|
|
|
 Re: أتمنى أن يقود الفريق قوش إنقلاب ناعم (Re: أبوبكر عباس)
|
طبعا دا متوقع منك !
بدلو أحمد بحاج أحمد !
الناس مثلا في ظروف مشابهة بتطالب قيادة الجيش بالتدخل والإستلام والتسليم لمجلس مدني
أنتقالي يتولي السلطة التنفيذية !
* أما قوش .. فهو يتولي جهاز قمعي كونته الإنقاذ وليس مؤسسة قومية مستمرة منذ قرن منذ
الزمان كالشرطة والجيش !
قوش صاحب تاريخ دموي وهو مؤدلج وكوز - قبل الإنقاذ وبعدها !
...
| |
 
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
خرب مدينتو يا بكّور, المثل الصاح كدا
المهم ليه اخترت قوش و جهاز الأمن عوضا عن القوات المسلحة الأكثر قومية وقبولا عند غالبية الأطراف
قوش أو جهاز الأمن ليس خيارا ابدا, على مضض الناس ممكن تقبل بالجيش باعتباره الأخف ضررا لكن الأمن وقوش صعبة شوية
| |
|
|
|
|
|
|
|
 Re: أتمنى أن يقود الفريق قوش إنقلاب ناعم (Re: أبوبكر عباس)
|
أبوبكر عباس - كتب
Quote: وأيضاً متوقع منك الكتابة من غير تفكير.
علي قول أنثال الصادق المهدي الصدوق:
" الفشّ غبينو ضيّع قبيلتو" |
وأ
الذي يكتب بلا تفكير هو إنت أو بالأحري تفكر وتتماهي مع مايبقي جوهر السلطة !
الفشّ غبينو منو هسي ؟
المظالم والجرائم مكانها المحاكم ولم نطالب بالتفشي وإراقة الدم إنتقاما بأيدي الثوار تفشيا وإنما نطالب بإعمال القانون ومبدأ المحاسبة والإحتكام لقضاء نزيه ومستقل !
أما علي المستوي السياسي فيبقي قولي هذا معبرا عن كرأي
لناس مثلا في ظروف مشابهة بتطالب قيادة الجيش بالتدخل والإستلام والتسليم لمجلس مدني
أنتقالي يتولي السلطة التنفيذية !
* أما قوش .. فهو يتولي جهاز قمعي كونته الإنقاذ وليس مؤسسة قومية مستمرة منذ قرن منذ
الزمان كالشرطة والجيش ! قوش صاحب تاريخ دموي وهو مؤدلج وكوز - قبل الإنقاذ وبعدها !
...
*
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
| Quote: يقود به البلاد لفترة انتقالية، تجرى بعدها انتخابات. |
خالف تُذكر إزيك
هل تصدق في قرارة نفسي تمنيت ذلك حقنآ للدماء؟
ولكن لا يستطيع مع حيات وثعابين وصقور ومنتفعي الحركة الإسلامية ..
دي منظومة لصوص وحرامية لا يشبعوا أبدددددآ والغدر شيمتهم ..
وأبوهم الكبير الترابي عرف مافيهم خير ولا فيهم بذرة خير حتى قبل أن يغدروا به.
هل قوش من القوة بمكان لفعل ذلك ؟ وهل لديه ما يكفي من موالين ؟! ... لا أعتقد
أو لربما ستكون الأيام القادمات حُبلى بالكثير!!! من يدري!
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: Hadeer Alzain)
|
مشتاقين يا هدير
وسعيدين بعودتك
أبداً ورب المجرات، ليست موضوع خالف،
لكنني مهموم بهذا الفقر والانهيار من زمن
هذا البوست كتبته بعد تأني كبير ونقاش مع أصدقاء مهمومين أكثر مني بالخروج من هذا المأزق
قولي لينا تصورك وما عندنا مانع نتبعك،
ما تخليك زي ناس كمال عباس ديل بتاعين تنظير ساكت
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
أبوبكر عباس - كتب | Quote: وأيضاً متوقع منك الكتابة من غير تفكير.علي قول أنثال الصادق المهدي الصدوق:" الفشّ غبينو ضيّع قبيلتو" |
الذي يكتب بلا تفكير هو إنت أو بالأحري تفكر وتتماهي مع مايبقي جوهر السلطة !
الفشّ غبينو منو هسي ؟ المظالم والجرائم مكانها المحاكم ولم نطالب بالتفشي وإراقة الدم إنتقاما بأيدي الثوار تفشيا وإنما نطالب بإعمال القانون ومبدأ المحاسبة والإحتكام لقضاء نزيه ومستقل !أما علي المستوي السياسي فيبقي قولي هذا معبرا عن كرأيلناس مثلا في ظروف مشابهة بتطالب قيادة الجيش بالتدخل والإستلام والتسليم لمجلس مدنيأنتقالي يتولي السلطة التنفيذية !
