في حركات معروفة وثابتة في العالم دا كلو بتعمل ضرسة ،يعني زي زول يكشت في تراب مشتت على سراميك،او يخربش بضفورو على قزاز او أي حاجة تانية مشابهة... بجيك ــــ لو كنت سليم الحس وقريب من الناس البتعمل العمايل دي ـــ شعور كدا زي شعور اكل العرديب والقنقليس والمنقة النية ....إلخ.. الحاجات دي بتفقوا فيها البشر جميعا،ودا بديني يقين إنو برضو الحاجات البتضرس معنويا عندها نصيبا من الاتفاق... لكن البيحدث هو إنو الناس عادة عشان خاطر (العلم) بقوموا يتنازلوا عن الشعور بالضرسة...ودا للأسف شئ ماطبيعي وضد المكونات الأساسية للإنسانية... الناشئ الاحدث الضرسة ،هو نفسه الأحدث تقديس العلم... في خطوط مهمة بنفس القدر في الشغلانة دي...
عليه ،زي مافي ناس في المنبر دا بحبوا الاكشن،وناس بتحب تتسابق في تحديد منو العبقري اكتر من التاني،وناس بتحب تمجد الناس ساكت كدا شهوة في فعل التمجيد، وناس تاني ....إلخ. يعني في حرية ومتسع لمختلف الاهتمامات،مافي زول بقدر يحجر على زول او فئة إنها تمارس حقها الطبيعي في ترتيب وجدولة اهتماماتا...
لذا أعلن بالنيابة عن آخرين، عن ميلاد جمعية أصدقاء الحس السليم... المنفستو سيصدر لاحقا... نحن بلا الشك الأغلبية الصامتة...شعارنا (الحس السليم عضم الإنسانية) ...الشعار سيتغير أو يستمر بعد صدور المنفستو..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة