|
Re: النشاط الاسفيري (Re: عبدالحفيظ ابوسن)
|
المنبر يعج بأناس مختلفين اهواءا وامزجة واهدافا ولكنه ليس كما ظننت انه قطعة مصغرة من واقع حال الوطن ليس عينة احصائية عشوائية منه كل من في المنبر تلقي تعليما ادناه الثانوي العالي قديما والوطن ليس كله كذلك معظم العضوية تعيش خارج الوطن . تعيش في ظروف مختلفة تماما عن الوطن . وصلتها به من خلال الاسفير . لو فيس ولا واتس ولا ايمو مع الاهل والاصدقاء والمعارف .. و ماتبثه الاسافير من اخبار . فحتي رؤيتهم هذه لا تخصهم ذات نفسهم وان بدا لهم ذلك . فهي هضم وتحليل لرؤي غيرهم يستعملون فيها تجربتهم في الوطن ومعارفهم وعلمهم ليتمكنو من قول ان هذا ممكنا او مستحيلا ومعظمهم له معارفه التقنية التي تمكنه من دخول النت وليس كل الوطن يعرف التقنية وليس كل من يعرفها يملك وسيلة دخولها وليس كل من يملك وسيلة دخولها قادر علي دفع تكلفتها بشكل راتب المنبر واقع لا يشبه الوطن
| |
|
|
|
|
|
|
Re: النشاط الاسفيري (Re: عبدالحفيظ ابوسن)
|
المنبر يعيش في برج عاجي مترفعا عن واقع الوطن المنبر منتدي للاعضاء يجعلهم يشعرون انهم من السودان بل يجعلهم يشعرون انهم عاشوا هناك محض ذكريات محض حنين للماضي كما الاحلام
| |
|
|
|
|
|
|
Re: المنبر واقع خيالي (Re: محمد المسلمي)
|
يا مسلمي بديت اكره المكان دة بالجد ما بشبهني انا مواطن بسيط انحدر سريعا نحو هاوية الفقر بفعل سياسات السلطة زول الله ساي بهمني زيادة النفايات ورسوم الموية والمنبر زي ما قلت قبل وريني لون شرابكم في مقابلة مؤلمة لهمنا وهم غيرنا يجيك واحد ضيق الافق يقول ليك كلام مشاطات عجز خياله عن الرؤية
| |
|
|
|
|
|
|
Re: المنبر واقع خيالي (Re: عبدالحفيظ ابوسن)
|
Quote: يجيك واحد ضيق الافق يقول ليك كلام مشاطات |
سلامات يا قريبك هل تقثد الزول دا قال كلام اشبه بكلام المشاطات ولا قال عبارة :"كلام مشاطات" شبه بيها كتابتك في موضوع ما\
| |
|
|
|
|
|
|
Re: المنبر واقع خيالي (Re: محمد البشرى الخضر)
|
بختلف تماما معاك ياابسن،المنبر يجسد ــــ بطريقة يحسد عليها ـــــ واقع الوطن... اعني تحديدا اختلاط الأولويات...الناس في الوطن فقرانة وجعانة وعيانة ،لكن قعد يتحدثوا في حاجات كتيرة غير مشاكلم دي،ولو تحدثوا فيها بكون بمداخل خطأ وخجولة...
*زمان في الاستراتيجية حقت الكيزان كان في بند في جدول الأعمال اسمو:الاستعانة بالجن المسلم..(المسلم دي ذاتا درجتها مني مجاملة ساكت ومامتاكد جنهم دا كافر وللا مسلم)
| |
|
|
|
|
|
|
Re: المنبر واقع خيالي (Re: محمد البشرى الخضر)
|
أب سن كيف حالك .. معقوله يكدرك كلام سمعة !! .. بتبالغ يأخ .. سمعة كان فارق طريقه ده تعرف انه في حاجة غلط .. الواحد لا يلقي بالا لكثير من اسهامات البعض هنا .. وتفاعله معها بيكون آني لافتقادها للموضوعية .. فتقراها وتقلب الصفحة طوالي .. يا سمعه ماليك حق يأخ زعّلت علينا أب سن .. امسحا لي سمعه في وشو الشين داك ..
| |
|
|
|
|
|
|
Re: المنبر واقع خيالي (Re: جمال ود القوز)
|
حباب أبسن،
Quote: هل تقثد الزول دا قال كلام اشبه بكلام المشاطات ولا قال عبارة :"كلام مشاطات" شبه بيها كتابتك في موضوع ما |
يا ود البشرى، أدّعي إني ممكن أذكرك الكلام، لأنك علّقت عليهو.
الزول جاب بوست (وريني لون شرابك) واستعمل تحديداً تعبير (كلام مشاطات) ... وإنت علقت قلت: (ما عجبني لي عبدالحفيظ ... بوستين مرة واحدة).
