الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: لم يمر على المنبر زول بمقدرات حاتم إبراهي� (Re: عبد الصمد محمد)
|
في العصور الحديثة تشعبت العلوم وظهر ت التخصصات وهذه ليست منقصة يا أبوبكر زمانك كان الكجور ولا الحكيم هو البعرف كل شيء والناس بترجع ليه لحل كل المشاكل، وربما لحدي الآن في الدول التي لم تعرف حظاً من التعليم الناس شغالة بفهم سبعة صنايع والحظ ضايع. فهم إنه العالم المتبحر في مجال أقل معرفة وإفادة ممن ينطلقون من قاعدة من كل بستان زهرة ومن كل نبع قطرة. بحر في الفكر والمنطق وعلم الجمال و زيد عليها كبرياء الجرح والثبات على المبدأ لا أتصور أن يتم إمتهان ذكائه إلى هذا الحد؟
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبد الصمد محمد)
|
شكراً جلال أنا حاتم رغم أني أراه شخص مجتهد ولكل مجتهد نصيب لكن لم يبهرني أبداً بشيء فوق العادة وأرى إجتهاداته ،وإجتهادات محسن خالد، وحتى إجتهادات صلاح آل البندر التي لا أتفق معه في معظمها، وكذلك صدقي كبلو وما أفدته من المعلومات التي بذلها في كتابه عن الرأسمالية الطفيلية، وكتابات البروفيسور محمد إبراهيم أبوشوك وعبدالرحمن إبراهيم وغيرهم ممن إستفدنا منهم كثيراً في هذا المنبر لكن المزعلني إنه يكتب الكلام دا زول كان بشارك في سودانفورأول وزول قرأ في جامعة الخرطوم وعاصر أحمد عثمان عمر ولو ما عاصره فبعض كتبه منشورة بالمجان في المنبر أم إنهم لا يقرءون
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبد الصمد محمد)
|
Quote: اصلا لا تجوز مقارىة شيئين مختلفين وزي ما بقولوا الفرنجة apple to apple ما العلاقة بين بولا وحاتم ابراهيم حتى يعقد شخص مقارىة بينهما؟ |
شوف بالله الواحد بكون نسى كم زول زي دكتور سيف وبريمة والمنبر يشهد لهما بما قدماه من عصارة فكر وحجج وبريمة رغم إختلافنا معاه إلا أنه من البحاث الذين ينحتون الصخر لا سيما في مسألة تاريخ وعادات وتطور قبائل البقارة وبكتب في سودانايل من زمن حفروا البحر
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبد الصمد محمد)
|
بعدين دي فرصة الواحد يدي الناس حقها فأرفع القبعة هنا لكل من سهر ليلة أو ليال ينقب ليعلمنا حرفاً جديداً أو يتقصى عن خبر لينور بصائرنا به مثل زهير وسيف اليزل وياسر الشريف بل حتى فرانكلي وعاصم علي قبلهم واصل علي أما انت ياعبدالحفيظ أبوسن فاضفت لنا الكثير منذ قدومك حتى كدنا نسكن كوستي معك
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبد الصمد محمد)
|
سلامات عبد الصمد في مسالة الإعجاب بحاتم أو "كchنته" بالإضافة للتجربة الشخصية هناك عامل مهم وهو عدو عدوي صديق و العكس اشتباكات حاتم العديدة مع بعض الزملاء اكسبته صداقة و عداوة الآخرين في آن الزول الشامي الموصلي او الخواض او تبارك او ود المشرف أو غيرهم ببساطة حاتم دا زوله و بطله و العكس صحيح كذلك بس المشكلة انه هذا الإعجاب أو الشمومة تظل مؤقتة أو مرهونة بالإشتباك الجاي مما يؤدي لتغيير خارطة المواقف. ما قلته عن الشخصيات ينطبق ايضا على المواضيع إلى حد ما يعني مثلا الملحدين و رافضي مسالة العروبة حاتم دا زولهم و العكس صحيح
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد الأمين موسى)
|
Quote: لكن أن يتحور له أعضاء كنا نقدر وعيهم إلى درجة أن يتحدث الأخ محجوب علي والذي كنت أكبره كثيراً مخاطباً الزميل الجديد أمير بوب بأن يوقف التصعيد مع أبوبكر لأنه أصبح من آل البيت يجعل الواحد يسأل نفسه أين نحن يا بشر |
عبد الصمد ياخي إنت ذاتك مِن مَن تُرفع لهم القبعات لكن مرات مرات كدا تقررررب تفجعنا فيك. ياخي القراية فن و ذوق و إنت قرايتك لمداخلات محجوب على وأمير بوب قراية تفتقرتماماً إلى الحس الفكاهي.
و عموماً لك الشكر على تذكيرنا بأعضاء المنبر الذين ساهموا بشكل فعال و بذلوا جهدهم و عصارة فكرهم لإضافة معلومة او فكرة جديدة لنا، فهذه نقطة إيجابية في البوست تستحق الوقوف عندها
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبدالعظيم عثمان)
|
سلام
ما اعتقد عبدالصمد عايز ينال من حاتم أو يقلل منو لكن جزم أبوبكر بألا مثيل لحاتم هو الحرك القضية عندو انا رأي مثلا انو الخاتم عدلان شخصية متميزة وفلتة على المستوى الشخصي والفكري والكتابي لكن مستحيل أقول هو أفضل زول مر على السودان المعرفة ما ليها حدود لذلك لا ترتيب في وضع غير محدد بنوع كتابة معينة
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: حمد عبد الغفار عمر)
|
كتب حاتم عدة بوستات عن الموسيقى منها: كاونتربوينت مايكل جاكسون الموسيقى وهي بوستات معروفة بالمنبر بجمال سردها وغزارة معلوماتها هذا زرعنا بخصوص الموسيقى أرجو يا صمد أن تأتي بروابط توضح معرفة بولا بالموسيقى
انتقل هذا الرجل وكتب عن الاقتصاد بوست المال وكان قبلها قد كتب بوست عن الفلك وتحديدا صعود القمر
فأتوني بواحد من من تدعون تنوع هذا التنوع بهذه الجودة
أكرر لم يمر بالمنتدى زول في مقدرات حاتم
الزعلان كلمو يقع الخزان الخزان كان بعيد النسيان في الطريق
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: أبوبكر عباس)
|
