اخ عمر - مساء الخير والله انا فى شغله محيرانى ؟؟؟ حكايه مراكز تدريب والمدب فلان والكوتش علان واعلانات وبتاع والشغله كلها نقه خشم مع كم شربحه باوربوينت ....والعجب يجو ناس من بره اردنيين و....و,,, اى حاجه عاملين كورس وبرنامج ........ الحكايه دى شايفها بقت موضه فى السودان والغريبه ماتحس انو فى اضافه فى تطبيق الناس لكثير من الحاجات دى ... زى ماتكون بنامج ملء فراغ واضافه سطور فى السير الذاتيه بكورس او شهاده او اى كان المسمى ....... . كملو اى حاجه لامن قبلو على الخيانه الزوجيه !!!!! هو النسوان مقصرات من وسواس الغيره او الزوجه التانيه لما تبقى فيها خيانه عدييييل كدى. اقترح عليهم يعملو كورس ...كيف تجكس احلى واحده فى الدفعه /العمل/ الحله . غايتو بس نقول رزق الهبل على المجانين
سفيان باصر لينا الكلمة المشطوبة دي شكلها من خط ستة عشان كدا المصحح شطبا أتصرف ياخ ان شاء تبدأها من خط صفر الدولي وانت طالع لمن تصل خط ستة مرتاح خاصة وانا بموت في خطوط الطول والعرض وخط الاستواء والخطوط الكنتورية وبصراحة كدة بموت في الجغرافيا
05-11-2018, 01:19 AM
Abureesh
Abureesh
تاريخ التسجيل: 09-22-2003
مجموع المشاركات: 30182
Quote: الحكايه دى شايفها بقت موضه فى السودان والغريبه ماتحس انو فى اضافه فى تطبيق الناس لكثير من الحاجات دى ... زى ماتكون بنامج ملء فراغ واضافه سطور فى السير الذاتيه بكورس او شهاده او اى كان المسمى .......
زي مابقولوا نحن زيادة الرفاهية والمعرفة مابنقول فوقها حاجة .. بس حقو زي ماقلت انت تكون في أولويات .. يعني الشعب السوداني ده أكمل مكافحة الجراد و الغلاء والأكل والشرب والسخانة والكهرباء واللبس والكيزان والسرطان ..الخ عشان يتفرغ لتعلم كيفية مكافحة الخيانة الزوجية
دكتور علي بلدو راجل ماساهل طبعا في مجالو وهو صاحب مدرسة فريدة في السودان ومعتمدة للرومانسية، بس زي الشهادة التحت دي -مبذولة في النت- كنت أتوقع توزيعها على مجتمعات عندها قابلية لذلك
05-11-2018, 02:02 PM
أحمد الشايقي
أحمد الشايقي
تاريخ التسجيل: 08-08-2004
مجموع المشاركات: 14611
Quote: سفيان باصر لينا الكلمة المشطوبة دي شكلها من خط ستة عشان كدا المصحح شطبا أتصرف ياخ ان شاء تبدأها من خط صفر الدولي وانت طالع لمن تصل خط ستة مرتاح خاصة وانا بموت في خطوط الطول والعرض وخط الاستواء والخطوط الكنتورية وبصراحة كدة بموت في الجغرافيا
هههههههه ههههههههه يا منعم مشتاقين و الله ياخ الكلمة بسيطة انا ما عارف المصحح مالو معاها هي ص ع لو ك بس انت اعمل حسابك من الموت في الجغرافيا لانو قبل ما تموت زي الناس بيجي الشبح المنبري يبشتن حالك ههههههههههههه
علي بلدو ده كان زول كويس أخاف انو يكون ركب الموجة بتاعت الإستهبال الحايمة دي !
(علي بلدو اخصائي او استشاري الطب النفسي ) دي الحاجة الوحيدة الريليفانت هنا اما البقية بتاعت اللغات والباراسايكولوجي والمحامي وليسانس الحقوق وبقية الشهادات (الكرتونية) دي يبلها ويشرب مويتا .
الخيانة الزوجية وكيفية تفاديها واكتشافها ! وبعد شوية كيف تختارين الزوج المناسب وكيفية رسم خطة للايقاع بزوج المستقبل وهدية الدورة شيلة فاخرة ! معقولة يا دكتور !!
