|
Re: المعط (Re: درديري كباشي)
|
هو أنت كنت ناوي تعمل شنو ؟؟ هذه أحر عبارة سودانية نعزى بها شخص وقع في مصيبة .وموجودة عندنا بكثرة .. مثلا واحد حاول يعمل حركة بهلوانية في تمرين كرة القدم وقع كسر يدو . في قمة الألم ساقط على الأرض .. يجي واحد يقيف في رأسه يقول ( هو أنت كنت ناوي تعمل شنو بالظبط ؟)😵😵😵😵😵😡😡😡😡. أو واحد يعافر في عربية عطلانة فجأة تدور والمروحة تعوقه. في قمة النزف والألم يجي من يقول لك أنت تعمل في شنو ؟🤔🤔😭😭 ووا حد تاني طالع في رأس بيتهم يصلح في أريل التلفزيون أو يفتح السبلوكات للمطر فجأة يننهار السقف ويسقط به . و من بين مفتح ومغمض يسمع من المنقذين من يوجه له السؤال القاتل .انت اصلا طالع رأس البيت تعمل شنو ؟؟
كذلك عبارة ( ما قلنا ليك ) أخوانا المغتربين العائدين الى الوطن حاتسمعوها كثير في الفترة الجاية .
ما قلنا ليك ما تجي راجع أنت الجابك راجع شنو 😵😵😵 ماقلنا ليك السمسار دا ما تديه قروش في يده هسع أها خم وصر 😡😡 😡 ما قلنا ليك الحتة دي ما تشتري فيها دا مجرى سيول هسع قطعتك دي الا تعمل فيها مزرعة سمك 😭😭😭😭😭 يا ريت لو كانوا قالوا ليك فعلا كان تقول معهم حق أنا الغلطان . لكنها عبارة مثل الدباجة تأتي بعد ما الفأس يقع في الرأس وتحمل روح الشماتة أكثر من العزاء .
معا نحو نهج قويم للتخلص من المعط السوداني 😎😎😎😎😎
|
|
|
|
|
|
|
العنوان |
الكاتب |
Date |
المعط | درديري كباشي | 03-19-18, 10:20 AM |
Re: المعط | عمر السلمة | 03-19-18, 12:20 PM |
Re: المعط | عبدالله ود البوش | 03-19-18, 12:27 PM |
Re: المعط | محمد حمزة الحسين | 03-19-18, 01:16 PM |
Re: المعط | درديري كباشي | 03-19-18, 04:36 PM |
Re: المعط | درديري كباشي | 03-19-18, 02:51 PM |
Re: المعط | درديري كباشي | 03-19-18, 02:49 PM |
Re: المعط | عبدالحفيظ ابوسن | 03-19-18, 03:44 PM |
Re: المعط | درديري كباشي | 03-19-18, 04:39 PM |
Re: المعط | جلالدونا | 03-19-18, 05:06 PM |
Re: المعط | درديري كباشي | 03-19-18, 05:13 PM |
Re: المعط | درديري كباشي | 03-31-18, 09:20 AM |
|
|
|