خالد حمّاد جارنا ودفعتنا بالجامعة، بعرفوهو الناس الدرسوا هندسة بالتمانينات، من العباقرة المجانين مرّة في اجازة لاقيت ود جيران آخر بدرس في جامعة الجزيرة كلية التكنولوجيا، قلت ليهو ماشي وين؟ قال لي خالد حمّاد شغال معاي مادة صعبة مدّا قلت ليهو: خالد علاقتو بيها شنو؟ قال لي: ما عندو بيهو علاقة، جبت ليهو الكتاب وهسع بشرح لي فيها أحسن من استاذنا هسع جيب ليهو كتاب من بيطرتكم دي يجضمو ليك زي المباحاصل شيء، أنا والله، لو لا أنني أعرف سلوك خالد الشخصي، كنت قلت دا هو
فشنو؟ خليكم مفتحين يا داقسين
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: أبوبكر عباس)
|
الواحد هنا برضو برفع القبعة لنصر (راجل كتاب شديد) وودالبشرى الذي وجوده في البورد من علامات الحياة فيه ومحمد الأمين موسى وأحمد أمين وطراوة وحافظ خير والدرديري والليندي وعبدالله ادريس وخالد كودي ودكتور القراي وحيدر والشقليني ويحي العوض وحسين احمد حسين ودكتور المشرف ومحمد عثماننا وهشام ادم وأبوجودة وطه الريفي وبشرى كندا وشامي الحبر ومحمدالحسن حمدنالله وقباني وتراث ومحمدالزبير وعبدالعظيم وجني وحاتم الياس وعادل امين وابوالريش ودز محمد حسن ومحمد محمود وهشام هباني والباقر عثمان وصيام ودهب طلبو والموج
كتب ابوبكر مؤكداً ما ذهبنا إليه مرة أخرى
Quote: كتب حاتم عدة بوستات عن الموسيقى منها: كاونتربوينت مايكل جاكسون الموسيقى وهي بوستات معروفة بالمنبر بجمال سردها وغزارة معلوماتها هذا زرعنا بخصوص الموسيقى أرجو يا صمد أن تأتي بروابط توضح معرفة بولا بالموسيقى
انتقل هذا الرجل وكتب عن الاقتصاد بوست المال وكان قبلها قد كتب بوست عن الفلك وتحديدا صعود القمر
فأتوني بواحد من من تدعون تنوع هذا التنوع بهذه الجودة
أكرر لم يمر بالمنتدى زول في مقدرات حاتم
الزعلان كلمو يقع الخزان الخزان كان بعيد النسيان في الطريق |
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبدالمنعم الطيب حسن)
|
Quote: علي بجملة السبعات فتلة لاتتكرريمتعنا دوما يمتعنا أبدا ،حاتم دا زيو مافي تب فريدالله يخليهو بريمة مين؟والمشرف بتاع الساعة كم!!! ............... ثم أني أراه اذكى سوداني وارقى سوداني وألطف سوداني ......... حاتم يا كايدهم !!!! استحق النجومية بجسارة وهدد بعضهم ممن يعتقدون انهم أنجم ولكنهم مغتغتين وفاضيين وخمج حاتم عليه سلام |
ياخ ولله أنا سعيد ليك ياخ ملاحظ إنه كتابات حاتم في المنبر بتكيفك للطيش ودي حاجة بالجد إيجابية بس أنا لا أتفق معاك وإختلاف الرأي لا يفسد للود قضية
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبد الصمد محمد)
|
موش آمنة مختار دي قمة من ذكرتهم، في حضرة حاتم زولة عادية جداً الزول دا كتب مواضيع متنوعة صعب جدا يجيدهن زول واحد، كتب في الاقتصاد، الفيزياء، اللغة الشعبية، الكمبيوتر، اللغة، تطبيقات على الانترنت والكمبيوتر، كتابة بمستوى خبراء صحي هو زول ثقيل و"توكسيك"، لكنو عجيب!
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: أبوبكر عباس)
|
Quote: وتخيل يا عبد العظيم نسوا فيمن نسوا اميرة بت السيد التي ترجمت كتابين مهمين عن بن لادن وتابتاتيك..وناقشت مشاهير الفكر والثقافة في المنبر في مختلف أنواع الفكر والمعرفة ومنهم ود الشيخ والذي يختتم مقالاته بكلمة..المهم... ..ودمت |
مش كدا
طيب حقو يا راجل من الليلة تعلن إنه المستنير هو حاتم إبراهيم وما بكوري إلا حوار له عشان كمان التخصصات ما تشتبك على الناس ولا ما كدا تحياتي أيضاً لصبري طه ومعاوية ومحمد مختار والنذير حجازي والخالة دومة ودكتورة ناهد وشذى بلة وعرفات وعبداللطيف وسوداني عجوز
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: أبوبكر عباس)
|
ما ضيع السودان غير التنظير دة تلقا الواحد موسوعة في الكورة والاقتصاد والفن والسياسة والادب والطب حافظ تفاصيل التفاصيل ولمن تسأله شغال شنو؟ تلقاهو عاطل ويقول ليك جيب سفة سعوط
هسه الموسيقي دي ما تنظير وبس ابداع والفيصل بعد الكلام الكتير ده-من حاتم- ينزل لينا عمل واحد بس ونحكم الموسيقار الموصلي ابدع وترك في وجدانا اعمال خالدة
--- في اليويتيوب عاملين استطلاع عشوائي لمواطنين امريكيين في الشارع كانوا بيسألوهم ما هي الديانة الرسمية في اسرائيل وفي أي قارة تقع دولة كاليفورنيا اسئلة غبية معظمهم اخفق في الاجابة
ولهم الحق في معلومات لا داعي لحشو رؤوسنا بها ماذا يعني أن اعرف مدن مصر وقراها؟ في حين لو سألت أي مصري حتى ولو استاذ جامعي لا يستطيع ذكر اكثر من مدينتين في السودان
حاجة أخيرة مغ قوقل والانترنت المعرفة الحقيقية في المواجهة فيس تو فيس يعني اي سؤال ممكن بسهولة جدا تجد اجابته في قوقل وهذا كان تحدي الموصلي
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: أبوبكر عباس)
|
يا عبد الصمد سلام
ياخي انا ما زول جديد في المنبر دا زي ما انت فلت فوق ! بس انا لا اتداخل كثيراً ، بحي مرة مرة اطقطق المستنير و اتخارج !! ... الشغلانة ما مقارنات و مين أفضل من مين في المنبر لانو دي في النهاية آراء شخصية و قناعات خاصة مستحيل تناولها او حسمها بالنقاش ... أها انا مثلاً في زول ممكن يكون شايف مساهمات (صلاح غريبة) أحسن من إسهامات المستنير !!
رأي الناس في حاتم سيبك منو ، قول رايك انت فيه شنو !!
.... سلام
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: امير بوب)
|
شكراً يا دكتور أمير
Quote: رأي الناس في حاتم سيبك منو ، قول رايك انت فيه شنو !!