* أما قوش .. فهو يتولي جهاز قمعي كونته الإنقاذ وليس مؤسسة قومية مستمرة منذ قرن منذالزمان كالشرطة والجيش ! قوش صاحب تاريخ دموي وهو مؤدلج وكوز - قبل الإنقاذ وبعدها ! ...*
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
قيادات الجيش جديدة يا بشرى،
صلاح قوش قديم وعارف وخابز كل اللعب وهو الأقدر في التصدي للكيزان المتطرفين،
وخارجياً علاقاته هو الأحسن
علي الأقل كمان سوف تعود كثير من الأموال المنهوبة
المهم يشعر انو عندو ناس ممكن تقيف
لو فعلها سوف أقف معه
لا توجد خيارات كثيرة
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
كتبت في موضع آخز
سيسقط النظام عاجلا أو آجلا - قد تكون هذه الحلقة الأخيرة الثورية أو ماقبلها - ولكن التصاعدوالذخم الثوري مستمر فلنختزل السلبي ولنبني علي الإيجابي - يجب : أن تبقي جذوة النار مشتعلة ! ومشاعل النور والنار سامقة! والرهان علي الجماهير في الميدان - المهم أن تتمسك الناس بالمبادئ - وتتجاهل الأنبياء الكذبة ودعاة إستمرار سلطة الإنقاذ بثياب جديدة ! لاوصاية علي خيارات الناس فليدعو كل للثورة ولكن هذا لايعني الإتفاق مع الإطروحات التي تبقي جوهر السلطة وتغير شكلها
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: كمال عباس)
|
يا أخي، وين أنا قلت هو ملاك؟!
ناس النيابة لو في عشرة حرامية سارقين ليهم كل واحد مليون دولار وما قادرين يدينونهم،
بقوموا يعملوا واخد شاهد ملك ويعفوا ليهو مليون،
عشان يدينوا التسعة الباقين
دي فكري
قول فكرتك ومخرجك بشكل كامل وبعيد من هتافية الجماهير شنو كدا ما عارف
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: كمال عباس)
|
كمال عباس أيها الوطني الغيور والمهموم بالوطن، لك التحية والاحترام
أبوبكر طرح حلول قابلة للنقاش ، وطرح قوش كفرد ، وكرجل وطني وليس كمنظومة.
يعني يستلم كالمرحوم سوار الدهب لفترة إنتقالية ويسلم لاحقآ .. حلآ لأزمة ومنعآ لكثير دراما
وداير خيارات أخرى. وإختار تحديدآ قوش لكونه معروف إقليميآ ودوليآ.
دا فهمي للبوست.
بكري يبحث عن حلآ للأزمة ، فما هو مقترحك ؟
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
| Quote: وهل يوجد فرق بين الجيش المؤدلج والأمن المؤدلج؟ |
فرق كبير يا هدير بسبب طبيعة الجهازين المختلفة وقوانينهما الحاكمة و السلطات المخولة لكل!
لا استطيع ان اجزم ان الجيش 100% يتكون من الاسلاميين بقدر ما استطيع ذلك عند الحديث عن الأمن
العدد الكبير لأفراد الجيش يمنع السيطة الكاملة للكيزان عليه, قد تكون هيئة القيادة و الرتب العليا من الاسلامويين لكن ليس كل الجيش بالتأكيد عكس الوضع في الأمن الذي حتى اصغر فرد فيه ولاؤه للنظام.
| |
|
|
|
|
|
|
|
|
|
Re: Re. : أتمنى أن يقود الفريق قوش إنقلاب ناعم (Re: اخلاص عبدالرحمن المشرف)
|
Quote: لا لحل جهاز الأمن ده خطأ ابريل
والخطأ التاني كان الثوار ما ممثلين |
جهاز أمن نميري لم يكن مؤدلجا ولاحتي حزبي !
جهاز أمن الإنقاذ وبالتحديد الأمن الداخلي - تنظيم عقائدي مؤدلج - ومحزب حتي النخاع!
مهمته حماية سلطة وكرسي ومغانم البشير وجماعته - لاحماية الوطن والمواطن !
* وبالمناسبة إتفاقية نيفاشا ودستور نيفاشا نص- علي يقوم جهاز الأمن علي أساس قومي
وأن تتركز مهامه علي جمع وتحليل المعلومات -وأن يصاغ قانون جديد لجهاز بشكل يتماشي
مع الدستور - رفضت الإنقاذ تعديل القانون وحصر مهامه في جمع وتحليل المعلومات !وهو
مايناقض طبيعة الجهاز الحالي - الذي جمع سلطة القضاء والتحري والشرطة والسجون!
* جهاز بتركيبتهالحالية وعقيدته وكوادره المهيمنة وسجل ممارسته يتعارض مع مصالح الجماهير ومع دولة القانون والدستور والحريات !
*
حل هذا الجهاز الفاشي والقمعي هو مطلب مشروع -: وبناء جهاز وطني وفق قانون ديموقراطي قومي وتكون عقيدته
وطنية تحمي الوطن والمواطنة والديموقراطية - فليتقدم للإلتحاق به كل من لم يثبت تورطه
في تعذيب وقهر ومصادرة حريات ولكل يملك سجل نظيف !
* الدعوة لإستمرار جهاز الأمن المؤدلج هذا يعني بقاء حصان طروادة ودمل متقيح في صدر
الوطن بل وقلعة تدين بالولاء للإنقاذ !
| |
|
|
|
|
|
|
|
|
|
Re: Re. : أتمنى أن يقود الفريق قوش إنقلاب ناعم (Re: Bashasha)
|
Quote: صلاح قوش قديم وعارف وخابز كل اللعب وهو الأقدر في التصدي للكيزان المتطرفين،
وخارجياً علاقاته هو الأحسن
علي الأقل كمان سوف تعود كثير من الأموال المنهوبة
المهم يشعر انو عندو ناس ممكن تقيف
لو فعلها سوف أقف معه
لا توجد خيارات كثيرة |
يا ابلمبة طبعاً انوارك التعبانة اعتقد انك عارف انو الفريق قوش دا فريق من منازلهم الإسلامية و ليس فريق تمرحل عبر المؤسسات العسكرية.
