يبدو يا سيد حاتم إبراهيم، أو معروف أبو الحسن أو أيّاً كان اسمك انو الناس ضاقت مننا ضيق شديد قبل شويّة اتصل بي زول من الناس الكويسين ولأول مرّة يخاطبني من غير مستنير، يا أبكر، يا دين حجر، دا شنو السخف البتسوي فوقو إتّا وحاتم دا؟ أفسدتم علينا متعة المنتدى وكهربتو المنتدى
المهم بعد المكالمة مشيت قعدت في البلكونة عشان. اشوف روحي من فوق لقيت كلامو صاح قلت لروحي: طيب يا مستنير، الحل شنو؟ واحد من أسلاك راسي قال لي: رسل رسائل اعتذار للناس الجننتها دي لقيت الحل دا ما عملي طيب أها الحل شنو؟ ننسحب أنا وحاتم من المنبر المشكلة ما بنقدر وبتجينا الكاروشة
فجأة وجدت حلاً نطلب من بكري سحب كلمة السر
فشنو؟ يا سيد بكري، ما عندك حل غير تسحب كلمة سرك وتفكنا من الورطة دي
06-25-2018, 03:06 AM
جلالدونا
جلالدونا
تاريخ التسجيل: 04-26-2014
مجموع المشاركات: 9398
دى اصلا ما مشكلة امشى غيّر كلمة السر و دخّل واحدة عشوائية و اعتمد تغيير كلمة السر اظن ده حل احسن و اجدى من انك تقع من البلوكنة و تفقه رقبتك و ما تنسى تكّلم زولك الحرامى و مزوّر ده برضو بالحل الناجع ده
06-25-2018, 03:16 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3511
بالنسبة لى يا بكور مافى اى احساس بالكراهية و الصفة دى عندى معدومة تماما انا بس قدمت ليك حل لو عاينت ليهو من جانب اخر بتلقاهو بيدينى الحق اطلب من بكرى يحل مشكلتك زى ما اتحلت مشكلة على ماهر قبل ده سورى اقصد معروف ابو الحسن
06-25-2018, 03:41 AM
Kostawi
Kostawi
تاريخ التسجيل: 02-04-2002
مجموع المشاركات: 39980
طلبك مقبول يا مستنير فيديو لمحمد الطيب الدوش/ وردي الحزن القديم...."بتطلعي إنتي من صوت طفلة وسط اللمة منسية" أو (الأرواح ال ٣) تمشي معاي وتروحي و تمشي معاي وسط روحي لا البلقاه بعرفني ولا بعرف معاك روحي
06-25-2018, 04:40 AM
Kostawi
Kostawi
تاريخ التسجيل: 02-04-2002
مجموع المشاركات: 39980
القصة هنا في الجمع يامستنير .. اي نعم في ناس مابحبوك وهم قلة قليلة مقارنة مع جيوش كارهي حاتم أو ايا كان اسمه .. فلما تخت نفس معاهو في حتة واحد فعادي ممكن تجيك دوشكا طايشة هي في الاساس موجهة للتختة الجنبك ( زي حقت جلال الفوق دي ) .. :) علي العموم انا شايف مافي داعي للإنسحاب او حتى التوقيف طالما بتكتب قناعات دون أي نفاق .. ودا هو المهم ..
