|
Re: للعلم فقط (Re: محمد البشرى الخضر)
|
حباب جلال الخريج الجامعى وبعدين مالها الخلوة ؟ يا ريت لو كنت خريج خلوة كنت على الأقل هديت البشير من إلبعمل فيهو دا ملحوظة يا جماعة جلال عيسى خريج جامعى على حسب علمى بس هو ما كلمنى لكن كلمنى أحد زملاءه فى الجامعة وقال لى كان منضمة فى الاركان وانقاذى على السكين ويلبس كاكى كمان ههههه تحياتى يا جلة
| |
|
|
|
|
|
|
Re: للعلم فقط (Re: ABUHUSSEIN)
|
Quote: وقال لى كان منضمة فى الاركان وانقاذى على السكين ويلبس كاكى كمان ههههه
|
غايتو يا صديق جبت آخرو .. ههههه .. بالله كان بيلبس كاكي .. مجاهدين يعني ..
ــــــــــــــــــــــــــــــــــــــــــــــــ
غايتو عمك صديق ده اخير تلحقو يا جلال ... حيرمي فاضيك بي طريقتو دي .. هههههه ..
| |
|
|
|
|
|
|
Re: للعلم فقط (Re: جمال ود القوز)
|
لا يا جمال عشان الزول قال خريج خلوة وانا بعرف انه خريج جماعى وجبت الأدلة على حسب ما ادلى بها أحد زملاءه فى مجلس عام لولا كدا ما كنت ذكرت ذلك بس عشان أنصف هذا الإنسان المونساتى
| |
|
|
|
|
|
|
Re: للعلم فقط (Re: Asim Ali)
|
حباب عاصم بالحيل كان عندى وهو ( صديق السيدين ) والسبب هو كان عندنا كطلاب سودانيين اسبوع ثقافى وفى الندوات طلعت المسرح وقولت انشاء الله الشرع الإسلامى عايد بقيادة الاخ الصادق المهدى والاخ محمد عثمان الميرغنى اها نزلت بهنا الشيوعيين طوالى لصقوا لى صديق السيدين ومن ديك وعيك تحياتى يا عاصم داك كان زمن جميل
| |
|
|
|
|
|
|
Re: للعلم فقط (Re: حيدر حسن ميرغني)
|
شنو يا صديق يا حبيب السيدين طلعتنى بكاكى و لابس كاكى طييييييب انا ما ح اشتكيك لى سيد الحوش عشان هو صاحبك لكن بشتكيك لى محمكمة لاهاى عشان يشيلو العدة بى يوزر نيما
| |
|
|
|
|
|
|
Re: للعلم فقط (Re: ABUHUSSEIN)
|
دا الكلام يا جلال كم زى ناس حمد بتاع الخلال ولا ابو حسين مكشوف الحال عاد انت مك راجل ود رجال فى الونسة ما بتدى مجال حفظك الله يا جلال وزادك طولة بال الليلة عاد ابو حسين حالو حال فى البوست صال وجال كان ما اخاف الكضب قرب يقول ليك ابقى مفارق يا جلال شوفت ناس الفتنة كيف يا صاحب المقال
| |
|
|
|
|
|
|
Re: للعلم فقط (Re: صديق مهدى على)
|
Quote: دا الكلام يا جلال كم زى ناس حمد بتاع الخلال ولا ابو حسين مكشوف الحال عاد انت مك راجل ود رجال فى الونسة ما بتدى مجال حفظك الله يا جلال وزادك طولة بال الليلة عاد ابو حسين حالو حال فى البوست صال وجال كان ما اخاف الكضب قرب يقول ليك ابقى مفارق يا جلال شوفت ناس الفتنة كيف يا صاحب المقال |