و إذا هو قديم فهو قديم بس مافي الجيش و الجيش لو جيش جد جد زي قوش دا ما بدخلو.
| |
|
|
|
|
|
|
|
|
 Re: Re. : أتمنى أن يقود الفريق قوش إنقلاب ناعم (Re: سفيان بشير نابرى)
|
يقود به البلاد لفترة انتقالية، تجرى بعدها انتخابات.
الرجل يمسك بكل الملفات المهمة وفوق ذلك هو ليس على وفاق مع صقور الحركة الاسلامية الذين هم الآن خارج السلطة.
إذا حدث ذلك، يجب أن نلتف حوله متناسين كل الضغائن القديمة،
وليتبرع كل منّا بثلث ما يملك
....
!!!!!!!!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: Re. : أتمنى أن يقود الفريق قوش إنقلاب ناعم (Re: أبوبكر عباس)
|
بكور يا استنارة
بقيت تجليها واقفة ..
هذا الصلاح قوش احد الذين سيتم محاسبتهم بقانون العدالة الانتقالية ثم بعد ذلك يقوم بارجاع كل المال الذى سرقه
حتى صار واحدا من كبار رجال الاعمال فى السودان ..
بعد ان يحاكم ويُخلى سبيله يمكنه ان يأتى الى السلطة عبر الانتخابات والوسيلة الوحيدة لتسنم السلطة بعد ذهاب البشير الى الجحيم هى : الانتخابات
| |
|
|
|
|
|
|
|
|
 Re: Re. : أتمنى أن يقود الفريق قوش إنقلاب ناعم (Re: أبوبكر عباس)
|
انتو اتكلمتو عن ثلاث قوى عسكريه
الجيش (ق ش م)
قوات الدعم السريع (ق د س)
جهاز الامن والمخابرات
ونسيتو ....قوات الدفاع الشعبى (ق د ش ) ودا وجود وليهو نشاطو رغم انو ماظاهر على السطح
وبالمناسبه الاختصارات رموز لوحات سيارات كل جيش او قوه من القوى المذكوره.
القصه كلها فى جهاز الامن والدفاع الشعبى هم القوى الرسميه والشعبيه للنظام اللى فى ايدا مفاتيح اللعبه .
وعموما اى حل يتصدر مشهدو واحد من القوى الاربعه دى معناها كانك يا ابوزيد ماغزيت واعاده تدوير لسلطه الاخوان فى شكل جديد ووجوه جديده من جيل معتز صدمه واصغر
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
ابوبكر بالغت ياخ..
تعرف!!
اسوأ سيناريو مستقبلي هو ما تفضلت به ..وخلى كلام محمد البشرى الصحيح .. خلي كلام كمال عباس الصحيح .. خلي ده كلو واسمع الكلام ده .. لو في احتمال واحد لانزلاق البلاد نحو الحرب, لكان ذلك الاحتمال مرتبط بانقلاب قوش واستيلاءه على السلطة .. وليس قوش فحسب ولكن قوش بالتحديد .. اي ان الاحتمال وارد مع اي انقلاب خارج الجيش اكان الانقلاب بقيادة قوش او غيره ولكنه مرجح اكثر مع قوش..
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: محمد حيدر المشرف)
|
يا مشرف، أنا قلت إنقلاب ناعم ناعم
بضغط من الجماهير
الخليج
المجتمع الدولي
باقي حاجة أنا ما قلتها خوفاً من (المرارات) تنفقع في بداية البوست
السيناريو دا فيهو خروج آمن للبشير
معليش
الله بعدين بياخد لينا حقنا كم تشّة كدا
ولو صدق الترابي
يتحول فقط لكربون وممكن تجيكم منو طماطم
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
المستنير قوش اتيحت له فرصة
لم تتوفر لغيره عند ما اقيل من مناصبه بصورة مهينة
ومن ثم اتهم بمحاولة انقلابية اعتقد انها مكيدة
و جرب الظلم و اختبره...حتي احد المعارضين للنظام
وربما احد ضحايا قوش تبرع بالدفاع عنه المحامي
نبيل اديب حتي وجد تعاطف من الناس...
و لكنه يبدو انه لم يعي الدرس
والان يقوم بقهر الشعب نيابة عن سيده
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: Hadeer Alzain)
|
المشكلة يا علاء، لو داير تحاكم قوش
لا بد تخلي واحد تاني ينجو عشان يحاكمو
ما ظنيتها فارقة كثير
مشكلتي مع الجيش
ممكن القيادة الحالية تكون مايلة لجناح صقور الإنقاذ
عداوة الشعب بعد البشير تأتي لعلي عثمان ونافع وناس غازي
قوش هو الأنسب لمنع الإنقاذ المتطرفة تحكم الفترة الانتقالية وبالتالي يتاح لقيادات وأحزاب سياسية جديدة
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
جهاز الأمن هو الحاكم الفعلي وهو الذي يتلقى الأوامر من قيادات
الكيزان العليا وينفذها متجاوزا للبشير الذي ليس سوى قناع ولثام
يحجب عنا وجه الحكام الحقيقيين.
يعني في حالة ازاحة البشير عن المشهد يكون الذي حدث
هو ازاحة اللثام (البشير) ويظهر المشهد بجلاء أكثر
والمصيبة الأخرى ستضعف سيطرة الجيش بل ربما
ستتم تصفيته لإحلال الملشيات في مكان الجيش
دون تغيير لمسمى الجيش يعني سيظل اسم القوات المسلحة
موجودا لكن بطبيعة وولاء لهم وليس للوطن وتكون السيطرة
للكيزان أشد ويكون زاد الكيزان تمكينا
فما تظنون بقوم عقيدتهم الإخوانية تقول لهم كما أسسها البنا
وسيد قطب أن الحكم والسعي
فيه هوالركن الأول في دينهم المصنوع المزور.
