شوف معاك ، في زحمة فنانين في زحمة فيهم بعض قيهو رقشة ضاعت وسط الإنحطاط العام الحاصل دا
افراح دي بتأدي الألحان بشكل سليم على غير عادة الشباب البغنو ديل ممكن عندها ضعف طفيف في مخارج الحروف انا بخليك تقارن بينها وبين عصام محمد نور (ليهو 30 سنة بغني ودارس موسيقى) شوف منو المؤدي الجيد مع العلم أغنية أمير الحسن دي من الأغنيات الصعبة في الأداء
12-07-2017, 06:45 PM
عادل الباهي عبدالرازق
عادل الباهي عبدالرازق
تاريخ التسجيل: 10-18-2010
مجموع المشاركات: 4905
يا حمد ما تقييم فنان بعمل او عمليين مهما الانسان صوتو فيهو علل بتلقاهو ممكن يجضم ليهو أغنية او أغنيتين لكن قيم لي أفراح عصام بكذا عمل بعدها حتعرف ضلت طريقها للفن .
12-07-2017, 06:53 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
افراحو متين عصام دا!! ؟ صراحة كده الزولة دي غناء و صوت يخربه وانا من وائل الناس الما بتغطي معاي لكن صراحة اكتر اتعاطفته معاها وبقيت اسمعه بعد اكتشفته انها عندها قطعة و تمتمة و كونها تغني دا مجهود ممتاز منها.
12-07-2017, 08:23 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7295
تعرف قريت العنوان و قلت أدخل اقول ليك البت دي غير أغنية أمير الحسن تاني ما غنت شي. لقيتك إنت ذاتك غير أغنية أمير الحسن ما جبت ليها شي.
بمناسبة ناس الأسافير الزولة دي اول ما ظهرت لقت إحتفاء كبير جداً من ناس الأسافير. إحتفاء ببوستات من عمالقة بورداب الرياض، و يجي أبو حسين يقول ليك السعودية ما فيها سقط.
هلا عمر التاج وحات شيخي اب تفة يا حمد نونوي البت دي أخير منه غناي وكان لقيت نص الفرص اللقتها وربع كريماتها كنت مشيت مع البشير لي تشاد ومنها لي شريف نيجيريا.
بالله يا عنمر هسه أمير الحسن دي ما طربتك ؟
تانيا أفراح دي ما كريمات دا جمال طبيعي أصلي ما مزور دي الحتة الوحيدة الما فيها نقاش
12-08-2017, 06:58 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
يا حمد ، الزوله دي غنايه ومبدعه وأرى آنها فتح جديد في دنيا الطرب والفن ولا أظن أن (الزمان لو حتى بالغ في يوم يعيدا) فقد تفوقت على السابقين واللاحقين ومكانها أكبر من المليون ميل مكعب ودول الجوار ومنذ استمع إليها العالم العربي المنكوب هجر فيروز .. آوكي؟ بس لي عندك طلب ، وانت رجل فنان ومطرب ، لو عندك ليها وسيلة اتصال قول ليها نحن نعتاش على ما خلًّفه لنا العماليق قبل ١٩٨٩ وأمير الحسن والمستحيل وخاف من الله وأخواتهن هن كل ما تبقى لنا في صوامع ذواكرنا الجميله.. فبالله بالله بالله ابتعدي عن تلك الخوالد..
إنا لله وإنا إليه راجعون.
12-08-2017, 03:46 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
حتى الانسان العادي ومش فنان .. بيكون عنده غنية بيعرف يجضما .. فهل هذا يا حمدنا بيبقيه فنان ؟ .. التنوع والمقدرة على اداء كثير من الاغاني .. وليس كلها هو الفيصل .. عصام محمد نور زول فنان متنوع .. وعنده المقدرة على غناء الكثير من الاغنيات .. بطريقة جميلة جدا واحترافية .. البغنن بي سماحتن كتار في ساحتنا الفنية .. مش افراح الشعب براها .. غايتو كان جابوا المسؤلات نسوان .. ما يخلن زي افراح دي تمسك ليها مكرفون وتغني .. ههههه .. لكنه قانون الرجال فيهو الجوانب القوية والبوهية مهمات .. عشان تقدر تجيب ليك تسعة بي آتو تعبان ..
12-08-2017, 07:20 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
ههههههههه .. أحي انت عديل كده .. يا ابوحسين ياخ ما تتصلح معانا ياخ ..
حمد جاب ليكم الجهجه باكاتكم انت ومعاوية اللحو ده ههههه .. وعدمكم المنطق .. قال اللحو قال .. لحو شنو ياخ مع الزيفة المجهجه حمد دي .. هههه ..... غايتو ماف زول جهجه الديبة ده الا العارض داك .. في ناس الدهب يمسكو بي يدهم .. ينقلب ويبقى صاج ومصدي كمان .. كُج ياخ ...... واريتو بعد ده كان طللو طلاله .. خخخخ ..