........ مع إنو انا زعلان من حدتك مع بت أبا ستنا نور تاور .. لكن برضو بنحبك .. ولله في الله .. 😁
06-25-2018, 05:59 AM
جلالدونا
جلالدونا
تاريخ التسجيل: 04-26-2014
مجموع المشاركات: 9398
مافي علاقة يا بكور ودي واحده من عدم معرفتك بتقدير الحاجات او عايز تحشر حمارك مع حمار الكتبه ساكت ياخ جزء من من يناصبون حاتم العداء اصحابك ويصفو نك بالظرف مع إني ما عارف الظرافة فيك وين ؟ ولو غبت من المنبر بسالو منك فبطل استهبال ولخبطتت كيمان يا بكور ثانيا انت ما قاعد تواجه حملة منظمة ومتواصلة لطردك من المنبر انت كل البتعمل معاك المختلفين معاك بردوا علي مداخلاتك بما تستحق من ردود والنصيحة لا شفت عضو كتب بوست لازالتك من المنبر ولا عضو اواتنبن متفقين عليك فلم البوست ده وامشي كمل باقي مشاويرك في نزاعاتك بين البوستات بشي من صبر وبطل وحوحه ياهو حاتم راكز فاركز يعني بقت عليك حكاية كلب الترك يبكي من الفارة وبنيص وكلب الترك ده لا علاقة له بكلب السرة أنا باكد ليك علي شي واحد في حقك انك تتواجد بهذا المنبر لو بتنكرش ليه شوقا ولا لا لا يحق لا احد او شلة تقرر مصير عضويتك غيرك أنت وادارة المنبر في حالة الاقدام علي مخالفة تستحق الايقاف او الطرد دون ذلك نقبل عضويتك اختلفنا معاك او اتفقنا في النهاية ده حقك نوفروا ليك عشان نقدر نقتلع منك حقوقنا ولا كيف لم البوست ياخ
يا مستنير ليك وحشة ما جاوبت على سؤالي.... عنوانك ظريف ذكرني كلاسكيات طفولتنا ومطلع شبابنا\ الشيخان (لطه حسين وهو في الدسكتوب بتاعي وما لاقي ليهو وكت) و ذكرتني قصص المطالعة الطاهيان ومطلع القصيدة اياها عصفورتان في الحجاز لكن النحكي ليك اللطيفة دي من لطايف عبدالجبار ابراهيم عبدالغني وهو فكرة كعب من غرينزبوروه لازم تزورو قال وهابي يطيل الصلاة بطوال السور واحد سأله التخفيف قال ليهو خلاس بصلي بيكم تاني بالإخلاص بس برضو شافها طويلة وصل معاهو من الإخلاص لآية لغاية ما وصل لأصغر آية ممكنة مدهامتان المستنير رفض وقال ليهو مدهامة واحدة مالها عيبها لي
ياخ لا زم نشوفك لو النكتة ما فهمتها ح نشرحها عليك بشرح أدهم عن أكرت عن ساطور
06-25-2018, 06:40 AM
جلالدونا
جلالدونا
تاريخ التسجيل: 04-26-2014
مجموع المشاركات: 9398
اعتقد البوست ما محتاج نشرح عربى يقومو يجونا ناس الاستلاب كمان و لكن تخفيفنا نقول العدس ما ببقى كوارع و لو من باب الظرافة و الطرافة و معاها لزوم ما لا يلزم من بهارات على شاكلة شنو داك ما عارف
06-25-2018, 06:55 AM
Elsanosi Badr
Elsanosi Badr
تاريخ التسجيل: 03-29-2008
مجموع المشاركات: 4166
المشكلة مافي انو الزول يمشي ولا يقعد في المنبر، القضية في انو الهدف من تواجد الزول هنا، ودي في الغالب بتكون محددات شخصية . كل الناس هنا خيارتها فردية الي حدما وجزء منها تاثير الصداقات الاسفيرية البتنشاء بين البورداب. خيار مفارقة المكان ده بتحكمو في الغالب اشياء عدة من بينها الرضا النفسي .
في الونه الاخيرة ظهرت مجموعات لها اهداف من بينها اتلاف المكان وجعله غير جاذب وذلك عبر مطاردة الاعضاء وشخصنة المواضيع وقتل روح الخلاف الفكري.
هذا المكان تاسس علي انه صوت لمن لا صوت له وبدأ في تبني مواضيع عدة ونجح في ايصالها الي مراميها وتوسع وشمل عدة مناحي تهم الانسان بمختلف اتجاهاتهم ودوما كان هناك خلاف وتناحر فكري ، المنبر شهد اكثر فترات السودان هلاكا وايلاما منها علي سبيل المثال قضية دارفور واختلف الناس فيها ايما خلاف ودافع بعضهم عن مواقفه بشراسة ولم تخرج الي الشخصنة في معظم حالاتها علي الرغم من سيلان دماء السودانيين انهارا وتفحم جثثهم.
