|
Re: { خرفان .. في الصيوان} (Re: دفع الله ود الأصيل)
|
يا خوانا و الله إنتو فعلا طاعمين جنس طعومية تنسي الواحد الجوع ظاطو. بالمناسبة العندليب الأسمر الراحل المقيم / زيدان إبراهيم كان صاحب بديهة نادرة و نكتة حاضرة و گان بريد الطعمية زي عينيه. لدرجة گان حاجز ليه مجعول عن ستها جنبهم جوار جامع مرفعين الفقرا في حي العباسية . فمرة و هو راجع من العداد متأخر قالها "ي حجة طعميتي وينا؟! قالتلو والله خلست جا خماها العربي السموهو/ الأمين عبد الغفار دا. قالها: هو قشير دا يخم الريد و يخم ودو، و يخم نفحات عبير وردو، و يخم طعميتي كمان برضو؟!!
لگن عمتك ظاطا مي هينة ، ناقشة أمور الوسط الفني ؛ قالتلو: و أنتا ياخوي حتك ماگ مقصر" تحين ما شلت الجراح، و الابتسامة و كل حرمان اليتامى؟!!" قام ضحگ و قاليها: ي ولية إنتي بتاعة طعمية ؛ و لا الشاعرة /حكمت أحمد ياسين.
|
|
|
|
|
|
|
|
|