|
Re: ضريبة زكاة المغتربين, لماذا؟! (Re: Asim Ali)
|
حبيبنا المشرف .. أغرب بلد في العالم شئون المغتربين عدد مهول من الموظفين في البلاد الاخرى لا شئون مغتربين لا شئون اي حاجة موظف واحد في السفارة يدير كل شيء كرار التهامي كل يوم بموضوع جديد مؤتمر ، ورقة عمل ، بنك المغتربين ، تسهيلات ، كفاءات المهجر كل يوم خلق موضوع جديد لتمشية الحال .. تخيل عدد ماكينات التصوير داخل المبنى .. وعدد العمال والمتطفلين داخل المبنى هكذا أصبح الوطن الجميع يتكالبون على المنظومات الغير منتجة والتي لا تحتاج إلى كفاءات إدارية نماذج كثيرة : ( شئون الحج ) ، هيئة العلماء ، المجلس التنفيذي ل... / المجلس التشريعي لـ.. ، حمعيات الثقافة .. إلخ وآخر تقليعة على عثمان محمد طه رجع بقوة ونصب نفسه نصير للمعاقين .. بالاضافة لمصطلح العودة الطوعية ( نفس المسمى يطلق على أهلنا العائدين من معسكرات تشاد ) والعدوى إنتقلت إلى جدة عشرات اللجان والنزاعات
حاجة ترفع الضغط .. تحياتي دكتورنا الجميل حبيبنا المشروف
| |
|
|
|
|
|
|
Re: ضريبة زكاة المغتربين, لماذا؟! (Re: محمد حيدر المشرف)
|
استاذنا ع ع ع على عثمان عبدالوهاب تحية طيبة ..
هذا الجهاز -جهاز المغتربين- يجب ان يلغى بجرة قلم .. هذه هي الثورة الحقيقة في علاقة سوداني الشتات بالدولة السودانية ,,
الغاء تاشيرة ءالخروج الغاء الزكاة بشكلها الراهن كجباية بالاكراه الغاء الضريبة فالاصل فيها الاستفادة المباشرة من خدمات الدولة .. او اكساب المغترب واسرته حق الانتفاع التام من هذه الخدمات ولمن شاء (الجامعات والمدارس والمرافق الصحية الخ)
انشاء شراكة ذكية بين الدولة والمغترب .. حتى ولو كانت في شكل حساب بنكي بالعملة الحرة يملك المغترب الحق في صرف مدخراته بالعملة الحرة .. ولو شاء بالعملة المحلية فله ذلك وبالسعر الخقيقي وانتهى الموضوع
لا اعفاءات بمكن مشاريع زراعية وصناعية وخدمية من خلال السفارات وادارة في وزارة الاستثمار (يجب دمج الاخيرة مع التجارة والاقتصاد)
تخيل الفائدة التي ستجنيها البلاد واكثر من 5 مليون سوداني يوردون للبنوك السودانية عملاتهم الحرة واستثمارها .. وتخيل اثر ذلك على الافتصاد واستقرار سعر الصرف
امودتي
| |
|
|
|
|
|
|
Re: ضريبة زكاة المغتربين, لماذا؟! (Re: محمد حيدر المشرف)
|
بلد اصبحت اقطاعيات للنهب والسلب ولجان كل يوم وتنبثق منها لجان لتتمدد لجان اخري والسوء يتمدد في كل صباح شاهراً لسانه لكل وجيع علي الوطن اموال كثيرة لا تدخل خزينة الدولة لتساهم في عجلة الانتاج بل تذهب راسا للراس الفاسد ليتصرف فيها كيفما شاء بلا اي محاسبة ولا ضمير او وازع اخلاقي المحير اكثر دخول الحمام في المستشفيات كما ظهر في الفيديوهات المنتشرة بمقابل مالي ..! الناس ديل ما خلوا حاجة ما دمروها تدمير ممنهج .. الوطن اصبح عبارة عن شركة كبيرة بداخلها لصوص تتفاوت درجاتهم ما عجز عنه الاعداء ينفذونه باتقان وتفان ...
| |
|
|
|
|
|
|
Re: ضريبة زكاة المغتربين, لماذا؟! (Re: محمد حيدر المشرف)
|
سؤال برئ لو في سوداني مغترب مسيحي ح يشيلوا منو زكاة؟ و لا ح يعفوه منها لانو ما مسلم؟ و لا ح يدفعوه جزية؟ المنطقي تكون ضريبة لكل المواطنين غض النظر عن دينهم الزكاة علاقة خاصة بين العبد و ربه زيها زي الشهادة و اقامة الصلاة و صوم رمضان و الحج. و لا عشان فيها قروش لازم الحكومة تتدخل فيها. بعدين تحديد مبلغ الزكاة بواسطة الحكومة غلط و يفتقد للمعاير الدقيقة نفرض شخص مرتبه كبير جدا و قاعد يصرف علي اهله و لم يبقي عنده مال حال عليه الحول تشيل منو الزكاة غصب عنه و لو ما دفع لانو ما عندو قروش تحرموا من حقوقه كمواطن من خدمات مفروض تقدمها له و ما مشحود عليها بل من صميم واجبك و الموظف قاعد يتقاضي راتب علي تقديم هذه الخدمات. الكلام كتير يا مشرف. لانو مشكلتهم مع الدين و استغلاله في نهب اموال الناس بغير وجه حق من منطق فقه التحلل. يشيلوا قروش الناس بالقوة و يقولوا زكاة. الله يكزن في العون.
| |
|
|
|
|
|
|
Re: ضريبة زكاة المغتربين, لماذا؟! (Re: محمد فضل الله المكى)
|
تحياتي اخ محمد ديل بنبشوا في اي حاجة ممكن تطلع ليهم قروش ومع انه مذهب الدولة مفروض مالكي لكن هم بياخدوا فتاوى من مذاهب تانية اذا كان بتحقق ليهم مكاسب اكتر عموما الزكاة البندفعها غصب دي احنا ما معتبرنها زكاة، وفي ناس بدفعوا زكاتهم مرة تانية اذا كان بلغت مدخراتهم النصاب بطريقتهم الخاصة من باب الورع البتاخدها الدولة دي اسمها مكوس بالقوة الجبرية ، والتحايل عليها جائز، واي وسيلة تاخر دفعها او تلغيه افضل من دفعها لناس بشيلوها لجيوبهم او جيوب اسيادهم
| |
|
|
|
|
|
|
|