|
|
 Re: كـــــــــــــــــــــــــــــــــــــ (Re: Yasir Elsharif)
|
بصراحة ما قادر افهم فكرة مهاجمة الناس في ممارسة أنشطة تتناسب ووضعهم المالي
قديماً قالوا العندو قروش يعمل شنو كدة ما عارف :)
من ولدونا الناس بتربي الكلاب .. ود خالتي كان بأكل كلبه الباسطة لتدليله وتعبير عن حبه ليه
كونه في ناس أخدت الهواية دي لحتات عالمية زي شهادات النسب والمعروفة عند مربي الكلاب في العالم ما شايفها جريمة ولا حاجة ضارة بالمجتمع أو المواطن ولا تستدعي حنق محمد أحمد الواقف في صف الرغيف .. لأنه الكلب دة لو ما طلعوا ليه الشهادة برضو حيكون محمد احمد واقف في صف الرغيف ذاتو .. ومافي أي تأثير مادي أو بيئي من شهادة الكلب دة على الشعب السوداني
الصيد حاجة معروفة لكل الشعب السوداني في المناطق المتاح فيها القنص ومارسوهو أهلنا الكبار وغنوا ليه .. وياما اشترينا الأرانب المقنوصة من السوق وظبطنا بيها الخدرة بل عندنا ناس من الحلة بطلعوا خلا بعيد ما حصل طلعت معاهم بصطادوا الأرانب دي ذاتا وبربوها وببيعوها وما شايف أي مشكلة في النشاط دة
الصيد رياضة معروفة في العالم وجزء مهم في السياحة .. كتير من الخليجيين بيجوا السودان عشان يمارسوا رياضة أو هواية الصيد .. كونه في ناس قرروا يعملوا الهواية دي بصورة مصرح بيها ومسابقة برضو ما جريمة .. على فكرة المسابقة هي صيد الأرانب ما سباق الأرانب .. وكونه وزير الشباب يعترف بالهواية دي ويشجع الشباب عليها بتشريفه لحفل قرعتهم برضو ما جريمة .. أصلاً شغله الإشراف على الأنشطة الرياضية والشبابية وما عندو علاقة بسعر الخبز والضائقة المالية !
تطلع شنو ميزانية القرعة أو المسابقة بالكامل قصاد راتب شهر واحد للاعب في نادي القمة؟ هل نقفل أندية الهلال والمريخ عشان لاعبينهم بياخدوا بالدولار الحار والناس ما لاقين خبز ؟
|
|
 
|
|
|
|
|
| العنوان |
الكاتب |
Date |
 كلاب وأرانب.... | Yasir Elsharif | 01-25-18, 01:57 AM |
| Re: كـــــــــــــــــــــــــــــــــــــلاب وأرانب | Yasir Elsharif | 01-25-18, 02:01 AM |
| Re: كـــــــــــــــــــــــــــــــــــــلاب وأرانب | Yasir Elsharif | 01-25-18, 02:04 AM |
| Re: كـــــــــــــــــــــــــــــــــــــلاب وأرانب | Yasir Elsharif | 01-25-18, 02:07 AM |
| Re: كـــــــــــــــــــــــــــــــــــــ | أحمد محمد عمر | 01-25-18, 06:40 AM |
| Re: كـــــــــــــــــــــــــــــــــــــ | محمد البشرى الخضر | 01-25-18, 10:00 AM |
| Re: كـــــــــــــــــــــــــــــــــــــ | Arif Nashed | 01-25-18, 10:30 AM |
| Re: كـــــــــــــــــــــــــــــــــــــ | Mustafa Mahmoud | 01-25-18, 10:37 AM |
| Re: كـــــــــــــــــــــــــــــــــــــ | MOHAMMED ELSHEIKH | 01-25-18, 11:26 AM |
| Re: كـــــــــــــــــــــــــــــــــــــ | أحمد محمد عمر | 01-25-18, 12:17 PM |
| Re: كـــــــــــــــــــــــــــــــــــــ | محمد البشرى الخضر | 01-25-18, 12:36 PM |
| Re: كـــــــــــــــــــــــــــــــــــــ | محمد أحمد الريح | 01-25-18, 01:55 PM |
| Re: كـــــــــــــــــــــــــــــــــــــ | أحمد محمد عمر | 01-25-18, 01:57 PM |
|
| |
فيس بوك
تويتر
انستقرام
يوتيوب
بنتيريست