|
رأي إنه من أفضل من كتبوا في البورد لكنه لن يكون أفضلهم ولا في الخمسة الأوائل مثلاً كان معانا دكتور دفعتكم من جامعة الجزيرة رايح علي اسمه مقيم في عمان على ما أظن ونشر قبل فترة ندوة من ندواته أها دا عندي بتجاوز حاتم بمراحل الغريبة كان صديق الكان مستنير سابقاً وذكرتو ليه لكن إتعمد تناسيه المهم جداً جداً عندي إنه وجود حاتم في البورد أضراره أكتر من فوايده عندك أنا ودي حأقولها لأول مرة ما شجعني على الإنضمام لسودانيز إلا لما وجدت اسم الموصلي ضمن كتابها. أها أنا بعتبر خسارة المنبر للموصلي لا تعوض. الزول دا شال المنبر منذ أيامو الأولى وكان ممن جعلوا له موقعاً في قلوب الكثيرين.. عندك زميلتكم ناهد دكتورة نفسية درجة أولي، مفكرة درجة أولى، مناضلة سياسية درجة أولى فلماذا نغمط الناس حقوقهم ندوة له أعتقد أنه
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: Basamat Alsheikh)
|
Quote: وهدد بعضهم ممن يعتقدون انهم أنجم ولكنهم مغتغتين وفاضيين وخمج |
يا سلام عليك يا منعم, بيان بالعمل ومثال حي للنماذج الاتكلمت عنها في مداخلتي حاتم شال عنّك الحمل و "فشّاك" في ناسك ولخّاهم اللخ الذي ربما عجزت عنه و تمنيّـته يبقى الجزء الثاني من تحليلي و هو تبدل الخارطة, يوم الحاتم يهبش مثلا محجوب شريف أو الراحلة فاطمة النشوف هل سيظل اذكى والطف وشنو وشنو هههههه غايتو أكان حضرت اليوم دا الله يقدّرني على خشمي بس
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: Basamat Alsheikh)
|
بوست متزمزغ علي قول ود الباوقة. بدأت المقارنة بـ بولا و حفنة من كتاب المنبر ودا في حد ذاته لا يحمل هذف وا ضح للبوست غير انو موضة اسم حاتم هذه الايام. و الان انفتح باب المجاملات (كل الكتاب الكويسين) و دي ليسته ما عندها حد و انا ذاتي بطالب باضافة اسمي (المافي شنو) او (وش ضاحك).
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: Mahjob Abdalla)
|
Quote: بوست متزمزغ علي قول ود الباوقة. بدأت المقارنة بـ بولا و حفنة من كتاب المنبر ودا في حد ذاته لا يحمل هذف وا ضح للبوست غير انو موضة اسم حاتم هذه الايام. و الان انفتح باب المجاملات (كل الكتاب الكويسين) و دي ليسته ما عندها حد و انا ذاتي بطالب باضافة اسمي (المافي شنو) او (وش ضاحك). |
شكراً ليك يا محجوب وأتمنى لو ركزت شوية وطيبت معاها النية أنا بديت البوست مستنكراً وصف أبوبكر لحاتم بأنه على الإطلاق ما مر مثله على البورد وذكرت أسماء لا تقل عن حاتم فكراً وإضافة ليه ما ركزت في النقطة القلت فيها لأنه أكيد حنكون نسينا آخرين فسأبدأ أعتبر هذا البوست فرصة لي لتحية كل من اسهم في المنبر ولو بالقليل وبدأت في تحية كل من أسهموا هؤلاء نحييهم ولو نورد أسماءهم للمقارنة ولا هم سيقبلون بمقارنتهم بغيرهم أرجو أن نحسن النية
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبد الصمد محمد)
|
Quote: محمد المشرف، واحدا من انبل تيارات الوعى والاستنارة والحصافة، في هذا المكان... لجهة الفكرة، وامتلاك ادواتها كلها، ولجهة اللغة، كم هي رصينة، ولجهة المنطق الحاضر دوما، لم يتم الاستهداف من فراغ، ولكنك قمة... والقمم -كما ذكر زميل اخر في البوست المعني- دائما مستهدفة، هي ضريبة الفكرة، المنطق، اللغة، والتهذيب، ضريبة تدفعها، ................. ولم يزل الحضيض في الطين، يستمرى الركاكة، وقلة الحيلة؛
و يظل دوما السحاب سحابا، فامطرنا ما استطعت، فالارض قاحلة، وكلنا شوق.... كن كما كنت ، ولا تلتفت ارجوك، |
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد البشرى الخضر)
|
تمام يا بوب البتشوفو ولو إنه إعتقد إنه مسألة المعايير دي مسألة مهمة وما مطلوقة ساكت لدرجة إنه ممكن نفس المعايير الواحد يطبقها ويطلع غريبة أو صديق مهدي هم منارة الوعي في المنبر وياخ مهما انا كتبت عن حاتم لم أصل درجة ما وجهته لمحمد قرشي ود.ناهد من توصيفات أنا فاهم انت منطلق من شنو وفي النهاية إختلاف الرأي أحياناً مفيد أكتر من الإتفاق
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عمر دهب)
|
جملة جميلة ورائعة بل حكمة بليغة قرأتها في هذا البوست وهي::القمم دائما مستهدفة:: لأني كنت فاكرة ان المستهدفين هم أصحاب الآراء الخاطئة والآراء الغريبة ألما مقبولة..عند البعض... وفعلا القمم دائما مستهدفة وخاصة إذا كانت هي وليس هو... ازيك يا بت السيد وازيك يا دينا بت خالد وازيك يا بت عبد الله ودمتم بالف خير وصحة وعافية
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عمر دهب)
|
يا عبد الصمد، ذكرتني مدحة التمساح كل مداخلة تجي نابل تنده ليك فكي جديد، يا أخينا، أنا بتكلم عن زول بمقدرات غير عادية، تقوم تجيب لي ناس عاديين؟! ما بتستفزكم القصّة دي؟ زول يكتب عن مواضيع مختلفة خالص بطريقة علمية وجودة عالية، وأثناء النقاش بتعرف إنّو الزول دا عارف بتكلم عن شنو، ويجي أحمدونا يضرب مثل بناس ميدان الأمم المتحدة!!
يا صمد، انت قلت لبولا إسهامات في مجال الموسيقى وين الإسهامات دي؟ ما تكضب علي عشان تكسب الحوار الزول لمان يكتب كلمة يكون أدّها ما يكضب
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: أبوبكر عباس)
|
يا بكري بعيدا عن المقارنة المشرف ذو لغة فخيمة ثرة . ومنطق داخلي متماسك وقدرة علي إكتشاف التناقض لغته باهرة جدا كذبت تقديري في انك ترتب الناس بشكل قائمة . في القائمة لا يعني ان الثاني يقرب من الاول بل يعني الثاني فقط رغم البون الشاسع بينه والاول حاتم كاتب ذكي يجيد اصطياد التناقض والاستفادة منه . منطقه محكم .. اتمثله دوما بالعنكبوت ينسج خيوطا غير مرئية تقود خصمه كل لحظة لصعوبة فكاكه صعوبة الفكاك تقود من داخل الشبكة لغريزة البقاء . غريزة البقاء لا تخضع للكياسة عموما حاتم و مشرف كتاب اتابعهما بإعجاب من البعد حاتم صبور ومثابر ولكنه لا ينسي مراراته ممكن تبدلوا عنكبوت بي سبايدر اظرف المداخلة ممكن انط منها عادي ولكن اتشبث بموقفي واعجابي ب حاتم ومشرف
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبدالحفيظ ابوسن)
|
يا أبسن، أنا بتكلم عن كتابة رصينة تصل مرحلة وصفها بالكتابة العلمية، الزول دا عندو مقدرة عالية في استخدام المكتبات الالكترونية واستخلاص المعلومات وترتيبها والخروج بنتائج، وعرض هذه المواضيع بطريقة جزلة، مرتبة وسلسة وفِي نفس الوقت ساهلة، المشرف ذكي ولماح، لكنو من الناس البعسموا اللغة تعسين يقوّم الفلايت، ويوصل فكرته بصعوبة شديدة
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبدالحفيظ ابوسن)
|
Quote: لزول دا كتب مواضيع متنوعة صعب جدا يجيدهن زول واحد، كتب في الاقتصاد، الفيزياء، اللغة الشعبية، الكمبيوتر، اللغة، تطبيقات على الانترنت والكمبيوتر، كتابة بمستوى خبراء صحي هو زول ثقيل و"توكسيك"، لكنو عجيب! |
والله يا بكور حيرتني في دقنوسي دا ... معقوله تكون بالبراءه دي ... هسع اتا بتصدق إنو صاحبك دا بالامكانيات دي ... أنا مؤمن تماما" إنو ما تكتبه هنا من مداخلات هي وليدة اللحظه ... وأيضا" ما تؤلفه من قصص هي وليدة إلهام حباك الله به وممكن ساعة تجي تنزلا لينا هنا بتغير وتبدل في الاملاء وقواعد اللغه ... لكن لو طلبت منك دراسه تطبيقيه لي مزرعه تهتم بالبقر والعجول اللاحمه مؤكد ما حا تجي تكتبها زي ما تكتب المداخله او القصه القصيرة ... لازم تحضر ... ولازم تشرق لي قوقل وتغرب في مكتبات اونلاين للعديد من كليات البيطرة ... وفي النهاية حا تزهج وطنش زي كل مره .. لاحظ إنو الموضوع هو ما تحترفه ... يبقي صاحبك دا ماكل بي عقلك حلاوة ... لو بهمك تعرف إمكانياته جيبو في مناظره في موضوع يكون his professional في بوست مفتوح للجميع وكلا" يسأل واديهو 5 دقائق للإجابة عن كل سؤال ... خلي يكب لينا الزيت الفي دقنوسو مش البقعد يلقط فيهو جمله جمله من قوقل والمكتبات اونلاين ... بعدين الشفتنه وقلة الأدب ماليه الاسافير ممكن هسي اعب ليك برميلين تلاته .... تحياتي لصاحب البوست والجميع هنا ...