غايتو انا هين يا ابوحسين .. أمسكوا حمد ده كان يتمسك ليكم ههههه .. حمد والديبة حاجة عجيبة ..
12-08-2017, 11:50 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7295
😂😂😂😂 يا أبوحسين أمشي شوف بوستك بتاع الموضوع التعريفي داك و تاني ما ألقاك حايم هنا يقولوا ليك البوست برعاية موجة البرد التي ضربت أطناب البلاد، تقول لي الوش
يا حمد إنت كزول فنان، ألا تتفق معي في إنو البت دي غناها داافي و ذلك بغض النظر عن قدراتها الصوتية؟ 😂😂😂😂
قبل مدة حضرت ليها حفلة فرح بمدني، ناس مدني الشماشة فضحونا بالسلفي معاها والعريس والعروس رقصوا من غير زحمة. وصف صوتها بأنو عادي فيهو ظلم مشكلتها انو نفسها قصير جدا جدا، لو قدرت تغني بارتياح (بهدوء) زي فاطمة عمر وسميرة دنيا ولقت ليها فني بتاع صوت ممتاز؛ عادي ممكن أختها في المرتبة الثالثة بعد فاطمة عمر وسميرة دنيا
شكراً يا حمد يا فنان، إتّا من زمن شمبات بتحب الفن الجميل وبتتكسر فوقو
12-09-2017, 06:08 AM
سيف اليزل سعد عمر
سيف اليزل سعد عمر
تاريخ التسجيل: 01-11-2013
مجموع المشاركات: 9476
حمد أديك رأي مخلوط بالكورة يمكن يوصل وجهة النظر أكثر أفراح عصام من بداية مسيرتها مع نجوم الغد في عمر ستاشر سنة أو أكثر جاءت موهوبة جدا بصوت فريد وكانت تنال تشجيع المحكمين والجمهور حتى وصلت النجومية وبعدها خضعت على ما يبدو لمدربين غير جيدين. مثل لاعب كرة القدم مثال بوسكيتس في برشلونة . خرج من مدرسة برشلونة موهوب جدا بعد ذلك خضع لتوظيف وتوجيهات المدربين وركن موهبته جانبا .فأصبح لاعبا مهما لا تستغني عنه برشلونة لكن بلا طعم ولا وجمهور خاص به لا يمتع ولا يتمتع لكن يؤدي واجبه على أحسن وجه .. وحتى عندما يتمرد على هذا الوضع ويعود لإظهار مواهبه يختار الوقت الخطأ والمكان الخطأ فتصبح تجلياته أشبه بالمغامرة الخطرة. مثلا يحاور لاعب الخصم أمام مرمى فريق برشلونة وبحركة بهلوانية رائعة لكن توقف قلب الجمهور والمدرب وتثير سخطهم. وهذا ما أصبحت تفعله أفراح لتعود لها نجوميتها . تتطاول على أغنيات صعبة لا تتناسب مع صوتها وتحاول تبرز فيها حلياتها الصوتية ..أذكر في أغاني وأغاني الأخيرة أغنية صدفة غريبة لصلاح بن البادية .. هي واضح أنها لا تناسبها لذلك عند منطقة القرار كانت تتمها كلام عادي بلا لحن .
12-09-2017, 10:43 AM
د.محمد حسن
د.محمد حسن
تاريخ التسجيل: 09-06-2006
مجموع المشاركات: 15194
البوست اصلا كتب لينحرف ...... و ما شاء الله لقى اللي يوجهه ..... 😂😂😂😂😂😂😂 غايتو بعد دخول ودنوباوي القوي ... قانون النظام العام زاااااتو ما حا يردعو ....
