|
Re: امثال سودانية فى طريقها للاندثار (Re: بلدى يا حبوب)
|
الأخ الحبيب " بلدى يا حبوب " .. يا حليل أمثالنا القديمة .. الواحد بقى ينساها ..
من الأمثال الجميلة .. أتمنى ما أكون نسيتا ..
...
+ " نقول تور يقولوا .. احلبوه .. " + " الحمار شكرو .. رقد .. " + " لا يعجبو العجب .. ولا الصيام فى رجب .. " + " الجمل ما بشوف عوجة رقبتو " .. + " الفقرا يتقاسموا النبقه .. " + " طولو طول النخله .. وعقلو عقل السخله .. " + " القلم .. ما بيزيد بلم .. ".. " معليش .. الواحد بقى بنسى الأمثال .. ما عارف هل هذا هو المثل أم أنا غلطان .. ؟؟؟ "
البقية تأتى .. الرب يبارك حياتكم .. أخوكم وعمكم العجوز .. ارنست +++
| |
|
|
|
|
|
|
Re: امثال سودانية فى طريقها للاندثار (Re: بلدى يا حبوب)
|
Quote: السودان بلد متنوع الثقافات والاجتماعيات مما جعل الامثال الشعبية كثيرة ولكن مع تعاقب الاجيال واختفاء ترديد هذه الامثال فى وسائل الاعلام وفى الاجتماعيات سياتى يوم تندثر هذه الامثال الدعوة للجميع لتذكير الاجيال بهذه الارث الثقافى الجميل تحياتى |
تحياتى ياحبيب السودان زاتو حيندثر الامثال هينة
| |
|
|
|
|
|
|
Re: امثال سودانية فى طريقها للاندثار (Re: بابكر قدور)
|
الإبن الحبيب .. بابكر قدور ..
شكراً لكم .. وللتصحيح ..
Quote: أخي آرنست المثل الصحيح: القلم مابيزيل بلم لك ولبلدي ياحبوب تحياتي
المرفعين بيعرف جعري أخوهو |
أصلو عمك العجوز .. عجّز بالحيل .. والهارد درايف حقو اتملا فل .. وداير ليهو هارد درايف جديد ..
مرة أخرى شكراً ليك ولأمثالك .. حقيقة امثالنا السودانية جميله .. يا حليل سودانا حق زمان .. وناس زمان ..
الرب يبارك حياتكم .. أخوكم وعمكم العجوز .. ارنست +++
| |
|
|
|
|
|
|
Re: امثال سودانية فى طريقها للاندثار (Re: Asim Ali)
|
+ " الما بتلحقو ، جدعو .. "
+ " عصفور فى الإيد ، أخير من عشرة فوق الشجرة " ..
+ " ما قادر يقوم ، يقولو أعقلوه " ..
+ " غاب أب شنب ، لعِب أب ضنب " ..
+ " عينو فى الفيل و يطعن فى ضلو " ..
+ " حمارتك العرجا ، أخير من سؤال اللئيم .. "
.... .... .... .....
كفاية كده النهارده ..
عمكم العجوز .. ارنست +++
| |
|
|
|
|
|
|
Re: امثال سودانية فى طريقها للاندثار (Re: Bashasha)
|
في مثل من غرب السودان نسيته وارجو تصحيحي:
" الفي خشمو جراداية ولا بقول بغم"
عاجبني بالحيل
هناك مقولات محلية لكل قرية يسير بها الركبان وتسري كأمثال محلية تتداولها الأجيال ولعمنا عابدين موسى- رحمه الله - في قرية فتوار القدح المعلى في مثل هذه االمقولات وحكاويه تسير كالامثال مثل:
" العرب حجرونا الكضبة" وذلك عندما لاقى احد البدو محملا جمله باشجار"التبس" و في اثناء تحلية الونسة قال ليهو:" والله كان لقيت لي واحد زي دا داير اسوي لي راكوبة" ونسي الأمر ولكن بعد خمسة ايام في الخامسة صباحا يسمع لك العاع عاع عاع الراجل يبرك في الجمل فقال قولته تلك.
وعندما كان ابنه يوسف رحمه الله يبلغه يوميا عن شردان البحر من طرمبتهم مما يؤدي الى مزيدا من الصعوبات في تشغيلها, وبعد ان كثرت الشكاوي قال ليه: " نحن هينين الله يستروا في حوتو"
| |
|
|
|
|
|
|
Re: امثال سودانية فى طريقها للاندثار (Re: MOHAMMED ELSHEIKH)
|
ولإبنه الفكي عابدين موسى طرف لا تقع تحت حصر سارت مضرب أمثال عند بعض الجمهوريين ولكن لفهمها لا بد للقاريء أن يكون مطلعا على كثير من خبايا المعرفة الجمهورية المكتوبة وغير المكتوبة --- لكن مما قد يفهمه غير المطلع قصة الفكي عابدين مع أحدهم ألتقاه في حملة الكتاب فقال هذا الأحدهم للفكي (ما تشوف القيافة دي!! أنا ما بقرأ) فرد له الفكي: نان وينها القيافة!! --- وأعتقد أن مما ينسب له أن أحدهم في حملة كتاب قال له أنا جني وجن الراجل ال بلا شنب فرد الفكي وأنا جني وجن الشنب ال بلا راجل ....
| |
|
|
|
|
|
|
|