|
|
|
 Re: يا ترى لو دا شاب سودانى كيف كان حيكون رد ال (Re: النذير حجازي)
|
OMG
حتى انت يالنذير حجازى !!!!
كره واحتقار !! اين الكره والاحتقار فى كلامى فى هذا البوست ؟
Quote: دي المرة التانية توضحي كرهك واحتقارك للسودانيين في أقل من
اسبوع |
مكن تجيب اللنك او العنوان للبوست الاول فى خلال هذا الاسبوع الذى يوجد فيهو كره واحتقار للسودانيين
| |
 
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
سلام يا عزيزتي زينب،
كويس إنك تنفي تأويلي لكتاباتك المتعالية على السودانيين ، دا في حد زاته محمدة
البوست المقصود، هو مداخلتك اليتيمة في بوست اغتصاب الطفلة ، فلقد عممتي مداخلتك على جميع السودانيين،
وفي هذا البوست أيضاً عممتي بوستك على جميع السودانيين.
يا زينب أنا عشت في بلدان عديدة ورأيت من بعض السودانيين كارهين لزاتهم، لدرجة الواحد تسلم عليهو ما برد عليك السلام،
لا إنت بتعرفو لا هو بعرفك، تحليلي لذلك هو إن هؤلاء إتخلعوا بالدول الأخرى وبقوا كارهين لزاتهم، وفي الحقيقية هذا يوضح
مدى حقارة المجتمع الذي ينتمون إليه.
بالرجوع لموضوع البوست، في أي بلد في الصالح وفي الطالح، وبخصوص هذا الفيديو، أنا لو لقيت واحد طلب مثل طلب هذا المصري، سأتجاهله،
لأن العرس أو الفرح في حد زاته شو، فلسفتي للزواج بالبلح بتم الزواج، وبناتي ما بزوج ليهم سوى بلح أو موية أو لا شيء،
لكن لا أتوانى من التبرع في الأشياء الضرورة مهما كانت التكلفة مثل المرض الأكل الشرب حتى السيجار والبنقو والكحوليات
فهذه كلها ضروريات. أي زول عندو فلسفتو وتقييمه للأساسيات والكماليات.
تحياتي
| |
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
| Quote: السودانيين طبعا كرماء جدا بس ما متواضعين ..فى معظم الاحيان الكرم بكون من اجل الشو |
زينب تحياتي،
اولا استغرب جدا جدا، انو المصريين تحديدا يكونو نموذج ليكي كسودانية!!!!
ثانيا، حكاية الشو هذا ليس باصل وانما كالكثير من جوانب امراضنا الاجتماعية، وافد واجنبي لما نتكلم عن شخصية السوداني تاريخيا.
الشو والبوبار من السمات الاساسية في ثقافة المهد الشمالي، البدوية تاريخيا، الفردية بطبعها بحكم عصور الجليد والعيش في الاكواخ لاف السنين وكنتيجة كل شئ في امريكا كمثال شوxشو والتمثيل سمة غريزية في شخصية الاري عكس السوداني الما بعرف يمثل تاريخيا بتكلم ومتواضع لابعد حد، تاريخيا بتكلم لاسباب متصلة بالتصوف تحديدا.!
اذن العلاقة الوثيقة جدا بين السودانيين، المستقرة، اللي اساسا صلة الرحم اي الدم، وقبلها الطبيعة الروحية لشخصية السوداني تاريخيا بتكلم، الصفوية، الدرويشة، المسكونة بي هاجس النجاة في اليوم الاخر وهذا اساسو معاملتك انت في حياتك اليومية للاخر، باعتبارو كبري العبور الي الجنة، يستحيل معها الشو كقاعدة، ولكل قاعدة شواذ!!
هذه العلاقة يستحيل معها شغل الشو من اساسو، لانو الناس بتعرف بعض شديد والعلاقة جماعية مش فردية انانية، ذاتية متقوقعة، منبتة، منفصلة تماما، ولهذا عقلية الشو هنا طبيعية، منطقية او تحصيل حاصل، وكنتيجة "هاليوود" ماصدفة انو نتاج ثقافة ارية فردية انانية، نعم ثقافة شو اي بيع!!!
النظام الراسمالي المدمر الادخلوهو اذلام القتلة هو السبب الاساسي في هذه الامراض الاجتماعية المتفشية في مجتمعنا، وارتباط النظام الراسمالي باسلام الثقافة العربية ماصدفة ولاشي عارض!!
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: Bashasha)
|
نواصل مع الاخت زينب:
خدي عندك ظاهرة وخاصية الفرذ والتكوين الطبقي في الثقافة الارية بعامة، اللي اساسا الفكة!!
نعم التراتبية في المجتمع ده اساسا الفكة!!
او بالذات مصريي اليوم!
حولا ولا قوة!
كنتيجة، الفقيراء دائما في قاع هذا المجتمع، والفقير مرذول ملفوظ لابعد حد لدرجة تجعل منه sub-human دون اشبه بوضعية المسترق اي المستعبد!
قارني هذا بي وضعية الفقر والفقراء في مجتمعنا تاريخيا!
لاوجه للمقارنة زاتو، حيث حياة الفقر اصلا اسلوب حياة مقصود لذاته في ارثنا الروحي الصوفي ولهذا تاريخيا، ويا للغرابة بحق، الاخلاق العالية للافراد في مجتمعنا عكس المجتمع المصري تحديدا، هي خريجة البيوت الفقيرة، اما بيوت واسر الاثريا ارتبطت في ثقافتنا بالتفسخ الاخلاقي، وهذا كله مرة اخري يعود لارثنا الصوفي الروحي اللي مدخلو الفقر وليس الثراء!!!
مرة اخري لما اتكلم عن التصوف انا بتكلم عن عصر الاهرامات مش التصوف الحالي، اللي مجسد في تمثال ابو الهول اللي عمرو يقدر باكثر من 7,000 سنة علي اقل تقدير!
تمثال ابو الهول يجسد مفهوم الانسان الكامل المتمثل في راس الانسان، والانسان الغير كامل مجسد في شكل حيوان متوحش اي جسد تمثال ابو الهول!
هل الانسان بكون كامل او يطمح في الكمال بالفكة؟
بالنسبة لي رئيس امريكا، اللي باع صور زوجتو وهي عارية للنشر من اجل الفكة، قطعا بالفكة!!
هل ده هو الحال بالنسبة للشهيد محمود، او شيخنا البرعي شيخ الزريبة، مش القصر؟
قطعا لا!!
لهذا عادي بنغني كلنا مع وردي الشيوعي الملحد افتراضا:
الفقـــــــراء نحن!!