05-12-2018, 11:32 AM
عمر التاج
عمر التاج
تاريخ التسجيل: 02-08-2008
مجموع المشاركات: 3461
وأعتقد جازماً، أنه الأحقّ بتصليح "بابه" وقد تخلّع و (###########)*
ـــــــــــــــــــــــــــــ * باصرها براك يا منعم، وليك التحايا، حتى لو تخُتّلا أورى من اللّيلَتْ سُفيان (أعنيه هو فقط، لا مزاجه السُعلاتي اليومين دول هههه
05-12-2018, 12:02 PM
محمد أبوجودة
محمد أبوجودة
تاريخ التسجيل: 08-10-2004
مجموع المشاركات: 5265
أقول: لم أقرأ مقالات سودانية وغلبني إكمالها، كمقالات لهذا الدكتور علي بلدو..!
قد تكون بلادنا، في ظمإٍ حاد لنطاسيين في حقل الطب النفسي، ولكن بلا شك، فظهور وشهرة هذا الأخ الدكتور بلدو، وادّعاءاته العُجاب، وفياقاته الخراب، ومنتوجات ذهنه كما اليباب، تقنّع أيّتها "معتل نفسي" أن يظنّ خيراً في هذا الحقل الذي خراباً في السودان.
لاحظ! أن هذا فقط في الصحف التي ترى أنها رائجة فروّجت شفاه صفحاتها بهذا ال "علي"
أما إن سألت عن تواجد الممقوت في "الفضائيات"
فأعتقد أن أغلب السودانيين قد شمّوه وحمدوا الله كثيراً على سُنط-سات أن طَفّشتْ علينا القنوات السُّناح!! ولا يسوؤنا أن تتفق - أحياناً - رغباتنا مع رغبات هذه الحكومة الأمنجية التي حتلتْ في النفق الغريق! مع أنها كانت عاملة فيها أنها حَذِرة..!!
05-12-2018, 12:08 PM
محمد أبوجودة
محمد أبوجودة
تاريخ التسجيل: 08-10-2004
مجموع المشاركات: 5265
Quote: سفيان باصر لينا الكلمة المشطوبة دي شكلها من خط ستة عشان كدا المصحح شطبا أتصرف ياخ ان شاء تبدأها من خط صفر الدولي وانت طالع لمن تصل خط ستة مرتاح خاصة وانا بموت في خطوط الطول والعرض وخط الاستواء والخطوط الكنتورية
انت شكلك دخلت غلط ياعبدو .. بوست الجغرافيا بي هناك مفتوح .. بس غيرنا اسمو على حاجة تليق بمقام صاحبك سميناهو القراد الالكتروني، اسم مناسب يشبه الفلول .. رايك شنو تشرفني بهناك وتجي تحكي لي عن الجغرافيا والتاريخ طبعا لا أنكر انو صاحبك فاجأني بسلوب غريب في بوستو داك، وأنا ما كنت متحسب لشخصية نافرة الهجوم الشخصي بالطريقة دي أسلوبه في الهجوم يشبه ضرب الصفائح الخالية بما تصدره من أصوات وطبعا البوست للأسف اتحذف والظاهر الشبح غلط فيهو غلطة فادحة أدت لغلطوا وعشان هو متحسب لحذفه بقى يشيل ويزور في محتوياته ، والآن ماعندو شيء يناقش بيه غير اقتباسات مكوجنة بيدعي انها من بوست محذوف .. كدي خليني من البوستات المحذوفة نحن راجعين لي وراء ليه؟ ما تشرفني أنت بي غادك بدل تقعد وتصفق زي الأطرش في الزفة
05-12-2018, 07:38 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
Quote: اسمه القات يا شباب أريزونا. لو تقصدون الملوخية اليمنية. إلا كان تقصدوا اللغات (جمع لغة) بالله عليكم الله هسى الواحد لو فى أريزونا حيمشى يدرس غاتكم دى ولو مجانا!!
