Quote: تواصل مشكلات النجم البرازيلي نيمار دا سيلفا في باريس سان جيرمان الفرنسي، وهذه المرة مع مدرب الفريق، الإسباني أوناي إيمري. وحسب تقارير إعلامية إسبانية، فإن نيمار غير مرتاح، وغير معجب بطريقة إيمري في قيادة سان جيرمان، وخصوصاً فيما يتعلق بحصص التحليل بالفيديو، التي يقوم بها المدرب الإسباني بشكل شبه يومي. ووفقاً للمصادر ذاتها، فإن نيمار يرى هذه الحصص طويلة ومكررة، ويرغب النجم البرازيلي في أن يكون التركيز أكثر على التدريبات مع إعطاء تحليلات سريعة وموجزة بالفيديو. وأشارت التقارير إلى أن نيمار نادم على مغادرة نادي برشلونة والانضمام إلى سان جيرمان، خاصة بعد واقعة الاشتباك على تنفيذ ركلة الجزاء، مع زميله في الفريق، كافاني، في الشهر الماضي. وتعد المشكلة الثانية لنيمار منذ قدومه إلى النادي الفرنسي، حيث تفجرت أزمة من قبل بينه والأورغوياني أديسون كافاني حول تنفيذ ضربات الجزاء، ولم تحسم إلا بقرار من إيمري الذي قرر منح النجمين مهمة التنفيذ بالتبادل بينهما. وكان نيمار قد انضم إلى سان جيرمان خلال «الميركاتو» الصيفي الماضي، قادماً من برشلونة الإسباني، في صفقة قياسية، بلغت قيمتها 222 مليون يورو.
يتبع ان الله هون
10-31-2017, 02:17 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
سلام أخ طلحة بعض الأندية الأوربية دخلتها "مرضة" إدارة الكرة السودانية الخليفي - دا جمال الوالي بتاع أوربا - وكاردينال فرنسا ! قروش وتمويل سائب لايعرف الحدود والنظم "واللعب النضيف " متهم بمخالفات عدة * وإداري يتدخل في شئون التدريب - ! هو المالك والإداري والمدرب والناطق الرسمي والكل في الكل !
10-31-2017, 02:37 PM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
ندمان وسافي التراب نايمار ما بالمستوى ده هو جا لي باريس عشان القروش اول حاجه تاني لانه في برشلونا النجم الاول ميسي ومهما عمل ماحيتفوق على ميسي ومن رأي كرة القدم في الوقت الحالي تعتمد على التكتيك اول حاجه لو لاحظت كورة برشلونه و جوفينتوس السنه الفاتت بالرغم من وجود ميسي لكن برشلونه ماقدرو يسجلو حتى هدف واحد في الطليان
10-31-2017, 02:42 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
حبابك ألف يا كمال ودا طبعا مرض مهلك جدا والعياذ بالله مع الفرق انو جماعتنا ديل بستفيدوا من المؤسسات الرياضية من حيث المكاسب الاجتماعية والبرتكولية أكثر من انهم يفيدوها .. الواحد من ديل جائي بالبارشوت من السماء لا فكرة ولا خبرة كل همهم الفشخرة والبوبار والدعاية وتربيط العلاقات وفتح الوكالات .. خخخخخخخ
10-31-2017, 03:03 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
Quote: من رأي كرة القدم في الوقت الحالي تعتمد على التكتيك اول حاجه
دا كلام مية المية يا رامي التكتيك واللعب الجماعي ناس بيضا ليهو وقاسو ومترو وعمل ليهو موية في ضهرو ديل ناس العصور الوسطي زمن السيف والمقلاع الأسلحة هسة بقت حديثة وعينة الاستعراضي دا ما بياكل معاها عيش الكلام دا قلناه بعد أول تلاتة أربع مشاهدات ليهو لكن نعمل شنو مع بتاعين العواك عاك وحرق العمم وزوووط ديل ؟ خخخخخ
10-31-2017, 04:13 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
لكن كونو استعراضي وبتاع شو وملمع من اعلام الدعاية والبروباغندا دا مع انو مفروغ منو وما بتغالطوا فيهو اتنين ما سبب البوست دا .. أبدا .. سبب ولادة البوست دا هو التأكيد على انو الولد دا على العليهو بتاع مشاكل لأنو فاكيها في نفسو زمبة ومساوي كتفو مع كتوف الكبار عشان كدا قلتا انو ح يعمل مشاكل ما ليها حد في باريس سان جيرمان لأنو شايف نفسو أكبر من اللاعبين والمدرب والادارة ذاتا .. وأهو الواقع يكضب الخيال ما عد ليهو سنة وظهرت ليهو مشكلتين كل واحدة أظرط من التانية والاتنين سببم انو شايف نفسو أكبر وأفضل من الجميع .. مرة عايز يشوت ضربة الجزاء هو ومرة عايز المدرب يمشى بطريقتو وما عايز كلام كتير . ولسة .. الشمار حار مع الود نيمار خخخخخخخ
10-31-2017, 04:21 PM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
كلامك صاح ياطلحه هو حول من برشلونه لانه زي مابقولو ماكان حيطلع من ضل ميسي وافتكر انه لمن يمشي لي باريس حيكون النجم الوحيد في الفريق وطبعا رئيس النادي الماعارف يودو قروشو الكتيره دي وين حيدعمو لكن المشكله هل الشو البعمل فيه نايمار ده ممكن يؤهلو انه يكون نجم عالمي ما اظنه حيستمر كتير في باريس كتير لكن ياتو فريق الحيجازف يخسر فيه نص مليار يورو
11-01-2017, 08:02 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
يا رامي أتوقع نيمار دا ما حيستمر في باريس سان جيرمان وما ح يستمر في حالة النجومية المصنوعية كتير بعد ما سماسرة الاعلام وتجاز البروباغندا حققوا مكاسبهم الاقتصادية المطلوبة من تلمبعه وتنصيبه نجما في أعين ومشاعر المساكين .. أكيد ح يرجع لاعب عادي جدا ويلعب في أي فريق أمريكي واللا برازيلي لغاية من ما ينطفي بريقه نهائيا .