اذن تاريخيا النظر للفقر، للفقراء، اي الغبش في ثقافتنا السودانية، فيهو تقدير عميق صوفي روحي في اللاشعور للفقير والفقر عكس المصري والقوقاذي بعامة البتافف، يكره، يمقت بل يبصق في وجه الفقير بل بقوم جاكي منو، بالذات في امريكا، وهذا واضح في النظرة الكريهة المقيتة للمشردين بذات كبار السن، يا الهي!!
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: Bashasha)
|
سلام أختي زينب
الفزعة دي موجودة عندنا بس بشكل مختلف عشان عزة النفس وكدا
يعني بدل الكرتونة المرفوعة دي عندنا كرت الدعوة
سواء في حفل مرطبات أو في الغداء
والناس بتجي تشارك في الكشف
طبعاً الناس المقصودة هنا هم الأهل والمعارف والأصدقاء
والعاقبة عندكم في المسرات
دمتي بعافية
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: Bashasha)
|
انا ما قادره افهم ليه الناس ما عايزة تكون موضوعية وتنظر للامور بتجرد ..!
ليه قراية النوايا دى وتصنيف الناس !
المهم
Quote: بالرجوع لموضوع البوست، في أي بلد في الصالح وفي الطالح، وبخصوص هذا الفيديو، أنا لو لقيت واحد طلب مثل طلب هذا المصري، سأتجاهله،
لأن العرس أو الفرح في حد زاته شو |
الحمدلله الرجعت لى موضوع البوست ومشكور على الاجابة ..
Quote: البوست المقصود، هو مداخلتك اليتيمة في بوست اغتصاب الطفلة ، فلقد عممتي مداخلتك على جميع السودانيين،
|
انا فى البوست المعنى كلامى كان واضح جدا ...انا ضد نشر صور الضحايا ( الطفلة ) والصور الفاضحة وقلت بالحرف ( ( فى كل بقاع العالم يتم التستر على المجنى علية
خاصة اذا كان قاصر ودى من الحاجات البديهية ما عدا نحن فى السودان نفهم الحاجات غلط ))
اظن كلامى دا كلو انت ما شفت منو الا هذه العبارة ( ما عدا نحن فى السودان نفهم الحاجات غلط ) واعتبرتها كره واحتقار للسودانيين !!
انت هسى يا النذير موجود فى امريكا عندما تشاهد نشرة الاخبار وفى جريمة تخص الام او الاب او احد افراد الاسره بيتم تغطية وجوه الاطفال القصر حتى ولو هم ما عملو اى شئ
عشان لما يكبروا ما يتعرضوا لى مشاكل ومضايقات فى المجتمع .. اتمنى انو الناس تركز فى الاشياء المهمه وتترك ( الانا) والحساسية المفرطة الودت البلد فى ستين داهية
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
وعليكم السلام اخى العزيز عمر ابوعاقلة
وشكرا على المرور والمشاركة القيمة
والله العظيم لم يدر بخلدى وانا اكتب هذا البوست ان الهدف هو عمل مقارنة بين الشعب السودانى والمصرى ولا بين الغنى والفقر
ولا المقارنة بين الزواج البذخى والزواج المبسط وحتى الفديو العملو هذا الشاب يدخل من ضمن الفديوهات التى تهدف لى معرفة رأى الناس فى بعض المواضيع
وفى برنامج شهير فى امريكا اسمو what would you do اى ماذا تفعل فى هذه الحالة او كيف تتصرف وكنت اتمنى ان اسمع رأى الناس من غير حساسية
او اى تأويل لى كلامى كما اجاب مشكور الاخ ابوبكر واشارتة اللطيفة فى تقديم الخرفان للعشا وهذا يمثل الكرم السودانى الاصيل فى ذبح الخرفان الخ الخ
تحياتى
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
مرحب بشاشا
Quote: اولا استغرب جدا جدا، انو المصريين تحديدا يكونو نموذج ليكي كسودانية!!!!
|
وحات كتاب الله الجاكو هه هه انا لا اتخذ اى شعب نموذج .. الموضوع ببساطة هو معرفة رأى الناس فى بعض المواضيع الاجتماعية ممكن تشيل
المصريين وتخت بدل عنهم اى شعب ان شاء الله يكونوا من المجر المهم الموضوع هو استطلاع اراء الناس فى الشارع
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
سلام بشاشا
Quote: ثانيا، حكاية الشو هذا ليس باصل وانما كالكثير من جوانب امراضنا الاجتماعية، وافد واجنبي لما نتكلم عن شخصية السوداني تاريخيا.
|
اتفق معك فى الاصل الذى اندثر وتغطى بركام الوافد والاجنبى وحتى الاجنبى كأفرد موجود فى السودان يعامل معاملة احسن من ابن البلد السودانى
ولكم فى الوافدين السوريين وتعليم اطفالهم فى ارقى المدارس خير مثال
| |
|
|
|
|
|
|
|
|
 Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
السلام عليكم
المشهد من برنامج (ورطه انسانيه ) برنامج قدم فى رمضان 2017 على احد القنوات المصريه .
كل حلقه تعرض موقف يخاطب انسانيه الماره (غض النظر عن الدنسيات والاصول بالمناسبه واحد من المتفاعلين مع الشاب فى الفيديو اعلاه سودانى) وترصد كاميرا البرنامج ردود الفعل الانسانيه تجاه الموقف المعين.
.
اتصور لو صورت نسخه من البرنامج فى السودان او دول اخرى ؟
اتوقع هنا سيظن الماره بصاحب اليافطه الجنون او يغمزوه بالاحتيال لجمع المال. ومااكثر مانلحظه فى الحياه اليوميه من مشاهد تدمى القلوب فى بلدنا المنكوب.
ورطه انسانيه ورطه انسانيه
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: الهادي الشغيل)
|
سلامات زينب انا اديك تجربة واقعية
احد الشباب كتب في صفحة وصف لي في الفيسبوك بسال عن صالة او حاجة ناقصة لزواجه، المهم اعضاء الصفحة تفاعلوا معاه ووصلوا مرحلة المساهمة في الزواج واحد تكفل بالبدلة واظن الصالة ولحدي رحلة شهر العسل تكفل بها البعض وهو لا يعرفونهم معرفة شخصية
جتى البي بي سي ترندغ جاب حلفة عن الموضوع دا بفتشها ليك بعدين
المهم الخير في السودانيين وخير حقيقي ما شو، الظروف الفظيعة البتمر بيها البلد افرزت تكافل حميد وآلاف القروبات انشأت لعمل الخير وفزعة الاهل و الجيران حتى قروبات غير مخصصة لكدا اكن عند طرح الحالات المحتاجة تلقي الناس بساهموا ويتبنوا الموضوع
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: محمد البشرى الخضر)
|
السلام عليكم ورحمة الله،،
مثال ثاني حي، كان في واحدة من اذاعات الامارت لا اذكر اسمها برنامج مباشر، اتصلت اماراتية بالمذيعة بعد السلام والتحية قالت للمذيعة انه اكرم شعب الشعب السوداني، المذيعة سالت ليه؟ (ليش) قالت عندها جارتها سودانية، يوم مشت عليها ولاحظت انه معاهم ضيف، الاماراتية سالت السودانية عن الضيف الموجود، قالت ليها انه واحد سوداني زوجها لاقوه في الشارع وقال انه جديد في الامارات وما بيعرف زول، قام جابو وبايت معاهم من امس.. وبدت الامارتية تشكر في السودانيين وشهامتهم ونخوتهم، الظريفة بعد نهاية المكاملة اتصلت واحدة مصرية الظاهر انه الكلام استفزاها، اتصلت عشان تقول انه الشعب المصري برضو كريم وشهم، لكن حنكها ما قسم مع المذيعة...