انتو يا ناس بره عاد بتكوسوا الرومانسية مي قاعدة ومشتتة عندكم في الشوارع تحمدوا ربكم .. أها نحن ناس الداخل ديل الرومانسية عندنا زي كاس العالم ، بتجينا كل 8 سنوات ، مع ظهور حقل بترول ولا حفرة دهب في البلد وفي ناس بتجيهم زي الحج ، مرة واحدة في العمر قبل الزواج مباشرة أسه عليك الله دي بلد محتاجة لي مدرسة بتاعة رومانسية؟
05-12-2018, 08:00 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
Quote: شفت كيف نحن شعب نؤيد الخرافـة ونعارض الحقيقة مثل هذه الندوات لا أحـد يعارضها لكن توزيع الواقي الذكري يلقى موجات هوجاء من المعارضة مع أن المرض ينتشر وأعــداد المواليد فاقدي السنـد يزيد ويزيد كان الله في العــون
أعجبني التشبيه البليغ للرومانسية المجهولة بالخرافة الوهمية وفي كل تجد سوقا رائجا ومرتعا خصبا للجذب والرغبات ومايتبعها من زوال الوقت وضياع المال
05-12-2018, 08:40 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
ياخ انا انسان حر أصفق في اي حتة بالطريقة التي أراها واسخر من هزيمتك وطقطقتك في اي مكان
وبس تعجبني صراحة قوة تحملك وجسارتك وانت مطلع فوق فوق ومدقوق بيك الواطة قمتا تتنفض عادي وطفقت تهرف وطبعا كمان انا ما فاضي زيك كدة ومستمتعين مع بنانا وهذا يكفيني مقارنة مع زمني الشحيح والمافي غايتو يا عمر يا حليلك والله تصدق بقيت احن عليك كلما تحاول تلقط جغرافيتك المبعثرة على حواف المنبر تزداد بعثرتا نصيحتي ليك حاول أتعايش مع حاتم واكل الجاك في اللباد حاتم دا فقري كلما تحاول ان ترد بعثرتك تشتت زيادة فشنو حاول أنسى وعيش وبالمناسبة الموضوع دابتاع الخيانة دا هايف جدا
........ وقبل ان اختم ان شاء الله حاتم بنانا ما نشيل أيدينا عليهو مقولبات بات وقيل وكتر اعراضي ههههههها ......... يا حليلك يا التاج ياخ والله صحيح
05-13-2018, 11:52 AM
Abdelrahim Mohmed Salih
Abdelrahim Mohmed Salih
تاريخ التسجيل: 04-13-2016
مجموع المشاركات: 958
تحياتى لك اخ عمر التاج ولضيوفك الكرام قرات لقاءت صحفيه للدكتور على بلدو يتحدث فيها عن الطب النفسى فى السودان وعن الوضع الأجتماعى-الصحى وكذلك عن إهتماماته وهوايته التى عبر عنها فى منابر إعلاميه مزواجا بين عوالم مختلفه تنافس وظيفته كمعالح نفسي من راى شخصيه دكتور على بلدو( Egocentric)بإمتياز ولاغبار عليه فى ذلك وإن كان المزاج السودانى العام فى تنميطه المتوارث عبر الاجيال ربما بحكم المكنون الصوفى الزاهد المتواضع يرى فى هذه النوع من الشخصيات مسلبه ومنقصه اختزلتها لغه شعبيه غايه فى الفصاحه( فاكيها فى روحه) واحيى الدكتور لشجاعته وتأكيده لحقه الشخصى فى الظهور بما يتؤام مع طبعه غير مبالى بسياط النقد المفتوح فى نوافذ متاحه للجميع إلا من ابى اعيب على الدكتور تكريس جهده وعمله فى كورسات مشبوه الغرض لااساس علمى لها ولاانصح النساء و الرجال للالتحاق بها وتمليك معلومات شخصيه واسريه لمعالج ضلت بوصلته وابتدع اساليب تصلح لجمع المال مستغلا جهل المنتسبين وتقدريهم لوجاهه المركز العلمى الذى يبتذل حامله قيمته وهيبته بلاد يخجل الناس فيها من المرض النفسى ويستوى فى ذلك المتعلم الجاهل مع قليل من الاستثناءت وربما وجدوا متنفسا فى طقوس تستخدم كقناع (ماسك ) مجتمعى مقبول لحد ما من الجهتين مثل الزار او جماعات اخرى اذكرها كنايه وهناك من يشطح ف يلجأ للمخدرات ليعيد توازن مفقود...وأوهى قرنه الوعل ويلجأ معظمهم إلى طب شعبى خليط بين معالجات بالقران او دجالين لهم شخصيات آسره فى محيطهم يوظفونها للسيطره على المرضى واهلهم ويفعلون بهم مايشأون واعلم ماذا اقول..... اباء الطب النفسى العظام مثل التجانى الماحي(لم اسمع بإسم الماحي إلا فى السودان وصلى الله على صاحب الاسم ) وطه بعشر رحمه الله ورضوانه عليهم اقاموا صرحا عظيما للطب النفسى والقصص عنهم تحسبها خيال لما اشتملته من جمال ونبل سيره وسريرة أهم مايميزهم من رأى تلك الحساسيه العاليه تجاه مجتمع قروى- عشائرى بسيط وقدرتهم على التواصل وخلق ثقه قربت مفهوم الطب النفسى بل وتواصلوا مع شيوخ يعالجون بوسائل روحيه لها تقديرها فى الوعى الجمعى وهنا تبرز المرونه والذكاء الاجتماعى فى تقديم مصلحه المريض دون الدخول فى صراع الطب المدرسى والطب البلدى النقطه الاخيره ذكرتها للاشاره إلى ما اضافه الدكتور على بلدو فى سجله العلمى كإخصائي براسايكولوجى والتى تكتب بطرق عجيبه وغريبه فى الصحافه السودانيه أذا صحت تسميه براسايكولوجى بالعلم واتمنى ان لاتكون الحجه ان هناك جامعات فى اوربا او امريكا تدرسه... السؤال للدكتور على بلدو ما الفرق بينه وبين من يتعامل مع الجن والقوى الروحيه الاخرى كخبير باراسيكوجى إن تكون معالج نفسى فى بلد يئن ويتوجع فى كل ركن وتحت كل حجر وتصفعنا صحافته الظمئ للإثاره والفضائح كمن يضع يديه فى وسطه مراقبا امر لايعينيه ولايملك كونسبت بل لايشعر ان له دور فى ازمه المجتمع فلايهم امتلاء دار الميايقوما باطفال مجهولى الوالدين او حوادث انتحار كثرت ولم تعد تثير دهشه او حزنا فى احسن الاحوال تضامنا مؤقت فى ديوان الفيس بوك اولى ثم اولى لدكتور على بلدو ان يساهم مع زملاء يعملون بجهد عظيم فى إصلاح ورتق جروح لايرى بعضها إلا اهل المهنه بديلا عن مايفعله متأسيا بمجتمعات لاتشبه واقعه اختم مكتوبى بأهميه المعالج النفسى فى المشاكل بين المتزوجين وهذا ليس له علاقه بكورس التجسس المبتدع لتخريج جاسوس او جاسوسه فى علاقه اهم مكوناتها الثقه فى الاخر التى ربما تبلغ حسب الصدق و إستثمار طاقه تواصل مكثفه تبعد عن القلب هواجس الظن فتكون الانا هنا وهناك ولا إشاره إلا ماتوهمه الحس وكل يغرف بقدره وحوجته آسف للاطاله
05-13-2018, 12:13 PM
محمد محمود محمد
محمد محمود محمد
تاريخ التسجيل: 02-04-2013
مجموع المشاركات: 910
Quote: لم أقرأ مقالات سودانية وغلبني إكمالها، كمقالات لهذا الدكتور علي بلدو..!
بعيدا عن شخصية الدكتور واسلوبه الخاص ، فالمنتج الذي يقدمه للوطن فقير وبائس وعادة يخرج للناس في غير وقته الشعب السوداني من أكثر الشعوب التي تتعرض للضغوطات النفسية وتداهمها الأمراض غير العضوية لذا فمن باب أولى أن يسهم الدكتور في التخفيف على المصابين ببرنامج توعوية وتوجيهية، وذاك خير له من الشهادات والدورات الخاصة جدا جدا..
