تـرجـمــة الـمـشــاعــر:"الحــزن الـنـبـيـل" * Translating Sentiments: "Noble Sorrows"

Quote: الدكتور عبدالرحمن إبراهيم محمد تحية طيبة وسلام فى البداية اريد ان اعبر عن شكرى الجزيل لك للمعلومات الهامة البتقدمها لينا فى السودانيز اونلاين فى موضوع الترجمة. فأنا خريجة آداب جامعة القاهرة وتخصص ترجمة فى مركز اللغات الأجنبية والترجمة بجامعة القاهرة. وبعدها حصلت على دبلوم الترجمة من جامعة الخرطوم. وهدفى هو الإلتحاق بإحدى منظمات الأمم المتحدة أو فضائية عالمية أو وكالة أنباء عالمية. وأحب أقول ليك بأنو طوال دراستى للترجمة ما مرت على كثير من المعلومات الأنت قدمتها فى مقالاتك. وهى معلومات مفيدة جدا ورغم تعقيداتها الذكرها الأستاذ على عبدالوهاب عثمان إلا انت قدرت تقدمها فى اسلوب سهل جدا قدرت افهم العلاقة بين كل الموضوعات بعد ما قريتها ثلاثة مرات. فشكرا ليك. لكين عندى رجاء يمكن يكون برضو زى رغبة ناس تانيين دايرين يعرفو زى ما انا دايرة اعرف. فهل تتكرم تجاوب لي عن الاسئلة التالية هل الكلام الإنت ذكرتو موجود فى كتاب وللا مرجع ممكن اطلع عليهو. وياريت تورينا عنوانه ومكان الحصول عليهو. انت ذكرت بعض تجاربك فى الترجمة فهل ممكن برضو تتكرم علينا وتورينا تطوير قدراتك دى تمت كيف لغاية ما وصلت الدرجة دى وقدرت تحصل على تعاقدات مهنية هل إنت بتعقد ورش عمل أو كورسات تدريبية تخصصية وفى أي بلد وهل ممكن تعمل مثل ذلك في السودان نصايحك شنو للناس المبتدئين زى وهل هناك فرص غير منظمات الامم المتحدة والفضائيات ووكالات الانباء وشكرا مرة أخرى ولا عدمناك