|
|
 Re: كلما ... أن تقتل المقتول مرتين (Re: Elbagir Osman)
|
Quote:
مسالة مخجلة جدا ان نناقش رأيي في شخصية اسطورية من نسج الخيال .. |
يا دكتور بشيش بشيش،
لو هاجر اسطورية ام لا ده ماموضوعنا.
موضوعنا انو العرب وهي جدتم بيوسموها ب"العبدة" وانت واضح ما نكرت بل اقريت انك فعلا من باب ترديد كلام العرب او الساميين وصمتا امنا ب"العبدة" وهنا لايهم كتير لو هاجر كانت شخصية حقيقية ام اسطورة.
دي نقطة مهمة للغاية، توضح كيف انا وانتا وكل شمالي يري الوجود بعيون من استعبدونا كان عرب ولا خواجات، اي الاحتلال الثنائي، او ده بقودنا لي باب الماساة في معسكرات اهلنا في دارفور، ودور طريقة تفكيرنا كشماليين في كل هذا.
ده هو موضوعي معاك.
نعم كل السودان الان بفكر بذات عقلية الجلابة من امثال بشاشا وود المشرف، لاننا من بيدنا القلم وليس مهمشينا، والقلم ده زاتو يادكتور صمموهو اسيادنا وادونا ليهو، وبالتالي احنا هنا اي الشماليين مجرد ادوات من حيث طريقة التفكير اشبه بالRobot اي الكائنات الاسفيرية الالكترونية المحركة للبحث وجمع المعلومات في قوقل كمثال!
احي شجاعتك واعترافك علنا كيف احنا كشماليين موبئيين بالاستعلاء مش العنصرية، لاننا كلنا كقوم سود عنصر واحد.
خلينا نمشي لي قدام لثبر غور هذا الاستعلاء في جوف كل شمالي المسؤول من النار المولعة في بلدنا الان.
مالم يجي اليوم اللي فيهوعدد كافي من الشماليين تحديدا يعو اولا ويعترفو علنا ثانيا بي حقيقة وواقع استعلاؤو ده، فما حنمشي شبر واحد لي قدام اطلاقا، ومهما توهمنا غير هذا!
تعبير استعلاء اعلاه عشان الناس ماتفهم غلط، مجرد كود وعنوان صغير لي مجلدات مش مجلد، لي سلسلة من الكتب مش كتاب واحد، بيحتاجا الباحث من الاجيال الجاية لثبر غور هذا الاستعلاء كعنوان وملخص لي شخصية الشمالي العجيبة بحق!
نعم بقدرة قادر انا كشمالي انتبهتا لهذا المخلوق العجيب الجواي كشمالي!
نعم مهم جدا جدا، نعلم كلنا مركز شمالي وهامش، كيف الشخصية دي حقيقة، عابرة ومؤقتة، وعلي السطح فقط!
نعم عند الملمات كلنا كسودانيين بنرجع لي اصل الشخصية الحقيقيىة التاريخية المركوزة جوانا.
من ذلك مجتمعات المهاجر.
نعم لاحظت وانا زول حياتي تقريبا وقف علي الملاحظات - في المهاجر وكقاعدة في المناطق العشتا فيها او زرتها، احنا بنتعامل برا بيوتنا كسودانيين فقط، من دون جهوية.
هذا لايعني انو الوعي الجهوي داخل الشمالي تبخر ولكني برجع ورا، ليتقدم وعينا التاريخي الغريزي ويستلم القيادة- من دون المام نظري واعي.
مكان اقامتي في مجتمعي المحلي عايشت هذا بطول وعرض 30 سنة عن قرب.
قد يكون هذا بي سبب انو الغالبية في مجتمعي المحلي من الهامش، ولكن من المفترض ده يادي لي نتيجة عكسية ولكن ده ما الحاصل!
الاغرب هو تواصل الاجيال القديمة من دون ادني حساسيات وعي جهوي في المهاجر مما يؤكد، انو وعينا ده العجيب كشماليين، ما اصيل وانما عابر ومؤقت.
حبيت اوزن كلامي يادكتور عشان ما نتخندق او ناخد ساتر او نبدا الرش بالمدفع اب سكلي، والجري ده، ماحقي!!
رايك شنو؟
|
|
  
|
|
|
|
|
| العنوان |
الكاتب |
Date |
| كلما ... أن تقتل المقتول مرتين | محمد حيدر المشرف | 09-23-17, 03:24 PM |
| Re: كلما ... أن تقتل المقتول مرتين | عبدالحفيظ ابوسن | 09-23-17, 03:32 PM |
| Re: كلما ... أن تقتل المقتول مرتين | مني عمسيب | 09-23-17, 03:35 PM |
| Re: كلما ... أن تقتل المقتول مرتين | جمال خضر | 09-23-17, 07:34 PM |
| Re: كلما ... أن تقتل المقتول مرتين | سيف النصر محي الدين | 09-23-17, 09:52 PM |
| Re: كلما ... أن تقتل المقتول مرتين | آدم صيام | 09-24-17, 03:38 AM |
| Re: كلما ... أن تقتل المقتول مرتين | محمد حيدر المشرف | 09-24-17, 03:48 AM |
| Re: كلما ... أن تقتل المقتول مرتين | Saifaldin Fadlala | 09-24-17, 08:13 AM |
| Re: كلما ... أن تقتل المقتول مرتين | أحمد الشايقي | 09-24-17, 02:00 PM |
| Re: كلما ... أن تقتل المقتول مرتين | Abdullah Idrees | 09-24-17, 03:50 PM |
| Re: كلما ... أن تقتل المقتول مرتين | Bashasha | 09-24-17, 06:43 PM |
| Re: كلما ... أن تقتل المقتول مرتين | محمد حيدر المشرف | 09-24-17, 08:34 PM |
| Re: كلما ... أن تقتل المقتول مرتين | Elbagir Osman | 09-24-17, 11:12 PM |
| Re: كلما ... أن تقتل المقتول مرتين | Bashasha | 09-25-17, 00:50 AM |
| Re: كلما ... أن تقتل المقتول مرتين | فردوس جامع | 09-25-17, 04:07 AM |
|
| |
Bashasha
فيس بوك
تويتر
انستقرام
يوتيوب
بنتيريست