05-13-2018, 08:18 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
علي بلدو وما ادراك ما علي بلدو! غايتو الله يعفي لينا من حقو قال مدرسة رومانسية قال وأول خريجيها انور أحمد عثمان الاشتهر باحتجاجه على شناة ينات اليومين ديل! عامل فيها ولا براد بت
أحييييي يا قلبي
05-13-2018, 08:35 PM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
سلام يا عمر الناس تواصل حياتها رغم كل الحاصل في كل الظروف ولا تتجمد في انتظار تحسن الأحوال ثم، ما حجم انتشار هذا الإعلان أعني جغرافيا وجماهيريا فهو لم يدرج في المنهج التعليمي مثلا ولا أجندة الحملات الانتخابية أو حملات التطعيم ضد أمراض الأطفال أو الكوزنة يعني بالكتير هو موجه لما نسبته أقل بكثير من 1% من الشعب وهذه النسبة بالتأكيد ستجد من ضمنها من يهمه هذا الكورس مش كده؟!
فااا شنو، كما قلت أنت: هناك ما هو أهم للشعب من هذا والله أعلم
05-13-2018, 10:06 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
طبعا ما قاصد أي ترويج لموضوع احسبه هائفا وما أعتقد الناس فاضية عشان تجذبهم إعلانات مقصودة أو غير مقصودة لمنتجات لا تناسبهم في أعتقادي حتى الذين يفتقرون للرومانسية لن يتجرأوا للبحث عن مدارس نظرية لا تقانها وحتى الناس الخائفين من الخيانة الزوجية ، لن يبحثوا عن طرق مكافحتها من خلال دورات متخصصة وورش مفتوحة وأن منهجيات مثل هذه الكورسات تتوفر مدارسها في الحياة الاجتماعية
05-14-2018, 06:33 AM
محمد أبوجودة
محمد أبوجودة
تاريخ التسجيل: 08-10-2004
مجموع المشاركات: 5265
لم يخب ظني في علي بلدو منذ أيام أن كان يقدم هو سارة ابو ذلك البرنامج..
و كمان لما شفت الإعلان استغربت زي استغرابك..الناس ديل موديننا وين.؟؟ الناس دي بتزرع في الشك و فاكرة نفسها بتعالج؟؟ حتى لو هناك بعض من تلك المظاهر أعتقد مواقع الشلب و النهب و الرفس دي ما مقصّرة .لانها استطاعت تلويث عقول الشباب بالشك و الريبة لدرجة
بعيدة كما أنها تفتح الشهية و تنشر هذه القصص و المغامرات حتى لتصبح كأنها شيء طبيعي و عادي ..
05-14-2018, 11:27 AM
عمر التاج
عمر التاج
تاريخ التسجيل: 02-08-2008
مجموع المشاركات: 3461
Quote: يعني شنو خيانة؟ و هل تدخل المشاعر في تفاصيل العقد الملزم؟،
الخيانة الزوجية ، كلمتان ثقيلتان عل اللسان ، إذا أخذنا كل كلمة لوحدها فهي واضحة ومحددة ولكن إذا أخذنا الجملة كمصطلح واحد فهي كلمة غير معرفة ويمكن إضافة المعاني لها حسب الحوجة أما المشاعر فهي تدخل في خدمات مابعد الزواج ، ولا يحاسب عليها القانون ولكن الضمير ده رأي واحد ما دخل مدرسة الدكتور بلدو .. أنت رايك شنو؟
05-14-2018, 12:34 PM
تماضر الطاهر
تماضر الطاهر
تاريخ التسجيل: 04-16-2018
مجموع المشاركات: 925
سلام عميق، الخيانة..فعلاً ثقيلة..في اي مكان حسيت وزنها مر الزوجية..كمان ثقيلة..فيها زحمة هي اصلاً مفروض تبتدي عددياً بي اتنين وبعدها يا غنوا اجسامنا ليه جسمين او بقوا في كشف الحال بتاع سارة وبلدو ، الضمير مالو؟ المحبة دي رزق..مقسوم ، هل تصدق اخونك؟؟؟ يا سلام على ريدو الخلاو بقى سيدو وطول ما الحبيب مصدر دخل..المشاعر ما ليها دخل الحب البكسر كل ما سواه ويطحنه ويعملو حب...ده البخليني اميل للتصوف ، غايتو كلام يشبه الجو الحار المغبر الفي حوشنا ده ، للكل تحياتي
الف تحية وشكر لك اخ عبد الرحيم محمد صالح والشكر مجددا على المداخله الماهله الفارهة والتي لا تصلح إلا أن تقتبس كلها .. غير أن النصائح الممتدة في نهايتها ، وهذه الجزئية تعد في حد ذاتها سفرا مليئا بالحجج والفوائد
Quote: اعيب على الدكتور تكريس جهده وعمله فى كورسات مشبوه الغرض لااساس علمى لها ولاانصح النساء و الرجال للالتحاق بها وتمليك معلومات شخصيه واسريه لمعالج ضلت بوصلته وابتدع اساليب تصلح لجمع المال مستغلا جهل المنتسبين وتقدريهم لوجاهه المركز العلمى الذى يبتذل حامله قيمته وهيبته بلاد يخجل
مايدعم حديثك عن توجه الدكتور نحو الماديات وشغل الناس لجرهم لمكاسبه الشخيصة ، استهدافه فئة عمرية معينة النساء لها الدافعية للدفع أكثر من غيرها من النساء والرجال ، فموضوع دورة مكافحة الخيانة وطبيعة الأسئلة الموجهة في الإعلان للمرأة تقول أن الدكتور وجدت ضالته لتسويق أفكاره والتمدد على مساحات كانت تحت سيطرة الشيوخ والدجالين .