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: almuiz mukhtar)
|
Quote:
الفزعة دي موجودة عندنا بس بشكل مختلف عشان عزة النفس وكدا
يعني بدل الكرتونة المرفوعة دي عندنا كرت الدعوة
سواء في حفل مرطبات أو في الغداء
والناس بتجي تشارك في الكشف
طبعاً الناس المقصودة هنا هم الأهل والمعارف والأصدقاء
والعاقبة عندكم في المسرات
|
شكراً ابو عاقله عبرت عني تماماً ...
سودانيز اون لاين دي لو جيت متأخر شويه طوالي بتلقي واحد عبر عنك بالتفصيل لدرجة تجلي فكرة المشاركة في الموضوع وتكتفي بالمعاينه ...
بس برضو كنت عايز اقول شحاد بطريقة ظريفة ومبتكرهـ لو لا واحد لفت انتباهي إن الموضوع تمثيل من اولاد بومبا وهم شطار طبعاً ماحدي بزهم.
:
:
:
مع التحيات لله الزاكيات.
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: محمد حمزة الحسين)
|
في واوسي
(الفكرة قريتكم حلتكم وجيرانكم والاهل)
الناس بقت تتبرع للعريس قبل العرس باسبوعين تلاتة عشان
الظروف الصعبة
وفي الوفيات ارتفع الكشف لحوالي خمسين وحتى مية جنيه في المتوسط
والمنطقة ناسا كتار ومتواصلين جدا كنا هو الحال في معظم بقاع الوطن العزيز؛
لمقابلة تكليف الوفاة وذلك للظروف الصعبة
السودان دا كلو في عضمو ما زال متماسك
ومازالت ملامح الدولة متوفرة
لانو السودانيين بخير
ما زالوا رغم الطغيان والظلم والعذابات....
.....
لو ناس ديلا ما اهلي
واماساتي وازلي واسفاي
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
الأخت المحترمة زينب طرحت سؤال في منتهى البساطة والبراءة وأجابته مفروض تكون مثل ذلك وما في أي داعي لتفتيش النوايا
يا زينب أعتقد لوكان دا شاب سوداني رد السودانيين كان ح يكون مثل رد المصريين
بل لو كان سوداني رد المصريين كان ح يكون مثل الرد في الفيديو.
الدنيا بخير.
الخواجات ديل كمان عندهم حنية زايدة ربنا يهديهم للإسلام
أنا مرّات كتيرة قاعد ادمع لما أشوف الخواجات ديل في برنامج لمساعدة أشخاص محتاجين.
مثل برنامج
undercover boss
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: النذير حجازي)
|
النذير فسوة
صحي فرانكلي كلامه رصاص في الراس وأسفين لو سفهك أو أصابك منه رشاش
لكن حنين شديد وتصور ما حصل ذبحت لي حيوان لا دجاجة لا نعجة أم بيض
وبفرمل للطيور في الشارع وبقيف لسرب البط حتى يقطع الشارع
يلا كلم الأرقوز عمر أدبخانة يجيب لينا تصوير يعبر عن بيئته.
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
بصورة واقعية وبعيدا عن العواطف والتهابات الاحساس ..
ما يحدث في السودان من نجدة ومن كرم ومن سند ومن وقوف مع المصاب في وقت شدته لم اجد له مثيلا بحسب مشاهدتي واطلاعي على ثقافات الشعوب.
اصلا دي حاجة من الحاجات الجميلة الفضلت جوانا ..
لا يستطيع احدهم ان يتعامى عنها او ينفيها ..
لن تبصرنا بمآقٍ غير مآقينا
لن تعرفنا
ما لم نجذبك فتعرفنا وتكاشفنا
أدنى ما فينا قد يعلونا
يا قوت
فكن الأدنى
تكن الأعلى فينا
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: محمد حيدر المشرف)
|
سلام يانزير
شفتا دهنسة الداعشي ده، الارهابي، السلفي، باعترافو كيف، للكفار حطب النار؟
يا ل"فــــــــــــكا" قد عملنا قالو!!!
عيييييييييك!
نعم يا تدينا العندك، يا "نــــــرق منك الدماء"!
هكذا افسد هذا الدين الداعشي الوافد الاجنبي، شخصية السوداني، وهكذا الفقير اضحي مبصوق في وجهو، والاغتنا بالهبر بالقلع بالهمبتة اضحي من شعائر دينم الاجنبي هذا!
تمصـــــــير عديل للسوداني من اقنان الهضيبي الكان يمتلك امثال هذا الارهابي بتاع الرصاص في الراس كاي قطع اساس في بيتو!!
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
كيفك زينب ؟
نحنا طبعا شعب كريم وشعب فزعة.
لكن في أيام دراستي العليا في الخرطوم ، وكذلك خلال وجودي بره السودان في الدول الزرتها..
شفت سودانيات كتيرات طالبات ولاجئات وباحثات عن عمل كن يواجهن ظروف صعبة جدا ولا يجدن مساعدة من السودانيين إلا لو كانوا معرفة أو أقارب .
والمساعدة من غير قرابة أو معرفة (غالبا) بتكون مشروطة بتنازلات أو إستغلال جنسي.
بل وجدت أن كثير من الأجانب يساعدوا السودانيات ديل ، بما فيهم مصريين شهمين والله على ما أقول شهيد.
آي نعم الشعب السوداني كريم جدا ربما لم أجد شعب يفوقه كرما سوى الشعب المغربي البيدخلك بيته من أول يوم ويبالغ في كرمك.
لكن لطالما تساءلت ولم أجد إجابة :
لماذا في معظم الأحيان لا يساعد الرجل السوداني المرأة السودانية لله في لله وبدون غرض ؟
حين يكون عنده استعداد لمساعده رصيفه السوداني بكل شهامة ؟!
في الحقيقة الحكاية دي مزعلاني من أيام الجامعة.
