|
Re: ما هو سر فشل بعض السودانيين في الداخل ونجا (Re: Ali Abdalla)
|
Quote: ما هو سر فشل بعض السودانيين في الداخل ونجاحهم في الخارج |
- الطاقة السالبة في السودان بسبب الظلم والمحسوبية والعنصرية الطاقة السالبة تؤثر على نفسية الفرد وعدم الشعور بالارتياح والرضى يولد عدم الاكتراث واللامبالاة..فيقل جهد المجتهد لعدم توفر البيئة المناسبة للابداع والتفاني
- هناك مقابل في الخارج بالاضافة للمقابل المادي...فالبعض يتفانى لينال الرضى والاستحسان (سوداني طيب...سوداني امين...سودانى ماهر) فالبعض يعتقد ان العرب مثلا سيزيد احترامهم له بالتفاني والاجتهاد في العمل وابداء الخصال النبيلة والطيبة فيصبح اقرب لهم فيعترفوا له بعروبته وانه منهم اقرب...في حين ان هذه الصفات الحميدة لو توفرت داخل السودان بين ابناء الوطن الواحد لما اضطر السودانيين للهجرة والاغتراب فالخير وفير في السودان ولكن تعطلت عجلة التنمية بالبلاد لتغذية الحروبات الاهلية والتي نشبت لاسباب اقل ما توصف به انها تافهة...فنفس السوداني الوديع الكريم الشهم في خارج السودان يتحول الى انسان قاسي وجشع واناني في ما يخص اخوته في الوطن فتراه بصمته عن جرائم الحكومة في في مناطق السودان الموبؤة بالحروبات بصورة مباشرة وغير مباشرة يشارك الحكومات الظالمة على مر تاريخ السودان الحديث يشاركها جرائم ضد الانسانية والخلق القويم
انعدام الاحساس بالوطنية والوعي بالحق العام وتغليب مصلحة الوطن على المصالح والاهواء الشخصية فعادي ممكن زول يكون شغال في وظيفة حساسة ...ويكون عارف انو كفؤ ولا يعانى من النواحي المادية وبسبب موقف شخصي يقوم يحرد ويغادر البلاد بدون ادنى احساس بالمسؤلية تجاة الوطن
السواد الاعظم من الشعوب السودانية والتي يعول عليها كثيرا في الانتاج والتنمية تعاني من التهميش مما سبب احساس بعدم الانتماء....فمؤسسات الوطن الذي من المفترض ان تعمل من اجله كالجيش والامن والدفاع الوطني تسوق لهم الموت صباحا ومساء في قراهم ومدنهم وبواديهم
انا لا اعتقد اننا كشعب سوداني مميزين عن اي شعب اخر من شعوب الدنيا ...هي حالة نفسية توارثتها الاجيال والواقع داخل السودان وخارجه يظهر جليا صحة ما ذهبت اليه... وتميز افراد مثل منصور خالد ...والطيب صالح...الخ هو تمييز افراد طبيعي لمجموعة سكان تتجاوز الاربعين مليون نسمة....التمييز الحقيقي يجب ان يظهر في شكل تنمية واستقرار ورفاهية داخل السودان...عدا ذلك بكون تنظير وطق حنك ساي والعيش لو ماكفى ناس الدار ........ عشان ما يمشوا يعملوا دساتير للبلدان الاخرى والسودان يحكم لغاية الان بدستور انتقالى مشوه لا يحترم التنوع ويجوا يقولوا ليك نحن الخرمنا التعريفة
|
|
|
|
|
|
|
العنوان |
الكاتب |
Date |
ما هو سر فشل بعض السودانيين في الداخل ونجاحهم في الخارج ؟ رأيك بصراحة - فيديو | صلاح حمد | 08-10-17, 09:59 AM |
Re: ما هو سر فشل بعض السودانيين في الداخل ونجا | مني عمسيب | 08-10-17, 10:05 AM |
Re: ما هو سر فشل بعض السودانيين في الداخل ونجا | عباس محمود | 08-10-17, 10:55 AM |
Re: ما هو سر فشل بعض السودانيين في الداخل ونجا | Dr. Ahmed Amin | 08-10-17, 11:04 AM |
Re: ما هو سر فشل بعض السودانيين في الداخل ونجا | Abdullah Idrees | 08-10-17, 11:05 AM |
Re: ما هو سر فشل بعض السودانيين في الداخل ونجا | muntasir | 08-10-17, 11:09 AM |
Re: ما هو سر فشل بعض السودانيين في الداخل ونجا | حسن محمد عمر | 08-10-17, 11:42 AM |
Re: ما هو سر فشل بعض السودانيين في الداخل ونجا | Ali Abdalla | 08-10-17, 12:18 PM |
Re: ما هو سر فشل بعض السودانيين في الداخل ونجا | صلاح حمد | 08-10-17, 12:39 PM |
Re: ما هو سر فشل بعض السودانيين في الداخل ونجا | Mohamed Mekki | 08-10-17, 01:11 PM |
Re: ما هو سر فشل بعض السودانيين في الداخل ونجا | صلاح حمد | 08-13-17, 01:35 PM |
Re: ما هو سر فشل بعض السودانيين في الداخل ونجا | الأمين عبد الرحمن عيسى | 08-13-17, 07:19 PM |
Re: ما هو سر فشل بعض السودانيين في الداخل ونجا | صلاح حمد | 08-14-17, 12:50 PM |
|
|
|