عيدية للأخ حاتم إبراهيم

Quote: وهذا هو التحديث الذي يتبجَّح به حاتم ويقول إنه قد أجراه على نسخة ديسمبر! تخيَّلوا! +++ ماذا سيتغير، يا حاتم، إذا سحبتَ نسخة يوليو من أكاديميا وأضفت نسخة ديسمبر؟ البلاوي موجودة في النسختين بالكربون! +++ كابرت وحاولت تضليلي وتضليل القراء باالحديث عن نسخة أخرى، واعتذارات، واستحقاق أكاديمي، وخلق بلبلة بفتح نافذة الفيسبوك، التي أطالبك بحذفها، لأن هذا المنشور ليس منشورك. +++ طبعًا يا حاتم أنا لم أقبل بأن يكون الفيصل بيننا تسخة ديسمبر اقتناعًا، بل لأنني أردتُ أن أمضي بالأمور إلى نهاياتها، ولأنني أعلم أن أخطاء نسخة أكاديميا موجودة في النص المعدل، وأنك لن تستطيع التراجع من آخر نص معدل بعد أن تبجحت +++ القفلة: ما هو ردك على الأخطاء الواردة في ورقتك (العلمية) وعرضتُ عليك منها 20 مثالاً في هذا المنشور؟

ياخي، انت لو عندك أدنى إلمام بالنشر في الانترنت لدواعي أكاديمية ما بتسأل سؤالك دا
لكنك بتاع دسوها وصبنوها وزول ما يشم ريحتها واحظروها اقطعوا نفسها، أدونا بس كرتونتا، كفانا

هيااااا الكيك، انت قايلا هدوم بيودوها للغسال وتجي تبدل وتقول جيب دا وخلي داك ودا أدعكو ودا أديهو ظهرة؟
النشر ليهو شروطو، يعني رفعت ورقة معنها تتسجل برقم معرف وحيد (unique) لا يتغير
وإذا حبيت تعدل فدي ورقة جديدة مختلفة حتى لو كان نفس المحتوى، وقع ليك؟
فعشان كدة يا (دكتور) أنا فرصتي واحدة ومنها الورقة بيتم عمل إحصائيات ليها تلقائيا
بتكون شفتها، وإذا عدلت وعملت (update) حأفقد كل المعلومات دي (met.adata)
يعني زي الفيديو في اليوتيوب، ما بتقدر تغير المحتوى بعد ترفعه، عشان التزوير وكدة

للسبب دا، أنا اضطريت أعمل نسخة بديلة في كلماسوفت، أعدلها بمزاجي، مش موقعي وورقتي؟
فشنو، العباطة بتاعة (أشهدوا يا جماعة) وحاتم مراوغ دي كلها مافي ليها داعي، هبالة منك ساي
الداير القديمة هديك ليها، ما هبشتها من يوم 22 يوليو 2014، والتانية معدلة بعدها بخمسة شهور
ومافي أي بلاوي وحياتك غير طقاشة العربجية المافارزين اللنكات من التواريخ
+++

تضليل شنو؟
ما هدا انت بنفسك طلعت الفروقات، ودي معناها (نسخة) انت بتسميها شنو، قِرْطاسِيّة؟
والنافذة فتحتها لأنو دا زي منشوري واحد! انت ما شايف الاسم بتاعي في العنوان ولا شنو؟
يبقى منشوري، وعشان لو الكوتة خلصت أجيك بدرب الهوى، باقي انت حتقول للناس حاتم هرب، وعملتها قبل كدة
انت قايلني فاضي ليك؟ هسع شوف المنبر دا موجوج وفاير كيفن، عشانك انت ولا عشان حاتم بنانا؟
وهو السامع بيك منو ذاتو، سلام ما سلمت على الناس، جاي تارس حانف وشك المكرضمو سنتين بالسبات
+++

(تسخة) دي نعل (نسخة) بلغة الفرنجة هههه
وأنا الموضوع بالنسبة لي مجرد فرصة مراجعة (إملائية) مجانية انتهزتها
فأحسن تتعمل لأحدث نسخة، انت قايلني شايل هم الإملاء يا الكيك؟ أبداً
ياخي الموقع فيهو قرابة الخمسمية صفحة دا غير البرامج والتزامات أخرى، وبالكاد برجع للأوراق دي
لمن ألقى لي (دكتور) متخصص (spell cheking) داير أموت؟ دي شغلة بيعملوها بالقروش جاتني مجان
+++

والله ملاحظاتك اطلعت عليها لماماً وما ركزت فيها ولسة ما بديت أفحصها عشان أرد عليك
لكن الخطأ الإملائي وارد ونظراً لأن النسخة الإنجليزية اتعملت بالترجمة الآلية فالخطأ النحوي برضو وارد
عشان كدة، كل ما ألقى فرصة بعاين في العشرين صفحة وبصلح سطر سطرين وبغير التاريخ وأرفعها
Simply
فانت تنتظر بداية أكتوبر الممهور بالدم صباح الخير، لحد الوكت داك بكون دبرت لي نسخة تالتة في مكان ما.
شويطيييييين أنا ما تشوف مسكنتي وطيبتي و(سماحتي) دي


معليش، تعبناك معانا شديد ههههه

=============

أها، نجي للمهم، كلامك التحت دا ما عاجبني، وكله غير صحيح!

Quote: يا جماعة، أشك أن هذا الرجل في كامل قواه العقلية. +++ ثانيًا، التاريخ الذي أعنيه موجود في أعلى الصفحة في ملف الـpdf ومعه اسمك، ولا علاقة له بتحديث التاريخ في موقع (كلماسوفت). +++ ثالثًا، أنَّى لقراء أكاديميا أن يعرفوا أن مؤلف الورقة المنشورة في ذلك الموقع الأكاديمي قد نشرها مؤلفها في موقع شركته الخاصة؟

1- فأنا في كامل قواي العقلية والبصرية، كعب انت دا.
2- مافي أي تاريخ يوافق (July 2017) في أعلى أي صفحة.
3- (أنى) دي طلعت عمش منك ساكت، واللنكات موجودة بس انت (ما شفتها) من الحقد والحسد، أعوزو باللاهي

طالبك اعتذار، بحسب الأعراف الأكاديمية الانت قلت بتحترمها، وما باين
لأنو عندي معاك تجارب سابقة في البجاحة بتاعة حملة الكراتين.