ومفروض نواجه عيوبنا بكل صراحة.. زي ما بنحب نفخر بحاجاتنا الكويسة.
غايتو بتمنى ربنا يفتحها علي علشان أعمل جمعية لمساعدة السودانيات تقيهن ذل الحاجة ، سواء كن طالبات أقاليم أو كن لاجئات أو باحثات عن عمل بره أو جوه السودان.
فحتى جوه السودان البتكون بتبحث عن عمل في غالب الأحيان يتم مساومتها جنسيا ، وهذه حقيقة لو عملنا إحصاء حا نلقى النسبة مخيفة جدا.
جمعية مثل هذه ستكفينا الظواهر التي يتشدق بها بعض الأنانيين حول إنه السودانيات فضحونا في الخارج وسوءوا سمعتنا بصياعتهن ولاب لاب لاب..
فلو في كل بلد السودانيين المقتدرين رجالا أو نساء كونوا جمعيات لمساعدة السودانيات المعوزات بدل هذه الجعجعة الأنانية الفارغة..
يكونوا ضربوا عصفورين بحجر :
أولا بيكونوا صانوا سمعتهم المقدسة التي يتفاخرون بها دي.
وثانيا بيكونوا عملوا عمل خير لا يكلفهم شيئا بل يرفع قدرنا بين الأمم كشعب متكافل.
تحياتي للجميع.
وأرجو التفكير جديا في هذا الاقتراح العملي بدلا عن التباكي كل شوية على اللبن المسكوب.
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: AMNA MUKHTAR)
|
شغل الشو برضو فى حاجات الفيس اما الجانب التانى التكافل فى القرى والمجتمعات ذات العريقه زى القرى فدا امتداد لللاخلاق السودانيه ..
الناس بتتكلم انو الدنيا مازالت بخير والسودانيين شنو وشنو ....
طيب لو معايشين القصه بدقه بالداخل ....
الجماعه اياها بتكسر عين اسر فقيره وتشترى ولاء بصرف مرتبات مساعدات ليهم او دفع مصاريف الجامعه لطالبات /طلاب ومعالجعت مشاكلهم حتى درجه فرص التعيين و........
Re: الخطوة الاولى نحو التغييرRe: الخطوة الاولى نحو التغيير
يعنى ببساطه فى فراغ موجود فى جانب التكافل والعمل الخيرى الجماعه اياها استغلت الوضع وسدت الفراع لضمان اولاء او على الاقل التواطوء بالصمت والانتباه للقمه العيش والهموم الشخصيه.
نفسى الناس تخلى عاده نحنا كنا ونحنا فعلنا ونحنا تركنا ونعيد دراسه وقراءه اوضاع المواطن والاسر السودانيه فى ظل النظام الحالى ...وين مراكز بحوث الاحوث وواجعاتها للعمل المدنى اللى بتكون برامجها على اساس الدراسات دى ؟
وتقدر تنافس الجماعه اياها فى مجال العمل الاجتماعى.
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
سلام يا ود البشرى وأبوبكر.
كلامي ليس فيه تعميم ، طالما استخدمت عبارات ( غالبا) و( في معظم الأحيان).
بعدين أصلا قاصدة كلامي يكون بيزعل.. ويزعل شدييييد.
قدر الزعلة الزعلاناها أنا من سنين..
ولا عايزنني أزعل براي وأموت بالمغصة ؟!
المهم، بعد الزعل ما يخف.. والناس تهيج هيجتها وتبرر تبريراتها..
الحل حا يكون شنو ؟!
علشان ما نزعل تاني ..
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: AMNA MUKHTAR)
|
التحيات الزاكيات لى كل الجمع الكريم
شكرا على المرور واثراء النقاش
توضيح :
الفكره بتاعت البوست ليست هى كرم الشعب السودانى الذى نتصدر بة كل شعوب العالم ولكن الفكرة فى التجربة فى حد ذاتها اللهي الخروج للشارع ورفع يافطة مكتوب عليها اريد الزواج
ارجو مساعدتى فى بعض الاشياء لى اكمال الزواج .. يعنى هل الفكرة دى مقبولة عندنا وبنتقبلها عادى ام هناك التوجس والهمز واللمز ونظرة الشك ؟
هل نحن بنتفاعل مع هذا الشخص بتلقائية وعفوية كلنا يعنى حتى البنات والشباب والمراهقين فى الشارع ؟
هل ممكن امراة سودانية تقول ليهو انا بشترى ليك قميص للعرس عادى ولا عندنا طريقتنا السودانية المعتادة فى جمع التبرعات ( الكشف ) والدعاء ( ربنا يتتم ليك على خير )
هل نحن شعب معقد ولا عفوى ؟
Quote: اتوقع هنا سيظن الماره بصاحب اليافطه الجنون او يغمزوه بالاحتيال لجمع المال. ومااكثر مانلحظه فى الحياه اليوميه من مشاهد تدمى القلوب فى بلدنا المنكوب.
|
شكرا الاخ Asim Ali
على الاجابة الدغرية والصادقة وفعلا زى ما ذكرت الاتهام بالاحتيال لى جمع المال والاتهامات الاخرى ونظرة التحقير والانتقاد التى يحكى بها القوم لى احفاد احفادو
الاخوة :الزبير بشير / الهادى الشغيل
البرنامج تمثيل ولكن الناس المارة فى الشارع ما ممثليين
Quote: احد الشباب كتب في صفحة وصف لي في الفيسبوك بسال عن صالة او حاجة ناقصة لزواجه، المهم اعضاء الصفحة تفاعلوا معاه
ووصلوا مرحلة المساهمة في الزواج واحد تكفل بالبدلة واظن الصالة ولحدي رحلة شهر العسل تكفل بها البعض وهو لا يعرفونهم معرفة شخصية
|
تحياتى ود البشرى
اكيد هنالك نماذج كتيرة للتكافل والكرم مشهودة للشعب السودانى
Quote: المهم الخير في السودانيين وخير حقيقي ما شو، الظروف الفظيعة البتمر بيها البلد افرزت تكافل حميد وآلاف القروبات
انشأت لعمل الخير وفزعة الاهل و الجيران حتى قروبات غير مخصصة لكدا اكن عند طرح الحالات المحتاجة تلقي الناس بساهموا ويتبنوا الموضوع
|
والله عايزة اتفق معاك يا ود البشرى لكن متردده لانو معظم القروبات ذات الطابع الجماعى التى انشأت بغرض المساعدة بتكون نهايتها الفشل والامثلة لا حصر لها
تفتكر السبب شنو ؟
Quote: الأخت المحترمة زينب طرحت سؤال في منتهى البساطة والبراءة وأجابته مفروض تكون مثل ذلك وما في أي داعي لتفتيش النوايا
|
ربنا يكرمك يا فرانكلى .. لكن نقول شنو .. الله المستعان
Quote: يا زينب أعتقد لوكان دا شاب سوداني رد السودانيين كان ح يكون مثل رد المصريين
|
شكرا على الاجابة فرانكلى
Quote: الخواجات ديل كمان عندهم حنية زايدة ربنا يهديهم للإسلام
|
الشرط التقوى وليس الاسلام
( يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ. )
Quote: بصورة واقعية وبعيدا عن العواطف والتهابات الاحساس ..