المجموعات التي جاءت اخيرا لها اجندة غير واضحة في اهدافها وهي تقوم بتطفيش الاعضاء عبر سياسة الهجوم الشخصي وتسفيه النقاش وخنق روح الاختلاف.
المعرفة يا ابوبكر عملية تراكمية وداينامك ما تعتقده اليوم وتدافع عنه قد تتخلي عنه غدا حال تجدد المعرفة، ما تقوم به المجموعات الجديدة هو خنق الفكرة دي وسجن الاخرين في الماضي وابتزازهم به وهي عملية رخيصة في تطفيش الناس من هذا المكان. هناك قضية اخري يا ابوبكر هي ظاهرة التخفي واستغلال هذا التخفي للاساءة للاخرين. التخفي في ذات نفسو هو ليست مشكلة لكن المشكلة تكمن في استغلال هذا التخفي للاساءة للاخرين . عندما بدأ هذا المنتدي كثير من الاعضاء لا يعرفون بعضهم وكان الخلاف حميميا في معظم حالاته، لكن مع تطور المنتدي وازدياد الاعضاء ظهرت الحوجة الي تنظيم العمل وذلك من خلال تطوير قوانين تحكم الخلاف.
فانت يا ابوبكر شخص قد تكون معروف ليس بالضرورة لكل اعضاء المنبر ولكن لعدد محدود من الاعضاء عندما تختلف ويحتدم النقاش سيكون هناك بصيص امل لطي صفحة الخلاف ان امتد الي الشخصنة بطريقة ما.، لكن هنا بعض الاشخاص اعتمد الشخصنة كاستراتيجية لتحطيم المكان ده وذلك بمطاردة الناس الذين هم انجح منو في مناحي شتي بدوافع عديدة ليس اقلها انها حالة مرضية او استعداء الناجحين او تحطيم المكان ده او الحسد الواحد ده كرض عضال موجود بين الناس الاقل تقدما او غيرها.
عندما تكرث هذه الشخصيات نفسها لتحطيم روح الحوار وقتل التفاكر بين اعضاء المنتدي تبرز الحاجة الي ضرورة الكشف عن مكان تواجد هؤلاء الناس ، لانو يا ابوبكر في حاجة اسمها القدرة علي التحكم الذاتي ، والزول اذا متخفي وما عندو اخلاق بيستمرأ شخصنة المواضيع لانو ضامن مافي زول بيلاحقو. لكين لو عارف نفسو انو الناس بتلحقو (بيخاف) وبيزيد عندو التحكم الذاتي. لاو اول ما يبدأ يشخصن وينحرف ويبدأ يطار الناس ممكن تلحقو في محلو وتحل الشخصي في محلو الشخصي والفكري في محلو الفكري.
انا شخصيا لا اقرأ لحاتم علي الاطلاق ولا تستهويني مداخلاته ، ببساطة لانو ما يكتبه هو (غرف) من غوغل واشياء ليست من اهتماماتي في الزمن اليسير المتاح لي و الذي ابذله هنا، كما اعتقد انه سمج في النقاش ويميل الي تطفيش الناس من المنبر عبر قتل الحوار وشخصنته كما انه يعاني من داء الحسد من نجاح الاخرين وتجلت هذه بصورة واضحة في مطاردة دكتور المشرف وتميزه عليه اخلاقيا ومعرفيا وقبله الموصلي ولفت انتباهي احد الفضلاء حين قال ده منو السفيه البيشتم الباشا! لانو الناس بتعرف الموصلي وتجربته لكن ليس بمقدورها ان تتعرف علي سفهاء وغمار الناس عندما يتطاولون دون بذل جهد.
قبل الختام هل صدفة يا ابوبكر ان البلاد تامر باسوأ فتراتها ويتم تكبيل المنبر واعضاءه وحشرهم في زويا شخصية ومواضيع غريبة ؟!!