حمد اخد ساتر و اتبرى منو عديل ... 😂😂😂😂😂
12-09-2017, 01:23 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
بوست تمبس كان ق.م ما حضرناه في المنبر لكن أقول ليك ميزة : تمبس دا زول أنا بثق في ذائقتو الفنية شوف الزول دا متفق معاي في الرأي في نانسي وهاجر كباشي ومعتز صباحي فكونو يتفق معاي في فرح الغلابة دي معناها انا ماشي كويس وبوست حبيب نورة والموج دا فيهو رد قوي للفارات معاوية وأبو حسين ب عدين حاجة تانية يا حافظ الزول/ة الصوتو كعب أصلو ما ممكن يغني أغنية مهما كانت بشكل كويس ممكن زول صوتو جيد يتعرض لبعض المشاكل زي رهبة اثناء الأداء ، عدم توافق جيد مع الأوركسترا ، لحت غير مناسب الخ
فكونو تغني أمير الحسن ولو بنسبة 75 % أنا بقول كويسة
12-09-2017, 01:45 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
يا قباني مره لقيت صوره لي احمد الملك بي شعار نادي المريخ ومكتوب في الصوره انها اخدت عام 1968وكان احمد الملك من ضمن كوكبه نجوم اشبال المريخ 👀👀👀😱😱 الكلام دا صحي ؟
12-09-2017, 04:18 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
المريخ في العام 1973م : يظهر أحمد المك وقوفا من اليمين رقم 2 وتضم الصورة دون ترتيب كل من .. كمال عبد الوهاب وعمار خالد والطيب سند وهشام السليني وأحمد سالم وعز الدين خورشيد ومحسن العطا وعادل ابو جريشة وسانتو الخرطوم ومساعد المدرب دقنو
في موسم 74/73 قام المريخ بتسجيل اللاعب الفنان أحمد حامد صالح المك من فريق الخرطوم (3) بعد صراع مع نده التقليدي نادي الهلال والذي كان قريبا من تسجيله لولا حنكة ودهاء وإدارة نادي المريخ التي قامت بتغيير وجهته.
نسبة لوجود دكتور الكرة السودانية كمال عبد الوهاب حينها والذي كان يلعب في نفس خانة أحمد المك (انصايد ساقط) لذا كان من الصعوبة بمكان أن يلعب أحمد المك أساسيا في تشكيلة فريق المريخ وفي نهاية الموسم تم شطبه. بعد اعتزاله اللعب وبعد فترة طويلة اتجه للتلحين وكان قد سبقه شقيقه الاكبر الملحن فتحي المك والذي قام بتلحين عدد من الاغنيات الجميلة للفنان عبد العزيز المبارك منها بتحرمني منك وارخي الرمش والرسالة الحلوة للفنان الراحل مصطفى سيد أحمد.
معقول سنة 73 ود الملك لعب للمريخ وبعد ده وافق يعرسها .. !!! ... معناتها أبو البنية دي في نفس عمره .. ياخ نحن ناس ال 73 كنا في اللفة ديل .. مابنرضى نعرس درفونة موديل 91 زي دي .. يجيبوا ليها بنزين من وين .. هههههههه .. الزول ده طلع معتّق عديل كده .. عموما والله دي ذاتها من البخاته والسعادة .. كونو زول في عمره الكبير ده .. يعرس ليهو برينسة صغمبتوتة زي دي .. الله اداهو .. اللهم لا حسد .. حتى لو تيتسه زي تيستته دي .. برضو أهو خشا الجنة وضاق تفاحا ... الله لينا الماقرينا ... خخخخخخخخخ ...
12-09-2017, 05:30 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
هسه البوست دا فيهو أربعة نماذج غنائية (وعشرة صور) مافي واحد قادر يقول إنو ما غنت كويس في النماذج دي ولسع أنا سمعت ليها كم أغنية لعثمان حسين بأداء جيد الناس دييل عايزين شنو ما عارف
12-09-2017, 06:37 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
مولانا المرتضى انا عارف الكلام الزي دا ما بعجبك لكن شوف ناس وردي ديل غناهم قسمين قسم أصلا ما معمول لأي زول تاني عشان يغنيهو مثلا جميلة ومستحيلة والحزن القديم ومرحبا يا شوق ومن غير ميعاد وخاف من الله وبناديها ومافي داعي الخ وانا أي زول يحاول يغني الاغنيات من الشاكلة أعلاه ما بسمعو اصلا عشان اقيموا لأنو النتيجة معروفة سلفاالقسم التاني ممكن تقول عليهو امتحان قدرات للفنانين الناشئين زي ناس نور العين وبيني وبينك والأيام وجربت هواهم الخ الفنان البأدي ديل بنسبة 80 % من أداء وردي ممكن تختو في اعتبارك .أها بتنا الحلييونة دي
قسما عظما ما بعرفها إلا هنا بس وكنت متمني صورة ليها سألت المدام بي فوق فوق كدة جات واحدة تغني اول امس قلت ليها دحين مالها افراح دي اتغيرت كدة نظرت لي شذرا وتوجسا دي مكارم كل ما تغني تقول لي البت دى غناية اقول ليك دي مكارم يعني ما افراح اجي يا راجل افراح شنو !! مكاااااارم قربت اقول ليها اسمح هي ولا مكارم لكن ثبت إلي رشدي سريعا لكن يا حمد عزال وليك حق ياخ فيها بودين يشتغل لي موديل 2030 آمنتو بي الله ود القوز ليهو حق الود دة من زمان عزال تقول جزار زحو لي خلي واحد يقول ما بتعرف ياخ دي بتعرف عرفة فراري برة خلي واحد يجي ينظر سبرانو واضانو سمحة سماحة سماحة هناي وسماحة بتاع الله لا تاجرك يا قباني كان قومت علي وجع النوايط
12-10-2017, 07:02 PM
عمر أبوعاقلة
عمر أبوعاقلة
تاريخ التسجيل: 04-11-2016
مجموع المشاركات: 1321
يا أبو حسين كتبت لي حمد دا فوق انه يشوف ليه مرااااقة من البوست دا أها مصداقاً لكلامك انه البوست دا انحرف عن مساره بكرر لي حمدنا دا تاني يشوف ليه مراااقة لأنه شويتين كدا الموضوع دا ما حيكون موضوع صورة وصوت
Quote: برضو أهو خشا الجنة وضاق تفاحا ...
