|
Re: فاطمه السمحه خالده فينا (Re: علي دفع الله)
|
فاطنة منو ... فاطنة السمحة.. فاطنة القمحة .. فاطنة النسمة .. فاطنة البسمة.. فاطنة الصافية. فاطنة العافية .. فاطنة دعاش.. فاطنة رشاش .. فاطنة جسارة فاطنة بشارة .. فاطنة صمود فاطنة عهود . فاطنة شفاء فاطنة دفاء . فاطنة خريف حاشاها الزيف . فاطنة اصيلة فاطنة عديلة . فاطنة العيش اللحمر فاطنة القطن الابيض فاطنة الصمغ الاصهب فاطنة التنضح سكر فاطنة الحاضر فاطنة الماضي فاطنة الجايي. فاطنة التوب الزينة فاطنة عفاف فاطنة كفاف فاطنة شموخ فاطنة وضوح آلمنا فراقك .نتمنى عناقك .ابكانا رحيلك وهدت حيلك . عزانا الاكبر حبك لترابك . من صحراتو لي غاباتو وكل سحناتو ملانة حزن لامن متدفق .. وتراب ارضك فرحان بي حضنك لان الحب البينكم واصل ...لا بعد الشقة ولارهق مشقة فرق بينك وبينو وبيننا .. حبابك الف مرحب بيك انجزتي مهامك وفوقها زيادة . كما الرفقاء القبلك رحلوا .انتوا الساس والعرق البنبض فينا . حلفنا بيكم مؤمنين سنكون عندك حسن ظنكم ما حيينا .. وداعا امنا ومرحبا بك في تراب وطنك .. يا خالدة في دواخلنا .. والسلام على رفيقك ابو احمد يا ام احمد ...
ماما فاطمه سيره وسريره ،،،،،شكرا على مرورك الانيق ياعلى
|
|
|
|
|
|