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: أبوبكر عباس)
|
يا بكور بعد ما انت سحبت الاستنارة بيدك واديتها لحاتم حقوا تبطل خرمجة ياخ على الأقل اسأل حاتم يعلمك الدقة في النقل ما دام هو بهذه القدرات الخارقة انت بتقول
Quote: يا صمد، انت قلت لبولا إسهامات في مجال الموسيقى وين الإسهامات دي؟ ما تكضب علي عشان تكسب الحوار الزول لمان يكتب كلمة يكون أدّها ما يكضب |
وطبعاً كل ما كتبته أنا أن بولا الذي عمل دراسات عليا في علم الجمال على معرفة واسعة بهذه الإمور. فرق بين المعرفة والإسهامات والمعرفة فليه التخليط انظر لما كتبته انا ادناه عن بولا، ولو عندك كلام غير دا انا كاتبه هاته:
Quote: وهو علم في الفنون والتراث والموسيقى والفلسفة وإسهاماته كانت على نطاق واسع ولا أدري لو عرفت عن الزوبعة الأثارها مقاله الرهيب مصرع الإنسان الممتاز |
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد صديق عبد الله)
|
تحياتي دكتور محمد صديق واسمح لي بتعليق على استنباطاتك اعلاه, و خاصة الجزئية التي جات في "أولا" أذكر جيدا اول بوستات حاتم التي اثارت الجدل, بوست اكذوبة الهبوط على القمر, بدأ حاتم طرحه مستندا على النظريات التي شككت في الموضوع و بدا نقاشا علميا و بنفس هادئ وطولة بال و ابدى تمكنا ومعرفة جيدة بالموضوع و التفاصيل العلمية و الحجج تعرض لإستفزاز شديد من الزملاء خاصة الامريكان الذين اطلق عليهم تيم ناسا باللإضافة للباشمهندس محمد مختار, وللأمانة ابدى حاتمكولة بال و أدب يحسد عليه وكان تركيزه كله على الموضوع و الحقائق العلمية وكان نقاشا مفيدا جدا ازعم ان كثير من الاعضاء سمعوا عن وعرفوا بعض الحقائق العلمية للمرة الأولى. تقريبا في منتصف البوست غير حاتم استراتيجية طولة البال إلى القتال و الرد على الاستفزازات بمثلها و اشد و ايضا ابدى مقدرة عالية و تميز في الحتة دي عموما انتهى البوست بخيره وشره لكن الامر لم ينتهي مع حاتم تفرغ لناسه و بدأ عملية الصيد واستفرد بهم واحد واحد البعض وصلت الأمور للهدنة والسلام و البعض ساب ليه المنبر عديل كدا المرحلة الثانية كانت ملحمة الدرون مع محمد مختار و ما ابداه حاتم من معرفة بالموضوع وتفاصيله ما معرفة قوقل لحدي هنا و المعارك واضح انها شغل Pay back و رد على المبادرة بالإستفزاز. المحير هو المعركة مع الموصلي و الخواض ومعك انت يا دكتور المواضيع بدأت بنقاش علمي و حوار واختلاف رؤى لكن بقدرة قادر تحولت لمعارك شخصية لا ادري لماذا لكن اعتقد ما جرى في موضوع ناسا وبعده هو السبب بشكل او بآخر و صارت سمة لحاتم وصار لا يفرق بين الرد وبين المبادرة واخشى ان هذه صارت سمة شخصيته المنبرية و فقد السيطرة عليها (يا حاتم ما تحول اليه الامر في موضوع الطاقة الشمسية مع عاصم علي فيه مبادرة بالعدوان و السخرية غير مبررة) نعود للموضوع, لا أتفق مع نظريتك يا دكتور ان حاتم وجد في الاسافير ما لم يحققه في الواقع, مسالة اغتيال شخصيات الآخرين فيها قولان فهو ايضا تعرّض - ويتعرّض - لذلك - مسالة تشبيحه على سبيل المثال. الموضوع فيه زوايا رؤية متعددة ومختلفة.