ما يحدث في السودان من نجدة ومن كرم ومن سند ومن وقوف مع المصاب في وقت شدته لم اجد له مثيلا بحسب مشاهدتي واطلاعي على ثقافات الشعوب.
|
الاخ محمد حيدر المشرف
اتذكر انك كتبت بوست بعنوان ( الى متى )
ذكرت فية ان لم تخنى الذاكرة بان السودانيين على مستوى الافراد مدهشين ولكن فى العمل الجماعى لا يفلحون او لا يتفقون او شئ من هذا القبيل
وانا اتفق معك و اعتقد ان هذه هى مشكلتنا ...
الحبيبة امنة مختار تحياتى
Quote: لكن في أيام دراستي العليا في الخرطوم ، وكذلك خلال وجودي بره السودان في الدول الزرتها..
شفت سودانيات كتيرات طالبات ولاجئات وباحثات عن عمل كن يواجهن ظروف صعبة جدا ولا يجدن مساعدة من السودانيين إلا لو كانوا معرفة أو أقارب .
والمساعدة من غير قرابة أو معرفة (غالبا) بتكون مشروطة بتنازلات أو إستغلال جنسي.
|
كلامك صاح مية المية وانا وانتى وغيرنا والكثير من الاخوات فى السودان عارفين الحاصل بالضبط والمسكوت عنه كتير
Quote: طيب يا أبكر المستنير بدل ما قعد نتغالط أنا وانت لبكرة..
لنفرض إنه إدعاؤكم إنت وود البشرى صحيح وإنها (حالات شاذة).. وانا كلامي غلط.
أها ( الحل شنو ؟).
خلونا نفكر في حل بدل نتغالط ليوم الدين. |
لا ليست حالات شاذة يا امونة الوجع راقد بالكوم .. عليك الله ابكر دا اتجاهليهو شغال بيغيظ فى الناس بس وانا فهماهو كويس
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: Munir)
|
ذينب شلوم،
اعترف الشريط الفوق ده انا ماشفتو ولا ناوي زاتو، ولكن الان عرفتا من المداخلات انو في زول "مصري" طالب مساعدة للزواج او كده في الشارع والمصريين استجابو او كده.
لو ده حاصل، فده فعلا غريب شوية حتي في السودان الاكثر تمصير، حاليا، وبالتالي حتي في السودان الحالي، زي ده انا لو مرا علي بفتح ليهو واكتفي بالضحك!
اذن الموضوع تاني من الاول موضوع اختلاف جذري في ثقافتنا او ثقافتم وبالتالي لايصح استخدام معاييرم هم اي المصريين للحكم علي قيمنا نحن، اي السودانيين، منهجيا.
غايتو اختلافي الاساسي معاكي في النقطة دي.
نقطة انو لكل مجتمع ومجموعة بشرية ثقافتا الخاصة بيها هي، وبالتالي معاييرا هي للحكم علي قيما هي والا فهذا اسقاط.
اكرر كقاعدة وبغض النظر عن ظروفنا المارين بيها حاليا، فلا قاسم مشترك بينا وبين المصريين رغم انف مجموعة التصورات المسبقة الخاطئة، اللهم الا كوعي استرقاق ثقافي من جانبنا في السودان المصري!!
بالذات وتحديدا، الدين والاسلام!!
كنتيجة دين الخديوي حسن البنا والنخاس الهضيبي ولع بلدنا وشلع شخصية السوداني التاريخية بل "مصرا" من "تمصير" وهذا واضح في قيم الشو، البوبار، الفكة، احتقار الفقراء...الخ
الانتشرت في مجتمعنا، كابرز انجازات دويلة اذلام البنا الرسالية افتراضا، القرانية، حيث ذات الفساد المعروف هناك انتشر عندنا "وفقا للكتاب والسنة"!!
نظامنا الاجتماعي اللي اساسو التكافل، نعم في مجتمع كان يوم من الايام الاخ بتزوج اختو، والي الان الزواج معيارو صلة الدم، فهذا النظام اصلا لايسمح بحدوث شئ كهذا مطلقا!
بمعني لا يمكن تمشي الشارع او كمان تشحد!
بمعني قانون التكافل الاجتماعي بتاعنا لايسمح بالذهاب للشارع مطلقا كقاعدة!
بل اضيف مافي شارع زاتو، بي معني ناس ماعندها صلة بي بعض!!!!!!!!!!!!!!!
بتكلم عن اسلوب الشحدة بصفة عامة، دعكي من التسول للزواج!
اكرر تاريخيا هذا لايمكن يحدث علي الاطلاق كقاعدة داخل اطار نظامنا الاجتماعي الاقتصادي السياسي، المختلف اختلاف جذري عن المتداول الان حول العالم!
اذن استنتاجي الاول صاح، انتي حكمتي علي اهلك، بي معايير اخرين مختلفين عنهم اختلاف جذري والخلل كلو في كلامك هنا.
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: Bashasha)
|
مسا الخير
غايتو كفاية علينا بناكل في صحن واحد ونقعد مدورين في الصفرة
موش جماعة نابي ونابك البربطو اللحمة بالخيت قبل تنجض
قال شووو قال سمعتي ليك مصري تلب في سيل ينقذ ليو بني ادم
كدي اكتبي في قوقل او اليوتيوب سوداني ينقذ ومصري ينقذ وشوفي الفرق
شعب مربى على الانانية والطمع والجشع والسلب وحب النفس والاجرام والسرقة والدجل
زمان بنشتري الاهرام عشان نشوف صفحة الجرايم والحوادث وادي ربك العجب
قال مصري قال
الغريبة يجوك ويقولو هم بكرهونا ليييييييييييه
شيلي بضاعتك الردئية دي واعرضيييها لي ناس ماشافت عفن وخبث المصاروة لعنهم الله
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: حامد بدري)
|
| Quote: يا ترى لو دا شاب سودانى |
لو اتعملت في السودان الناس حيستغربوا ..
ممكن الشاب السوداني يطلب من أقاربه شديد يساعدوه في العرس ..
لكن في الشارع كده صعبة حتى على الشاب نفسه وماظنيت يقبلها على نفسه ..