داير اقول ليك الله يكشف حالك لقيت حالك مكشوف و لقيتك تزازي بين البوستات زي الخروف ما شفتك لكن بتكون اشنى من الحلوف اها ابقى زي الرجال ما تقوم صوف 😂😂😂😂😂😂😂😂
| |
|
|
|
|
|
|
Re: للعلم فقط (Re: صديق مهدى على)
|
هووي ابوحسين وصديق البوست ده بتاعنا نحن معشر المونساتية ماتقلبوه لينا شكلة من غير شكل قرقر كتير ما كويس خليكم حلوين - انا غايتو من الليلة تاني مابزعل من صديق ده
| |
|
|
|
|
|
|
Re: للعلم فقط (Re: ABUHUSSEIN)
|
تضحك شنو يا ابو حسين هسى عليك جضومك ال ح ياكلا الدود دى لاقاك فى حياتك الامتدت لى سبعين سنة دى زول تمتام بتكلم فى اركان نقاش
| |
|
|
|
|
|
|
Re: للعلم فقط (Re: جلالدونا)
|
Quote: غايتو يا صديق جبت آخرو .. ههههه .. بالله كان بيلبس كاكي .. مجاهدين يعني .. |
و بتاع اركان كمان .. يا خى اكتر حاجة بتاعت اركان بعرفا و ما بعرف غيرا مشاغلتنا للبنات زمان بتاعت اموت ركن ديك هسى استاذنا شاهين يقول علىّ شنو يا دوب انعم علىّ بالاستاذية امس القريبة دى الليلة اطلع ليهو بالكاكى شفت جنس الوكرة دى
| |
|
|
|
|
|
|
Re: للعلم فقط (Re: جلالدونا)
|
اركان نقاش شنو يا فقر ...؟؟؟ حمد الوهم دا عندو فنانة بتمتم و بتغني كمان .... و خاصة لم تلبس بنفسجي ... 😂😂😂😂😂😂
| |
|
|
|
|
|
|
Re: للعلم فقط (Re: ABUHUSSEIN)
|
يعنى شنو يا ابو حسين يعنى التمتمة ماب تحلنى دى مصيبة شنو دى خلاص خليها ألجن كمان تعال قول لى عفاف مدنى صاحبة حيدر لجنا و بتغنى باللازوردى
| |
|
|
|
|
|
|
Re: للعلم فقط (Re: معاوية المدير)
|
ياااااااااااااه بالله هو ده الكوز الكان قادى الناس ومستلم أي ركن نقاش وقاشر بى الكاكى والمركوب الفاشرى؟ شوف الدنيا دى ضيقه كيف .. أهو عشنا ولاقيناك تانى ... قال تمتمه قال ههههههههههههههههه مع صديق مش ح تقدر تغوص ياسلام يا حبيب السيدين يا صديق أيوا كده رشًوا بمبى ---------------------- غايتو يا جلًى الحبيب صديق مسًكك المرفعين من إضنيهو .. إسنتك في قبولك
| |
|
|
|
|
|
|
Re: للعلم فقط (Re: جلالدونا)
|
بوست المونساتية دائما حلو
ايهما احلي ياجلة : اللجنا ام النخناخة طبعا ماعايز الاجابة بس عايز ااذكرك نكتة النخناخة لامن عصروها في البص
وقالت الللللللله بالنخنخة
| |
|
|
|
|
|
|
Re: للعلم فقط (Re: جلالدونا)
|
امضيت زهاء نصف الساعة في قراءة (نفتقد شاهين) .. بعداك مريت على بوست (عباس) بتاع الفلسطينيين ..
على بالحلال (صديق) ارحم .. ولا بوست يعلو فوق بوست (دنيا لا يملكها من يملكها)
.. انتو الناس دي مالها؟!!
* الكلام ده ما عندو علاقة بالبوست .. فقط فرصة الواحد يلقى ليهو ناس بعرفهم في هذا المنبر
| |
|
|
|
|
|
|
Re: للعلم فقط (Re: محمد حيدر المشرف)
|
اوووو قشيم الريد الحمد لله اللقيت فرقة تطلع من اطار الصورة تصدق كنت خايف عليك من الاكتئاب و تواتبعه بعدين ود الباوقة هين حفل استقبال بى كع ككع و الموضوع ينتهى الكلام بشاشة و دينق .. غايتو راجينى جنس نتف ريش فى مستقبل ايامى
| |
|
|
|
|
|
|
Re: للعلم فقط (Re: محمد حيدر المشرف)
|
اوووو حبيبنا عبد اللطيف فعلا السر باتع و القالا الظلامى طيش العضوية .. أ ع .. بعدين تعال هنا ياخى زول مزنوق زنقة فيل فى اضان فار و انت تجى تقول ونسة شكلك يا امّتن ما بتعرف الونسة يا مشتهى ليك ونسة لو داير الونسة الصاح اقع البوستات القال عليها ود المشرف فوق دى
| |
|
|
|
|
|
|
Re: للعلم فقط (Re: جلالدونا)
|
يا جماعة جلال عيسى خريج جامعى على حسب علمى بس هو ما كلمنى لكن كلمنى أحد زملاءه فى الجامعة وقال لى كان منضمة فى الاركان وانقاذى على السكين ويلبس كاكى كمان ههههه
النجيضة لا تسكن جوار صديق مهدي ولا تخلي يسكن جوارك كان سكن جوارك بيفتك ولا سكنت جوارو برضو بسيكك في قبولك
| |
|
|
|
|
|
|
Re: للعلم فقط (Re: جلالدونا)
|
سلام يا قوم يا جماعة الزول دا لقيتو مزنوق فى حتى تانية زنقة كلب فى طاحونة اها قولت بالمرة أثبت أن الزول دا خريج جامعى وخريج دفاع شعبى تقوموا تدخلوا بطريقة معقدة
| |
|
|
|
|
|
|
Re: للعلم فقط (Re: حمد عبد الغفار عمر)
|
يا حمد ما تهظر في البوست دا خليك زي عبد اللطيف يا إتخارج . عادل الباهي جايبو غردو عشان كِدا جليهو يا جلال لحدي ما صديق يجيبو ليك بالكاكي ؤ رِدا بدل بنطلون كمان ...
| |
|
|
|
|
|
|
Re: للعلم فقط (Re: صديق مهدى على)
|
وفيهم ود المدير الحافظ لي كتاب الله وفيهم جلالدونا المجاهد في الله فيهم ابسن العارف شرع الله وفيهم المستنير المترع بي علم للله وود الزبير الساكن بلاد الله وود الغالي المشرك لي سمك الله وود الباهي العارف حدود الله وود الصايم القايم لحجاج بلاد الله وود قباني الناسك في حب الله وود البوش البحب خلق الله وود عووضة العارف درب الله وود الباوقة البالع حق خلق الله وود المسلمي الموحد بي الله بي جاهم يا الله تزيل مننا العلة
| |
|
|
|
|
|
|
Re: للعلم فقط (Re: حمد عبد الغفار عمر)
|
كااااك ثم كاااااااك في دغمسة للمثل عادل الباهي اختشي
يا ابوعلوة نحن غايتو المثل دا في الخرطوم عندنا كدة لو عندكم بمعني تاني كبو يا معلم وما تلاوز
أين المجاهد الدباب والكادر الاسلامي جلالدونا
| |
|
|
|
|
|
|
Re: للعلم فقط (Re: حمد عبد الغفار عمر)
|
اوووو حبيبنا عبد اللطيف فعلا السر باتع و القالا الظلامى طيش العضوية .. أ ع .. بعدين تعال هنا ياخى زول مزنوق زنقة فيل فى اضان فار و انت تجى تقول ونسة شكلك يا امّتن ما بتعرف الونسة يا مشتهى ليك ونسة لو داير الونسة الصاح اقع البوستات القال عليها ود المشرف فوق دى ـــــــــــــــ كان جيت للجد ، اااي مشتهي الونسة ، بوست خفيف كدا .....
البوستات الاشار ليها ود المشرف دمها تقيل ونحن ماناقصين
انت الوداك تتظارف شنو لامن يجيك عادل الباهي بامثالوا المدغمسة
اللي ظاهرا صديق في شكل وردة
| |
|
|
|
|
|
|
Re: للعلم فقط (Re: علي دفع الله)
|
على دفع الله ما تلومت تب بس اوعى تمشى على الفيس والواتساب وترمى الكلام رب رب لا معروف حجار ولا حطب لكن انا عارفك انت دايما تحت الطلب وكلامك مو كعب بس مرات انت زولا صعب حفظك الله من ناس الشغب
صديق مهدى على
| |
|
|
|
|
|
|
Re: للعلم فقط (Re: صديق مهدى على)
|
وفيهم ود المدير الحافظ لي كتاب الله وفيهم جلالدونا المجاهد في الله فيهم ابسن العارف شرع الله وفيهم المستنير المترع بي علم للله وود الزبير الساكن بلاد الله وود الغالي المشرك لي سمك الله وود الباهي العارف حدود الله وود الصايم القايم لحجاج بلاد الله وود قباني الناسك في حب الله وود البوش البحب خلق الله وود عووضة العارف درب الله وود الباوقة البالع حق خلق الله وود المسلمي الموحد بي الله بي جاهم يا الله تزيل مننا العلة ــــــــــــــــ
الفيك اتعرفت ورب المجرات !ياشيوعي ياجميل كان تختني قبل المستنير دا اقل حاجة قال المترع بعلم الله قال
| |
|
|
|
|
|
|
Re: للعلم فقط (Re: عبداللطيف حسن علي)
|
عيييييك شايف الشغلانة قلبت .. شى زجل و شى مديح و شى امثال مقولبة مخجوجة لا بد من تصحيح هذا الوضع و لو بالعصا و الله الله يا بابا و يا سلام عليك يا بابا سيدى الصديق يا بابا الحال فى ضيق با بابا
| |
|
|
|
|
|
|
Re: للعلم فقط (Re: عادل الباهي عبدالرازق)
|
امشى تمرينى الاسبوعى بتاع الغولف و اجيكم عادل الباهى انضبط ,, قبل ما تلقى صديق وراك منشحط و نبقى فى الكشط و القشط و فك المربوط و المرتبط __ قالت ليهو : سجمى ده شنو العملتو ده قاليها : سجمك عملت شنو !! لذيذه مش!!!!
| |
|
|
|
|
|
|
Re: للعلم فقط (Re: MOHAMMED ELSHEIKH)
|
Quote: نحن غايتو المثل دا في الخرطوم عندنا كدة لو عندكم بمعني تاني كبو يا معلم وما تلاوز
|
ود الباهي .... المثل بقول لا تلعب مع العوير .. ولا تخلي العوير يلعب معااك ... ( بفضحك ) كااااك اهو طلعت مونساتي ديامي لا يشق لك كتاحة .
يا جامعة ادو فرصة للمونساتي الدباب دا يشرح فكرة البوست المنيل دا .. والعلم دا .. علم السودان ولا علم الهدى ..... ولا العلم نور .. ولا المودووع شنو ؟
عااالم بطاالــــــــــــــــــة ,,
| |
|
|
|
|
|
|
Re: للعلم فقط (Re: محمد مجيدو)
|
هههههههههههههههههههههههههههههههه حبيبنا جلالدونا .. دخلت البوست .. قلته اقره ليك باقي انا مبسوط منك من بوستيك بتاع عطبرة
لقيت الحكاية جاطت ههههههه
موتوني من الضحك ياخ ..
| |
|
|
|
|
|
|
Re: للعلم فقط (Re: محمد حيدر المشرف)
|
حمد الذى لبد و معاهو عمر دهب شنو السؤال التعسفى ده هو موضوع البوست شنو .. بالجد طار لى من راسى الاسمح ود المشرف قال فىيهو موضوع خلوة احب اطمنو انها خلوة شرعية
| |
|
|
|
|
|
|
Re: للعلم فقط (Re: جلالدونا)
|
عادل الباهي جايبو غردو عشان كِدا جليهو يا جلال لحدي ما صديق يجيبو ليك بالكاكي ؤ رِدا بدل بنطلون كمان
يا ود المدير الله ماعندي غرض شايف الناس داخلا طالعا سألتهم الحاصل شنو قالو جلال لابس اللبس خمسة دخلتا أتفرج من جملة الفريجة هههه صديق مهدي أنا عندي محل ثقة قال جلال كان كادر خطابي ولابس الكاكي أنا بصدقو ، جلال زاتو يحمد ربو اللبسو كاكي ساي وماقال كان شايل ليهو سيخة للمضاربة
| |
|
|
|
|
|
|
Re: للعلم فقط (Re: عادل الباهي عبدالرازق)
|
يا ود الباهى يا بختك اصبحت مونساتى
يا صديق مهدي لالا الا دي . أنا ممكن تقول علي زول فرجة ساي لكن مونساتي دي لسع ما وصلت ليها شوف ياهو ديل جلال وودالمدير بلغو من العمر عتيا وود المدير صلعتو وصلت ضهرو حتي ترقي لمؤنساتي أنا لسع امامي سنين ضوئية حتي أصل مكانتهم المرموقة .
| |
|
|
|
|
|
|
Re: للعلم فقط (Re: عادل الباهي عبدالرازق)
|
ود الباهي ... . المثل بقول لا تلعب مع العوير .. ولا تخلي العوير يلعب معااك ... ( بفضحك ) كااااك اهو طلعت مونساتي ديامي لا يشق لك كتاحة
دياما يا رسول الله
يا مجيدو ما تدغمس المثل هسع بيجيك صديق مهدي ينط فيك جوز والله يطلعك ضمن أفراد متحرك طلائع البدر
| |
|
|
|
|
|
|
Re: للعلم فقط (Re: عادل الباهي عبدالرازق)
|
هسع ده كلام يقولو مونساتي عريق جدا ك ودالباهي !!
ود المشرف يابن عمي مونساتي تهمة لا أنكرها وشرف لا أدعية لكن عريق جدا دي لسع ما وصلتها مازلت التمس الخطي وبتتلمذ علي يد القرشي ود الزين ( معاوية المدير )
| |
|
|
|
|
|
|
Re: للعلم فقط (Re: جلالدونا)
|
شنو يا حيدر ترغى و تزبد تسرح و تمرح فى البوست ده على كيفيك شابكنا لول و كبشرة و حركات .. قالولك انا بتاع زوغة و قول لى بتاع الغجر داك كمان .. امثلتك دى لمّها عليك و من هنا و لى قدام بعمل بى وصية اخوى الكبير شاهين و من طرف كمان
| |
|
|
|
|
|
|
Re: للعلم فقط (Re: صديق مهدى على)
|
Quote: يا ود المدير الله ماعندي غرض شايف الناس داخلا طالعا سألتهم الحاصل شنو قالو جلال لابس اللبس خمسة دخلتا أتفرج من جملة الفريجة هههه |
يعني شنو !، أوّل مرّة تشوفلك وآحد دفاع شعبي !.
كضاب الللِف لا ماسورة لا بلِف ...
| |
|
|
|
|
|
|
Re: للعلم فقط (Re: معاوية المدير)
|
يعني شنو !، أوّل مرّة تشوفلك وآحد دفاع شعبي !. كضاب الللِف لا ماسورة لا بلِف .
