|
Re: عادل الباهي.. الزول ده انت؟ (Re: سيف النصر محي الدين)
|
كل عام وأنتم بخير وجميع اهلنا في بلاد الاراضي المنخفضة. الزول صاحب المقطع الذي انتشر على الواتساب وغيره من مواقع التواصل السودانية ويصور مغترب او مهاجر يطلب خدمة "حماري" 😅 عشان يمرق على الفواتح والمجاملات سمعت او قرأت انو ده عادل الباهي. اذا انت اسمح لي اقول ليك انك موهبة مهدرة وأنك أفضل بمراحل من بتاعين الاسكتشات البايخة الماليين القنوات السودانية ديل. يا زول ما تواصل وتعمل المزيد فخفة الدم هبة ربانية لابد ان تشاركها مع غيرك.
| |
|
|
|
|
|
|
Re: عادل الباهي.. الزول ده انت؟ (Re: سيف النصر محي الدين)
|
يا سلام يا عادل الباهي والله دي مساهمة ممتازة منك في نقد الوضع الماثل في السودان وتسليط الضوء على معاناة الناس بطريقة ذكية بعيدة عن الهتاف والاساليب "الحنجورية" على راي المرحوم الصحفي والكاتب المصري الساخر محمود السعدني. أكرمك الله ياخي.
| |
|
|
|
|
|
|
Re: عادل الباهي.. الزول ده انت؟ (Re: اسامه العريفي)
|
ي خي انا اول ما شفت الفيديو في الواتساب. قلت الزول دا انا شفتو وين ؟ هو دا انت ي ود الباهي ؟ لكن رخص الإبداع ظاهرة للعيان أنها تمثيلية مفبركة بدون حنكة فنية . و بعيدة جدا عن الواقع المعاش. مجرد احساس. اشواقي المترعة حبا
عزالدين عباس الفحل ابوظبي
| |
|
|
|
|
|
|
Re: عادل الباهي.. الزول ده انت؟ (Re: محمد حيدر المشرف)
|
التحية للجميع .. وكل عام وانتم بالف خير ..
بالمناسبة ود الباهي بقي ممثل وداسي منكم . هههههههههههههه .
باختصار حياة الشعب السوداني بقت عبارة عن اسكتشات ودا جزء منها ! واياكم والاندهاش !
بلاي عليكم اسه الفرق شنو بين اسكتشات جمال حسن سعيد ود الباهي ؟؟؟
لك التحية يا دوك سيف ولضيوفك العزاز .
| |
|
|
|
|
|
|
Re: عادل الباهي.. الزول ده انت؟ (Re: نعمات عماد)
|
زمان في التمنينات كان في قصيدة ملولوجية تقول: متين يموت حماري ونركب البكاسي
ونقزقز التسالي وندفع للكمساري
ود الباهي عكسها هههههههه
ود الباهي قاص أيضا فهو مجموعة من المواهب ولا يحب الشو زي مواهيم النت ديل
فكرت افتح بوست للمناظرة بين الجلابي ود الباهي وابن الهامش سمعة هههههههه فهما زي توم اند جيري وبكتلوني بالضحك في مناكفتهكما والاتنين كمية من المواهب وشايف سمعة اتصور بصورة شديدة وعمل عمود راتب في الراكوبة، غايتو في دي سمعة كسح ود الباهي
| |
|
|
|
|
|
|
Re: عادل الباهي.. الزول ده انت؟ (Re: النذير حجازي)
|
تمام يا دكتور سيف والحضور كل عام وانتم بخير ود الباهي اثبت انه رجل موهوب في التمثيل بالفطرة حتى تمثيل زول محترف لا يعاين للكاميرة ولا يرفع صوته ولا يتكلف يتحدث بعفوية عجيبة كلنا اندهشنا عندما شاهدنا الفيديو في الفيس أول مرة انزله عباس الدسيس ومنها انتشر بالاشتراكات قبل ما يتسلل الى الواتساب . قدرنا نحن السودانيين الموهوبون الحقيقيون مشغلون بمجالات اخرى
| |
|
|
|
|
|
|
Re: عادل الباهي.. الزول ده انت؟ (Re: مني عمسيب)
|
العزيز دكتور سيف النصر وكل الاعزاء والعزيزات شاكر لمروركم الانيق
Quote: ويا ريت يا ابو روضة تتاح لنا الفرصة ونسمع ود الباهي بغني ونتعرف على جانب ابداعي اخر في شخصيته. |
والله ياحبوب سبعة صنايع والبخت ضايع ههههههههه كلها هوايات والهجرة اثرت سلبا علي تطويرها وحتي انتقل بها من الهواية للاحتراف عاوز شخص يفرغ نفسه تماما خاصة الغناء وانا زول راتب شهري ساي بلاوز من المجازفة
| |
|
|
|
|
|
|
Re: عادل الباهي.. الزول ده انت؟ (Re: Hafiz Bashir)
|
Quote: عِلا الآكشن ما بنباهو لكن ود البشرى كبَّر اللفة رغم شغل المديدة من جانبنا |
يا حافظ بشير سلام ود البشرى دا صاحبي يأخ ما توقع بينا ومنضمين تحت لواء الرماديين لكن لو عاوز الاكشن حصل ابوحسين في بوست الاعتذار لانها فرصة عمر وتاني ما بتتكرر كتير
| |
|
|
|
|
|
|
Re: عادل الباهي.. الزول ده انت؟ (Re: Osman Musa)
|
Quote: سلام معقول شكلك اتغير كتير من اخر مره شفتك فيها في امستردام..ممكن ١٦ سنة تمثيل اقرب للواقع...استمر |
حياك الله يا عمر نملة يا حبوب ما كنت تجيب سيرة ال 16 سنة دي أخوك في كتار هنا منتظرين التور يقع عليك الله جري اوربا دا ما بيكبر الرضيع .
