|
|
 Re: يا عمر دفع الله لا تظلموا المربي قاسم بدري (Re: محمد حمزة الحسين)
|
أمـــي بتقول الدق بربي إلا ما بي يقتل
تحضرني قصة قمت بها بمدارس كلية التربيه جامعة الخرطوم بأمدرمان
إبني عمار ولد مشاغب وعكروت ذهبت كم مره لزيارته بالمدرســـــــــه
المدرسه تعرفه بمجرد ما تقول عمار يتمو باقي الاسم في الحلقه الاولي
في الحلقه التانيه جابتلها صعلكه وقلة ادب وزوغانات من المدرسه وتصرف
علي المربين استدعوني مره لقيتو مشكل ليهو شلة وشغالين هبد في ولاد الناس
القرار ممكن يؤدي لفصله ان لم يتراجع من هذا المخطط ...
- يا إلهي ... دا كلام شنو دا زول في الاساس يفصل كيف ؟!!!
- طيب عاقبتوه بي شنو ؟!!!
= لا ابدن الجلد هنا عندنا ممنوع إذا في case جنائي بمشي البوليس ولو ادين برضو يفصل...
واولياء الامور ببهدلوا اي استاذ يجلد تلميذ !!!
- طيب ما الزول دا بقعد معاكم انتو اكتر مما بيقعد معاي ...
= نحن استدعيناك عشان تتكلم معاه وتحذروا ...
- كلام جميل شكرا يا استاذ ...
راسي مسخن مشيت سوق امدرمان اشتريت تلاته سوط جلد
وجيت غاشي المدرسه ناديت مربي الفصل بتاع عمار (بقولوا ليهو ابو الفصل)
واستسمحتو ان يحضر معي لابو الفصل بتاع ولدي الاصغر منو عزام وهو ولد مؤدب وهادي
طبعاً استغربوا انو يكون عزام اخو عمار فرق في الخلقه والاخلاق حقيقه البطن بطرانه ...
= يا استاذ انا عايز اجتمع معاكم الاتنين مع بعض وعايزكم تاندو لي عمار وعزام هنا ...
من دوبين نادوهم صرفت سوط لكل واحد وقلت ليهم المقوله المشهوره مع بعض التعديل (ليكم الجلد والعضم الاتنين وعمليات الترميم عليّا )
عندما حضر الغلمان ابلغتهم ان السوط الذي بيدي ذاهب الي المنزل وان السوطين
بيد الاساتذه لضربكم ضرب غرائب الابل لمن يُـــخطي وصلاحيه تحديد الخطأ متروكه للأستاذ
ضحك الاستاذان وقالوا لي لو كل ولي امر تلميذ بفوضنا زيك كان اتفادينا مشاكل عويصه
الحمدلله عمار الان يدرس لغة انجليزيه بالجامعه وعزام ممتحن هذا العام دعواتكم له
عمار لسع ما خلي العــــكرته ...
لكن بقينا اصحاب
ولي عودة بإذن الله
:
:
:
:
مع التحيات لله الزاكيات
|
|
 
|
|
|
|
|
| العنوان |
الكاتب |
Date |
 يا عمر دفع الله لا تظلموا المربي قاسم بدري | محمد حمزة الحسين | 01-14-18, 11:37 AM |
| Re: يا عمر دفع الله لا تظلموا المربي قاسم بدري | محمد حمزة الحسين | 01-14-18, 12:13 PM |
| Re: يا عمر دفع الله لا تظلموا المربي قاسم بدري | Arif Nashed | 01-14-18, 12:50 PM |
| Re: يا عمر دفع الله لا تظلموا المربي قاسم بدري | عمر دفع الله | 01-14-18, 01:20 PM |
| Re: يا عمر دفع الله لا تظلموا المربي قاسم بدري | أيمن الفاضل | 01-14-18, 01:52 PM |
| Re: يا عمر دفع الله لا تظلموا المربي قاسم بدري | محمد حمزة الحسين | 01-15-18, 10:27 AM |
| Re: يا عمر دفع الله لا تظلموا المربي قاسم بدري | محمد حمزة الحسين | 01-15-18, 09:43 AM |
| Re: يا عمر دفع الله لا تظلموا المربي قاسم بدري | عمر دفع الله | 01-15-18, 10:21 AM |
| Re: يا عمر دفع الله لا تظلموا المربي قاسم بدري | عمر دفع الله | 01-15-18, 11:49 AM |
| Re: يا عمر دفع الله لا تظلموا المربي قاسم بدري | عمر دفع الله | 01-15-18, 12:04 PM |
| Re: يا عمر دفع الله لا تظلموا المربي قاسم بدري | MOHAMMED ELSHEIKH | 01-15-18, 12:07 PM |
| Re: يا عمر دفع الله لا تظلموا المربي قاسم بدري | محمد حمزة الحسين | 01-15-18, 02:47 PM |
| Re: يا عمر دفع الله لا تظلموا المربي قاسم بدري | محمد حمزة الحسين | 01-16-18, 01:22 PM |
| Re: يا عمر دفع الله لا تظلموا المربي قاسم بدري | محمد حمزة الحسين | 01-16-18, 02:05 PM |
|
| |
محمد حمزة الحسين
فيس بوك
تويتر
انستقرام
يوتيوب
بنتيريست