الكلام موجود في بوست المونساتية.
| |
|
|
|
|
|
|
Re: المنبر واقع خيالي (Re: محمد أبوالعزائم أبوالريش)
|
تشكروا مع انو الاشارة لذلك البوست لم يكن من عضم الفكرة لكن اهو بقدرة قادر بقا الفكرة الاساسية ما فرقت اصلا ما فارقه المهم ان تنتصر لرأيك وتنتصر لنفسك متخطيا كل قواعد الذوق والادب والاتيكيت انت ونزقك ورغبتك في انتزاع الضحك المتهتك والخبيث
| |
|
|
|
|
|
|
Re: المنبر واقع خيالي (Re: عبدالحفيظ ابوسن)
|
مرحبا اسماعيل والذين معك تشكر علي طرحك هنا والشكر لكل من تداخل معك مداعبا ومحولا تقيمك لنكتة دون ان يطرف لهم جفنا .انك توصف آخرين لعل قولك يسئ لهم ويقدح عموما لا احمل لك ضغينة ولا لمن صفق لك مؤيدا او ضحك لتستزيد من جرعة سخريتك اقول ليك ولهم العفو والعافية واتمني الازدهار لموقعكم وقبل امشي ان كنت اسأت سابقا لعضو هنا او سخرت منه فليقل لن اطلق اعتذارا في الهواء بل اقول بكل كبرياء لم اسئ لاحد حتي اليوم لا تلميحا ولا صراحة واطلب كما طلب عليش ان يفك اسر مداخلاتك لتقول ما تشاء فيمن تشاء وليضحك الجميع ويتمتعو
| |
|
|
|
|
|
|
Re: المنبر واقع خيالي (Re: عبدالحفيظ ابوسن)
|
المنبر هو جزء من واقع العالم
تجد به نفس ما تجده في الشارع ومختلف الأماكن والأزمنة
لا تستطيع أن تخلق واقعاً مثالياً
لكن تأخذ منه ما يناسبك
وتتعامل وفقاً لما ترى مع ما لا يناسبك
تحياتي
| |
|
|
|
|
|
|
Re: المنبر واقع خيالي (Re: عبدالحفيظ ابوسن)
|
اخونا الحبيب ابو سن السلام عليكم ورحمة الله وبركاته واقول ليك حاجة كلامك البتكتبه دا اكبر من مدارك اسماعيل وما اي زول بفهم .. رجاء ما تخلي ليه المنبر .. والله بوستاتك من البوستات المحببة للنفس .. كفاية الواحد يلقى اسمك بدخل (مغمد).. ولو على الهزل في البوست المذكور عشان يعرف انه ما عنده موضوع و بس تحياتي
| |
|
|
|
|
|
|
Re: المنبر واقع خيالي (Re: عمر السلمة)
|
عزيزي أبوسن .. لا اخفيك بأنني من الذين يحرصون على قراءة بوستاتك حتى وإن لم أشارك برأي .. ذلك لإنني أقيّم من يكتوبوا لنا من الداخل تقييم مختلف عن من يكتبون من الخارج أمثالنا .. وفي كثيرا من الأحيان أنظر بعمق لما بين سطورهم .. لأنني أعلم أنهم يكتبوت تحت ظروف حياتية سياسية ضاغطة .. وربما يسعى بعضهم لابلاغنا رسالة أو معلومة أو فكرة بطريقة غير مباشرة .. لا أقول أنك مخطئ في وعيك بما يُكتب في المنبر .. ولكن قد تتفق معي أننا نكتب أفكارنا أحاسيسنا السالب منها والموجب .. معارفنا طبائعنا ذكرياتنا بل حتى أخلاقنا ومرجعياتنا التربوية .. قد نتعرض فيما نكتب لنقاش موضوعي أو تقييم خاطئ أو فهم سالب أو حتى اساءة .. منابر النقاش الأسفيري بطبيعة الحال فاقدة لتلك الحواجز الأديبة .. التي يوفرها النقاش في مجلس محضور أطرافه .. لذا فهي عرضة للانحرافات والانفلات اللفظي .. مع ذلك فهي توفر لنا ميزة اختبار قدرتنا على ضبط النفس .. وضبط النفس لا يعني عندي بوجه خاص الانسحاب بل مواجهة التفلتات اللفظية .. وحسمها بأسلوب متزن ومحاججة تلقم المتفلت حجرا .. تجربة تبادل الرأي والنقاش في المنابر المفتوحة تجربة جديدة علينا .. نحن من جيل تربى على مفاهيم البرالمة والسناير .. بل كنا نرهب ونجلد أول الدفعة لمجرد تفوقه علينا .. لقد فرضت وجودك هنا ويُنتظر منك الكثير يا صديق.. فكيف ترمي ( فرارك ) وتتوقف .. لمجرد شريحة طارت وأدمت أنفك من فرع كنت تعالجه بفأسك ؟
ومن قبل . لك ولزوارك التحايا.