بعدين العرس عندنا لا زال ممكن يتم بابسط المنصرفات بالذات لزول امكانياته بسيطة ..
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: جمال ود القوز)
|
سلام الاخ منير
Quote: أعتقد يااخت زينب انه إذا وقف شاب سودانى بكرتونة زى الشاب سيكون رد فعل السودانيين الأولى هو الاستغراب منه لأنه تصرف لا يشبه الطبع السودانى، ويمكن طوالى يعتبروه كاميرا خفية ..
ربما جرجره الشباب فى الكلام للتأكد من مصداقيته قبل أن يتبرعوا بالإستجابة لطلباته ..
|
شكرا على الاجابة .. وفعلا بيكون فى استغراب لانو ما اتعودنا على هذا النوع من التصرف والجرأة
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
كتب حامد بدرى
Quote: شعب مربى على الانانية والطمع والجشع والسلب وحب النفس والاجرام والسرقة والدجل
زمان بنشتري الاهرام عشان نشوف صفحة الجرايم والحوادث وادي ربك العجب
قال مصري قال |
كل من يُغضبك يتحكم بك..
كل من يُخرج منك رد فعل هو فاعل بحياتك..
كل من يجعلك تفكر به حتى لو اعتقدت أنك تحاربه هو سيدك..
أعد التفكير و انظر فيما تستنفذ طاقتك ولمن تعطيها..
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
مرحب بشاشا
Quote: اذن الموضوع تاني من الاول موضوع اختلاف جذري في ثقافتنا او ثقافتم وبالتالي لايصح استخدام معاييرم هم اي المصريين للحكم علي قيمنا نحن، اي السودانيين، منهجيا.
غايتو اختلافي الاساسي معاكي في النقطة دي.
نقطة انو لكل مجتمع ومجموعة بشرية ثقافتا الخاصة بيها هي، وبالتالي معاييرا هي للحكم علي قيما هي والا فهذا اسقاط.
|
لايوجد خلاف واتفق مع ما ذكرتة انت فى المقتبس اعلاه .. كل ما فى الامر هو تساؤل فى عنوان البوست
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: النذير حجازي)
|
Quote: سلام يا حبيبتنا زينب،
يا ريت تقبلي اعتذاري لو وجدتي فيه حدة يا صديقة،
ابدا مافي شيء شخصي، بس شوفت في كلامك أشخاص
واتضجر من الذين يسيئون للسودانيين
وكل من يعرفني يعرف توقيعي هو:
لو ما كنت سوداني كنت ح اتمنى اكون سوداني
ارقدي عافية يا زولة يا سمحة
|
حبيبنا النذير .. ابدا والله no hard feelings
تساؤلك مشروع وحبك وغيرتك على السودان على العين والرأس
ربنا يعجل بالفرج
تحياتى
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
الاخ العزيز جمال ود القوز تحية طيبة
Quote: لو اتعملت في السودان الناس حيستغربوا ..
ممكن الشاب السوداني يطلب من أقاربه شديد يساعدوه في العرس ..
لكن في الشارع كده صعبة حتى على الشاب نفسه وماظنيت يقبلها على نفسه ..
بعدين العرس عندنا لا زال ممكن يتم بابسط المنصرفات بالذات لزول امكانياته بسيطة ..
|
شكرا على الاجابة .. وكما تفضلت انت ولاننا شعب كريم فيصعب علينا ان تكون يدونا هى السفلى
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: أبوبكر عباس)
|
Quote:
كل من يُغضبك يتحكم بك..
كل من يُخرج منك رد فعل هو فاعل بحياتك..
كل من يجعلك تفكر به حتى لو اعتقدت أنك تحاربه هو سيدك..
أعد التفكير و انظر فيما تستنفذ طاقتك ولمن تعطيها..
|
اتفق معاك تماما صدقتي وعبرتي عن دواخلك
الان اتي كاتبة عنوان ياترى لو شاب سوداني من دون خلق الله ديل جت عليهم وجاي كابة الطراش بتاعك ده
امش الازبكية طرف القهوة كويس
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: النذير حجازي)
|
Quote:
سلام يا حامد،
مافي داعي للكلام الشين
|
مرحبا حبيبنا
يعني عنوان مستفز ماتشيف
ورمينا بانو كرمنا ده كلو من اجل ال شوووووو ماتشيف
بس شفتا طراش
شفتا الطراش بتاعا ده في قهوة بالازبكية مامقبول خليك من موقع سودانييز
قيمتنا بنخلي الناس تعرفنا كجالية رقم اول في كل بلاد العلم عجم وعرب وخواجات وده المخلي المصاروة يتخابثو وينكتو علينا والامثلة كتيرة جدا وفي اعلى مستويات اجهزة الاعلام صحافة وقنوات فضائية
وانحنا ساكتين عن الطراش والاستفزاز وماقاعدين نرد على العفن حقهم والخباثة
يالله البوست ده مضمونو شنو فايدتو شنو ولي المقارنة بالسوداني تحديدا ولي شاب مصري واحد في كفة وكل الشعب السوداني في كفة ماسمعتا بي يوسف الشوبلي لامن قال لي ود موسى ليه بتذم الرجال بالعالة واصلا سودانا ده لو ما التراحم والتعاضد والكرم والنبل كان حيكون موجود بي عمايل ناس الانقاذ
نحنا كرمنا مو جركان حتى الاسم نخجل نقول لي زول محتاج بنقول عليو متعششششم شفتا الرقي ده كيف
يالله البوست ده فتنة ونحنا عزتنا ما كايسنها في الميديا وللجار والعشير زمن العدم مابخلنا وجارنا المشررري يشيل ويصورنا كبوابين وخدم بيوت وناس زرق وشينين ويشيل ويشحن ويعبي طراشو في قزايز فاخرة وعندك كورة مصر والجزاير وشوف الطراش جنس طراشا ده
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: حامد بدري)
|
Quote:
سلام يا حامد،
مافي داعي للكلام الشين |
يا النذير خليهو يعبر عن الجواهو .. هو مفتكر بالعنتريات -- التى لم تقتل ذبابة -- خلاص خوفنى وخوف الناس سبب الاذيه
شخص لا يعرف يعبر عن رأيو الا بطريقة الردحى دى بفضح نفسو ليس الا ..............................................مسكين
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: حامد بدري)
|
أولاً شكراً زينب علي البوست
تابعت و لاحظت انو كل متداخل عبر عن الشئ
ال فهمه من كلامك بي طريقتو الخاصة.
و عبر عنو أيضاً بي طريقتو الخاصة أيضاً
بي اسلوبو و تركيبته النفسية و التربوية
لاحظت التسرع و الرد قبل التأني و التريث
و النظر للموضوع باكتر من جهة.