أها يعني هو دفاع شعبي ساي والله شفتا تهديدو الفوق دا أفتكرتو دباب
| |
|
|
|
|
|
|
Re: للعلم فقط (Re: عادل الباهي عبدالرازق)
|
ما غلط يا عادل أنا من يوم شفت الصور بتاعته في اريزونا المع شجرة البرتكان ديك عرفت إني شفته قبل كدة .. موش شوفة ساي .. بل عدييييل كدة كنت بشوفه كل يوم من شدة وشه ما مألوف متأكككككد 100% إنه الزول دة ما غريب علي .. بس كنت داير اعرف اسمه الكامل جلال منه .. قلت مذيع لأنه كان بظهر في التلفزيون طوالي هسة سبحان الله بعد كلام صديق طق كدة اتذكرتو ليك .. كان بجيبوهو شايل كلاش واقف في الصف التاني قدام عربات الجيش في الجنوب مع الدبابين البنشدوا في ساحات الفداء بتاعين ترق منا الدماء ديلك
| |
|
|
|
|
|
|
Re: للعلم فقط (Re: صديق مهدى على)
|
تذكير مع التحية ----------------------------------------------
"مع انى خريج خلوة و تطاول منى فقط داير اعرف حاجة من اهل العلم و المعرفة و الادراك"
نأسف لعدم اجادة فني الأقتباس والكبشرة
| |
|
|
|
|
|
|
Re: للعلم فقط (Re: معاوية المدير)
|
Quote: أها يعني هو دفاع شعبي ساي والله شفتا تهديدو الفوق دا أفتكرتو دباب |
الزول دا مِن جاب خبرو صديق مهدي أنا عِرِفتو دفاع شعبي ...
| |
|
|
|
|
|
|
Re: للعلم فقط (Re: معاوية المدير)
|
و من هنا و لى قدام بعمل بى وصية اخوى الكبير شاهين و من طرف كمان حاشاك ياخ من البتاع القالو شاهين انا كنت واقف بعيييييد والله
شوفت ليك زول بقرب من دباب
| |
|
|
|
|
|
|
Re: للعلم فقط (Re: MOHAMMED ELSHEIKH)
|
يا جماعة سلام والله مو عيب الواحد فى بداية الانقاذ وخاصة بتاعين آخر سنة ثانوى وأولى جامعة بكون وجدوا ضالتهم فى الانقاذ ولا مش كدا ههها لان الانقاذ بتكون أعطتهم مساحة إعلامية من أجل جلب المؤلفة قلوبهم وحاجة زى كدة تحياتى مستنير عايز يعيد سيرة الانقاذ الأولى
| |
|
|
|
|
|
|
Re: للعلم فقط (Re: جلالدونا)
|
تعرف يا احمد محمد عمر من كرامات حرب الجنوب الما قالا شيخى اسحاق فضل الله انو مرة بكيت لى طلقة .. و الكلام ده شوف عين ما قول قايل .. اشوفا ليك خرمت الاول و مشت على التانى و عينى ليه لفت على التالت لافة بيناتن لامن وصلو ستة و جاتنى راجعة .. قلت المصيبة دى ناوية تخرمنى برضو ولّ شنو أكّان اشوفا ليك قعدت فى ايدي و قالت لى : عمّرنى تانى قلتليها طيب ليه ما خرمتينى قالت لى: لالا دورك لسه بدرى المهم فكيتا و من هناك صوف على امريكا مع الباترويت ما اظن تجينى هنا شفت الكرامه دى كيف
| |
|
|
|
|
|
|
Re: للعلم فقط (Re: جلالدونا)
|
Quote: انو مرة بكيت لى طلقة .. و الكلام ده شوف عين ما قول قايل .. اشوفا ليك خرمت الاول و مشت على التانى و عينى ليه لفت على التالت لافة بيناتن لامن وصلو ستة و جاتنى راجعة .. قلت المصيبة دى ناوية تخرمنى برضو ولّ شنو أكّان اشوفا ليك قعدت فى ايدي و قالت لى : عمّرنى تانى قلتليها طيب ليه ما خرمتينى قالت لى: لالا دورك لسه بدرى |
| |
|
|
|
|
|
|
|