فماذا ننتظر من هؤلاء غير مزيدا من المكر والكذب
والضرر .
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: Deng)
|
معقولة تقترح اسوا وافظع واحد في حكومة اللصوص والحرامية عشان يتولى السلطة!!!؟؟؟؟؟
والله عمر البشير السفاح افضل الف مرة من صلاح قوش الذي يعذب السياسيين في بيوت الاشباح وبدون اوامر عليا
كي يرضي قيادات المؤتمر اللا وطني كي لا يخلعوه من منصبه مرة اخرى ، واذاقه احد ضباط الامن الويل عندما كان في السجن
بعدما تامر عليه البعض واوغلوا صدر البشير ضده باتهامه انه يتطلع ان يكون رئيس،،،،
....اول من سيدخل السجن ويحاكم وقبل البشير هو صلاح قوش ، مدير جهاز الامن السئ السمعة..
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: امتثال عبدالله)
|
Quote: بعد كل الجرائم التي أرتكبها صلاح قوش، يقوم واحد منصب نفسه "مستنير" يطالب بترئسه الفترة الانتقالية!
دي مسخرة وما بعدها من مسخرة.
أبو لمبة أختشي. |
يا دينق الأراجوز ده اصلوا كده
يا إتعابط يا يخالف ... ده دوره هنا في المنبر ...
فشنو ...
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
| Quote: وليتبرع كل منّا بثلث ما يملك |
😂😂😂
الناس طلعت علشان ما لاقية تاكل رغيف حاف.. تقول نتبرع لحكومة الأمنجية ..أمال شركاتهم المالية البلد وين ؟!!
انا أقول يمسكوها شفع حميدتي كان كدي.. وخليها تجوط مرة واحدة.
قال من فش غبينتو ضيع قبيلتو قال.. 😱😁
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: عمر دفع الله)
|
Quote: البعجبني في المدعو قباني انو طيرة ومباريا السيرة!
لو سمحت يا فنان، نزل لينا أغنية حقيبة من أغاني أم درمان العريقة من أغاني " الزمن الجميل"
زمن كيلو اللحمة بتعريفة |
قعادك الكتير مع مرضاك اثر فيك ...
و زيادة على الهبل ... كمان داير تنضم في اَي شي ...
ياخي انت ما عندك وجيع يخت ليك مراية تشوف بيها روحك ...
داير تخالف و بس ...
ياخ خليك في دور الاراجوز و كت الله ما قسم ليك عقل مع الناس ...
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: Hafiz Bashir)
|
ابوبكر جلطاتك كترت...
قوش دا مجرد "موظف" كحيان عند البشير ولا حول له ولا قوة....ولاتحسبن الشحم فيمن شحمه ورم
قوش دا لن يستطيع ان يكح بدون اذن من البشير خصوصا بعد تجربته المريرة السابقة ..وعرف حجمه تماما
النظام دا عبارة عن البشير وعشان كده الناس تركز فقط على البشير
قوش والامن ديل خيار مرفوض تماما واي تغيير قادم سيتم حرقهم أحباء وتشوف...
قوش والامن هم اليد التي ارتكب الفظائع وقتلت المتظاهرين العزل بوحشية وهذا امر لن يغفره لهم الشعب السوداني والقصاص قادم
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: محمد البشرى الخضر)
|
| Quote: غايتو اشهد يا مستنير انك احرف من يعرف كيف يسرق الاضواء، زي سرقة الكاميرا في الكادر عن البطل في مشهد ما فيه كومبارس يقوم يعمل حركة غريبة برة النص تلفت الانظار |
ما هي المشكلة ألفي زيك ديل يا ودو ...
هسي عّم عكس ده ما يفهم كلامك و يفتكر انو بعمل حاجة كويسة ...
يعني جيت طعمتها ليو اضواء و بطل ...
ما ياها خالف تذكر انقالت من تاني رد و قلناها لينا دهر ... خليت عليها كريمه يعني ؟
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: محمد البشرى الخضر)
|
| Quote: غايتو اشهد يا مستنير انك احرف من يعرف كيف يسرق الاضواء، زي سرقة الكاميرا في الكادر عن البطل في مشهد ما فيه كومبارس يقوم يعمل حركة غريبة برة النص تلفت الانظار |
سرقة كاميرا دي ما شفناها
لكن اتذكر زمان زمن المسرح بتاع المدارس داك، واحدين عاملين مسرحية كومدية
في واحد عندو دور صغير جداً لا يتعدى اكثر من مروره على خشبة المسرح مع مجموعة من الآخرين.
إنزلقت منو ظرطة مدوية أثناء مروره.
الضحك الضحكوهو الناس على الزرطة أكتر من الضحك الممكن يضحكوهوا على عشرات المسرحيات.
نربأ بالمستنير من أن يسرق الكاميرا او المايك بهكذا ظرطات.
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: Hafiz Bashir)
|
بعد قريت مداخلتي الفاتت دي حسيت بإنها لا تناسب صداقتي مع المستنير
لذلك اقول له مثل ما قال معاوية بن أبي سيفيان عند مقتل عمار بن ياسر "قتله من أخرجه"
وعليه أرجو من المستنير أن يمسحها في وش ود البشرى فهو الذي قنطره لهكذا شوتات.