وزي ما قالوا الجماعة الله لينا الما قرينا
12-10-2017, 07:30 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: يا أبو حسين كتبت لي حمد دا فوق انه يشوف ليه مرااااقة من البوست دا أها مصداقاً لكلامك انه البوست دا انحرف عن مساره بكرر لي حمدنا دا تاني يشوف ليه مراااقة لأنه شويتين كدا الموضوع دا ما حيكون موضوع صورة وصوت Quote: برضو أهو خشا الجنة وضاق تفاحا ...
وزي ما قالوا الجماعة الله لينا الما قرينا
يا عمر انا كنت خايف البوست ينحرف لكن صاحب البوست زااااتو انحرف ..... 😂😂😂😂😂😂😂
12-10-2017, 07:57 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
اها عفيتك لكن شرطن تبدل لي بي هدية قباني غايتو يوم بتكتلو ليكم زول يومين حابس التلفزيون واتاوق لي انغام ومن لف لفها السؤال في خشمي لكن ملاوز بي الله يومين ما يجيبوها لي !!؟؟ ناس القنوات ديل ببالغو بودين زي دة اقصد صوت زي دة ما حصل يفترض يجيبوها الصباح والعشية ونصة نهار وبالليل بعد الناس ينومو عندها صوت دافئ في الصقط الزيفة دة
12-10-2017, 08:07 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
أنا هدفي من البوست معلن في أول ثلاثة مداخلات ولا زلت مُصر عليهو موضوع الصور ما جديد وهي صور مبذولة في الانترنت لو كتبت أفراح عصام وضغط على صور (images) حتلقى كل الصور دا من ناحية تانيا الزولة دي فنانة بتعتمد على كل ما حباه لها الله من صوت وجمال ومظهر حسن للانتشار. ولا أخفي عليكم ما متشجع لإنزال صور خلاف اليوتيوبات البتغني فيها لأني ما متأكد من وقع الشيء دا عليها لو قرت البوست دا هل حتكون مبسوطة ول زعلانة من الأمر لكن أهو المنبر وقاعدين نفترض حسن النية في أنفسنا والآخرين خصوصا كل الناس الهنا ما ناس صغار ومسألة زول يعبر أنها جميلة ما اعتقد حتكون اتقالت لأول مرة أنا مرة سمعت مذيع قدمها قال الفنانة الجميلة أفراح عصام على العموم انا حأرد على كل الناس وما عندي نية اسحب البوست حتى يصل لمبتغاه
وبعدين يا ابوحسين منو البدأ الكلام في موضوع الجمال ومن الأيدو ؟ كدي أرجع فوق
12-10-2017, 08:30 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
هلا حمدنا اخوك ماليه في الغنا بالحيل كدا لذا لا تعليق لي النصيحة لله جابتني اللعبة الحلوة, حبيت اشيد بروح الحرفنة الفي البلنتات على شاكلة قد المركب و الهدوئين في الـ صموير :)
12-11-2017, 05:51 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11839
يا جماعة أنا جادي في إنو البت دي لو لقت ورشة جيدة مؤهلة إنها تكون فنانة على الأقل بمقاييس الزمن دا ============================================================
ودو إتا أليق من هيثم صم وير ياخ القد التاني مرق من شبكات الناس كلها فكو ياخ وبعدينك يا حمد جني وجن زول ما يفتح الرابط ويشنفو !! ياخ الرابط كانت فيهو افراح عصام قبل ما تخش صيانة البودين العاجبني في العربات الكورية ممكن تشيل البودن كلو وتجيب واحد جديد بدون سمكرة
12-11-2017, 05:58 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
يا حمد .... افراح دي ... خدمتااا الظروف انها تظهر في الميديا .. فهي لا تصلح ان تكون فنانه .... شفت ليك زول تمتاام ... بقى فنان ؟؟؟ كما لا ننسى الكريمات والميك اب الذي اظهرها انها جميله .. لما عرساا احمد المك .. قلت ليو ان شاء الله ما تنفعك ... انا شايف صاحبتاا .. رماز بتغني احسن منها بكتير ...
عاالم بطاالــــــــــــــــة ,,
12-11-2017, 09:32 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11839
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة