|
Re: حتى لا تكون الإنقاذ بديلاً للإنقاذ !! (Re: اسماعيل عبد الله محمد)
|
نطرح تساؤل ملح وهو : هل نحن جاهزون كقوى سياسية معارضة لتسلم مقاليد امور البلد بعد انهيار نظام البشير ؟,
سلام مربع يا اسمعيل
يا اسمعيل غايتو حيرتنا
طيب كلامك دا كويس
لكن اذا قبل كم يوم انت فاتح ليك بوست وبتقول دي حكومة نيليين ما حكومة كيزان فيها علي الحاج وحسبو وحميدتي وحتى موسى هلال باعتبار ما يحدث بينهم خلاف اخواني لا يعنينا
دا غير ناس كتار زي القانوني داك المطلوب للجنائية مع البشير
وانت بجهة تقول علي الحاج وحسبو وغيرهم من الدارفوريين ما يتكلموا عنهم
وبجهة تجي تقول المعارضة تتحد !
أها كيف نتحد وانت شايف النيليين أعداء سواء كانوا في الحكم أو في المعارضة
خلينا نبدأ حرب بين النيليين والغرباويين ونكتل بعض والبعيش يحكم عشان نخلص من الشغلة دي
عشان ما نقضيها عنصرية .. يبقى في قبايل معينة هي الموجودة وفلتكن قبائل الغرب عشان ترتاح من القصة دي وتريحنا نحنا ذاتنا نمشي نشوف لينا بلد تانية
وبعدين انت وبريمة وحسبو وهلال وحميدتي وبتاع سوق المواسير داك في الفاشر وبقية الكيزان تتحدوا في حكومة وطنية خالصة ليس فيها نيلي
ولا رايك شنو يا سمعة ؟!
مع تحياتي،،،
عاصم فقيري
|
|
|
|
|
|