|
كيف لي ان اصبح مشهورا بسودانيز اون لين (ذي ناس ودالصايم وتمبس وهلم جرا)
|
اصدقكم القول احبتي واخواني واخواتي في سودانيز اون لاين لقد كان كل املي ان اكون من كتاب هذا الموقع المرموق وبفضل الله وبمعاونة اخي وحبيبي محمد زين الشفيع كان لي مااردت بعد ان توسط لي عند سيد البيت ولكنني والله كلما حاولت الكتابة اجد نفسي قصير قامة مع كتاب فطاحلة وكاتبات ولكنني واخيرا ومستعينا بالله وقلت في نفسي (يا شرقة ياغرقة) دخلت ولكن! هل ياتي يوما واكون في ظرافة وخفة دم وسرعةبديهة ودالصايم؟؟؟؟؟ هل ياتي يوما واكون في ظرافة وخفة دم وسرعة بديهة تمبس ؟؟؟؟؟؟ (ما يجي حميدة ناطي لي ) علي كل حال (البتبلبل بيعوم) وعليك ياالله
|
|
|
|
|
|
|
|
Re: كيف لي ان اصبح مشهورا بسودانيز اون لين (ذي ناس ودالصايم وتمبس وهلم جرا) (Re: حاتم يوسف قنات)
|
حاتم الحبيب سلام إزيك يا شريف ..قلت لي عايز تبقى زيل ناس ود الصايم و تمبس برمية سفروق ولا مجادعة في سفاتنا السمحة ديك ..مبروك ولوجك عالم سودانييييييييز أون لاين ..عالم جميل مليء بكل تناقضات الشخشية السودانية ..وكل عام وأنتم بخير ..جعله الله عام خير وبركة ..
خارج النص كنا جلوساًفي ليلة رأس السنة هنا في مقهى شعبي كعادة البورداب في التلاقي ..فسئلت عن أمنيتي على المستوى القومي للسودان ( الوحدة أم الانفصال ) ، فقلت للحضور أنا مع خيار الجنوبين وما تمليه عليهم إرادتهم الحرة في الاختيار ولسنا أوصياء عليهم ..فعلق البعض بأنها إجابة ديبلوماسية فقلت لهم : إنه الحق ولا غيره ..استقلال دون استغلال ولا استهبال وليكن خيار الجميع ( وحدة طوعية وبنفس بارد ) خير من تدليس ونفاق . تحية كبيرة ماكنة ( من التمكن )
| |
|
|
|
|
|
|
Re: كيف لي ان اصبح مشهورا بسودانيز اون لين (ذي ناس ودالصايم وتمبس وهلم جرا) (Re: وصال عالم)
|
للشهرة انواع
فهنالك من يشتهر بقاعدة خالف تذكر فيعارض ويخالف اى شى الجميل والقبيح كله عنده سواء
وهنالك من يشتهر على طريقته ( سفالة ونذالة وبذاءة ) وهى شهـرة لايتمناه أحد.
هنالك من يشتهر بعلمـه وقلمـه(بنانه) بالمنبر بعد ان يفرض كلماته المنمقة والرصينة والمهذبة
والمفيدة فيفيد ويستفيد
واعتقد ان الموازنة بين الثوابت والمتغيرات هى التى تقود الانسان للشهرة بل الى قلوب الناس .
مودتى
| |
|
|
|
|
|
|
Re: كيف لي ان اصبح مشهورا بسودانيز اون لين (ذي ناس ودالصايم وتمبس وهلم جرا) (Re: محمد الجزولي)
|
Quote: لووووووووووووووووووووول يا أخوانا والله انا بقيت مدمن للمدعو طارق جبريل ..بتابع كتاباتو وحتي مداخلاتو لأنو ياخ زول بنكهة سودانية خالصة لابعجبو العجب ولا الصيام في رجب وتعليقاتو مدرسة في القطامة .. إحترامي وتحياتي طارق جبريل،، ولك صاحب البوست كل الاماني بتحقيق كل الممكن وبعض المستحيل..
|
ابو حميد الله يجبر بي خاطرك ياخي يا سيدي الاسافير دي اسكت كوجن فيها ساكت وشوت ضفاري طوالي ومحل ما تجي انت كسبان
تحياتي لصاحب البوست وضويوفه
| |
|
|
|
|
|
|
Re: كيف لي ان اصبح مشهورا بسودانيز اون لين (ذي ناس ودالصايم وتمبس وهلم جرا) (Re: محمد عبد الماجد الصايم)
|
بسم الله الرحمن الرحيم
والله ياحاتم
بقيت مشهور هسه ،،، والله لمن لقيت عدد القراء لمن إتخلعت في شهرة أكتر من كدا ؟؟!!،،،
بس وصية من أخيتك ، وفي أضانك ( ماتكوجن هسه زي ماقال ليك د.طارق )!! أصبر لمن تقرأ الجو كوووووييس !!
هسه تصدق أنا قربت أرحل إمتداد الدرجة التالتة ! أعمل بوصيتي دي سمح !
التحية لكل ناس الإمتداد الثالث ،،، وكل ناس الصحافة شرق أو غرب كمان !
تسلم ياود النعمة أمي ، ويديك العافية ،،،
محبتي .... وصال عالم
| |
|
|
|
|
|
|
Re: كيف لي ان اصبح مشهورا بسودانيز اون لين (ذي ناس ودالصايم وتمبس وهلم جرا) (Re: محمد عبد الماجد الصايم)
|
الحبيب قنات.. اعتقد القيمة ليس في ان تكتب لان تكون مشهورا بل القيمة لحقيقة في الشهره بما تكتب وبما يعود بالنفع والفائدة علي الناس .. هناك اقلام مشهوره ولكن اذا نظرت للمواضيع التى يكتبونها فتجدهم كما قال جبريل لك وعجن..والشخصيات التى انتغيتها بلا شك من الاقلام صاحبة اللونية المميزة وتمبس وود الصائم من الكتاب الذين يستحقون المتابعة وارد كذلك قلم الاخت نادية عثمان التى تقدم مواضيع وان كانت بسيطة التناول لكنها من اميز الكتابات في المنبر لماتقدمه من ماده خفيفة الهضم علي القارئ وطبعا بخبرتها الصحفية الطويلة استطاعت ان تعرف مايحتاجه قارئ المنبر فماشاءالله تجد مواضيعها من اكثر البوستات احتشادا بالقراء كذلك يعجبنى قلم هشام هبانى وتبارك وان اراداء التقويم في بعض كتاباتهم لكن لكل لونيته.. كذلك الاخت الغائبة سلمى التيجانى وان كانت شحيحة المشاركة في المنبر لكن قلم يستاهل تقراء ليه وغيرهم كثر وفي الجانب الادبي تجد اسامة الخواض وعجب الفيا الثنائي الذي نفتقده منذ امد طويل وياريت ترجع مساجلاتهم تانى وصاحب اليراع الاخضر ابوعسل..وفي الجانب التوثيقي يعجبنى بكري الصائغ لما يقدمه من مواضيع جيدة ومفيده. لهم منا كل التحايا ..واكيد بحضورك نحن موعودين بالجديد الممتع ..وخليك راكز ياحبيب
مع باقات ودى
| |
|
|
|
|
|
|
Re: كيف لي ان اصبح مشهورا بسودانيز اون لين (ذي ناس ودالصايم وتمبس وهلم جرا) (Re: Hassan Makkawi)
|
سلام أخ حاتم ومرحب بيك بين اهلك.. ومبروك ان غدا الباسوورد حقيقة ..
أرى البوست مستهلا بتمنّي برلومي لطيف ولا غبار عليه.. "كيف لي" و "كيف لي".. بشهرة فلان وفلان..
بس شوية شوية تحوّل "الى ود جبريل ياحبيب والله شكلي حاابقي صاحبك" .. هنا** مفروض تفعّل الفرامل..
ود جبريل ده شخصية أساسية.. مختص في السهل الممتنع، ومداخلاته تضيف وزنا لأي خيط.. لا أستغرب ان طالب قريبا بتعويض مالي نظير مساهماته..
وتمبس نجم كبير.. يكفي ان وصل خبر خطبته لمشارق الأرض ومغاربها، استخدمته الصحافة العالمية لتصفية الحسابات الرياضية والسياسية..
أما ود الصايم، فهو علم في رأسه نار.. أعاد صياغة المفردة في هذا المكان.. تجد citations له في كل زاوية.. "يا قول ود الصايم" "وعلى قول ود الصايم".. وحتى ان استخدمت المفردة دون إقتباس واضح، فالملكية الفكرية لا يختلف عليها بوردابيان
______ بإختصار يا برلوم بطّل الشلاقة وأرعى بى قيدك والصبر جميل.. (-:
| |
|
|
|
|
|
|
|