11-01-2017, 08:21 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
حالتك تحنّن! يعني اسّي قاعد راجي نيمار كان اتعتر ساي عشان تعتبر كلامك صاح يعني و الود اخطبوط! الله يجازي روبن ياخ ضيّع الكاس وطلّعك في راسنا هسّي الموضوع شنو؟ محترف و سوبر ستار زهجان من طريقة الكوتش زي ما بحصل في ارقى الفرق و عملها كثير من السوبر ستارز التانين قوم لف بلا (عوّة) معاك
11-01-2017, 08:58 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
ههههههه اتعثر ساي ؟؟؟ وبعدين سوبر ستار دي كانت وين لما كان في برشلونة ؟ ليي ما حصل سمعنا انو قال عايز يشوت ضربة جزاء واللا قال للمدرب كاني ماني .. ؟ يا زول بنصحك تنسحب تكتيكيا عشان ما تتلكك أكتر في خبوب الغلاط وتبقي زي صاحبك تهريف في بوست ونسة اللستك الفاتحو بهناك دي .. عاوز يزوغ لكن اكتشف انو غاطس لغاية ركبيهو .. واهو هن داك ليهو قاعد يكورك وبقى اضحوكة للمارين والغاشين .
بالنسبة لعوة القوستها دي انا ما شغلتي في كونو اتا رديت على منو لكن بعرف انها ملك كيبورد بالأسبقية واتا رددتها شخرمية مرة في أقل من نص سطر .. اتا قايل عشان خليت ليك ( خبير آكشن) ممكن أخلي ليك أية حاجة ؟ أنا عايز عوتي ..
11-01-2017, 10:59 AM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
أبدا يا رامي عملت في البداية وشين مدورات فقام واحد من الوشين ديل خجل وما ظهر معاي فقمت سحبتو واكتفيت بواحد بس .. لكن بيني وبينك الضحك على جرجير الفوق دا يستحق ضحكومية وش أخدر مدور .. الزول دا يا رامي عاشق بهدلة ومحترف في قنطرة نفسو .. خخخخخخخخ
11-01-2017, 11:48 AM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
نيمار يا طلحه تلاته سنوات بتشرح لي الكرة الذهبيه مع رونالدو وميسي فموسم 2018 لو باريس شال دوري الابطال والبرازيل وصلت النهائي او فازت بي الكاس في روسيا مع شويه شيكات من الخليفي :) حتلقي نيمار دا ختاك في حته ضيقه مع المعجبين
11-01-2017, 11:48 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
حريف وين يا رامي ؟ دا أكيش من من الصنع الكياشة هو لو حريف كل مرة مقنطر نفسو كدا ؟ غايتو ممكن ياكلك غلاط ومكابرة ساي لغاية ما تزهج وتخليها ليهو لكن حرفنة دي معلم الله يعلم الله .. خخخخخخ
11-01-2017, 11:53 AM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
سلام معاويه ما اظن وحده من الاتنين ديل حتحصل لانه باريس لغاية حسي ماوقعو مع فريق قوي اها انت شفت براك برشلونه عملت فيهم شنو، والبرازيل دفاعها منتهي وحتى لو ده حصل العالم ده كل مقتنع انه ميسي ورونالدو هوم افضل لاعبين في العالم ميسي قبل اربع سنين اخد الكره الذهبيه بالرغم من انه اترصع 7/0 من بايرنميونخ
11-01-2017, 12:00 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
Quote: ميسي قبل اربع سنين اخد الكره الذهبيه بالرغم من انه اترصع 7/0 من بايرنميونخ
عشان كدا يا معاوية حتي لو أخدت البرازيل كأس العالم وكأس القارات زولك دا ما أظن يشم ليهو أفضلية .. وهسة أراهنك لو باريس سان جيرمان دا احتكر كل البطولات المحلية والاقليمية والقارية الولد دا ما ح يكون الا مجرد مساهم فقط زيو وزي بقية الحداشر لاعب . صدقني ما عندو حاجة عليها الرك .
11-02-2017, 09:37 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
أيواااااااا الفلسفة دي يا رامي .. بالضبط كدا .. الفلسفة دي هي سبب مشاكل الولد دا .. انا شايف ممكن تكون عندو فعالية ونجاعة في حال بطل الوهم المالي بيهو رأسو دا كونو نجم كبير زي ميسي ورنالدو البرازيلي ورنالدو البرتغالي ورونالدينهو وما سبقوهم من عتاولة كورة . اذا اتعامل بانو مجرد لاعب بعيدا عن الزمبة الفاكيها في نفسو دي صدقني ممكن يكون نجم بعدين لكن طول ما هو لابس كدارة أكبر من مقاسو ح يظل لاعب متعقد من واقعو وبالتالي ح تستمر مشاكلو .
11-03-2017, 03:41 AM
Elmosley
Elmosley
تاريخ التسجيل: 03-14-2002
مجموع المشاركات: 34683
سلام يا موسيقار وجمعة مباركة أولا بس للتصحيح .. البوست دا بتكلم عن مشاكل نيمار بغض النظر عن كونو لعاب واللا ما لعاب .. لكن برضو ممكن نرد ليك على حكاية لعاب دي ونقول ليك انو اللعب القاصدنو نحن ما الحركات الاستعراضية والمحاورة بس .. أبدا اللعب القاصدنو بالاضافة للحاجات الفوق دي انو يكون ناجع تكتيكيا تستفيد منو الجماعة ويلعب لمصلحة الفريق ويندمج مع أخوانو في الملعب بحيث يكون الهدف المشترك الأعظم هو تحقيق تطلعات الفريق وجماهيرو ودا ما بتم إلا بالنزول إلى حيث التواضع والواقع . الولد دا بحاول يكون زي ميسي ورنالدو البرازيلي ورنالدو البرتغالي وهو ما قدرم من أية ناحية تخص لاعب الكورة . لو على الفيديوهات بتاعت الأهداف والحاجات دي ممكن أجيب ليك أهداف لأسامواه جيان اللي كان بلعب في العين الإماراتي مثلا لامن تستغرب من الحرفنة والروعة ذاتو .. لكن هل جيان دا زي ميسي أو رنالدو ؟ أبدا وطبعا لا .
11-03-2017, 02:07 PM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
ياسلام على الهدية اخي عبد الكريم ذكرتني بهذا العمل الذي تشرفت بتوزيعه بايامي مع مصطفى حيث الكوارع والقراصة والشعر والموسيقى مصطفى في رلأيي ميسي الغناء السوداني
11-03-2017, 04:10 PM
Elmosley
Elmosley
تاريخ التسجيل: 03-14-2002
مجموع المشاركات: 34683
حبيبنا طلحة انا تقريبا تابعت معظم مبارياته مع برشلونه ولاحت انو لمن كان ثلاثي هجوم مع ميسي و سواريز ماعارف انت جبت عدم التعاون من وين هاك التعاون ده
بعدين اساموه الانت داير تجيبو كمقارنه كان بجيب اهدافو مع العين الاماراتي اهدافو كانت تعتبر في فرق درجة عاشرة مقارنة بالنسبة للمستوى الاوروبي شوف الفرق اللي لعب فيها نيمار نبدا بي سانتوس البرازيلي برشلونة الاسباني باريس سانت جيرمان الفرنسي يعني هل الخبراء في كل الفرق دي كيّشه؟؟؟ الراجل الان كابتن الفريق البرازيلي المرشح مع المانيا لكاس العالم القادمة هاك تصريح مدرب المانيا عن البرازيل حدد يواخيم لوف، المدير الفني للمنتخب الألماني، المنتخب الذي سيكون أكبر المنافسين لفريقه في بطولة كأس العالم التي ستقام في روسيا 2018.
وفي لقاء مع القناة الثانية بالتلفيزيون الألماني (زد دي إف)، قال لوف مساء أمس السبت، "أقوى المنافسين هو المنتخب البرازيلي، الذي تعافى بشكل جيد من هزيمة 1:7 (أمام ألمانيا) وأصبح أفضل بعض الشيء". تحياتي بالمناسبة انا معجب جدا بي كتاباتك في شأن الريضة السودانية لكن نيمار ده انا متكييف ليه لذا وجب الدفاع
11-03-2017, 04:29 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
Quote: بعدين اساموه الانت داير تجيبو كمقارنه كان بجيب اهدافو مع العين الاماراتي اهدافو كانت تعتبر في فرق درجة عاشرة
كيفن الكلام دا يا موسيقار ؟؟ جيان لاعب عالمي لعب في العديد من الدوريات الأوربية منها الدوري الايطالي و الدوري الفرنسي وسجل العديد من الأهداف المتعة وفي الدوري الانجليزي بنادي ساندرلاند وكان أحد نجوم الدوري هناك حتي أن انتقاله للعين من النادي الانجليزي ترك مسحة حزن كبيرة على جماهير الفريق هناك وحتي أهدافه مع العين فهي ليست ضد فرق درجة عاشرة يا حبيب بل في شباك فرق قوية سبق لها التتويج بلقب دوري أبطال آسيا لكرة القدم أحد أقوى البطولات القارية في العالم من اليابان والصين واستراليا وكوريا الجنوبية ودي فرق تضم في صفوفها لاعبين انتقلوا أو جاءوا من الدوريات الأوربية القوية ولا تنسي كمان أنه كان هداف المنتخب الغاني يا حبيب .
يا موسيقار كونك متابع نيمار وشايفو كويس دا لا يعني انو كويس .. خخخخخخ
11-03-2017, 04:44 PM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
ياطلحه نايمار زي ماقلت لي باريس عشان يكون النجم الوحيد في النادي جا لقى قدامو كافاني بدا معاه المساخه بالبلنتيات المدرب قال ليه قرض واحد ليك وواحد لي كافاني قام حنبك حسي قام جاري لي برشلونا يشتكي لكن الزول ده لو استمر بالطريقه دي تاني الا يمشي يلعب في شانقاهاي وللا الاهلي دبي
11-03-2017, 04:46 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
بعدين يا موسيقار اتا شكلك ما فهمت أنا قاصد شنو أنا ما قلت انو الولد كعب بالمرة .. أبدا .. انا كلامي انو ما بستحق الضجة والخوتة العاملنها ليهو دي ولا ينبغي أبدا وضعه في نفس الخانة الفيها ميسي ورنالدو ورنالدينهو وقبلهم ماردونا . دا كلامي .. لكن ما قلت ما نافع .
11-03-2017, 04:51 PM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
حبيبنا طلحة ما تفتكر يوسف ده بتاع موسيقى بس اها هاك التاريخ ١- حرست العربات في "دار الرياضة الخرطوم" انتو بتقولو استاد الخرطوم ايام ابراهومه وود الزبير ويوسف مرحوم وخشيت معظم المباريات ملح في العشرة دقايق الاخيره ههههه ٢- لعبت في رابطة غرب مع فريق العزيمه بغرب وفريق النجوم بالمقرن ومنتخب الرابطة ٣- لعبت في رابطة المايقوما بفريق النيران ٤- لعبت بفريق الهجرة برابطة الديوم لمن رحلت اسرتي لديم الزبيرية - اخر مراحلي مع لعب الكورة مع فريق الطليعة بليق الخرطوم درجة تالته خانتي كانت "ديب سنترفورورد" الجماعة بنطقوها غلط في السودان "سترفِروِد" طبعا الكفر والوتر مابتلمو تب ٦- ثلاثة من اخواني لعبو بالدرجة الاولى وهم عبد المنعم عثمان "عب الدوكة" سيد الاسم بالنيل زمان طبعا مهدي عثمان بالنيل المرحوم بابكر عثمان بالاهلي الخرطومي ابن الخال عز الدين عثمان الدحيش يعني اسرة مرضانة بالكورة وما عندها علاج تقوم تقول لي يا موسيقار كونك متابع نيمار وشايفو كويس دا لا يعني انو كويس .. خخخخخخ ؟؟؟؟؟؟؟؟؟ خخخخخخخخخخخخخخخخخ ياخي الذ حاجة خاءاتك دي والله معبرة جدا ومبلوعة تب تحياتي
11-03-2017, 04:49 PM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
استاذنا الموصلي العفو يا استاذ لكن يواخيم لوف لازم يشكر البرازيل هم في الوقت الحالي المنافسين الالمان بعدين لوف ده بشكر اي فريق يلعب ضدو لوف ده زاته ماعندو حاجه لو ما اللعيبه بتاعين بايرن كان راسو سخن لو لاحظت لتكتيك الالمان هم نفسو تكتيك بايرن
11-03-2017, 05:22 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
يا موسيقار الكلام عن الكورة بالذات بعتمد على الشوف والمتابعة ما شرط الزول يكون لعب عشان يتكلم فيها مع الاحترام طبعا للناس اللي دقوها وشلخوها فديل كلامن بكون أكتر دقة بالطبع .. لكن الكورة عموما كتاب مفتوح لكل من يقرأه ويفهم فصولو .. أيام طيبة الذكر الرأي العام كان مكتبنا يوميا لا يخلو من الفنانين.. نتكلم شوية عن الفن وكتير جدا عن الكورة وهلال مريخ .. العلاقة وثيقة جدا بين الكفر والوتر .
