|
Re: فضيحة جديدة .. البنزين زادوه موية.. (Re: عمر التاج)
|
الجيش زادوه موية .. ماشي الامن زادوه جنجويد .. بلعناها لكن البنزين يزيدوه موية دي واسعة شوية.. . . يقال ان التحقيقات تسير على قدم وساق لمعرفة من الفاعل أخشى ان تكون لعبة من احدى الشركات المزودة .. ولكن تبقى كارثة اذا جاءت من مصدرها هكذا بنزين+ ماء والمشكلة الاكبر الاثر والخراب الذي يحدثه البنزين المخلوط على ماكينات المركبات
| |
|
|
|
|
|
|
Re: فضيحة جديدة .. البنزين زادوه موية.. (Re: امتثال عبدالله)
|
الاحتمالات يا امتثال كثيرة .. فاما أن الخلط جاء خطأ وإما متعمد .. فإذا استبعدنا الخطأ باعتبار أن الأمر تكرر في أربعة طلمبات في يوم واحد يبقى الفعل التعمد وله عدة احتمالات .. إما محاولة رخيصة من جهة ما بتزيد الكمية بمثل يفعله الناس باللبن ، وهذه مجرد جهالة وغباوة .. وإما أن يكون الخلط تم في المستودعات الرئيسية قبل التعبئة سواء أكان من المصفى أو الباخرة .. وهنا تكمن الكارثة .. والأيام ستبدي لنا كل الاحتمالات وأرجحها في سودان العجائب ويبقى السؤال ، الموية مكانا وين؟ مكانا وين؟
| |
|
|
|
|
|
|
Re: فضيحة جديدة .. البنزين زادوه موية.. (Re: عمر التاج)
|
سلامات ود التاج Quote: إما محاولة رخيصة من جهة ما بتزيد الكمية بمثل يفعله الناس باللبن |
دي قصة غريبة جدا البنزين ليس كاللبن ولن يختلط بالماء بل زي الزيت سيظل كلا منهما منفصلا عن الآخر عادة خزانات محطات الخدمة بتكون مزودة بحساسات تطلق انذار حال ارتفع مستوى الماء المتكون نتيجة التبخر و التكثيف عن حد معين - عادة الماء اثقل من البنزين ويكون بالأسفل حالات غش البنزبن تكوت دائما بخلطه ببنزين نوع آخر, كان تبيع بنزين 92 على انه 95 أو بنزين عادي على انه خالص من الرصاص, لكن خلطه بالماء! دي من محن السودان
| |
|
|
|
|
|
|
Re: فضيحة جديدة .. البنزين زادوه موية.. (Re: Sayed Bekab)
|
سلامات أخ محمد البشرى.. لا شك أن القياسات التي تحدثت عنها مطبقة في كل دول العالم .. الا السودان ، فالوقود المستورد هو الأسوأ على الاطلاق وكلما يتذكر البنزين سئ الذكر ذو الرائحة النتنة الذي أحال محاط الوقود لحمامات الشواهد الأخيرة رجحت كفة العمل المتعمد في خلط الوقود بالماء وهناك شاهد أورد في صفحته على الفيسبوك مايلي:
Quote: امس في كسلا حصلت حاجة تمححن طبعا الناس كلها عارفة الازمة الحاصلة في الوقود بشكل عام و الوقوف في الطلمبات صفوف اصبح امر عادي و الناس تبيت في محطة تغذية وقود برضو اصبح شيء عادي و العادي اكتر منه انك ممكن تصل المسدس و يقولو ليك الوقود قطع دي كلللها مقدمة... الحصل انه الناس واقفة صف في طرمبة معينة و انا عارفها بالاسم و تقريبا اكتر من نص العربات في كسلا كانو شامين خبر انه في وقود (بنزين) جاييها في الشارع و قريب و في كمييية عربات واقفة حارساهو الغريبة انو التانكر جا فعلا و غذا الطرمبة بالبنزين و الناس بدت تكب بنزين في العربات و لحدي هسه الوضع طبيعي و مافي شيء... يلا اول عربات كبت بنزين اربعة و طبعا المسدسات اربعة على مكنتين... يلا العربات كوووولها ابت تدور .... دفروها برة و تاني كبو لي كم عربية برضو ابت تدوور الناس وقفت كب الوقود و مشو يشوفو العربات مالها الفاجعة جات و كانت انه التانكر الجا فرررغ دا فررغ ليهم موووووية ااااي مووووية اقسم موية و الجوطة بدت سالو بتاع الطرمبة قاليهم اسالو بتاع التنكر انا ما عندي دخل المعروف انه تانكرات الوقود دي في المستودع بيقفلو بلف التفريغ و يربطوهو بي حاجة اسمها الختم لونها احمر الختمم دا كلبش بلاستيكي ذي بتاع صندوق الانتخابات و مرقم بيقطعو بتاع الطرمبة في التفريغ تمام...
الناس لما جات لي بتاع العربية قالو ليه يا زول انت جايب موية قاليهم انا لو كبو لي في التانكر زيبق .... انا ما بعرفو و ما عندي بيه قضية انا ديلفري يكبو لي في التنكر. يقفلو بالختم. يوروني الاتجاه و المكان. و على كدا بقفل. و اسالو بتاع الطرمبة من الختم لقاهو وله ما لقاهو الناس ما عرفت غريمهم منو !!!! اللهم فكو تنوكة العربات العطلانة ديك نضفوها و ظبطوها و رجعوها في مكانا و طبعا حبة البنزين الكانو جو بيهو اصلا راح ساي و عامل الطرمبة رجع للناس قروشهم.. السؤال ليييه الحاجة دي او كييييف حصلت يكون من المستودع معناها مفترض تحصل في كم حتة في السودان و اذا بقت من بتاع الشاحنة الختم دا جاهو كيف و نمرة سير الختم نفس نمرة الورق بتاع الشحنة وله من الطرمبة كان جابت بنزين بي موية ما كان جابت موية بس.... الخلل وين الخلل وين و شوفو الاستهتار وصل لي ياتو حد
|
| |
|
|
|
|
|
|
|