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد صديق عبد الله)
|
الناس قد تختلف في تقييمها حسب اهتماماتها وبثبات نسبي يعني الشغلة دي كما الفعل التراكمي أقل شيء الميزان بيتأثر ويبدأ في التحرك باتجاه عكسي كل ما زادت انتكاسات الكاتب وتجاوزه للخطوط الحمراء وعلى كافة الاصعدة لان الاغلبية الصامتة لا ترحم في التقييم وماسكه ميزان حساس محكوم يقيم وضوابط داخلية يعني ماضروري الا أنا كمتابع للمنبر اقول الحكم الجواي لكن قطعا بيكون مؤثر جدا حين وضعه في ميزان الفعل الجمعي يعني رويدا رويدا بتلقى الكثيرين أفل نجمهم وفقدوا بريقهم بدون الناس ما تحس وأي موضوع يطرقوه بعد كده بتلقى الاستجابة ليهو باهتة جدا أها الكلام ده ما حصل مع حاتم مما يعني القاعدة الاعم للتقييم في صالحه هسه في ناس كتار هنا فقدوا الكثير من بريق اسهاماتهم بسبب الفعل التراكمي ده وعلى ذلك ممكن تقيس , ميزة حاتم مع المثابرة والاجتهاد والتعب البيتعبوا في الاعداد لاي موضوع يطرقه بيدفعه في نسق تصاعدي بعدين بيعمل الحاجة وهو عارف هو بيعمل شنو رغم مخاشناته الكثيرة الا انه قليل ما استخدم لغة خادشة لان أثرها بيكون كارثي في التراكمية كمان ماعنده رأي بيتخذه بعفوية أو بصورة مرتجلة وده الاعطاه الشخصية الصلده دي بالاضافة لاشياء شخصية قد تخصم منه أو تضيف له لكن طوال فترة تواجدي ومتابعتي للمنبر لم يأتي شخص متنوع التناول والاسهامات كما حاتم ابراهيم فاختلف معك يا عبد الصمد حاتم يعتبر فلتة زمانه والازمنة قبل انضمامنا لسودانيز اون لاين وحسب تنوع المواضيع المطروقة من قبله انا شايف انه مافي زول جاء بمثل ما جاء به حاتم زول شغله مكرّب جدا واضاف للمنبر الكثير أما حتة عداواته دي اعتقد ترجع لبناء وتركيبته النفسية أو أبعاد شخصيته وماحيقدر مهما أُوتي من اصطناع إنه يغير الخصلة دي فالناس مضطره في طريقها للحصول على العسل ان تتحمل لسع النحل ما أنسى نقطة اخيرة انت يا عبد الصمد وبلا مجاملة زول رغم قلة اسهاماتك أعتبرك شخصيا رقم بالمنبر لكن الصراحة فقدت الكثير جراء بعض الانفعالية في بعض مداخلاتك وزي ماقلت ليك البناء هنا بسودانيز أو حتى خارجه بيكون بشكل تراكمي فالانضباط مهم ومهم جدا كمان دمت والمتابعين في النهاية الشغلة محكومة بآراء شخصية قد تختلف من شخص لآخر أتابع وبصورة دقيقة وباهتمام متابعة مداخلات بعض الأعضاء هنا وعشان مافي زول يزعل مني ما حأحدد وخلوها بالنية
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: جمال ود القوز)
|
مداخلة لي من بوست جلالدونا مع شوية تعديلات ... . .. ...
"ضحايا" حاتم ابراهيم بقوا زي حركات دارفور المسلحة ... كل يوم تظهر حركة جديدة بأجندة جديدة ... المشرف - الخواض - م.صديق - جلال - عبد الغني ... الخ . اقترح عليهم تكوين جبهة ثورية منبرية لتوحيد مجهوداتهم لمواجهة هذا "الاخطبوط" المرعب ... . . .
ما في حل الا البل ...
. .. ...
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: قسم الفضيل مضوي محمد)
|
قال ضحايا قال حملة البخور هم فيروس وبائي ومن حملة البخور لحتومي/ مهوري عبدالعظيم عثمان/محجوب علي/أمير بوب/ عبدالمنعم الطيب جمال ودالقوز/حيدر حسن/قسم الفضيل وإنضم لهم المعقّد نفسياً أبوبكر عباس وآخرين الواحد لما يكون فاقد الثقة في نفسه لا تجده يردد غير كان أبي كان أبيكان أبيكان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي كان أبي أتعجب كيف زول زي بشاشا يشيل نيرانو في يديه ويحارب الدنيا كله لأجل فكرته. فمثله الأحق بالبقاء في المنبر أم حراق البخور فدليل على اننا نعيش وقت خور وهزيمة وتدهور
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبدالغني محمد الحاج)
|
قولك يا صمد إنّو بولا علم في التراث والفنون، كلام صحيح وهناك ما يدعمه في مكتبته، لكنك أضفت الموسيقى، وزعلت لمان أنا قلت ليك حاتم أعلم من بولا في مجال الموسيقى، حاليا اما تدعم كلامك دا أو تسحبه. أنت أتيت ببولا لتثبت خطأ زعمي في تفرد مقدرات حاتم وتنوعها المدهش مقارنة بكل من مرروا هنا، حتى الآن لم يستطع أي من المتداخلين تفنيد زعمي أو مجرد الأقتراب من تفنيده.
يا صلاح، أنا لا أتحدث عن تجويد العضو لمجال محدد، كلامك غير صحيح إنّو الزول دا بتاع كوبي آند بيست، الزول دا قد يبحث في موضوع لم يكن له به دراية، لكنه يستوعبه ويعرف أساسياته جيدا
كويس يا بشرى، بعد اقنع الجميع بتفرد الزول وأن مقدراته لم تمر من هنا من قبل، كويس انك مسكتا نقطة مهمة وهي ردود فعله تجاه الأعضاء ومداخلاته التي وصفها مدثر بأنها توكسيك. وصف مصطفى دا وصف دقيق، ما داير ابحث في جذور سبب رد فعله تجاه بعض الأعضاء وتسميمه لبوستاتهم بمداخلات عدوانية مدمرة للبوست. لاحظ مثلا لمداخلة التعبان عبد العظيم مكي والسفيه عبد الغني هنا هن مداخلات عدوانية بليدة، لكنك تستطيع أن تسفهها بأن لا ترد عليها، ولا يكون لها تأثير على مسار البوست، المشكلة لو حاتم دخل بوست بتاع واحد من اعدائه، مداخلته تكون مسمّة ومدمرة للبوست زي ما عمل في بوست المشرف الاحتفالي ولا يستطيع صاحب البوست تجاوزها
الجزء التاني من البوست بعد إقرار الجميع بتفرد حاتم هو: ماذا نفعل مع طاقة حاتم المدمرة؟
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عليش الريدة)
|
لم اتداخل في هذا البوست اوالبوستات ذات الصلة إلا مرتين او ثلاثة ولم أطرح رأي سالب ضد مخالفي حاتم كل ما فعلته عبرت عن إعجابي بمقدراته في الكتابة وطريقة طرح افكاره يطلع ليك واحد ويوصفك بما ليس فيك . بل يصادر حقك في إبداء رأيك دون ان يكون لك سابق تداخل معه نفسي أعرف البضُرك شنو يا انت لو أيدت هذا أو ذاك.
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عمر دهب)
|
عبدالغني سلامات لك ولضيوفك الكرام
وصفك للذين عبروا عن اعجابهم بكتابات حاتم غير مبرر يا عبدالغني
المسألة ابداء راي كما وصفها لك الاخ حيدر الذي اراه منفعلاً للمرة الاولى
بالنسبة لحاتم هو فعلاً شخص مميز جداً وعندو مقدرات عالية وموهوب جداً في استخلاص المعلومات من مصادرها
المحزن في الفترة الاخيرة انشغلت عدة اقلام ذكية ومفيدة في مساككات لا طائل منها ومعارك اظنها ستكون سرمدية ولا تنتهي ابداً يعني في شكل دائري
قلم حاتم والمشرف والخواض تحديداً اقلام مهمة ولها اسهاماتها ولكن الان كل واحد مشغول بكيفية التقليل من شأن الثاني ومحاولة اغتيال شخصيته المنبرية
على العموم انا مع راي المستنير بانو حاتم له ملكات متفردة ومواهب متعددة ليته يقدر مثل هذا العشم ويلتفت الى ما يفيد بدلاً من المعارك التي لن تنتهي ابداً
وهذا الرأي لا ينقص من قدر الكثيرين هنا لهم اسهاماتهم ولهم مواهبهم وعلمهم الذي لا نبخسه ابداً ولهم التحيات العطرات
يا عبدالغني اوعا تجي تقول لي كسار تلج وللا حراق بخور
والله طوالي اقولك القالو ليك حيدر
حيدر يا حبيب
هون عليك يا فردة وبرد النفس شوية ما اظن عبدالغني عندو مقصد كعب بالذات معاك انت
تحياتي
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: Haytham Ghaly)
|
Quote: حملة البخور هم فيروس وبائي ومن حملة البخور لحتومي/ مهوري عبدالعظيم عثمان/محجوب علي/أمير بوب/ عبدالمنعم الطيب جمال ودالقوز/حيدر حسن/قسم الفضيل وإنضم لهم المعقّد نفسياً أبوبكر عباس وآخرين |
عبد الغني إنت جيت تاني يا المبروك!
بعد ما لعنتنا في بوست سابق جاي هنا برضه توصفنا بالفيروس الوبائي
يعني الواحد بعد دا كان إستعدل ومعط ريشك وزعمطك إسفيريا يكون خاتي
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: Haytham Ghaly)
|
. .. ... يا حيدر ... عبد الغني دا قال البخور بعمل ليه حساسية ... ولكن الظاهر عليه بحب التلج فعشان كدة بندور ليه على جبل جليد يمارس فيه هوايته ... وبالمرة لما يتعب من الكسير يقوم ياخد ليه زحلقة زحلقتين ... . . . شايف جلال فارش بهناك برضو وقال الما بجيه في فراشو ويشيل معاه الفاتحة تاني لا بيني لا بينو . .. ...
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد صديق عبد الله)
|
الأخ عبدالصمد تحي و احتراما لك و لضيوفك الافاضل
رعم اني في حال ترحال خارج السودان و ام اصل بعد لوجهتي الأخيرة و النهائية لكن بيعاودني الحنين لمطالعة المستجدات في المنبر و لكني أجد صعوبة في الكتاب و التعليق. لكن من امس هذا البوست عجبني جدا جدا و كذلك ضحكت لوحدي كالمجنون عدة مراتز عل تصدق إنه هذا البوست اعاد الألق و البريق و التحليل الذكي و الطرفة المحببة و السخرية الشفيفة التي لا تجرح و لا تعكنن؟ بعدين برزت تعليقات جميلة و ذكي و بارعة في التناول و التحليل و التعليق..و اختفنت الكتابات المشاترة و الممجوجة و الناشزة و العابسة و النكدة و المنكِّدة .. ما شاء الله كتابات كلها تتحدث في صميم الموضوع و لكنها رغم كده فهي جذاب و راقية و أنيقة..اذكر على سبيل المثال لا الحصر كتابات و ردود تعليقات أبوبكر و ابوسن و ود المشرف و ابوز ئر و ود القوز و آخرين لا أستطيع ذكرهم كلهم.. بعدين تناول الموضوع و حتى فتح البوست فيه نوع من الجرأة و الشفافية و الانفتاح .و لكنه أيضا حافظ على احترام الآخر و عدم الخروج على النص و الذوق و الاحترام. فعلا بوست يستحق التهنئة. و في الختام تحياتي للأخ حاتم فهو رقم بارز في المنبر رقم بعض التحفظات التي لا تقلل من شانه .... ....فهو لكنه انسان مثقف و فاهم و له بصماته على المنبر.......ز و الدليل انه ملأ المنبر و شغل الناس كما ترون.
فلكم التحية أجمعين
بحق البوست واحة أدبية راقية. شكرا لك اخي عبدالصمد
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد عبد الله الحسين)
|
يا عبد الغني او أياً كان اسمك ماذا يضيرك ان اعتقد البعض هنا انو حاتم أفضل من مر علي المنبر ؟!! ياخ في النهاية دي آراء شخصية لأفراد لا استطيع انت او غيرك استنكارها او محاسبتهم عليها ! ... شنو فاتح زرايرك و طايح في الناس ( وانت لا تعرفهم و لا تعرف أقدارهم ) اتهامات و شتائم و قلة حياء و عايز تكتّم الناس النفس لمجرد انهم اختلفوا معك في تقييمك للزميل حاتم ؟!!
من خلال متابعتي لبعض مداخلاتك الشتراء حول هذه الجزئية ، اتضح لي انك انت المعقَّد نفسياً و كمان غير جدير بالاحترام !
ارجو ان لا تقحم اسمي في اي من مشاركاتك المهببة ! ... انتهي
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد صديق عبد الله)
|
Quote: هل يمكن أن يعقد المهندسون ندوة لمناقشة موضوع متخصص في الهندسة ويكون المدعوون من الأطباء، أو اللغويين، أو المتخصصين في أصول الفقه مثلاً؟ تأسيسًا على هذا، فإن تأييد أصحاب الجلالات لآراء حاتم في كل المجالات التي تجنَّى عليها يقتضي بالضرورة أن يكون كل هؤلاء الأنصار مطلعين على كل هذه المجالات، وإلا فإن تأييدهم له يكون مبنيًاعلى انطباعات شخصية واصطفاف ليس إلا؛ كما أنه ينفي بوجه أو بآخر عن حاتم تفرده بالإحاطة بكل هذه المجالات؛ كيف لا وكلهم يفتون فيها! |
سلامات محمد صديق بعيدا عن خلافك أو إختلافك مع حاتم
يمكن أن يتحدث في الهندسة شخص لا يحمل درجة علمية في الهندسة وهل التخصص فقط حسب الدرجات العلمية لنظام التعليم البائس الذي يخرج لنا أنصاف متعلمين يتمترسون خلف "الدرجة" العلمية يمكن أن يتحدث الشخص المتمكن من مجال معين حتي وإذا لم يحصل علي درجة علمية
تعرف جنس كلامك الفوق دا والوصاية التي يحاول المتعلمين فرضها علي العلوم "بدعوي" التخصص هي المطلعه زيت البلد دي , فنجرة متعلمين علي الفاضي , النظام التعليمي في السودان متهالك من قبل 40 عام ولم يقدم الي السودان شيئا ولا إلي إقتصاديه أو نظامه الإداري شيء ( صفر كبير ) علي الشمال غير شوية متعلمين عاوزين يفرضوا وصاية علي المجتمع وعاوزين سيادة وريادة فقط لأنهم يحملون بعض من الدرجات العالمية ... بعد ثورة المعلومات النظام التعليمي في السودان أصبح ( Behind the Curve) تجاوزته المعرفة والعلوم والتكنولوجيا , ولا يزال المعلمين في السودان يحملون قلم البق وماعارفين أن العلوم والمعلومات أصبحت متاحة علي الهواتف , وليس كما كانت في السابق حكرا علي مكتبات الجامعات دي نقطة مهمة لازم "الحرس القديم" من المثقفين والمتعلمين السودان يدركوا أن العالم تغير وأن مقايسهم وأدواتهم القديمة ماعادت تناسب العصر ولن يستطيعوا أن يقولبوا المستقبل بذهنياتهم ومستوي إدراكهم المعرفي المحدود , دي صيرورة وواقع جديد , وإذا عاوزين يفرضوا وصايتهم عليه سيتحولوا الي أميين وجهلة وهم لا يعلمون ..