بمناسبة ال استخدم كلمة (( طـ ـراش)) أحكي ليك قصة
قبل فترة طويلة رجعت أسرتي للسودان و عندي بنت هسع في الجامعة
كانت طفلة قابلها احد افراد الاسرة الممتدة و هو عم و اخ و صديق وبيني
و بينو مودة و ذكريات و شوق وووو المهم لمن شاف بنتي
صرخ في وجهها معبراً عن فرحته برؤيتها و قال ليها بصوت عالي جهوري
تعال هنا يا بت الكب (الكـ ـلب يقصد) و عاوز يحضنها و يسلم عليها
ما صدق انو شافها أول مرة و عمرها 8 سنوات.
الحصل انها قامت جارية و رفضت السلام عليهو و بقت تتحاشاهو
في كل الاجازة و ما عاوزة تشوفو خليك من تتكلم معاهو.
بس لانو عبر عن حبه بطريقة ما متعودة عليها. و خافت منو
في التلفون قال لي بنتك جافية و ما اجتماعية.
ما عاوز أقول ليك هو طرش الجواهو لمن قال بت (الكـ ـب)
لكن قالها بتلقائية من المعجم اللغوي بتاعو الخاص و شايف
انها عادية.
في المنبر كل زملاء المنبر عندهم اسلوبهم في التعبير
فأرجو أن يكون بالك طويل.
الكلام كتير لكن أكتفي بهذا القدر
لقد استفدت كثير من هذا البوست
لك و لكل ضيوف البوست التحية
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: Hamid Elsawi)
|
بالنسبة لموضوع البوست
لا أعتقد انو ثقافتنا و قيمنا بتسمح بذلك
لأن هذا الشاب أعلن انو
ما عندو أصحاب
ما عندو أهل
حتي امو ما مهتمه بيهو و محتاجة مساعدة عشان تحضر
زواج ولدها. القصة عندي مسرحية و تمثيلية و خيالية
حتي في المجتمع المصري.
في نظري ده استجداء لعطف الناس بطريقة مبتذلـ ـة
و تحقير للذات و اهانة للاصدقاء و الأهل
الشاب ده أنا شايفو أرقوز أو ممثل.
رأيي الشخصي انو لا يعبر عن قيم و مثل
بل يبتذلها و يهين اليها.
و حاجة زي دي ما ممكن تحصل عندنا
لانو نفسنا و كرامتنا لا تقبل ذلك
نحن شعب عظيم
و عندنا مشاكل و اختلافات ما قادرين نعالجها بموضوعية
و عقلانية نتيجة للتسرع و شدة الانفعال الغير مبرر.
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: Hamid Elsawi)
|
أغلبنا لو ما كلنا يا زينب لمن كنا صغار
أهلنا الكبار بنادونا
تعال يا زفت
تعال يا مسجم
تعال يا مرمد
و قد تصل في بعض الاحيان لما يخرج من السبيلين
و الغريب انو نحنا بنقول حاضر و نستقبل اللفظ
بارتياح طالما الزول القالو زهجان و منفعل مع شخص آخر
و ليس لك انت دخل بالموضوع. لكن يتخليهو يفش غبينتو فيك
و أثر العنف اللفظي الذي مورس علينا بتظهر نتايجو في المنبر
بي لفظة زي طـ ـراش دي و غيرها كتير
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: Hamid Elsawi)
|
سلام الاخ الكريم Hamid Elsawi
يعلم الله عايزه ارد على مداخلاتك القيمة لكن اليومين دى مشغولين جدا عندنا مناسبة يوم السبت وبنجهز ليها
لا عاش من يتجاهلك ولك العتبى حتى ترضى .. وانا بطبعى بطيئه فى الردود فأستميحك عذرا اخى حامد الصاوى
ولى عوده بأذن الله
تحياتى لك ولى الاسرة الكريمة
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
الاخ العزيز Hamid Elsawi
لك شكرى وتقدرى على ما تفضلت به فى مداخلاتك الثرة التى استفدت منها جدا
انا شخصيا احب ال debate واحب المختلفين معى فى الفكرة كثير جدا
لكن يجب ان نرتقى بى اسلوبنا عند الاختلاف ونترك الطريقة الهتافية وتصنيف المختلف وترك الفكره
او الموضوع محور النقاش .. غايتو انحنا فى ادارة النقاش لازنا فى مرحلة الحبو وقدامنا كتير عشان نرتقى بالنقاش
Quote: في المنبر كل زملاء المنبر عندهم اسلوبهم في التعبير
فأرجو أن يكون بالك طويل.
|
نعم الناس تختلف فى اسلوبها وطريقة تعبيرها وانا ليس لدى اى مشكلة فى ذلك لكن عندما يتحول النقاش لى هتاف وهجوم شخصى
هنا لابد ان يتوقف النقاش
Quote: و عندنا مشاكل و اختلافات ما قادرين نعالجها بموضوعية
و عقلانية نتيجة للتسرع و شدة الانفعال الغير مبرر.
|
ما ذكرتة فى الكوت اعلاه هى دى اس مشاكلنا ... ما قادرين نعالج مشاكلنا بموضوعية وعقلانية نتيجة للتسرع وشدة الانفعال... انت شخصت المرض بالضبط
Quote: بالنسبة لموضوع البوست
لا أعتقد انو ثقافتنا و قيمنا بتسمح بذلك |
صحيح ثقافتنا وقيمنا لا تسمح بذلك
Quote: القصة عندي مسرحية و تمثيلية و خيالية
حتي في المجتمع المصري.
في نظري ده استجداء لعطف الناس بطريقة مبتذلـ ـة
و تحقير للذات و اهانة للاصدقاء و الأهل
الشاب ده أنا شايفو أرقوز أو ممثل.
رأيي الشخصي انو لا يعبر عن قيم و مثل
بل يبتذلها و يهين اليها. |
دا برنامج لى معرفة رأى الناس فى بعض المسائل الاجتماعية يعنى زى استطلاع بطريقة غير مباشرة.. وانا بصراحة عجبتنى
استجابة الناس التلقائية لهذا الشاب من غير تعقيد للامور صدقنى اكبرتها فيهم
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
السلام عليكم أختي الكريمة/ زينب...
(مدخل)
لا شك في أن الموضوع هام... طبعا السودانيون فعلا ناس فزعة ونفير ومساعدات...وحوبات
الشو موجود.. والمن موجود.. وكلو موجود.. ولكن يبقى الأصل والجوهر مصقول بالمحبة والبساطة..
سمعت قصصا كثيرة عن أناس لم يعرف فضلهم وبذلهم للخير إلا في مجالس عزائهم بعد أن يتوفاهم الله..
يأتي أناس ويعزون ويبكون وهم ليسوا من أهل الميت.. وعندما يبدأ السؤال عنهم.. تنداح القصص تترى
عن أفضالهم على أرامل وأيتام.. ومعوزين...وذوي حاجة وملهوفين.
