|
حبابكـ ألف .. تسجيل جديد لبورضاب الرياض .. مرحبا سـامية حــامد
|
انضمت إلى قافلة سودانيز أون لاين .. وبورضاب الرياض الأخت سامية حامد .. زوجة نجم المنبر عادل حسين الشهير بـ ABUHUSSEIN أو كما قال بكري أبو بكر قدّس الله سره ـ والعهدة على الراوي!!
مرحبا مليون أم حسين .. وحبابكـ ألف! أها النديكـ النجيضة من هسي درب أبو حسين دا ما تمشي معاو .. بضيّعكـ!
|
|
|
|
|
|
|
|
Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: محمد علي شقدي)
|
سلام وإحترام للجميع والله يا جماعة ما قصرتوا معاي ابدا وإن شاء الله ما تقصر ايامكم
وإن شاء الله نكون عند حسن ظنكم
بعدين يا ود الصايم وصيتك جات متأخرة لانو ابو حسين انا مبارية لي خمستاشر سنة يعني خلاص إتعاديت واللي كان كان الله إسترنا معاكم بس
انتوا يا جماعة طردتوا السيدات من البورد ده ولا شنو ؟؟؟غير عفاف الصادق (وطبعا هي الخير والبركة) ما جات اي واحدة داخلة إن شاء الله المانع خير
وشكرا ليكم يا اهلي السمحين
| |
|
|
|
|
|
|
Re: حبابكـ ألف .. تسجيل جديد لبورضاب الرياض .. مرحبا سـامية حــامد (Re: ساميه حامد)
|
Quote: يعني خلاص إتعاديت واللي كان كان الله إسترنا معاكم بس |
والله يا سامية الكلام دا بتابيهو بعدين .. إنتي مفروض تكوني لاعبه بي طريقة سيف مساوي وديمبا باري .. لما يتوقف زميل البورد .. تكوني إنت شغاله قشاش ومغطية الضهـر لكن والله النصيحة لي الله .. كان لعبتي بي خطة ( خمسة خمسة خمسة ) دي ياكي الاتوقفتي بي المادة مية وخمسية تعديل الربع التاني من الفين وعشرة .. يعني بي صورة أوضح: تتوقفي مية وخمسين سنة زيك وزي زميلنا محمد البشرى الخضر .. وزميلنا عادل حسين الشهير بي أبو حسين .. ويصدر ليك صــك في حقك وقرار جمهوري..
بعد كدا يا سامية أبو حسين لازم يجيب ليك لاب توب حقك براك في المطبخ بشتغل مع المايكروييف .. وديسكتوب في الصالة بشتغل مع مكنسة الكهربة علشان ما تضايقو العيال والضيوف البجوكم .. ويعمل ليك خـط سيدات أعمال .. نانو اتصالو سريع ما يجيب ليك الأربعة غيغبايت البدوهو ليهو ملح دا .. ممحووووق وبقطع بسرعة ..
منورة يا أم حسين .. عقبال شــذي آل الصايم
| |
|
|
|
|
|
|
|