إنفجار المعرفه وسرعة التطور هذا عصر جديد غير قابل لتحديده بأي محددات قديمة عشان كدا كثيرين حيلقوا أن ما تعلموه في السابق لاقيمة له مقارنة مع التطور الهائل للعلوم وأنهم غير مؤهلين للحكم علي مجالات لم يضيفوا لها شيئا وأصبح ليس بإستطاعهم إستعاب التغيير الكبير الذي حدث خلال ال20 عام الماضية ... زول زي دا المشكله معاه بكون موهوم بأنه ربها وأنه سيد العلم من الصعب أن يدرك أنه لايفقه شيئا في مجاله الذي تغير الا يصدموا زول حامض زي حاتم دا يطلعوا قاعد من الصقيعة من غير هدوم
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبد الصمد محمد)
|
سعيد ولله بكل إضافات الأخوة هنا إتفاقاً وإختلافاً ولي رجاء واحد من الأخ الكريم عبدالغني أن يخفف شوية من لهجته أ, على الأقل عرض البعد عن الشخصي ونقد كلام ونصوص من يود نقدهم. أما حبيبنا المستنير (معاش) فلا أود أن ألوك في نفس الجمل جئية وذهابة لكم دينكم ولي ديني وولله العظيم أنا سعيد جداً أن أرى للمستنير أستاذاً لأن هذا يعني تواجد إستنارات مضاعفة في المنبر
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبد الصمد محمد)
|
Quote: ولا يمكن لمجموعة من البشر—(ناس الجَلالات) كما أطلقت عليهم—أن يؤيدوا كل آراء الأخ حاتم في كل المجالات إلا إذا كانت لهم أجندة. على هؤلاء أن يتحلوا بقليل من الذكاء بأن يضعوا الهامش الذي أشرت إليه آنفًا في حسبانهم. |
أخي الفاضل محمد صديق عبدالله، اسمح لي أن أتداخل معك في أمر شخصي يهمك انطلاقا من الاقتباس أعلاه في جزئية ضرورة التحلي بقليل من الذكاء. لقد قدمت نفسك لأهل المنبر باعتبارك أحد المختلفين مع حاتم، وبلغة الملاكمة: أحد المتحدين للبطل... ولكنك لست المتحدي الرئيس. وفي رأيي المتواضع - من ناحية تواصلية - هذا التقديم غير موفق، فقد جرت العادة أن يدخل الأعضاء الجدد للمنبر كضيوف أعزاء يتم الترحيب بهم ثم يدلوا دلائهم بعد أن هذبوها ووضبوها حتى لا تخر أملا في ترك انطباع أولي إيجابي يتم تعزيزه مع مرور الوقت من خلال الدعم والتلاقح المثمر الذي يجود به أعضاء المنبر وقرائهم. أعطيك مثال: قبل كم سنة أطل علينا أخونا محمد عبدالله مختار ببوست حول مذكرات هاكر تائب فكان ذاك البوست متعة تتبختر في جنبات المنبر فقد ظهر هذا البني آدم كموهبة سودانية مقاومة لسوء الظروف والإمكانيات، ولم يخيب الظنون حتى الآن؛ والأمر نفسه فعله حاتم عندما أناخ بعيره المحمل بقضايا ناسا ولسان حاله يقول: إذا سرقت فاسرق جمل... وأجبر أعضاء المنبر وقرائه على متابعة عشرات الصفحات من المداخلات التي تدوخ الرأس... نصيحتي لك - بلغة الكوتشينة - أن تعتبر هذه التوزيعة مدكوكة وتبدأ من جديد ولا تقبل إلا بخمسين جوكرها بايظ! واعلم أن هذا المنبر عالم رحب يلقى فيه الإبداع ما يستحق من التقدير. لك التحية والتقدير.
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد الأمين موسى)
|
Quote: كبيرًا بين مقدرات الأعضاء الفكرية، واللغوية، والتواصلية، وغيرها من الملكات، ولكنك تجد العوام يتداخلون في موضوعات متخصصة جنبًا إلى جنب مع المتخصصين. أيعقل |
يعني شنو (العوام) ويعني شنو أيعقل ؟ الختمت بيها الكلام الإستنكاري دا العوام ديل مالهم , ما بفكروا ولا ما عندهم عقل ليه بتصادر حقهم
ياخي دا إستعلاء مقرف جدا
ياخي إنت عاوز الناس يربعوا يدينهم ويقعدوا في الواطة "العوام ديل" وما يداخلوا جنبا الي جنب مع المختصيــن ! وفي النهاية كاتب أيعقل
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: عبدالعظيم عثمان)
|
Quote: أكرر لم يمر بالمنتدى زول في مقدرات حاتم |
حاتم له مقدرات رهيبة على التطرق والكتابة في مواضيع عديدة تداخلت معه في بوست الصعود للقمر، والذي قال فيه أنه سيستعرض النظريات الناقضة لقصة الهبوط على القمر ,ان له اضافات بسيطة، وبعدها اصبح البوست غلاطاً، فلم يستطع حاتم كتابة اضافاته وحردت انا البوست ولم أتابع ما آل إليه.
في الأسافير عموماً أعتقد أن محمد خلف بتاع سودان فور اول هو صاحب المقدرات الخرافية يستطيع الكلام في أي موضوع عن معرفة. في سودانيزاونلاين، فأعتقد بكل تواضع أن المنبر لم يمر عليه أحد بمقدرات متعددة مثل محسن خالد في علوم اللغة وفي الفلسلة وحتى في الفيزياء والأحياء بل وفي الموسيقى (الليركس وبوستها) والغريبة أن ذلك البوست كان سيؤول لما آل اليه غلاط حاتم والموصلي حينما تحدث محسن عن الاورغن. محسن موسوعي وبمقدرته فتح مواضيع متعددة ومناقشتها عن معرفة ومقدرة.
من المنسيين أيضاً (قصي همرور) (ومحمد قرشي عباس) فهما موسوعييان، ولكن لم يطرقا مواضيع متعددة مثلما فعل حاتم ومحسن خالد.
محسن فلتة مع مقدرة على التعلم والاجتهاد قلّ أن نجد نظيرها.
المستنير باستثنائه لمحسن خالد يجعلني أظن أن تصريحه استفزازي خصوصا اشارته لفلم توم هانكس أعلاه.
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: الصادق اسماعيل)
|
أخي الفاضل محمد الأمين موسى.
أشكرك شكرًا جزيلاً على كلماتك الرقيقة ونصيحتك الغالية، وإنه لمن دواعي سروري أن أتواصل مع أمثالك.
صحيح أنني انضممت إلى هذا المنبر يوم 5 سبتمبر 2017، ولكنني كنت مشاركًا من نافذة الفيسبوك قبل ذلك، ولي سجال طويل مع الأخ حاتم إبراهيم بدأ قبل نحو سنتين. ولعلي من القلائل الذين حظوا بأن يُخصص لهم منشوران قبل نيل عضوية هذا المنبر. يعني أنا ما جديد في هذا المنبر، وأعرف كثيرًا من الأعضاء معرفة شخصية. تحياتي واحترامي.
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد صديق عبد الله)
|
سلامات يا محمد صديق
Quote: : كبيرًا بين مقدرات الأعضاء الفكرية، واللغوية، والتواصلية، وغيرها من الملكات، ولكنك تجد العوام يتداخلون في موضوعات متخصصة جنبًا إلى جنب مع المتخصصين. أيعقل |
تعرف يا محمد صديق كلامك الفوق دا ما بتقدر تنط منه كله كله وما بتقدر ترقعه .. ما تخاف ما إنت براك البتفكر بالطريقة دي معاك ناس كتار من الأفنديه ... العوام ديل ماله يعني ببعروا ولا وسخانيين .. شفت الوعي الزائف دا مصيبة كبيرة ياخي المجتمع دا ما بتطور بي طريقة التفكير دي كله كله أي إستعلاء من قبل أنصاف المتعلمين بيزيد الطين بله عشان كدا إنت بي كلامك دا قعدت في السهلة من غير درقه
وكلامك التحت دا محاولة يائسه للتملص من الكلام الكتبته فوق
Quote: (العوام) للتقليل من شأن أحد، إنما قصدت بها (غير المتخصصين)، وأنا من العوام في أي علم إلا ما درسته دراسة أكاديمية. |
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: Abdulgadir Dongos)
|
الاخ عبد الصمد سلام معاك محجوب .. ما محجوب عبدالله يبدوا وانك تحاول تعضيد ودعم الظاهرة الاسفيرية (المستهجنة ) وضعت رسول الاستنارة في المقدمة والحقتني به لتبين فداحة الامر . وبالمناسبة انا لست من صحابة الرسل بل تابعهم باحسان . اما بخصوص اقتباسك لي ، فلو كنت متابع الاخ اسامة وصفني باني من شيعة حاتم ، ولان اخونا بوب يوظف دائما التراث الاسلامي في مداخلاته ، لذلك استخدمت تعبير المستنير منا كما وردت اعلاه ، اتمني ان لا يكون جزء من غضبتك ذات دلالة مذهبية .
Quote: يعني شنو (العوام) ويعني شنو أيعقل ؟ |
ياعبد العظيم ايام سلطنة دارفور ، السلطان كان بهتم بالعلم والمتعلمين وكان الكتبه عندهم مكانة خاصة ، حتي دوابهم لها مكان مخصص . والزول البفارق الناس بيقولوا عليه فلان ربط حماره مع حمير الكتبة دحين وقع ليك شنو يعني عوام ؟
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد حيدر المشرف)
|
انا براي بطقطتهم كلهم ... لكن روح التيم متعة .. وتيمنا مكرب ولا تيم لهم ..
بوست موحد عشان اللخ بكون تأريخي .. لخ من طرف .. الما فاطر ما يخاطر .. وكل باك يلزم مكانو ... تتفدم متر تاني ما تشوفها الا في مسنترة هي صينية المنبر الكبرى .. لا حكت لا بقت .. سيتداولها الاجيال بعد زوالنا جميعا .. ستوضع في قبور البعض منا الازاهير وتنسج الحكايا اساطيرا ..
يقولون ان اتباع حاتم فد سرت الفتنة فيهم .. فأنزل عليهم حاتم سكينته .. وقالوا سكيتنه
حدثني بذلك كوشيا كان يرعى غنمات السرة بت عوضين !!!
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: النذير حجازي)
|
اها انا كمان امرق ليكم بالموضوع بره الخط... يا محجوب.. انت قاصد منو بالسلطان؟ هل قاصد السلطان علي دينار... اساسا من الاصل اذا في عدالة في الدنيا دي مفروض اولاد علي دينار واحفاده يكونوا حاكمين البلد دي.....والله السودان هسع كان في مصاف الدول العظمى... زول كان بيهتم بالعلم والعلماء ووطد افضل ادارة مدنية في دارفور،،،،ونال اعجاب المسلمين في بقاع الارض بمحمله الذي كان يرسله كل سنة للحجاز لكسوة الكعبة المشرفة،،،ولم نقرا ابدا من انتقده ونال من سمعته....ضروري يكون ربى اولاده على النظام والعفاف والنزاهة ،،،،مش زي ما بنشوف ونسمع عن الحاكمين البلد من فساد يزكم الانوف،،، وبدون خجلة يمشوا في الشارع ورافعين رؤوسهم .... هانت ... عارفة واحد هيجي يقول طالعة بره الموضوع ...ونحن في شنو والحسانية في شنو؟؟ مع اني ما عارفة المثل ده ذاتو قالوهو لشنو؟؟ وبالمناسبة الحسانية ما قبيلة بس في السودان ولكن جذور القبيلة ايضا في شبه الجزيرة العربية... لكن موضوعي ده هو موضوعكم ذاتو....( وجه ضاحك) ودمتم بالف خير وصحة وعافية...
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: النذير حجازي)
|
الاخ والزميل محمد الحسن حيدر المشرف
Quote: بوست موحد عشان اللخ بكون تأريخي ..
|
حقوق كثيرة الزمتني ،الاخوة والزمالة والمواقف ، تنبيهك الي عدم الاستشهاد بادب النكاية القبلي لانه لايليق بك وانت اليساري في 2017 ، لخ العاوز تلخوا وعاير واشتم ، وخلي بعاعيت النكاية القبلية واساطير التميز العرقي في مرقدها ، السكة طويلة ومحتاجك
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد حيدر المشرف)
|
عييييييييييييييييييييييك
الكترااااااابة .. الحاصل شنو؟؟؟؟؟؟؟؟
البورد مالو اتحول لساحة معركة .. ؤ كمان حا تكون تاريخية او كما قال
معقولة دا ود المشرف؟؟؟؟؟؟؟
اي نعم يا ابو حتوت الآكشن مغري جداً سيما لما يكون مع زوي الوزن اللغوي الثقيل
والحياة الاسفيرية دي بقت مملة ورتابة البورد تخلي الواحد يتثاءب .. لكن..
في حتة هنااااك جوة العقل بتقول انو الشي البحصل دا ما من الصالح لا الصالح العام ولا الخاص
دعوة صادقة لكل الاطراف .. اعرضوا عن هذا يا اصدقاء
ولا سيما انها معركة في غير معترك (في رأيي طبعاً)
كدي استهدوا بالله والزموا الجابرة وهدوا النفوس
رجاءً يا صحاب
| |
|
|
|
|
|
|
Re: لم يمر على المنبر زول بمقدرات حاتم إبراهي� (Re: محمد البشرى الخضر)
|
الاخ والزميل محمد الحسن حيدر المشرف
Quote: بوست موحد عشان اللخ بكون تأريخي ..
حقوق كثيرة الزمتني ،الاخوة والزمالة والمواقف ، تنبيهك الي عدم الاستشهاد بادب النكاية القبلي لانه لايليق بك وانت اليساري في 2017 ، لخ العاوز تلخوا وعاير واشتم ، وخلي بعاعيت النكاية القبلية واساطير التميز العرقي في مرقدها ، السكة طويلة ومحتاجك ـــــــــــــــــــــــــــــــــــــــــــ سلام محجوب علي ماقدرت أفهم مضمون مداخلتك دي.. فياريت تشرحلي ـــ لو أمكن ـــ الرابطة بين مقتبس المشرف الإنت استندت عليهو وبين أدب النكاية القبلي.. طبعا تفهم أني لااتحدث هنا عن المشرف ،وإنما عن الدلالة المستنبطة من هذا المقتبس تحديدا.. تقبل احترامي
| |
|
|
|
|
|
|
|