|
Re: تحويلات المغتربين هل ستعوض العجز؟؟؟ (Re: محمود الدقم)
|
لك التحية اخي الفاضل \ دقم ..
وهل المغتربين ممكن يحولوا ؟؟؟؟ تحويلات المغتربين هل ستعوض العجز؟؟؟ اكيد لا الناس ديل يا خيي ما خلو ليهم وجيع يبكي ولا يحن عليهم السودانيين كلهم بالخارج وفروا البديل البحفظ حقوقهم يعني حكومة اللصوص المفسدين ما تعشم في زولآ من برا لانه خلاص جربوهم ولقوهم غير مؤتمنين فعشان كدا توبة من لصوص الانقاذ .
اللهم نسألك ان تبعد عنا بعد السماوات للاض انهم لايعجزونك .
ولك الشكر اخي دقم .
| |
|
|
|
|
|
|
Re: تحويلات المغتربين هل ستعوض العجز؟؟؟ (Re: مني عمسيب)
|
شكرا جزيلا بت عمسيب نعم المصداقية بين المغترب السوداني والنظام تقريبا صفر شبه معدومة، الجهات المعنية في الدولة كم مرة تبنت مشاريع لصالح المغترب ولم تفيء بالالتزام، بعض التصريحات لبعض المسؤوليين تجاه المغترب كانت مستفزة ومؤلمة مثلا ابان تطرد السلطات السعودية للاجانب ومن ضمنهم السودانيين..خرج علينا مسؤول كوز قال بان ليس من مهام الدولة تشغيل العايدين.. لم يتم الاحتفاء بمن رجعوا من السعودية كون ان هؤلاء المغتربين ساهموا في توفير العملة في يوم من الايام ..وامور اخري كثيرة..شكرا لك
| |
|
|
|
|
|
|
Re: تحويلات المغتربين هل ستعوض العجز؟؟؟ (Re: محمود الدقم)
|
حبيبنا محمود .. مودتي .. أين الكاش .. أولاً .. الشركات في السعودية معظمها عاجزة عن دفع الرواتب بعض الشركات وصلت إلى أكثر 10 شهور بدون رواتب والمغتربين مثقلين بالرسوم وغير الرسوم .. حتى لو جاءوا بكل التسهيلات .. نو موني .. ما في فلوس .. كان قبل سنتين وما قبله .. كان ممكن بالحوافز إستقطاب تحويلات المغتربين ممكن حاجة واحدة تجلب لهم بعض التحويلات .. جمارك السيارات .. ولا غير
شكراً محمود .. هم لم يسمعوا بالعودة الطوعية ..
| |
|
|
|
|
|
|
Re: تحويلات المغتربين هل ستعوض العجز؟؟؟ (Re: علي عبدالوهاب عثمان)
|
العزيز...علي عبد الوهاب عثمان احترامي، صحيح ان الوضع الاقتصادي بالسعودية في غرفة العناية المكثفة، نتيجة خطة محمد بن سلمان، لكني هنا ايضا اتحدث عن موضوع التحويلات في السنوات الماضية يعني من 5 الي 7 سنوات، امتدادا للان.
مغتربي السعودية بصفتهم كانوا يشكلون نسبة عالية في التحويلات الخ..الان بعد السعودة حتي "نقاطتهم" شبه توقفت..اضافة الي ما تفضلت به بان الشركات لا تدفع للبعض رواتب لفترة تمتد لعشرة اشهر. كلها عناصر تصب في ان خزينة الدولة السودانية تواجه مغامرة كبيرة في جعل تحويلات المغتربين مضخة لتوفير العملة، كنا نتمني ان نري علي الارض خطط عملية تجعل المغترب شريك جوهري في النهضة ان وجدت اصلا شكرا لك المرور والمداخلة الشحمانة.
| |
|
|
|
|
|
|
Re: تحويلات المغتربين هل ستعوض العجز؟؟؟ (Re: محمود الدقم)
|
المغترب اولاده ممنوعين ادخلوا الجامعات السودانية لا عن طريق كوتت سمية ابو كشوه المغترب ما عنده قطعة ارض الا بالدولار المغترب مشي من حر ماله الي دول الاغتراب الحكومه ساعدتة في شنو المغترب ادفع ضرائب الجن حتي للقناه السودانية الفضائية و كمان ضريبة العودة الطوعية للمغترب طيب ليه احول للحكومه مقابل شنو يا ريت اذا في مقابل و اذا علي كرار التهامي وطات المغترب اصبحت كرار ده زول لاف ساكت و ما عنده موضوع من ايام الاتحاد الاشتراكي زول عاوز اعيش و عاوز اضواء لا عنده شغله في مغترب و لا غيره الحكومه عليها بالقعاد في الوطه و تشوف مصادر تمويل عجز خارجي و تحرك دفة الانتاج بقوه و بعلمية كمصدر رئيسي للدخل القومي اما شغل سوق ام دفسوا ده ما بنفع
قلبنا علي الجميع و ربنا يصلح الحال
| |
|
|
|
|
|
|
Re: تحويلات المغتربين هل ستعوض العجز؟؟؟ (Re: الزبير بشير)
|
صحيح الزبير هذه مشاكل عويصة..اقول قولي هذا وانا استحضر الاغراءات التي قدمتها الحكومة الاثيوبية للاثيوبيين الذين يضخون ويستثمرون 50 الف دولار اغراءات علي شاكلة اعفاءات جمركية، قطعة ارض. لذلك ولانه توجد جفوة وفجوة بين المغترب والدولة نجد ان المغترب اصبح يكمل عملية التحاويل بالخارج والدفع يكون بالخارج بالدولار، الريال، استرليني، يورو..الخ والاستلام بسعر السوق الموازي او قريبا منه، وبذلك خسرت الدولة. شكرا لك اخي الزبير بشير.
| |
|
|
|
|
|
|
|