زمن انت بتحرس عربات الاستاد أعتقد دي لما كان المريخ اسمو المسالمة ..
11-03-2017, 06:10 PM
Elmosley
Elmosley
تاريخ التسجيل: 03-14-2002
مجموع المشاركات: 34683
زمن انت بتحرس عربات الاستاد أعتقد دي لما كان المريخ اسمو المسالمة .. لا ياحبيب لمن المريخ كان المسالمه انا ما كنت مولود انا من الصرخة الاولى طوالي شفت المريخ والهلال والموردة والتحرير والنيل والاهلي وبري بالمناسبة في فنانين كتار كانو لعابين جدا "في السودان طبعا" اذكر ان طلاب معهد الموسيقى كانو عاملين تمرين لفريقهم وانا قاعد بتفرج لكن لابس بدلة تدريب واصرو انز ل العب شويه قلت ليهم انا بخش خمسة دقايق في السنتر واول كوره كورتين يصلني حالعب باص لواحد من المهاجمين وحيجيب قون كنت محظوظ وصلتني الكورة لعبتها باص ثرو شقت الجماعة للانصايد اليمين جاب منها قون الوقيت داك بديت الطراش لا مؤاخذة جمب الخط ههههههه
11-03-2017, 07:27 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: الكلام عن الكورة بالذات بعتمد على الشوف والمتابعة ما شرط الزول يكون لعب عشان يتكلم فيها مع الاحترام طبعا للناس اللي دقوها وشلخوها فديل كلامن بكون أكتر دقة بالطبع .. لكن الكورة عموما كتاب مفتوح لكل من يقرأه ويفهم فصولو ..
حبابك طلحه ... قنا نجيك في بكانك ... ناس ونسا وخيخ بس ولا مانع من التنظير والتهريف والجرجير إذا تتطلب الأمر. الكوت دا كان بكون متماسك جدا" لو ما جبتا سيرة الدقوها وشلخوها كلامن بكون (اكثر دقه بالطبع) ... أكاد أجزم بأن bein سبورت لن تغامر وتضع محلل يتكلم عن الكرة ليس له تاريخ مميز في الكرة العالمية وليس شرطا" لديهم ان تكون من حملة الشهادات ... المهم تاريخك في كرة القدم. الزمن زمن الإحترافية ... لو تسمع محللين bein سبورت ناس تريفور فرانسس ودوايت يورك ورود خوليت ديل فاقد تربوي ظبطط معاهم الكورة.. لو تسمع انجليزيتم تلقاها بتاعت بارات ساكت ولو خلوهم علي راحتم كان حشرو ليك الفكين اوف بين كل كلمتين والتالته ....
11-03-2017, 07:33 PM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
وعليكم السلام رامي عبدالكريم ... مرحب بيك في حوش بكري وشكلك كدا ما محتاج يوصوك ... بس أقعد داقش في البوستات بي رأيك حقك ومافي زول هنا منقطا زي نيمار في الجهه اليسري من الملعب. قتا لي فردتو عدييييل ... بلغو سلامنا وشوقنا لي شوفتو. تحياتي واحترامي ...
11-03-2017, 08:08 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
و الله بتبالغو لكن .... تلوحة الشهير بي تنظير معروووووووف في المنبر .. لو قال شمال معناها الصاح يمين و العكس برضو .. يعني هو ماشي وين الصاح عكس اتجاهه ... ما تبوظو لينا السوق .. 😂😂😂😂
11-03-2017, 08:17 PM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
Quote: الكلام عن الكورة بالذات بعتمد على الشوف والمتابعة ما شرط الزول يكون لعب عشان يتكلم فيها مع الاحترام طبعا للناس اللي دقوها وشلخوها فديل كلامن بكون أكتر دقة بالطبع .. لكن الكورة عموما كتاب مفتوح لكل من يقرأه ويفهم فصولو ..
Quote: كدا خت لي أصبعك في مكان وجه الاختلاف بين الكوتو فوق دا ومداخلتك التحتو
اصبعي بختو هنا ....
Quote: الكلام عن الكورة بالذات بعتمد على الشوف والمتابعة ما شرط الزول يكون لعب عشان يتكلم فيها
جملتك دي 👆 إتنسفت بعد ما واصلتا وقتا كلامك الشفيتو أنا وبقي كلامي يشبه كلامك دا :-
معاوية يا حسين حتي لو كلامك صاح رغم انو ما عارفك بانيهو على ياتو طوبة .. لكن لو فرضنا جدلا صاح .. هل اتجاهي الواحد دا عندو تأثيرو الملموس أو غير الملموس بتنظيري الهنا دا .. أمسكا لي من البوست دا ذاتو ؟
11-03-2017, 08:20 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
رامي يا حبيب قلتا طلحة تنظيراتو ( بعض ) مرات صاح يعني (بعض) مرات غلط .. كدا أمسكا لي واحدة واحدة يا الغالي البعض الصاح ياتا ؟ والبعض الغلط ياتا ؟ طبعا بافتراض انك متابع المنبر دا قبل ما تكون أساسي فيهو ..
11-03-2017, 08:27 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
وقبل ما انسى يا تهريف قلنا ليك مفردات التدليع طالعا من كيبوردك شينة شديد ياخ .. اتا راجل كهل وباقي ليك سنة سنتين وتصل الشيخوخة قايل نفسك في الاربعينات لسة واللا شنو ؟؟ خخخخخخخخخخخ.
11-03-2017, 08:31 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
مبالغة يا موصلي معني كدا اتا كنت موسيقار في الكورة برضو .. هي البلد دي من الزمن داك كانت ضيقة واللا شنو ؟
ضيقة ساكت وكانت كياشة مني مشيت للمزيكا بس كنت خايف من ضربة الركبة الاتعرض لها عب الدوكة اخوي مع منتخب البلدية ضد المنتخب الاثيوبي قعدتو القعدة الياها بعدها الجماعة البهجروهم حبيباتهم بقو يصفوهم ب :طقوهو شاكوش في الركبة" هههههههه
11-03-2017, 08:35 PM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
ايوا لمن كنت في كنبة المشاهدين كنت بتقول الهلال المكركع المبشتن كعربيه كارو لازيها حمار شنو كده مابعرف مع انه الهلال كان بطقطق المريخ زي الترتيب الشي التاني بتشبه فريق برشلونه بفريق الرجل الواحد مع انه برشلونه لو غاب ميسي بلعب كويس اما مدريد لو غاب رونالدو بتطير ليهم عديل كدهالحاجات صح في بوست ليك شهر خمسه تقريبا قلت جوفنتيس فريق كويس لكن الكاس حيشيلو مدريد وحسي كلامك عن نايمار صاح برضو كفاك وللا ازيدك
لا لا يا رامي .. كدا تعال النقعد ليك الكلام في بطن الواطة يا حبيب .. حكاية الكارو القديمة الجاريها حصان أعرج عندو أبو الشهيق دي ما تنظيرة .. دي تدويرة .. بتاعت ميسي دي ممكن تجيب لي كورة لبرشلونة غاب منها ميسي ولعبوا كويس وح أجيب ليك عشرة كانوا فيها يتامى عديل كدا ..
اتا طبعا اختصرت شديد تنظيراتي الطلعت صاح أبرزها طبعا تتويج اسبانيا بكأس العالم في بوست شهير كتبتو قبل فترة من بداية المونديال وما أكتفيت فيهو بترشيح اسبانيا بس .. أبدا .. مشيت أبعد من كدا وقلتا بيكيبورد العارف الواثق المحقق انو البرازيل ح تطير من دور الثمانية ويومها اتحرقت عمم وطار البزاق يمين شمال لا مؤاخذة قالوا لي كيف تقول البرازيل بتطير .. يا زول أطلع من مضاربنا وعملوا مظاهرات وحرقوا اللساتك .. وواحدين بتحت تحت رسلوا لسيد الحوش عشان يشيل عدتي .. ولو ما أخاف من الكضب واحدين لبسوا حزام ناسف عديل كدا .. قالوا لي بالكيبورد المليان أنا ما بعرف أية حاجة في أية حاجة .. شفت كيف ؟؟ أها لما حل القدر وحصل القلتو بالنقطة والشولة عليك الطلاق ثلاثة أرباع الكائنات دي، على رؤوسهم الطير شنو ها ؟ ديل أخدوا اجازة واللا ما عارف الحصل شنو .. المهم ما عتبوا تاني لفترة غير قصيرة .. وقلة قليلة منهم الواحد فيهم عمل ليهو عين من حديد وقعدوا زي الما حصل حاجة .. شفت البجاحة يا رمرم ؟
تاني من البوستات وقريب دا قلتا الفراعنة ديل ما بشيلو كأس أفريقيا وبرضو قاموا علي أصحاب العواطف السائلة والحلافيم الواسعة عملوا البدع .. الشايل كوباية شاي دق بيها الواطة والمعاهو تسالي شتتو .. والبياكل في نبق بلعو .. والعندو جلابية جديدة شرطا الخ الخ الخ .. وما شالت مصر الكأس وووو الخ الخ الخ .. حاجات كتيرة يا رامي يشهد عليها أرشيف البورد دا .. بس اتا ما أخدت بالك .. خخخخخخخخ ومال اتا قايل كمية حقد سيدنا جرجير دي مالية بوستاتي لشنو ؟
11-03-2017, 09:06 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
يا صلاح يا حبيب كدا واحدة واحدة .. هل الكلام في الكورة صعب ؟؟ يعني زول متابع الكورة بغلبو يتكلم فيها ؟؟
وهل كونو الناس اللي لعبوا كورة يكون كلامن أدق دي بتنسف الكلام الفوق دا ؟ كدا وقعا لي لأنو والله شكلك فسرت الماء بعد ملاوة بالماء .. ... اتا زبون بضاعة تهريف الفاسدة .. لأنك بتشتريها أنا ما زبون عشان قاعد أجدع فيها .
11-03-2017, 09:55 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
أبدا" ما صعب ... عمتي القمتن بتشجع الهلال وبرشلونة وما بتفوت مبارة ليهم إلا عشان الشديد القوي وتقعد جنبها تسمع تحليلا تقول دي طارق دياب.
Quote: يعني زول متابع الكورة بغلبو يتكلم فيها ؟؟
يا طلحه ياخي كلام لي كلام يفرق ... يعني هسع عمتي دي ممكن تشوف البشوفو طارق دياب وتتكلم وتحلل زيو إذا كانو اللتنين بشاهدو في نفس المبارة.
Quote: وهل كونو الناس اللي لعبوا كورة يكون كلامن أدق دي بتنسف الكلام الفوق دا ؟
لو كلامك كان معكوس ... اي بمعني ان تبدأ كلامك بانو الشلخوها ودقوها هم اصحاب التحليل والكلام الدقيق في عالم كرة القدم ولا ينفي ذلك ان يتحدث الجميع فيما يشاهدونه من فنون اللعبه بما يشمل عمتي القمتن. بعدين النسف ما ياكل معاك جمبه ما قصدته مفاهيم عكس بعض يعني ما ممكن تعمم وتجي تخصص في نفس الوقت. تهريف دا ابوحسين ... خخخخخخ تنظير هو طلحه ... خخخخخخخ جرجير معروف .... خخخخخخخ مش معروف ابوالحسن ... خخخخخخخ نشوفك بي هناك ومن بكرة حا نبدا نفتح أرشيفك ...
11-03-2017, 09:14 PM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
غايته بتاعت اسبانيا دي ماخشيت فلمها الايامات ديك كنت مدور في حته تانيه اما ميسي عليك الطلاق كان معوق السنه الفاتت زي تلاته شهور كده وبرشلونه ما اتغلبت الا في كوره واحده وبعدين انا لابشجع برشلونه وللا الريال الاتنين بكاين لمن يتغلبو غايته الفرق بين رونالدو وميسي انه رونالدو شال لي كاس مع البرتقال والكاس زاته البرتقال ماشالته الا بعد رونالدو عمل فيها معوق وقعد يحنس في المدرب يغيره
11-03-2017, 09:22 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
يا موصلي طلحه دا اتجاهو واحد ( الريال - المريخ - العين ) وبالعوده
غايتو يا معاويه حدنا معاهو المريخ بس والغريبه انو ما قاعد يجامل المريخ لما يكون كعب شوف يا حبيب اكبر انتاج للاعبي الكره الحرفا جايي من البرازيل هسع خليهو كصحفي يعمل احصائية للاعبي دول العالم في اوروبا يازول نيمار لعاب وزمان الريال جرى وراهو صاح هو عندو شوية طنقعه
11-03-2017, 09:31 PM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
فى اتنين اصلو ما ارتحت ليهم حتى بعد جونا فى برشلونتنا ابراهيموفيتش والجنا نيمار ده
والله من اول يوم قلت ليهم الناس ديل مافيهم طعم برشلونة وما حيقعدو
وفعلا ما قعدو
يا طلحة اقول ليك سر خطير جدا جدا عن نبمار
لكين ما تقول لى اى زول
نيمار اصلا كان جاى ريال مدريد قام ابوهو ضغط علبهو لاسباب خاصة وخلاهو يمش برشلونة و يعتبر برشلونة محطة بس
عشان الشغلانة صعبة شوية يفوت من الكامب نو و يمش مباشرة ل البرنابيو وبتعمل مشاكل شديدة زى ما حصل نع لويس فيجو بقى لازم يمش محطة تانيه اول شى حتى تانى يرجع الريال
و الاتفاق تك بين بيريز ز الخليفى
والشرط الجزائي دفعو بيريز
وشوف كلامى ده صاح ولا غلط لما يبدا الميركاتو الشتوى بعد شهربن بس
وبخيت عليكم نيمار درجة تانيه
نبارك ليكم من هسه
سومبهار يعنى
ههههه
11-03-2017, 09:38 PM
Rami Abdelkareem
Rami Abdelkareem
تاريخ التسجيل: 10-17-2017
مجموع المشاركات: 142
فعلا يا أبوذر رونالدو ح يطلع من الريال لانو زعلان منهم عشان ما وقفوا معاهو في قضية التهرب الضريبي وفي الأخبار انو فلورنتينو بيريز مهووس بالولد دا وعايز يجيبو بديل لكرستيانو
11-03-2017, 10:23 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
يا طلحة بما انو غاريز بيل جا برضو للريال بي صفقه خياليه ( في زمنا) ممكن تعقد مقارنه بسيطه بين انجازات بيل ونيمار في الفريقين ( تقريبا فترة لعبهم متساويه في البرشا والريال)
11-05-2017, 12:09 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
بالجد يا معاوية شن جاب لى جاب .. بعدين من حيث الصفقات الزمان دي ف بيل سجل للريال في 2013 ب 91 مليون والولد نيمار سجل لبرشلونة في نفس العام 95 مليون يبقي الصفقتين متقاربتين .. نجى للمقارنة .. طيب بيل حقق مع الريال لقب أبطال أوربا ثلاث مرات في حين حققها نيمار مع برشلونة مرة واحدة وكذا الحال بالنسبة لكأس العالم للأندية مرتين لبيل مقابل مرة لنيمار وكأس السوبر الأوربي مرتين لبيل مقابل مرة لنيمار ما في مقارنة في عدد الأهداف من حيث الامكانات بيل أسرع لاعب في العالم ومراوغاتو فعالة في المنطقة وخارجها وعندو تحكم كبير في الكورة وأهدافو مؤثرة جدا، ولياقتو عالية ويمكنه اللعب في أكثر من مركز كظهير وكصانع ألعاب وكجناح ويجيد تسديد الركلات الثابتة
11-05-2017, 01:07 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
Quote: من حيث الامكانات بيل أسرع لاعب في العالم ومراوغاتو فعالة في المنطقة وخارجها وعندو تحكم كبير في الكورة وأهدافو مؤثرة جدا، ولياقتو عالية ويمكنه اللعب في أكثر من مركز كظهير وكصانع ألعاب وكجناح ويجيد تسديد الركلات الثابتة
دحين ما عصرتا علينا شديد .... سعر بيل دا الليله بكون كم يا ربي إذا نيمار الأقل منو كان سعرو امس (250مليون)
11-05-2017, 01:26 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
Quote: تا أظنك ناسي انو سعر نيمار داخل فيهو شرط جزائي .
المعني لو ما كان في شرط جزائي كان ممكن يكون سعرو اقل من كدا؟ طيب النشوف بيريز بتاعكو دا حا يدفع فيهو كم في الميركادو الشتوي علي حسب ما سمعتا عندك هنا في البوست وبدون شرط جزائي. وانشالله يقوم يبيع بيل للمان يونايتد المطالب بيهو بي شده عشان تعرف الفرق بين الدهب والصفر ....
11-05-2017, 06:47 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
Quote: من حيث الامكانات بيل أسرع لاعب في العالم ومراوغاتو فعالة في المنطقة وخارجها وعندو تحكم كبير في الكورة وأهدافو مؤثرة جدا، ولياقتو عالية ويمكنه اللعب في أكثر من مركز كظهير وكصانع ألعاب وكجناح ويجيد تسديد الركلات الثابتة
انا دا المحيرني كلامك دا ... لو قتا الكلام دا في نيمار بكون عادي جدا" ... لكن بيل دا اصلا" لاعب رجبي ضل طريقو فيها ولقي رقبتو لاعب كرة قدم بإمكانيات لاعب رجبي ... عارف امكانيات لاعب الرجبي هي القوة والسرعة. وفي ديل زاتم ممكن يكون في الشوت هو الأقوى لكن بالتأكيد ليس الأحرف وفي السرعه نيمار هو الأسرع لكن ما يميز بيل وهو مسرع القوة الجسمانيه في تحمل اللز والدفر. اما ما تبقي فكأنك تصف نيمار مش جاريث.
Quote: تشرب شنو؟
Bacardi with coc بس كيه ليك عشان تاني ما تسأل اسئله فيها ذكاء ...
11-06-2017, 11:22 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
يا صلاح المعلومات الفوق دي أسرع لاعب في العالم الخ الخ الخ متفق عليها .. اكتب جاريث بيل في قوقل وح تلقي الكلام دا في أي جخنون اسفيري .. حاجات ثابتة ما ألفتها أنا عشان تغالطني فيها .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة