► حاتم ابراهيم ... موضوع تعريفى ..◄

Quote: للمرة العاشرة انت اخترت موقعك. أصمد فيه بكل ما تمتلك من شجاعة لأنه الناس بتتمايز بمواقفها انت براك قلت الموضوع الأساسي هو السرقة وضرورة حضور حاتم لتبرير موقفه طيب انت بتسوق الناس بعيد من الحتة دي ليه حتقول لي بترد على شطحاتم وانت مش دورك ترجعهم للمسار الرئيسي بل ما تمعن في إغراقهم في البضيع الموضوع؟؟؟ قسم كان أكتر شفافية منك ودي حقيقة تضاف له وتخصم منك فعلاً من حقك تكون مستمتع بالبتعمله في البوست بس في النهاية انت مطالب بتحمل عواقبه الاجتماعية لو ما همتك عواقبه الشخصية

Quote: مرة تانية لو انت زول صادق وما قاعد تشتت الكرة صحي خلينا نتعاهد من هنا ما نكتب أي حاجة غير الموضوع الأساسي للبوست حاتم تعال أدلي بدفوعاتك أشك إنك حتعمل كدا أتمنى أن تكذب ظني ولا تماري وتتحايل لإضاعة الموضوع الرئيسي للبوست تحياتي

برضو عوارة و ابتزاز عاطفي, ما انا البتزايد يا عبد الصمد على مصداقيتي و لا انا البتحايل و اتمارى و شنو ما عارف
يبدو انّك تقراني بعين طبعك للأسف
عموما مسالة ماذا وكيف وأين ومتى أكتب دي مسالة لا تخضع سوى لإرادتي أنا و خياراتي الشخصية فقط ولم افعل من قبل ولن افعل أن اشاور احدهم فيها او ان اسمح بإملاءات علي
ساكتب ما اراه صحيحا في الزمان و المكان الصحيحين
انت ما عليك, يمكنك اعادة البوست كل ما تراه انحرف و اعادة فرمالة ابوحسين أو اعمل ليك واحدة جديدة
ويمكنك التواصل مع من يتفقون معك في الرأي بعدم إثارة نقاط خارج موضوع البوست افتكر كدا أسهل

الصادق متابعة

Quote: ود البشرى موقفه سيكلفه (الاف الأمتار البوستية لشرح الموقف وشرح شرح الموقف)

مافي تكليف سديق
انا في زيادة مبسوط

Quote: معظم ما يجري في هذا البوست لا علاقة له بالنقاش واختلاف الآراء والرؤى هو في أخف وصف له: مكاواة بتاعت تلاميذ ابتدائي و في أسوأ وصف له هو: شتائم ونبذ وما بينهما لذلك من الممكن جدا أن يؤثر في علاقات أعضاء المنبر المتداخلين فليأت الشخص المعني ويحسم الأمر ويوقف تسميم العلاقات وأجواء المنبر

اتحدّث عن نفسي فقط يا ود الزبير
النصيحة لله ما بنكر مكاواة الإبتدائي دي لكن مع الحبايب فقط المرفوعة بيننا الكلفة و التحسس, التانين يا ردود جادة يا سخرية الله و الرسول الواحدة دي وغالبا رد على سخرية او محاولة استفزاز مماثلة و للامانة مخفف العيار شديد :)
أمّا الشتائم و النبذ الحمد لله ما احتجت ليهن و شايف البوست حرارته معقولة وما فيه توترن كدي لامن ينضموبه - إلا القليل من الشد من آثار عفصات حاتم القديمة لم تبرأ بعد - فا شنو ما في شتيمة و ان شاء الله ما تحصل و البوست يصل مبتغاه بسلام
و اساسا فكرة العداوة بالوكالة أو العرضة في دلوكة الآخرين دي غريبة وغير ناضجة لناس في عمرنا, كدي ارجع لفيديو مانديلا و استغرابه من افتراض الأمريكي أن اعداءه يجب ان يكونوا اعداء الآخرين أيضا
و مرة ثانية اقول ان علاقة يسممها أو يؤثر عليها اختلاف المواقف و الرؤى ووجهات النظر ليست علاقة يؤسف عليها .

عبد الغني كيفك, طبعا اخو العنقاء و الغول و الخل الوفي الرابع هو اقناعك بغير الفكرة المسيطرة عليك و المعشعشة جواك مهما سيقت الحجج المنطقية و خامس الإخوة هو ان تسوق انت حجج منطقية تبرر بها كلامك
لكن رغم كدا لازال بحدوني أمل ان تجيب على سؤالي التالي :
ما الذي دعاك للظن ثم اليقين بأن الإسم حاتم ابراهيم اسم شبحي - وأرجو ان لا تكون الإجابة أن الموصلي قال كدا ؟

هل اطمع في إجابة السنة دي؟