___________
بمناسبة هكذا دي وين صديقنا محمد عثمان ابوالريش
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
يا حافظ، خليك في التصحيح وأربا عن السياسة
انتخابات البشير مشكلتها في الجنائية
البلد دي حلولها الاسعافية مرتبطة بمساعدات الأوربيين في المرحلة القادمة،
يصعب على الأوربيين التعامل مع البشير
في نفس الوكت ما دايرين البلد تنهار
قوش زولم
عارفكم يصعب عليكم تقبل قوش نفسياً عشان جهاز الأمن وكدا،
لكنو الأنسب للمرحلة التخلص من أبا كبيرة
ضروري الناس تنظر لدوائر الانقاذ بمناظير مختلفة
فصل الصقور والإسلاميين الكبار مرحلة مهمة لنا
قوش حاليا غير مرتبط بالحركة الاسلامية
شكراً يا حافظ على الظرطة الظريفة
هسّ يكون قباني نزلها في المكتبة
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
هذا البوست مقروءا مع بوست معاوية الزبير الذي لم يسعفني النت في قراءته وقتها حول القيادة
البوست مشروع جدا اقصد هذا البوست واقصد الاسئلة التي يطرحها دون النظر لحصان الرهان
ثم ماذا بعد ؟!
لا اعتقد ان بكري يقصد حرفية تفضيلة لقوش ولكنه ك معتز موسي يطبق نظرية الصدمة
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
يا مستنير ياخ بالغت معانا
كأنو نحنا في فلم رعب نجري من وحش حتى كادت ان تنقطع انفاسنا ورأينا سور امامنا اذا تخطيناه فلن يلحق بنا الوحش فاذا خلف السور ذيل الوحش!!و الذي بضربة واحدة سيقذفنا الى فم الوحش
يعني نحنا نقول ثورة الكرامة .. نقوم نديها لي زول ما عندو كرامة..على الاقل كلهنا شهدنا كيف مسحو بي كرامتو الارض بالاعتقال ثم استدعاءه للخدمة مرة اخرى فلم يتردد كان يرفض كنا اكبرناها فيه ياخ
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
Quote: الموضوع الآن يا بريمة معقود بيني وعمر وأبا عبيدة بالسقيفة،
لنا الإمارة ولكم الوزارة معشر (الأنصار) |
مفهوم يا ول أبا .. وأظن أني ألمحت لذلك .. !
لكن ما كل مرة تسلم الجرة .. هذه المرة ح نجيكم بأشياء تمحن أي إنسان أكثر من محنة أبو سفيان يوم فتح مكة ..
ممكن تقرأ لينا علاقة صلاح قوش مع قوات الدعم السريع .. عشان نشوف السيناريو بتاعك دا ممكن يقود ل "أستابِلتي" أم "كايوس" أخر؟
بريمة
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
ههههههههه
المستنير ذرة كلب في طاحونة
لكن نفك ليكم الاشتباك شوية
الجيش أكثر دموية من الأمن ومن قوش بمراحل، للحقيقة ما في مقارنة ذاتو.
ولو بقى أصلاً خيار بين الجيش والأمن فأحسن قوش من الجيش ودي ما دايرة ليها درس عصر. دايرة ليها أولاد نوبة وأولاد نوير وأولاد قمز وأولاد فور عشان يوروكم
القمع والضبح البتوارى منه صلاح قوش ذاته خجلاً.
الاستخبارات العسكرية ناس الأمن لو ربطوهم ما بيعملوا نص العامايل العملوها في المعارضين.
ناس قوش ممكن يكفتوك يعبوك ومرة مرة تجلي المسألة منهم ويخافوا على ضنبهم ويقتلوا.
جيبوا قزائم الكتلهم جهاز الأمن السوداني من وقت كان بوليس سري لحدي زمن قوش
وجيبوا قايمة سنة واحدة للفسحوهم ناس الاستخبارات، أو ودوهم الخورز
زملن صاحبنا كبر كتب عنهم، أمشوا فتشوا كتابته
وكان ما لقيتوها دينق دا ممكن يحكي ليكم عن البيت الأبيض السوداني,
أرجعوا أقروا مكتب محسن خالد (شاهد عيان) على مجزرة واو.
يا مستنير إنت ما شايف العقدة وين، القوى السياسية، خلينا نسميها النُخب
القالب بتاعها جاهز ومجرب وما دايرين يغيروه، الجماهير تقوم بالثورة
النخبة ييموا وجههم صوب الجيش يقوم ليهم بالمهمة الصعبة، زي البوليس البشيل أمر القبض
أو أمر الإخلا يمشي يسلم أمر الإخلاء ويسلمك البيت (حالي من الموانع)
عشان كدا باستحياء بيقول ليك الجيش قومي، يا خي الجيش ما بتخشه كضابط لو ما بقيت (ود ناس)
واسطات وعوائل وهلمجرا.
أها نجي لي جيش الإنقاذ. بعد انقلاب الانقاذ بي كم يوم تم تخريج دفعة، أي زول ما كوز اترفد بعدها
بقليل. ومن ديك يا كوز يا قابل للكوزنة عشان تبقى ضابط. ولو ما كوز ما بتعدي عقيد لو بقيت أنصار سنة ذاتو.
دا وضع الجيش الحالي، يمسك السلطة هو عارف حيمهد المخارجة لمنو؟ ونبقى في قصة مصر، وعودة السيسي وجيشه
بالشباك بعد طردهم من الباب.
يبقى الانتهازية الثورية بتقول قوش اخير للتغيير على المدى البعيد.