05-14-2018, 02:51 PM
Hani Arabi Mohamed
Hani Arabi Mohamed
تاريخ التسجيل: 06-25-2005
مجموع المشاركات: 3519
مكان الانعقاد طبيعي يكون هنا يا مكاوي ده ياهو محل الخيانة العظمى زاتو ونحن ماغايظنا شئ غير عمومية الدعوة وخصوصية المنفعة اخونا عمر عثمان قال كلام مهم عن موضوع الندوة .. قال:اول مرة اشوف لي دكتور نفسي يزرع الشك في نفوس مرضاه وفعلا الدكتور زرع الشك في كل الشعب مش الزبائن بس وخلانا نسأل السؤال المشروع: هل السودان فيهو خيانة زوجية قدر ده ومكانا وين؟ عند الرجال ولا النساء عند المثقفين ام العامة؟ عند الشباب ام الكبار ام المراهقين في القرى ام المدن؟
05-15-2018, 12:58 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
Quote: علي بلدو ده كان زول كويس أخاف انو يكون ركب الموجة بتاعت الإستهبال الحايمة دي ! (علي بلدو اخصائي او استشاري الطب النفسي ) دي الحاجة الوحيدة الريليفانت هنا اما البقية بتاعت اللغات والباراسايكولوجي والمحامي وليسانس الحقوق وبقية الشهادات (الكرتونية) دي يبلها ويشرب مويتا . الخيانة الزوجية وكيفية تفاديها واكتشافها ! وبعد شوية كيف تختارين الزوج المناسب وكيفية رسم خطة للايقاع بزوج المستقبل وهدية الدورة شيلة فاخرة ! معقولة يا دكتور !!
الراجل ماشاء الله مكرب السي في لامن تحس فيها شوية شطحات .. شوف المؤهلات دي بالله ورغم كده فأغلب مواضيعه المكتوبة والمسموعه هائفة جدا ، تتخيل قبل كده تحدث عن السحر والجن وقال ما موجودة أصلا ، ومن ذاكرة المنبر ، بقلم منتصر محمد زكي ننقل له قوله:
Quote: دكتور علي بلدو إختصاصي علم النفس وعلى مدى ثلاث حلقات من برنامج (طولوا بالكم) بقناة الخرطوم ظل مصرا على إنكار وجود السحر وتلبس الجن للإنسان بصورة تدعوا إلى الدهشة
وعندما جاء دور الحديث عن الشيوخ والدجالين مافتح خمه بكلمة لمن يتفرغون لعلاج السحر وأمراض الجن ، فعند سؤال أن هناك حديث عن تعامل الأطباء النفسيين مع الشيوخ ما صحة ذلك الحديث؟ قال:
Quote: ــ دون شك نحن نؤيد تماماً التعاون المشترك ونفتح قنوات كبيرة جداً للتواصل مع أهلنا المشايخ والمعالجين وتزويدهم بالمعلومات الطبية اللازمة مع المرض وإعطائهم كروتاً للتحويل والقيام بزيارات في المساجد والأضرحة للتعامل مع المرض لخلق قنوات وكدعم مجتمعي، ولنقل المجتمع تدريجياً من العلاج التقليدي إلى العلاج الطبي الحديث
فتأمل هذا التناقض في القول والفعل.. أخونا احمد الشايقي قال حديث مهم في هذا التناقض وعدم ترتيب الأولويات
Quote: مثل هذه الندوات لا أحـد يعارضها لكن توزيع الواقي
الذكري يلقى موجات هوجاء من المعارضة مع أن المرض
ينتشر وأعــداد المواليد فاقدي السنـد يزيد ويزيد
.. وكذلك الأخ محمد عبد الله نظر من نفس زاوية نظرنا وقارن بذكاء بين منتجات الدكتور بلدو وما تقدمه مواقع الشمارات الاجتماعية المبذوله في الانترنت.
Quote: الناس دي بتزرع في الشك و فاكرة نفسها بتعالج؟؟ حتى لو هناك بعض من تلك المظاهر أعتقد مواقع الشلب و النهب و الرفس دي ما مقصّرة .لانها استطاعت تلويث عقول الشباب بالشك و الريبة لدرجة
.. وكمان اخونا ود البشرى جاب الذئب من ذيله زي مابقولو المصاوره ، مشى جاب لينا من جوة مدرسة البروف ووصل لا عن الخريجين وسمعنا نتيجة قرايتهم صورة وصوت ، مبالغة لكن يامحمد الرجل ده.
Quote: قال مدرسة رومانسية قال وأول خريجيها انور أحمد عثمان الاشتهر باحتجاجه على شناة ينات اليومين ديل! عامل فيها ولا براد بت
.. الأخت تماضر العجيب ده ماعارف الكلام بتلقيهو وين ؟ غايتو من اول مداخلة حسيت بانك شاعرة
Quote: الزوجية..كمان ثقيلة..فيها زحمة هي اصلاً مفروض تبتدي عددياً بي اتنين وبعدها يا غنوا اجسامنا ليه جسمين او بقوا في كشف الحال بتاع سارة وبلدو ، الضمير مالو؟ المحبة دي رزق..مقسوم ، هل تصدق اخونك؟؟؟ يا سلام على ريدو الخلاو بقى سيدو وطول ما الحبيب مصدر دخل..المشاعر ما ليها دخل الحب البكسر كل ما سواه ويطحنه ويعملو حب...ده البخليني اميل للتصوف
05-15-2018, 02:45 PM
تماضر الطاهر
تماضر الطاهر
تاريخ التسجيل: 04-16-2018
مجموع المشاركات: 925
والله ضحكت ضحك الرحمة حلوة قبيل في البوست التاني ضحكت كمان في منذ نعومة صوته الاعلامي هههههه الله يديك العافية علي بلدو ده عندي احساس إنه ...بسم الله الرحمن الرحيم
06-10-2018, 11:10 PM
عمر التاج
عمر التاج
تاريخ التسجيل: 02-08-2008
مجموع المشاركات: 3461
اكتر حاجة مضحكة وركيكة استعمال كلمة "مكافحة" ..... ذي يقول ليك شركة مكافحة النمل الابيض ..او مكافحة الحريق ...مكافحة الجوع والمرض ..دايما مرتبطة بالاشياء المادية او المحسوسة ولايمكن استعمالها في هذا السياق ... يوريك انو الجواب باين من عنوانو وفعلا شهادة كرتونية علي راي حاتم بنانا ...
06-11-2018, 02:21 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
ودالتاج وشركاه برنامج في قناة سودانية فضائية والبقدموا د.علي بلدو وكان مستضيف خواجة...وبعد السؤال واجابة الخواجة بالانجليزي ..دكتورنا الهمام عاوز يترجم لينا نحن المشاهدين ..بالدارجي.المهم بعد كلام كتير قال: لو اتعصرت عصرة بت كلب وعملت نفسك رايح بتلقى نفسك في اﻻخير طلعت (ملوص). وعمل حركة الملوص دي بيدينو اﻻتنين وشفط هوا بى شلاليفو مع صفارة خفيفة ..لمن الخواجة المسكين اتخلع د. علي دا كان بلقى محاضرات في كلية الطب وهو رابط شعره بى المطاط حق القروش ويرتدي بنطلون جنز وتي شيرت مخطط. ياجماعة ﻻحظوا للمتدرب في الشهادة الفوق/ دكتور انور احمد عثمان بتاع الفلك والفيزياء وحق برنامج الكون ذلك المجهول
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة