|
Re: أشهر10 حسابات شخصيات سودانية بالفيس للعام (Re: muntasir)
|
الفيس بوك مازال أثره ضعيفا جدا في السودان لأفتقاره الجدية والانفتاح، ولا يمكن مقارنته بدور التويتر مثلا في الخليج أو الانستغرام في مصر او اللينكدان في أوربا. لوشي المتصدرة الفيس دي، لما فتحنا بوست باسم (حزب اللوايشة) في هذا المنبر كثير من القراء في الداخل والخارج لم يسمعوا بها.. الشعب السوداني عموما مدمن. على الصفوف والواتساب لذا ابتلاه الله بتفشي الاشاعة
| |
|
|
|
|
|
|
Re: أشهر10 حسابات شخصيات سودانية بالفيس للعام (Re: Asim Ali)
|
Quote: لينكدان موقع تواصل مهنى وعلمى اكثر جديه |
ديك ناس جادين ومهنيين يا اخ عاصم عشان كده انا قلت انو عدم الجدية والانفتاح من أكبر مشاكل الفيسبوك. 90% من الشعب السوداني عايز يكتب أو يعلق في الفيس باسم مستعار وكل يوم تفتح حسابك تلقى عشرات طلبات الصداقة بأسماء وهمية وصفات تخيليه يعني الواحد لو خايف يخت اسمه الحقيقي أو صورته الحقيقية حايناقش قضايا حقيقية كيف؟ وعلى ذلك قس سودانيز وباقي الكرور.
| |
|
|
|
|
|
|
Re: أشهر10 حسابات شخصيات سودانية بالفيس للعام (Re: زهير عثمان حمد)
|
لا اعرف نصف الاسماء التي وردت بالقائمة ..
تمعنت في ذلك ووجدت انو ده مؤشر خطير جدا نحو جالة من الانقطاع والغربة عن المجتمع السوداني ..
تاني فكرت انو المسألة ليست بتلك الحدة ممكن جدا انو لا يتعرف على اغلب هذه الاسماء عدد كبير من السودانيين ممن لم يغادروا السودان على الاطلاق ..
الملاحظة الاولى والتانية ممكن تقودنا لي انو في هناك نوع من القطيعة بين المكونات المجتمعية وبحيث عادت المجتمعات السودان كما الجذر المعزولة لا تواصل بينها, وكل جزيرة بما كسبت (او لم تكسب) رهينة
| |
|
|
|
|
|
|
Re: أشهر10 حسابات شخصيات سودانية بالفيس للعام (Re: محمد حيدر المشرف)
|
قعدت في السودان أربعة شهور أنا أكتر زول سوداني بدير حوارات مع الناس وفِي الغالب بدون سابق معرفة ودون مقدمات. سألت المتعلمين المهنيين وغير المهنيين، جرسونات المطاعم، ستات الشاي، العمال، الشحاذين، عساكر المرور في تفاتيش الطرق السريعة، متحصلي رسوم الطرق، عساكر مكافحة التهريب، طوب الأرض بتعرفوا سودانيز أون لاين؟ الاجابة دوماً لا
داير زول واحد يقول لي يعرفا عشان أقول ليهو أنا المستنير
| |
|
|
|
|
|
|
|