اهو بنحاول نخستك كدة وبنرسل للكيزان رسائل بقدر إستطاعتنا عساهم يعو الدرس لكن لقد اسمعت لو ناديت حيا ولكن لا حياة لمن تنادي
| |
|
|
|
|
|
|
Re: عادل الباهي.. الزول ده انت؟ (Re: جلالدونا)
|
Quote: الشكر لدكتور سيف الخلانا عرفنا الزول الفنان دا اسمو زاتو فيهو لحن عادل الباهي عبدالرازق |
العزيز احمد يسين تحباتي يا رائع اخوك متهجم ساي علي الفن كترت المغايس بتولد الابداع
| |
|
|
|
|
|
|
Re: عادل الباهي.. الزول ده انت؟ (Re: عادل الباهي عبدالرازق)
|
Quote: يا الباهي اديهم بالحتة الفيها الحديدة . وعلي الراس عدل |
عثمان موسي يابن عمي حياك الله
ديل ماعاوزين حديدة ديل عاوزين طلقة في الراس ، الاوباش ديل فاكين الفاقد التربوي بتاعنهم ديل بدون تاهيل قتلو عوضية عجبنا بدم بارد وما وعو الدرس وقتلو شهداء سبتمبر وما وجدو محاسبة والان سامر وما معروف بكرة في منو الله لا كسبهم لكن حتما شمس الخلاص اتية اليستعدو ساي لليوم داك ويبقو رجال ويثبتو .
| |
|
|
|
|
|
|
Re: عادل الباهي.. الزول ده انت؟ (Re: عادل الباهي عبدالرازق)
|
Quote: غايتو الظيت من الله |
يا جلالدونا انت مفتكرني انا قسم الفضيل ؟ انا درست كمبوني وبعدها شهادة عربية مافهمت كلمة الظيت لكن دخولك البوست ما ريحني مستحيل بتكون جابك شكر عامل راسك زي ليمون الخلاء كدة وبما اني ما فهمت عبارتك بصرف ليك تبآ لك لحين معرفة العبارة معناها شنو
| |
|
|
|
|
|
|
Re: عادل الباهي.. الزول ده انت؟ (Re: سيف النصر محي الدين)
|
Quote: يا جلالدونا انت مفتكرني انا قسم الفضيل ؟ انا درست كمبوني وبعدها شهادة عربية مافهمت كلمة الظيت |
هسي جلجل يجي يقول ليك انا درست في سان فرنسيس من ناحية اخرى جلالدونا من اقحاح اللغة العربية .. وهو يعبر باكاكثر من كلمة لمعنى واحد يعني مرات بقول تعال ، اقبل ، احضر ، هيا و هلم (جرا) وزي بعض اهل الجزيرة يقلبون الضاد والصاد (ظاء) فا جلالدونا اظن قاصد (الصيت) بكسر (الصا ) بالله ياعادل اذا عملت ابداعات زي كدة ما تحرمنا منها .. يعني ما دكتور سيف الاكتشفها بالصدفة ..
| |
|
|
|
|
|
|
Re: عادل الباهي.. الزول ده انت؟ (Re: Ahmed Yassin)
|
دكتور سيف .. زي ما قلت ليك تسلم على مشاركتنا في الفيلم القصير حق عادل طيبفي طبيب زي ما بسموهو الناس (زول شاطر) وكان انسان خلوق وطيب كان في عيادات الهدى شارع المدارس كان بعالج ناس الجمعية بدون مقابل ويصرف ليهم ادوية من عيادته .. اخر اتصال بينا قال هو في الخالدية و اخر مر قابلته كان مه زوجته في احد المراز التجارية .. ترك كل شىء واجاني مهرول يسبقه الشوق سيف النصر محي الدين محمد احمد ..(الزول دا انت ؟)
| |
|
|
|
|
|
|
Re: عادل الباهي.. الزول ده انت؟ (Re: Ahmed Yassin)
|
يا حليل البغدادية وعيادات الهدى المجمعة يا ابوحميد. بعد الهدى اشتغلت في مستوصف الثراء ثم مستشفى حسان غزاوي وبعدها الخدمات الطبية للخطوط السعودية حتى مغادرتي المملكة لكن تظل البغدادية هي حبي الاول وكما قال الشاعر نقل فؤداك حيث شئت .. الخ. بالله لو عندك تلفون جمال بابكر اجدعو لي.
| |
|
|
|
|
|
|
|