06-25-2018, 07:08 AM
جلالدونا
جلالدونا
تاريخ التسجيل: 04-26-2014
مجموع المشاركات: 9398
عمي عابدين لقى ليهو يوم عربي(بدوي) سايق ليهو جمل مشحون تبس(نوع من النباتاتن البرية يصلح لصناعة الرواكيب) قام عجبو شديد وقال للعربي دا تبع منو؟ العربي رد بانو تبع السراج ودخير. عمي قال : "والله اكان لقيت لي واحد زي دا" وسكت على كدى ونسى الموضوع. بعد اسبوع قدام الديوان نسمع لك العاع عاااع عععاع عاع الدغش والعربي يبرك في الجمل بي برة. عمي: "دا شنو دا المع الدغوش دا؟" ردو عليهو اولادو:" دا عربي جايب ليك جمل بتاع تبس"
عمنا صفق ايديهو وقال قولته المشهورة عندنا: " العرب حجرونا الكضبة"
اهاااا شيل شيلتك يا بكوري مع العريبي كوستا
06-25-2018, 10:40 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3511
تعبتني يا المستنير عشان to dig deep عشان أجيب فيديو أوباما و كلمته المشهورة و هو سيناتور قبل أن يصبح رئيس /عن مشكلة السودان/ الخرطوم / عن دارفور... تصوير كوستاوي
تحياتنا النواضر الى ساريا لمشاركتها الفعالة في قضايا الوطن ..وقضية دارفور خاصة فوالله هذه محمدة تحسب لك لانك تربي اطفالك على حب الوطن والتفاعل مع قضايا الوطن.. فشكرا لك بالنيابة عن ساريا ..فاحسبها تشكرك من قلبها على تشجيعها الايجابي واتاحة الفرص لها لتعشق الوطن ،،،فما دام في ناس زي ساريا فلا خوف على السودان.. keep going Saria ..you are amazing and wobderful ودمت بالف خير وصحة وعافية
06-25-2018, 11:23 AM
محمد حمزة الحسين
محمد حمزة الحسين
تاريخ التسجيل: 04-22-2013
مجموع المشاركات: 1437
الحبيب أبوبكر المستنير .. مودتي .. نتابع مداخلاتك في كل البوستات .. وبدونك سودانيز سوف يكون صحراء ومصطلح مستنير اصبح له إنتشار واسع في جلساتنا والقروبات والمنتديات طبعاً مع حفظ حقوقك .. وهناك كثيرين يتصفحون الموقع لقراءة مداخلاتك ما عدا بوست الاخت تاور ..
أبشرك بالخير رجعت لقراءة مداخلاتك أيام شهر رمضان لأني كنت ممتنع ( اليوم بـ 60 يوم )
تحياتي الجميل ابوبكر .. وأرجو التصافي مع الاستاذة تاور
06-25-2018, 12:14 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3511
يا وهبّة ومسلمي، يا أخي، مسألة لومي في نور دا حيرتني! ناس كتار لايمني في الموضوع دا ما عارف، عشان ردّة فعلها جات عنيفة؟ الناس شافت نقدي ليها واستفزازها بأنها مقطوع منها عشم الوعي شافت الكلام دا كبير؟ كان نقد مني لتناقض تناولها للامور مع كونها ليبرالية؟؟؟؟!!!
المهم لو فعلاً الموضوع دا تعدي كبير؛ نعتذر ليها رغم انها أخدت حقها وزيادة وشتمتني شتيمة بعير أجرب
06-25-2018, 12:20 PM
Kostawi
Kostawi
تاريخ التسجيل: 02-04-2002
مجموع المشاركات: 39980
نواصل و إستجابة لطلب المستنير في هذا البوست...لكم أحد الفيديوهات للدكتورة شذا بلة و الأسئلة الصعبة لسعادة اللواء فضل الله برمة ناصر Washington توثيق كوستاوي
06-25-2018, 12:25 PM
Kostawi
Kostawi
تاريخ التسجيل: 02-04-2002
مجموع المشاركات: 39980
يا وهبّة ومسلمي، يا أخي، مسألة لومي في نور دا حيرتني! ناس كتار لايمني في الموضوع دا ما عارف، عشان ردّة فعلها جات عنيفة؟ الناس شافت نقدي ليها واستفزازها بأنها مقطوع منها عشم الوعي شافت الكلام دا كبير؟ كان نقد مني لتناقض تناولها للامور مع كونها ليبرالية؟؟؟؟!!!
المهم لو فعلاً الموضوع دا تعدي كبير؛ نعتذر ليها رغم انها أخدت حقها وزيادة وشتمتني شتيمة بعير أجرب
====================
حبيبنا أبوبكر .. المهم تكون سودانيز .. كل شيء يهون والخلاف وارد تحياتي يا جميل .. ولك التحية مني ونيابة عن أبوالنسب ( المسلمي )
واصل الاستنارة ..
06-25-2018, 12:35 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3511
كل الموضوع في غالبية من الأعضاء في المنبر ده (تعبانة تعب الموت) وإكتسبت ليها أرضية بالمجاملات وكترة المداخلات ساي فوجودك ومحاوراتك دي بتكشفم وبتخليهم في السهلة ساي فبالله أضرب من طرف وما تخليهم يرجعوك للقطيع تاني فأعداء الإستنارة ماليين البورد.
06-25-2018, 01:45 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3511
ياكوستاوي .. عليك الله كفانا لحدي هنا . وبالمناسبة انا حسيت زي كأنك قابض ابوبكر دا بي حاجة ملطوشة من النت .. لو عندك ونسنا بيها ياخ خلينا نتم باقي الروح الخلتا ليهو ستنا نور 😁
...... شكر علي الإعتذار .. ونرجو من بت أبا نور تاور ان تقبله وننهي الفلم لحدي هنا . شحرا تاني .. والتحية للاخ عبدالوهاب .
06-25-2018, 02:40 PM
عبداللطيف حسن علي
عبداللطيف حسن علي
تاريخ التسجيل: 04-21-2008
مجموع المشاركات: 5454
يا لطيف، ما عندي أنا ولا إله بلح ولا بطيخ الأنا التي أقولها قاعد استفز بيها الناس لرفع رهان الحوار، حتى استفزازي المباشر للمحاور الغرض منو اخراج الحقيقة المهم الظاهر فعلاً أمتلك أنا لم يحن بعد زمانها
06-25-2018, 04:49 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
ابوبكر يا استنارة سايبنا ورايح فين ؟ غايتو لو ما ضيق الوقت كنت نزلت ليك اغنية فوق الحلة دى انا تانى مابجى . ( لكن فى فسحة من الوقت ح انزلها ان شاء الله )
انت كتبت :
Quote: المهم مداخلتك تأكد كمية الكراهية التي تسببنا فيها لقلوب الناس الرقيقة زي جُلّة دا
الخطأ الاملائى دا لو من اى زول عادى غير مستنير ممكن نفوتها لكن من مستنير كبير زيّك مش ممكن والصحيح ( تؤكد ) لان الفرق فى المعنى بين ( تأكد ) و _ تؤكد _ كبير ,
06-25-2018, 11:09 PM
nour tawir
nour tawir
تاريخ التسجيل: 08-16-2004
مجموع المشاركات: 17638
يا مجيدو ازيك كنت بسمع في القطار المرة الغريبة دخلت هنا لقيتك اخر المشاركين هنا ههه والنصيحة فيديوهات كوستاوي خفيفة ظل وخففت علينا بوستات بكور الوداعية المتكررة قصيدة جلال النزلها دي ما بتتبلع نهائي هههههههههه
06-26-2018, 08:32 AM
محمد مجيدو
محمد مجيدو
تاريخ التسجيل: 07-06-2013
مجموع المشاركات: 2392
. . . الصراخ بقدر الألم ... سخرية المستنير من كوستاوي بكلمتين خلته يتلوى وينزل في فيديوهاته البايرة ... . . لو بكري ابوبكر لقى ليه أي شخصين خلاف كوستاوي ودينق عند تأسيس المنبر ... المنبر دا كان بقى منافس خطير للفيس بوك ... لاحظ انه المنبر تأسس عام 2002 والفيس بوك تأسس في 2004 ... شوف الفرق في راس المال وعدد المشتركين بين الموقعين ... حيث يبلغ راس مال الفيس بوك الان حوالي 300 مليار دولار وعدد المشتركين حوالي 2 مليار مشترك ... ويجي كوستاوي ويقول ليك عندي قناة فيها 4000 مشترك !!! . . . وجه المقارنة معدوم بين عقول خلاقة زي (مارك زوكربيرج) وبين عقول ناس رزق اليوم باليوم أمثال صاحبنا (دينق) ... ... . .