| |
|
|
|
|
|
|
Re: المنبر واقع خيالي (Re: محمد على طه الملك)
|
هناك حدود لتحمل الإساءات يا مولانا أبو سن تعرض لإساءة بالغة لم يستطع تجاوزها ولم يشأ أن يردها لأن أخلاقه تصده عن رد الإساءة ماذا يفعل في هذه الحالة؟ يجب أن تكون هناك ضوابط للكتابة وحدود لأسلوب التخاطب في المنبر وعلى صاحب المنبر أن يكون حاسما في تنفيذها وفرضها حتى يحافظ على استمرارية موقعه بالحد المقبول ليس إسماعيل وحده، هناك كثر يتجاوزون الحدود ----- أنا أيضا فقدت قاعدة بيانات هاتفي بعد عودتي للدوحة لكن سأجد طريقة لاستعادة التواصل معك
دمت محترما
| |
|
|
|
|
|
|
Re: المنبر واقع خيالي (Re: معاوية الزبير)
|
ود ابو سن شيخ العرب وكلامك حقيقة فان معظم المقيمين خارج السودان يملكون معارف التقنية والدخول الى النت في اي لحظة ويجلسون خلف الكيبورد ويكتبون ارائهم ، ومنهم من يكتب في احترام للراي الاخر، ومنهم من يكتب فقط لاشباع النفس الامارة بالسوء عن طريق الاساءات الجارحة دون ان يرف له جفن،،،، ومن امثلة سهولة استخدام تقنية النت، ان سلطات بلدية نيويورك جعلت كل حي منهاتن الواي فاي wi fi فيه مجانا،،،وتسير في اي شارع في منهاتن او تدخل محطات قطارات الانفاق توصل تلفونك او الكمبيوتر اللابتوب بخدمة الانترنت المجاني وتبدا تكتب ، اما ما يفيد الناس واما ما يكدر صفو الناس،،، بس في حاجة واحدة نحبة ناكدها ليك :: بلاش تفارق..اذا فارقت نحن بنفارق،،، وانت بالذات يا ود ابو سن لمن بت السيد فارقت حاولت تثنيها وقلت ليها خليكي قوية وما عشان سمعتي كلمة نابية من عضو تهربي من الميدان... ويا ود ابو سن انت ايقونة المنبر ونوره المشع ولا تحرمنا وتحرم اعضاء المنبر العام من حلو كتاباتك ومذاق عباراتك الشارحة لذاتها،،، ودمت بالف خير وصحة وعافية
| |
|
|
|
|
|
|
Re: المنبر واقع خيالي (Re: Basamat Alsheikh)
|
لم أكن اقصد ان أكون ك بكري كما قال لي احدهم مداعبا ولا أن اتدلع ولا اعمل حركات شفع المنبر نافذة لعرض ما بداخلي دون إخفاء او مكر كتر خيركم وكتر خير غيركم ! اللهم اجعلنا خفيفين النفس لا نؤذي احداً ، وطيبين اللسان لا نجرح احداً ، اللهم اجعلنا ذكرى طيبه لكل من عرفنا ، واجعلنا مثل غيمه مرت ثم روت ثم ولت ثم انبتت نباتاً طيباً وعمّ خيرها للجميع.
| |
|
|
|
|
|
|
Re: المنبر واقع خيالي (Re: عبدالحفيظ ابوسن)
|
عزيزي الفاضل معاوية ود الزبير اولا حمد الله على سلامة العودة وان شاء الله بلغت الصحة والعافية انت بتقول ان السم ينتشر هذا الايام في المنبر العام ، وتقول اما ان نجد الترياق اللازم له او نبتعد الى اجواء معافاة،،، وطيب لييييه نبتعد وليه ما نجد الترياق اللازم لهذا السم الذي بدا ينهك في جسد المنبر العام،،، بعدين شايفنك انت صديق صدوق لشيخ العرب ود ابوسن،، نحن افتكرنا نجيبك واسطة تقوم تحرشه عشان يفارق...خليك واسطة خير،،، ودمت بالف خير وصحة وعافية ..ويا ود ابو سن : عشان خاطرنا تنسى وتسامح والمسامح كريم،،،اذا كان عندنا ليك خاطر، وعشان خاطر الناس البيحبوك ويقدروك في المنبر العام تنسى وتسامح،،، ودمت بالف خير وصحة وعافية
| |
|
|
|
|
|
|
Re: المنبر واقع خيالي (Re: Basamat Alsheikh)
|
محمد علي طه الملك ""فكيف ترمي(فرارك)وتتوقف لمجرد شريحة طارت وادمت انفك من فرع كنت تعالجه بفاسك"". تعليق اوسكار ..اوسكار..اوسكار... ولا نزيد... ودمت بالف خير وصحة وعافية
| |
|
|
|
|
|
|
Re: المنبر واقع خيالي (Re: Basamat Alsheikh)
|
سعيد بتغلّبك على لحظة الإحباط يا قريبك لذا ممكن اكتب التعليق الانصرافي المتاورني من امس على عنوان البوست و الـ oxymoron الفيه واقع و خيال متناقضان كل على حدة لكن بجمعهما معا يعطيان معنى لأمر واضح مش غريبة دي
| |
|
|
|
|
|
|
Re: المنبر واقع خيالي (Re: عبدالحفيظ ابوسن)
|
مرحب ودو التناقض كان بكون مقبول قبل سنوات هسة مع الواقع الافتراضي بتطور التقنية بقا مافيش الكمبيوتر قادر علي خلق واقع افتراضي او نقول واقع خيالي لحد ما . بتقنية رسومات 3d وغيرها قبل سنوات قريت في مجلة بتتحدث عن طريقة لعرض البيوت للبيع او الايجار . بتخش مكتب السمسار وبتلبس نظارة معينة . وكأنك تتجول داخل المنزل وتقيس الابعاد كمان ولا شوف لعبات الواقع الافتراضي ف شنو في ظني الانسان يدرك العالم بحواسه .. فيتم خداعها الي حد ما الخداع خداع النفس التوهم كم مترادفة تانية ممكن توضح انو كدة
| |
|
|
|
|
|
|
Re: المنبر واقع خيالي (Re: عبدالحفيظ ابوسن)
|
Quote: بعدين شايفنك انت صديق صدوق لشيخ العرب ود ابوسن،، نحن افتكرنا نجيبك واسطة تقوم تحرشه عشان يفارق...خليك واسطة خير،،، |
فجر الخير بتوقيت الدوحة يا بسمات ياهو صديق الجميع رجع لمكانه الطبيعي في المنبر ممثلا للوسطية والرأي المتوازن عبد الحفيظ زول حساس جدا لذلك أتوقع دائما توقفه عن الكتابة متى ما شعر بالإهانة أو بأنه تجاوز الحدود مع عضو آخر في المنبر خلاصة مداخلتي كانت وجوب مراعاة الحد الأدنى من الاحترام بين الناس حتى في حالة الاختلاف في الرأي انتشار اللغة العنيفة في المنبر ستجعله في يوم ما فقيرا جدا وستنطبق عليه مقولة bad money drives out good
| |
|
|
|
|
|
|
Re: المنبر واقع خيالي (Re: معاوية الزبير)
|
يا معاوية في امور مدهشة للزول بالجد والواحد ما قادر يستوعبها لعله خطأ سلوكي داخلي كيف تتجاوز حد اللياقة مع شخص لا تعرفه ماذا تستفيد متعة مثلا استمتاع ولا نقول استمناء شعوري كون انك وحدك وافضل المتع ما كانت مع شريك نتحدث عن الانسانية وننظر لها واوجبها احترام انسانية واحساس الآخر والشعور به عموما الموضوع يتجاوز الحساسية اظنو ماذا يضيف لي الموقع بشكل شخصي جدا ضيقا ونفورا وتهاترا وحطا من قدر انسانيتي صدمة في قراءتي للناس ماذا اضيف انا للاخرين ميزان كلما اختل وجب استعداله اخشي ان يأتي يوما ونقوم بإستبداله
| |
|
|
|
|
|
|
Re: المنبر واقع خيالي (Re: عبدالحفيظ ابوسن)
|
قبل شهر شهرين حصلت في كوستي حادثة مفجعة حتي في مضمونها عساكر اتنين شباب . في حراسة منشأة بالليل . بلعبو بلاي استيشن . حدث ما يحدث بين اللاعبين من مناوشات ومكاواة واحد طلع مسدسو وقتل اخوهو هكذا ببساطة مع انها لعبة طفولية وليست ذات اهمية اننا لا ندر ماذا يعتمل من غليان في صدر الآخر غض النظر عن طبيعة الخلاف . فالامر له علاقة بالقول خارج اطار الموضوع زاتو . امسك الكورة .. مش حقتنا دي .. بل الخارجية لي جار مهووس بها كم مرة فكيناهو من مشاجرة عنيفة ف شنو بقينا حادين دى واحدة وبقينا ما بنعمل خاطر للطرف الآخر دي حاجة تانية ليس ضروريا ان تسئ لي بشكل مباشر لترتفع الدماء إلي رأسي
| |
|
|
|
|
|
|
|