لكن القصة ذاتها محتاجة لشغل أكبر يبدأ لو سقط النظام
زمان البعثيين يقولوا ليك الردة مستحيلة هسع الردة واردة لو مسكها الجيش ولا قوش.
الجيش لو مسك البلد لفترة انتقالية ما حيحل جهاز الأمن
أها كيف العمل ونضالي انتحل.
حلكم شنو يا مناضلين، ممكن نقعد نتغالط لي بكرة إنه الجيش قومي، لكن كلنا عارفين الكلام دا ما صاح
أها الحل كيف ثورة فرنسية ولا امريكية
؟
قصة التسليم والتسلم ما عندكم ليها حل غير العملة الواحدة دي (طرة كتابة)
المستنير شليق إختار الكتابة وعارف الناس قافلة على الطرة
عشان يجي يقول (نصحتم بمنعرج اللوى طلعوني كوز).
قوموا الى ثورتكم فوالله أن أخف مراحلها هو ذهاب البشير
واصعبها يأتي بعد ذهابه وهو التغيير الجد جد
قدروا ولا نمشي نسعى لينا (سيسي) من هسع.
ميري كريسماس
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: امير بوب)
|
ابوبكر عباس عايش في برج عاجي
و يتناول قضايا الوطن و الثورة كنوع من المثاقفة و الترف الذهني !
...
خليك متجدّع يا خينا في ميلان و مالك و مال المهمّشين ومعاناة الناس و أهمية العمل الثوري لإقتلاع النظام دا من جذوره
...
لو قُدّر لهذا الكيشة ان يتم اعتقاله و لو يوم واحد في ظل هذه المؤسسة الأمنية و مهووسيها في ظل إدارة قوش و غيره
وإتركب بسطونة صاح ، كان فهم حاجة
و ما كان جا قال زي كلامو الميت دا !!
..
فعلاً ، آفة الأمم ، أنصاف مثقفيها !
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: الصادق اسماعيل)
|
بعدين صراحة يا مستنير نوع كلامك دا ما بيقولوه.
دا ما كلام "البغلة في الإبريق" ذاتو
إنتا تشوفها بعينك انزغمت في الإبريق
تعمل فيها جحا طوالي، وتقول ما دام في "ابريقكم" أنا مالي.
بعدين أخوك اتدردح، واتعلمناها بالصعب. اتخيل تكون قاعد
مع الصادق والميرغني وفاروق ابو عيسى ومني وعبد الواحد (الزمن داك
ياسر عرمان قاعد جنبي ذاتو) وتكتب كل كلمة بيقولوها وكل كلمة مابيقولوهاش. ثم تكتشف فجأءة
أن كيسك ما بطال مليان ما دام ديل يا هو كل الكيس بتاعم.
تقعد تعاين تلك الشغلة فورماتها جاهزة، تمشي تضرب ليك انجيرا بي زغني وتسأل أغبى سؤال
(الناس دي بتحارب البشير عشان شنو) المفروض يكونوا قاعدين معاه ويسهلوا المسألة على الشعب دا، يعني الشعب يطردهم بي اكتوبر يخشوا ليه
بمايو، يطردهم بأبريل يخشوا ليه بي يونيو، هسع يطردهم بديسمبر، قطع شك بيخشوا ليه بفبراير، ونقعد تاني نناتل معاهم.
عشان كدا اطلع منها وجيشنا جيش الهنا اصلاً الموضوع واقع ليه عطاء، وحريص يعمل عمايله الشينة ديك برة الخرطوم لا من شاف لا من دري،
ويجي الخرطوم عارفها ليك كلها شعبه، وبرة الخرطوم الأعداء، ويلقى شعلره جهاز جيش واحد شعب واحد.
الأمن دا عدوه شعب الجيش الخرطومي دا، عشان كدا بيكرهوه عمى فخليهم في جيشهم دا وادي استنارتك اجازة فهي
لا تجدي فتيلاً في مثل هيك أيام.
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: امير بوب)
|
ياخي خلي عندك دين وذرة من الاخلاق دماء الاطفال الشهداء لم تجف بعد وانت تنادي بتسليم السلطة لقاتلهم ...الكلمة الان للثوار الاشاوس في الشارع
ولا صوت يعلوا عليهم...ناس الشارع استنارتهم تضوي كوكب الارض كله ومافي حوجة لاي استنارة فوانيس....
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: محمد حمزة الحسين)
|
الصادق سلام
واضح انك بتتكلم عن الجيش و في بالك حرب الجنوب
و الغابة و الأحراش و العمليات التي تلت تلك الفترة في عدة مناطق متفرقة !
شغل المليشيات و معسكرات التدريب و غيرها
و ما يُتوقع فيها من صراعات اجنحة و موازنات قوي و تفلّتات !
لذلك جاء تقييمك للجيش و شراسته من هذه الزاوية
و حتي لو صحّت مقولتك إنّو ناس الجيش و الإستخبارات سبق و فسّحوا ناس كتار
فالناس ديل في النهاية عسكريين ! و تم قتلهم في إطار التصفيات التي يمارسها الجيش وفق مصالح الأجنحة و الجماعات !
و جريمة قتلهم لا ترقى لمستوي الجرائم التي ارتكبها و ما زال يرتكبها جهاز الأمن ضد المدنيين !
نتفق معاك إنّو الجيش و منذ مجيء الكيزان لم يستوعبوا فيه غير ناسهم
و إنّو كانت و لازالت معايير معينة لأي فرد ليمكنه الالتحاق بالكلية الحربية
و إنّو تم تسريح الضباط الشرفاء من المؤسسة العسكرية و ....
و لكن كل ذلك لا ينفي دور الجيش كمؤسسة قومية و يبقى قابل للإصلاح ! رغم انه تم إضعافه بشكل متعمّد
حالياً مشكلة الجيش الاساسية في قياداته
و رغم إنّو مافي زول راهن إرادته للجيش أو معوّل عليه ، لكن يبقى الجيش كمؤسسة هو الأقرب للمواطن و الوطن !
| Quote: ناس قوش ممكن يكفتوك يعبوك ومرة مرة تجلي المسألة منهم ويخافوا على ضنبهم ويقتلوا. |
دا تقليل من فظائع جرايم جهاز الأمن !
يا إما انك ما عارف الإنتهاكات التي قام و يقوم بها الجهاز في حق المدنيين
أو عارف لاكين ما قادر تتخيل حجمها !!
مدنييييين يا الصادق !
ترويع و تشريد و تعذيب و اغتصاب و قتل
كل ذلك من قبل مهاوييس الأمن و معظمهم من الفاقد التربوي المعمول ليهم غسيل مخ
و تقودهم عقليات مجرمة و سايكوباث !
رغم الحاصل في الجيش ، لاكين مقارنته بالمؤسسة الأمنية و تقضيلها عليه
فيه إجحاف كبير !
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: أبوبكر عباس)
|
اكذب عليك لو انا او اي شخص اخر عنده حل الان....مايحدث الان ثورة وبركان انفجر وحممه تغطي كل الارجاء...لا احد الان يستطيع اخماده...افهم شئ واحد الشعب قرراقتلاع هذا النظام من جذوره كاملة...عليناان نساهم في ذلك ,الشارع الان متقدم علينا...من خرج الي الشارع الان فاتحا صدره في مواجهة الرصاص هو اولي مني ان يحدد ماذا يريد...الان الهدف واحد الذي يجب ان يتوحد ويلتف حوله الناس اسقاط واقتلاع هذاالنظام بالكامل ...واذا نجحنا في ذلك اعتقد لن نفشل في اختيار البديل المناسب...نحنا تاخرنا كتير جدا علي شعبنا ياابوبكر...
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: امير بوب)
|
أمير بوب
كيفك يا زول.
أها أنا الجيش دا شلت ضده سلاح عديل واتداوسنا، وقتل ناس مننا وقتلنا ناس منهم
ودا والله ما موضوعي، مع أنه قتل حتى الناس البيأسرهم
لكن زي ما إنت قلت ومعاك مية المية، ديل حديد لاقى حديد، عساكر وكل زول
جاهز للتاني والحشاش يملا شبكته.
الأنا بتكلم عنهم يا حبة ديل المدنيين، عليك الله لو بتعرف ليك زول من نوبة كردفان
اضرب ليه قبل ما ترد علي. يا أمير (إنهم يقتلون المدنيين)
التفسيح دا ما تمّ للعساكر ابداً.
أها النحدثك ضحى يا عملات الجريفاوي بتاع فور اول.
الجيش في حربه الأهلية دي يا قتلك في الميدان يا أسرك وكتلك في ساعتها. سمعت
كلام أحمد هرون دتك وفات اضانك بهناك (أعباء ادارية) دي معناتها السير المصاب ببقى عبء في علاجه
عشان كدا التعبير المستعمل (تموا). يا زول بكون في زول من اهلك ضابط جيش
امشي اسأله.
لمن اقول ليك قوش وأمنه دا كانوا حنان على المدنيين صدقني, أنا القدامك دا تاني يوم للانقلاب دا والدنيا امتحانات في
الاسلامية بعد الامتحان دقيت ركتي وما كنت مع اي تنظيم واعلنت حربي على الانقلاب.
جهاز الأمن عذّب أجمل اصدقائي وأنبلهم الشهيد نصر الدين الرشيد. معظم اصدقائي وأولاد تنظيمي بتاع المستقلين والمؤتمر السوداني عذبهم
جها الأمن. من ناحية تار فعندي معاهم تار، تار الماتوا واتعذبوا ديل كلهم واتهانوا .
لكن دا ما موضوعي. جيشنا جيش الهنا بيقتل المدنيين، مجزرة واو دي شملت اطفال ورضع وعجائز، المجروسات شالتهم بالليل وجدعتهم في البحر، الشهود
بالكوم لو داير تعرف.
اولاد النوبة اتكتلوا على (الشهادة المدرسية)، المتخرج من ثانوي هو طابور خامس.
أرجع لي كلامي الأول، بتلقى الإشارات دي واضحة.
الجيش دا عندي فيه من أهلي من العسكري لي اللواء. أنا عارف أنا بتكلم عن شنو.؟ المدنيين الكتلهم الجيش هبطرش، الاضارة للبيت الابيض الجنوبي علرفها
دينق الكاتب فوق دا وبيطنشها لغرض في نفسه. الكانوا بينضبحوا (أييي ضبح عديل كدا) كانوا مدنيين.
الخور البيتكتلوا فيه أولاد النوب (بالتفسيح) قاعد، ولو مشيت وعاك معمل (دي إن ايه) بتعرفهم. لكن أهلعم عارفينهم بالإسم وبيوم الاغتيال.
يا زول فراشاتهم دي أنا كنت في خرطومكم دي بمشيها فراش غراش، الكلام دا التسعينات القريبة دي.
مدنييين يا بوب. عشان كدا قلنا نقفل الموضوع دا. الدنيا قبايل ثورة وكدا.
المستنير شغال بيكم فئران تجارب، بيثبت في نظريته. البد دي ما حدها الخرطوم دي، والخرطوم خارطة طريقها واضحة. يثور والجيش ينحاز (للشعب)
كضباً كاضب، الجيش جاهزة لحماية النخبة (فئرن التجارب بتاعين المستنير) عشان كدا الجقلبة حصلت هنا في البوست دا.
مش يا هو الجيش الكان قايده سوار الدهب القبلها بيوم في مسيرة الردع وتاني يوم منحاز للشعب، وعمر محمد الطيب كان بقى في جيشه
كان القشة ما عترت ليه.
دا مش الجيش الضرب المدنين في الجزيرة أبا. الحاضرينها أحياء، مش كانوا برضك مدنيين، اطفال ونسوان وشياب وأي نعم أنصار أكلوها في حنانهم لكن لي يوم الليلة بيحكوا بيها.
ولحدي كلامي معاك دا الحبوبات في كاودا بيحكن للاولاد كيف المدرسين اولاد النوبة كانوا بيضبحوهم في الخور
أها امشي بالرابط دا وأقرأ: وانشاء الله تقدر تنو
مhttp://sudan-forall.org/forum/viewtopic.php؟t=144http://sudan-forall.org/forum/viewtopic.php؟t=144
اتخيلها رواية خيالية أوعك تصدقها، لو صدقتها تاني يوم بتصبح مستنير صدقني
قوموا الى ثورتكم رحمكم الله إنا أمامكم لا يهمنا أن ينحاز الجيش للشعب
بل يهمنا أن ننحاز للانسان داخلنا فذلكم هو الفوز العظيم
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: الصادق اسماعيل)
|
يا بوب
فوق شهادة محمد النور كبر
ودي شهادة محسن خالدنرجع تاني لخرطوم الاثنين الشهيرة، بدون ما نراجعك عن أي "مذبحة" اتنين أو خميس –أيام يستحب فيها الصيام- ارتكبها العسكر بما فيهم الغرّابة
أيضاً هذه المرّة والشرّاقة، ديك أكثر من أن تُؤرَّخ وتُحصى، كانت قوافل الهينو والجرّرات الكبيرة بتقوم بالليل تردم بحر "قِيل" في مدينة "واو" بالجثث، وأنا على ذلكم من الشاهدين،
وهذا مشروع كتاب لن ألعب به معك ولا مع غيرك، إنت ما جاك الاسمو مذبحة، ولا جاك البزعّل بالصّح، إنت ما في زول كتلك ولا أبادك،
عشان كلام قومي والدلع البندلع فيه لمؤسسسة الضباط دا مفروض يقيف، نحن دايرين جيشنا القومي والوطني دا مشتاقين ليه ذاتو
وكان ربنا مدّ في العمر بنكاتل عشان يكون قومي
لكن العدل حار والحقيقة مرة وما بتنبلع، لأننا بنعمل صنمنا وبيغلبنا ناكله بعد داك.
وانا برضه بتكلم عن الجيش العقلية مش الافراد وديل زيهم زي اي مجموعة فيهم وفيهم والنوع الدايروا بتلقاه
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: الصادق اسماعيل)
|
Quote: آسفين يا قبة نسيت ارسل ليك المداخلة استأذنك تقراها وتوافق عليها قبل ارسلها، اعفيني من لستة المهرجلين الحصة دي تاني ما بنسى 😁
|
العفو ياخ ... انت فهمتني غلط ...
ثم انا نسيت انو انت ما بتغلط و انو دي اصلها شغلتك و خايلها فوقك ...
العفو يا بلبل ... ما تاخد فوقها ...
| |
|
|
|
|
|
|
|
|
|
Re: أتمنى أن يقود الفريق قوش إنقلاب ناعم (Re: يحي قباني)
|
Quote: هذا البوست مقروءا مع بوست معاوية الزبير الذي لم يسعفني النت في قراءته وقتها حول القيادة
البوست مشروع جدا اقصد هذا البوست واقصد الاسئلة التي يطرحها دون النظر لحصان الرهان
ثم ماذا بعد ؟!
لا اعتقد ان بكري يقصد حرفية تفضيلة لقوش ولكنه ك معتز موسي يطبق نظرية الصدمة |
بس معقول يا اب سن يا صديقي !!
ياخي اَي طفل حايم في الشارع عارف انو الشعب براو
لا يستطيع تغيير الوضع دون تدخل شرفاء القوات المسلحة
لو الجيش لم يستلم زمام الأمور ويعلن عن فترة انتقالية صادقة
و لم يعتقل هؤلاء لن تتوج دماء الشهداء بالنصر ...
دي طالب الأولية عارفها ... ما جاي يدرسها لينا ابو جهل ده ..
البوست ده بوست انهزامي ضارب في الجبن و الخنوع ليس الا ...
و آن كان سيدو مشهود ليو بالهبل ... الا انو ده مقصود ...
| |
|
|
|
|
|
|
| |
أبوبكر عباس
كمال عباس
محمد البشرى الخضر
Hadeer Alzain
Bashasha
سفيان بشير نابرى
nour tawir
علاء سيداحمد
يحي قباني
Asim Ali
محمد حيدر المشرف
Nasser Amin
منتصر عبد الباسط
Deng
حاتم إبراهيم
عمر دفع الله
MOHAMMED ELSHEIKH
Hafiz Bashir
Hatim Alhwary
عمر أبوعاقلة
عبدالحفيظ ابوسن
Biraima M Adam
ahmedona
Kamal Alalla
الصادق عبدالله الحسن
الصادق اسماعيل
محمد حمزة الحسين
فيس بوك
تويتر
انستقرام
يوتيوب
بنتيريست