقتطف من حديث راعي البوست
"اخر انتخابات ، لم يحتاجوا للخج والتزوير ، لان المقاطعة كانت شاملة
ومؤلمة لهم .. كانوا يريدون اظهار شئ من الشعبية تقف من ورائهم ولم يجدوا
حتي اصوات المسجلين من منسوبيهم !"
دا بيت القصيد
"مؤلمة لهم" دي مهمة شديد
ناس الديكتاتورية دايريين وبشدة الإنتخابات دي
دايريين لمة وزيطة وخطب ومظاهرات ونسبة تصويت عالية
وبعد دا كلوا يفوزوا فيها
دي الشرعية الكايسين ليها
الفات علي ناس كتيرين إنه ناس الديكتاتورية سيفوزون بالتزوير
هذه شرعية لن نعطعيها لهم
الإلتباس في مقالة السر سيد احمد حاجتين
الاولي أنه يمر علي مسألة التزوير هذه مرور الكرام
وهي أم المسائل وهي بيت القصيد
يضرب مثلا بالسنغال بأن المرشح المعارض لحزب سنغور
فاز بعد كم محاولة
في السودان لو أننا وجدنا فرصة لإنتخابات حرة غير مزورة
لنزلنا وسقطنا عشرة مرات ما فارقة معانا
لكن في وجود التزوير لو نزلنا مية مرة برضو ما حنفوز
ولو أن البشير ورهطه كان نصيبهم الحقيقي أقل من واحد في المية
برضو حيفوزوا
الإلتباس الثاني أنه السر قد يأس من ثورة أو إنتفاضة
بزعمه أنها حتي وإن نجحت فلن تغير كثيرا
الثورة خطوة أساسية في طريقة طويل للتغيير السياسي والإجتماعي
إنظر للثورة الفرنسية وأعوامها المئة للإنتصار النهائي
في المقابل الديكتاتورية ما حريصة علي أي تغيير سياسي أو إجتماعي
(في مسرجية بكلاريوس في حكم الشعوب كان أحد الديكتاتوريين يفاخر بأن نسبة الأمية عند شعبه
98 في المية وأنهم يخططون لجعلها مية في المية )
الديكتاتورية تبحث عن "محللين "
عايزة إنتخابات عشان تلقي ناس يترشحوا ضدها ويسقطوا
كما فعل المرشح المنافس للديكتاتور السيسي في مصر
(في مرة طلبوا من أحمد المهدي الترشح ضد البشير
فسألهم دايرني أترشح عشان أسقط ولا عشان أفوز؟؟؟؟)
والشعب السوداني يبحث عن الحرية والديمقراطية
فإن كانت هذه الإنتخابات بتسوقنا ولو خطوة في هذا الإتجاه فبها
أما إذا كانت مجرد مسرحية ونحن كومبارس لإعادة إنتخاب الديكتاتور
ما الفائدة ؟؟؟؟؟؟؟؟؟؟؟؟
علي العموم
أري أنه نحضر ونجهز للإنتخابات
ومتي ما رأينا دلائل التزوير
فارقناها وأعلنا رأينا فيها للملأ
إنتخابات التزوير دي عاملة زي
تلعب ليك مباراة مع خصم
حكم المباراة هو رئيس الفريق الخصم
وكذلك باقي الحكام وبوليس الشغب
وبتاعيين التذاكر
أول حاجة يقوموا يمنعوا مشجعينك من دخول المعلب
تاني حاجة الحكم كل ما يشوف لاعب فرفارة في فريقك
تيت صفارة وكرت أحمر
بعد شوية تلقي فريقك لاعب بأربعة لاعبيين
المصيبة بعد الإنتصار المزيف دا
تلقي ناس الديكتاتورية يملأون الارض زعيقا
تيت تيت فريقنا حديد
مهم جدا
ما دايريين إنتخابات في أجواء القهر والقمع
ما ممكن يكون هناك معتقلين سياسيين
لمجرد أنهم عبروا عن رأيهم بطريقة حضارية
يقرها الدستور
الشرط الأساسي لنزاهة وشفافية الإنتخابات
لا حجر علي حرية وحركة أي حزب وأي فرد في الشعب السوداني
متي ما فعلوا ذلك الحشاش بيملأ شبكته
|
|
 
|
|
|
|
|
| العنوان |
الكاتب |
Date |
| السر سيد أحمد وخيار الانتخابات لهزيمة النظام | عبداللطيف حسن علي | 03-25-18, 03:06 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 03-25-18, 03:09 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 03-25-18, 03:12 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 03-25-18, 08:18 PM |
| Re: السر سيد أحمد وخيار الانتخابات لهزيمة الن | علاء سيداحمد | 03-25-18, 08:24 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 03-25-18, 08:33 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 03-25-18, 09:32 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 03-26-18, 03:55 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 03-26-18, 09:12 PM |
| Re: السر سيد أحمد وخيار الانتخابات لهزيمة الن | Nasr | 03-27-18, 05:23 PM |
| Re: السر سيد أحمد وخيار الانتخابات لهزيمة الن | الصادق اسماعيل | 03-28-18, 08:07 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 03-28-18, 08:16 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 03-28-18, 08:36 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 03-29-18, 03:24 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 03-29-18, 05:19 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 04-18-18, 01:16 PM |
| Re: السر سيد أحمد وخيار الانتخابات لهزيمة الن | osama fadlalla | 04-18-18, 06:00 PM |
| Re: السر سيد أحمد وخيار الانتخابات لهزيمة الن | عبداللطيف حسن علي | 04-18-18, 09:57 PM |
|
| |
Nasr
فيس بوك
تويتر
انستقرام
يوتيوب
بنتيريست