عودة لسؤالك... أعتقد كما قال المتداخلون وكما آمنت على ذلك في معرض ردودك أن من ناحية امكانية
حدوث ذلك من شاب سوداني صعب جدا... فالسوداني ولو كان مضطرا لما لجأ لهكذا أسلوب
أقصى ما يفعله وبعد تردد أن يلجأ لأضيق دائرة من الأهل والأصدقاء وحتى هذه يقوم باتبدارها أحد المقربين نيابة عنه..
معك جدا في أن الكرم لا يمكن حصره في عرقية دون غيرها فهي لازمة بشرية وجدت وضدها منذ نشأة الخليقة...
بحكم أغترابي أختلطت بأعراق شتى ... وتعمقت علاقاتي بالبعض فرأيت منهم كرما إن لم يكن أكثر من كرم
السودانيين لا يقل عنهم...
هذا لا يفت من عضد ما ذكرته أختنا آمنة... فهناك نماذج سيئة للبعض وهم أيضا لا ينحصرون في السودانيين..
الموضوع رغم سهولة التحدث فيه فهو شائك نتيجة لتداخلات بيئية وتربوية وإنسانية.
هذا ما حببت أن أشارك به معكم في عجالة... وشكرا لك أختي والمتداخلون جميعا.
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
أية واحد ليه طريقتو في تقييم الوضع:
يا اعتبرو حرامي..
يا اعتبرو مسكين وساعدو..
يا اعتبروه مسكين وما ساعدوه..
يا هبش جيبو وما لقى حاجة..
يا إندهش وسكت..
يا إندهش وشاكلو
يا إندهش وإندهش .
اعتقد أديتك كل الخيارات ..
النتيجة:
كل شعوب العالم بتعطي النتيجة نفسها باستثناء آل كوز ..
عندهم نقطة مشتركة واحدة .... كلهم متأكدين من مسكنة الرجل وتلقاهم ما عندهم رغبة للمساعدة..
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: مهند أحمد سلمان طيفور)
|
الاخ العزيز Kamal Karrar
تحية طيبة
Quote: لا شك في أن الموضوع هام... طبعا السودانيون فعلا ناس فزعة ونفير ومساعدات...وحوبات
الشو موجود.. والمن موجود.. وكلو موجود.. ولكن يبقى الأصل والجوهر مصقول بالمحبة والبساطة.. |
الله ينور عليك .. عين الحقيقة
Quote: سمعت قصصا كثيرة عن أناس لم يعرف فضلهم وبذلهم للخير إلا في مجالس عزائهم بعد أن يتوفاهم الله..
يأتي أناس ويعزون ويبكون وهم ليسوا من أهل الميت.. وعندما يبدأ السؤال عنهم.. تنداح القصص تترى
عن أفضالهم على أرامل وأيتام.. ومعوزين...وذوي حاجة وملهوفين.
|
وانا شاهدة على كلامك اعلاه .. عند موت احد اعيان البلد اتت مجموعة من الناس للمساعدة فى بيت العزاء وعندما حاول اهل الميت دفع الاجور لهم
قالوا بصوت واحد كيف ناخذ اجر من هذا الرجل وكان يسمى ( محمود ) وهو الذى كان فى حياته يتفقدنا ويمد لنا يد العون
Quote: بحكم أغترابي أختلطت بأعراق شتى ... وتعمقت علاقاتي بالبعض فرأيت منهم كرما إن لم يكن أكثر من كرم
السودانيين لا يقل عنهم...
|
بالضبط كدا يا اخ كمال دى حقيقة .. لا يوجد شعب كله خير واخر كله شر
Quote: الموضوع رغم سهولة التحدث فيه فهو شائك نتيجة لتداخلات بيئية وتربوية وإنسانية.
هذا ما حببت أن أشارك به معكم في عجالة... وشكرا لك أختي والمتداخلون جميعا.
|
شكرا على المشاركة القيمة وتغطية الموضوع من جميع الجوانب
تحياتى ..
عاش الشعب السودانى وثورة حتى النصر
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
تحية طيبة الاخ العزيز مهند أحمد سلمان طيفور
Quote: أية واحد ليه طريقتو في تقييم الوضع:
|
صاح
Quote: كل شعوب العالم بتعطي النتيجة نفسها باستثناء آل كوز ..
عندهم نقطة مشتركة واحدة .... كلهم متأكدين من مسكنة الرجل وتلقاهم ما عندهم رغبة للمساعدة..
|
%100 ربنا يخلصنا منهم اليوم قبل باكر
العزة للسودان والمجد للشهداء
والثورة مستمرة
| |
|
|
|
|
|
|
|
|
|
Re: يا ترى لو دا شاب سودانى كيف كان حيكون رد ال (Re: زينب محمد عبدالله)
|
Quote: بالرجوع لموضوع البوست، في أي بلد في الصالح وفي الطالح، وبخصوص هذا الفيديو، أنا لو لقيت واحد طلب مثل طلب هذا المصري، سأتجاهله،
لأن العرس أو الفرح في حد زاته شو، فلسفتي للزواج بالبلح بتم الزواج، وبناتي ما بزوج ليهم سوى بلح أو موية أو لا شيء،
لكن لا أتوانى من التبرع في الأشياء الضرورة مهما كانت التكلفة مثل المرض الأكل الشرب |
بوركت أخي النذير
كلام جميل جدا ... كثيرا من مباهج الأعراس لارضاء الآخر فقط ولو على حساب التكاليف التي تتحملها الأسر أو المتزوج لفترات طويلة وتدفع ثمنها كديون تثقل كاهلها ...
وبارد على صاحبة البوست ....
ربما يتعاطف البعض من بني وطني مع هكذا حدث وردة الفعل ستكون بالتبرع المالي حسب الحاجة وقد يراه البعض متسولا لا أكثر - سأقيمه كمتسول فقط لأن الزواج بالمقدرة ويمكن أن يتم بأبسط التكاليف وليست بطريقة التسول هذه وعادة في السودان يتم اللجوء للأهل في هكذا حالات لاكمال النواقص ...
| |
|
|
|
|
|
|
| |
زينب محمد عبدالله
أبوبكر عباس
النذير حجازي
Bashasha
عمر أبوعاقلة
Asim Ali
الزبير بشير
محمد البشرى الخضر
محمد حمزة الحسين
عبدالمنعم الطيب حسن
Frankly
محمد حيدر المشرف
عبدالحفيظ ابوسن
Munir
حامد بدري
جمال ود القوز
Hamid Elsawi
Kamal Karrar
othman mohmmadien
فيس بوك
تويتر
انستقرام
يوتيوب
بنتيريست