06-26-2018, 09:21 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: وجه المقارنة معدوم بين عقول خلاقة زي (مارك زوكربيرج) وبين عقول ناس رزق اليوم باليوم أمثال صاحبنا (دينق) ...
ههههههههههههههههه عملتها ظاهرة يا قريبك السياق الصحيح يا قسم تقارن بين مارك و بين بكري باعتبارهم المؤسسين للموقعين دينق وكوستاوي يقومان مقام شركاء مارك في تأسيس الفيس الركبهن الماسورة داستن موسكوفيتز وكريس هيوز - أرجع للفلم الوثائقي لكن طبعا قصة عقول رزق اليوم باليوم ما بتتقال لبكري مباشرة كدا وإلّا بتضربك الطراوة وكدا :)
06-26-2018, 09:29 AM
عادل الباهي عبدالرازق
عادل الباهي عبدالرازق
تاريخ التسجيل: 10-18-2010
مجموع المشاركات: 4905
. . عمى كباسة ...... . . يعني انت عشان عملت ليك فيديو وراكب مع بتاع كارو ... خلااااص داير تعمل لينا فيها الولد ناشط ... . . . قوم لف عامل شعرك المصبغو دا ...... . . . أنا بالمناسبة الدفعة القبل صاحبك ود البشرى دا مباشرة في الخرطوم القديمة ... لكن انت قبل كدة قلت انك شاركت في طلائع مايو ......
06-26-2018, 10:11 AM
قسم الفضيل مضوي محمد
قسم الفضيل مضوي محمد
تاريخ التسجيل: 01-08-2013
مجموع المشاركات: 2608
زمان بداية وجودي في المنبر اداخلت مع تمبس كم مرة أبى يرد لي
مرة اتفقت معاه في رأي مزاجو انعدل رد لي في نهاية الرد قال لي : بس أعمل حسابك في اتنين شاوشية هنا ساكنين في امريكا لو لموا فيك بقلعوك هدومك ما قال الأسماء لكن أنا عرفتو قاصد كوستاوي ودينق أها هسه واحد من الشاويشية لما في أبوبكر واهوندا قلع منو بوستيهو، هسه عليك الله رقيص كوستاوي دا ما رقيص همباتة هههههههههههههههههههه غايتو تصحيتي لابوبكر لو عندو باقي كلام مع حاتم يمشي ليهو في بوست أبوش زلكا هنا خلاس كوستاوي لسه باقي ليهو 3985 فيديو عايز ينزلها
06-26-2018, 12:19 PM
عادل الباهي عبدالرازق
عادل الباهي عبدالرازق
تاريخ التسجيل: 10-18-2010
مجموع المشاركات: 4905
يا قسم الفضيل برد ليك نفس كلامك الصراخ بقدر الالم انا كل قصدي لمن شفتك جلك في افطار رمضان وراسك كلو شيب وشنبك إتحتا من تقدم العمر قلتا أحترمك شوية لكن لو كلامي اكل معاك جنبة خلاص انسي كلمة العم دي يا عمو
Quote: قوم لف عامل شعرك المصبغو دا
لا لا أنت زعلتا جد جد هههههههههه بالمناسبة أنا بأعتباري ناشط ضد الاشياء دي
Quote: أنا بالمناسبة الدفعة القبل صاحبك ود البشرى دا مباشرة في الخرطوم القديمة ... لكن انت قبل كدة قلت انك شاركت في طلائع مايو
عاوزني افلت وتقنطرني لود البشرى يا خلبوص تلقاها عند غافل ود البشرى شباب ورياضة انت من شنبك المحتوت دا بتكون دفعة جدي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة