توضيح حول خبر وفاة جادات

03:32 PM August, 01 2017

سودانيز اون لاين
عبدالحفيظ ابوسن-no where
مكتبتى
رابط مختصر

سلام للجميع وشكرليس حنثا لوعدي بعدم التداخل فقط بدلا من فتح بوست توضيح أخيرانا نقلت تفاصيل موته من اسرته .. وماهو متداول في منزل العزاء .. دون رؤية شخصية معني . ولا موقف . نقلت فقط .. ودي كانت غلطة لن تتكرر مستقبلا . اسرتو قالت مات بملاريا وانا للاسف الشديد جدا جدا .. قلت اسرتو قالت مات بملاريا .. يعني ما ادعيت الخبر ولا اضفت ليهو . دي رواية اسرتو .. ممكن ادان في لحظة واحدة اذا اسرتو قالت لا نحن ما قلنا كدة في البداية . اي زول جاء الفراش بسأل كعادتنا والجواب مات بملاريا في جوبا ودفن هناك . الامر بسيط جدا للتحقق ابتعثو زول يدي الفاتحة ويشارك اهل الميت العزاء وممكن يتحقق من روايتي .. لا احجر علي احد ولا ينبغي لي فلست وصيا علي احد . ولا امثل المرحوم . ارجو ان يكون الامر بعيدا مني . آذتني كثير من الاشارات كسذاجة تصديق الموت من الملاريا . او كأن لا يمكن لأحد ان يموت بغتة .. يظل صلاح عندي هو نفسه ان مات حتف انفه او مغتالا . العبرة بحياته وليس طريقة موته . ولا نحتاج لدليل علي بطش السلطة .. اعتذر لمن وعدتهم بعدم التداخل ولكن

عذرا لمن وعدتهم
لقد حاولت بكل السبل ان اصمت وان لا اتحدث
فضل البعض ان يرميني بالاشارات المؤذية
والسخرية
وحتي العناوين التعريضية
لقد أكتفيت تماما من ذلك الصمت
منبر سودانيز لن يكون اول منبر اكتب فيه ولن يكون اخر منبر
ففي النت متسعا للكتابة
موقفي من السلطة لا يحتاج لتزكية من احد
ولن اقايض مصداقيتي بأي اتهام
من اراد ان يحاورني فليأت هنا
اما الاشارات المبثوثة
وغيرها فلن ألتفت لها
فلنصل للميز
خلونا نصل ونخت الكلام علي بلاطة

انا الرويت قصة موتو
وانا الحكيت نقلا عن اسرتو
وذكرت السفير
وقلت اسرتو قالت مات بملاريا
فليأت موزعي صكوك النضال
خليهم يجو
ويطلعوني اني واقف مع السلطة ولا مع الشيطان زاتو

سلام أبو سن

رحم الله الأخ صلاح جادات وجعل الجنة مثواه ..

أخي

انت نقلت عن أسرته اللي هم عرفوه ووصلهم وصدقو بيهو .. اللي ما مصدق أو ما مقتنع دا شي بخصو هو ويمشي بطريقته الخاصة يتقصى ويتأكد بنفسه ويجي يجيب كلامو بالأدلة

بوستك حق المرحومة أديبة والمرحوم جادات كانو مصدر صادق لكتير من الناس من داخل المنبر ومن خارجه

فلا تثريب عليك أخ أبو سن وواصل في مساعيك لتمليك الحقيقة للناس وأجرك عند الله

لا تهتم يا صديقي

هكذا هي سودانيز وهكذا نحن دائماً

نغالطك في ضلك زاتو

فلا تغضب فقط .. لا تهتم

لا تبتـئـس يا عبدالحفيظ فأجرك على الله
لاتحزن فعسى الله ان يكفّر بالاسى بعض الذنوب
لاتحيد عن تمليك الحقيقة لمن حولك ولمن هم فى المنبر

لك التحية يا اب سن والرحمة والغفران لجادات

سلامات أخ عبدالحفيظ ..
شخصياً ماعندى شك فى حسن النية والمقصد رغم أنى لم أقرأ كل الجدل الحصل فى بوستاتك الإخبارية هذه .. لكنى واثق أن هذين الحدثين سيظلان مثار جدل وتشكيك مهما فعلت ..
فالناس تقرأ الخبر حسب توقعاتها وأمنياتها وما يخدم أغراضها .. وذلك أمر متوقع طالما أصبح أى شئ فى هذه الأسافير مشكوك فيه ..
ولا تبتئس.. فالكلام ينقسم إلى إنشاء وخبر والخبر هو الكلام الذى يقبل التصديق والتكذيب :) .. وطالما كلامك عبارة عن خبر فأكيد هناك مصدقين وصديقين ومكذبين وكذابين ..

أنا عن نفسى أحاول دائماً أن أتجنب أن أكتب بوست خبرى .. زول بتاع إنشاء ساى .. :):):)

زى ما قلت ي مواطن على بلاطة...ازيييك
المواطن اب سن الدوام لله والرحمة والمغفرة للمواطن صلاح
انا معاوية عبيد فتحت 3 بوستات بخصوص الكلس صلاح
يشهد الله لم يخطر ببالى تفكيرا لو ل لحظة حول مصداقيتك



التعازى عبرك ل اسرة صلاح والاهل بكوستى عموم....
وثق تماما انا اثق فى اى كلمة قاعد تكتبا هنا فى المنبر ومن الذين اكن لهم احتراما راسخ
ومن خلال علاقتى ب على دفع الله كان حوار حول مقتل اديبة وضح لى الاخ على .
.وقال لى كل معلومة او حرف عن اديبة كتبه اب سن عن اديبة هو الصاح....
بخصوص وفاة الصديق صلاح ف انا بتعامل مع مصادر اخرى

عموما ي مواطن انت مصدر ثقة راسخ واعلم موقفك من النظام موقف واضح دمت ي مواطن

والله على ما اقوله شهيد

Quote: المواطن اب سن الدوام لله والرحمة والمغفرة للمواطن صلاح انا معاوية عبيد فتحت 3 بوستات بخصوص الكلس صلاح يشهد الله لم يخطر ببالى تفكيرا لو ل لحظة حول مصداقيتك التعازى عبرك ل اسرة صلاح والاهل بكوستى عموم.... وثق تماما انا اثق فى اى كلمة قاعد تكتبا هنا فى المنبر ومن الذين اكن لهم احتراما راسخ ومن خلال علاقتى ب على دفع الله كان حوار حول مقتل اديبة وضح لى الاخ على . .وقال لى كل معلومة او حرف عن اديبة كتبه اب سن عن اديبة هو الصاح.... بخصوص وفاة الصديق صلاح ف انا بتعامل مع مصادر اخرى عموما ي مواطن انت مصدر ثقة راسخ واعلم موقفك من النظام موقف واضح دمت ي مواطن والله على ما اقوله شهيد

أبو سن أنت صادق فيما نقلته وما ستنقله مستقبلاً

ومعاويه صادق أيضا في أحاسيسه

لكم التحايا

السلام عليكم اخى الحبيب أبوسن اسمح انا اقدم لك سؤالا واحدا :-
هل هناك رجل او امرأة حضروا مراسم دفن الشهيد صلاح جرادات فى جوبا ؟
مع خالص تحياتى

صديق مهدى على

لا شيء مؤذي كما الاشارات الخبيثة المبثوثة بحقد في طرقات المنبر ودهاليزه .. اقرأها ف "اشيل همك" يا صديقي العزيز ..وصدفا لم احسها قط عند قراءتي لبوستات ودالصائم

انا بقول الكلام وما عندي دليل الا مصدافبتي

ود ابسن اولا اترحم على صلاح واعزيكم انتم اهله اولا واعزي نفسي في الفقد الجلل.
الصدمة كانت اكبر من استيعابنا .بعد سماع الخبر وانا من اول عشرة انفار قراوا خبر الزميل حمد ابراهيم وكان قد وضع رقم اخيه. مباشرة وفي عز الصدمة اتصلت بشقيقه الذي ابلغني بوفاته بالملاريا. ولما استغربت رد عليه بالحرف الواحد: " دمو كان ضعيف جدا عشان كدى اتمكنت منو"
وهذا طبعا لاينفى شكوك البعض في سبب الوفاة الذي قد يكون اهله ايضا ضحية لمعلومات غير صحيحة.
رحمه الله رحمة واسعة

انظر لها كده يا ود ابسن تراكم كذب الحكومة والخم البسوو فيه للناس خلاهم ما يثقوا في اي شئ

لعبو بالدين ،ختو المصحف ف البسو والما بسو وبقت الفلاحة في الكذب بعين قوية والناس علي دين ملوكهم

الناس بقت كومين كوم تقمص صفات الحكومة تأذيك وما يرمش لها جفن وكوم جرب كذب الحكومة وصار يشك في اي شئ
والناس بفت ما بتفرز
نتاج 28 سنة من الفشل واصدق ما قال عبدالرحيم محمد حسن الفشل يولد الفشل
اصبر وواصل ما عندنا حل تاني

سلام يا ابسن

ياخي يوم شكرك ما يجي

قبل قليل صححت معلومات مغلوطة لإحدي السيدات لثقتي في كل كلمة

كتبتها فشكرا لك و للأخ المكلوم علي دفع الله و رحم الله اديبة و

اسكنها الدرجات العلى من الجنة .

الحمد لله أنك نقلت الخبر من أسرة المرحوم جادات مباشرة، لأنه

حسب القانون الجديد إياه أي معلومات مختلفة قد تعرضك للمساءلة لا سمح الله .

أخشى ما أخشاه أن يمتنع أعضاء المنبر عن نقل أي معلومة مهمة تتعلق

بشخص او بقضية خوفا من الملامة و بذلك تضيع فرص وضوح

أمور كثيرة و ربما يؤثر ذلك سلبا في حياة أحدهم .

كتر خيركم جميعا
شكرا باذخا
فردا فردا
والله شعرت ان الدماء تصعد قمة رأسي ويضيق صدري .. اخوة اعزاء ظلوا يقنعوني بعدم تناول الامر . ولكن ظلت بعض الاشارات والهمز واللمز يكدر نفسي . ويجعلني غير قادر علي الكتابة فهنا
فقررت انا اتنفس هواءا حارا وبعدها اري . اما ان اظل هنا او اغادر
فلا يمكن المواصلة في منبر تحيط بك الهواجس والارتياب
لا املك غير مصداقيتي التي احسست بها تهتز
لكم الشكر
سأرد علي بعض المداخلات للاسباب تخصني
ودت الرد علي كل ما تفضلتم به ولكم اعذروني
لعل اعود لها لاحقا
اشكركم

كتب صديق

السلام عليكم اخى الحبيب أبوسن اسمح انا اقدم لك سؤالا واحدا :-
هل هناك رجل او امرأة حضروا مراسم دفن الشهيد صلاح جرادات فى جوبا ؟
مع خالص تحياتى

صديق مهدى على

مرحب صديق
الرد كان في البوست
وما مغزي السؤال والهدف منو
حتي بإفتراض انني لم اذكره هناك ما الذي جعلك تسألني انا بالتحديد .

تشكر معاوية
ولك مودة مني واحترام
علي بلاطة كدة
المني عنوان البوست قالوا ملاريا
واصلا انا متوجس ومتكدر
اشكر ردك
اشكرك جدا انك ازلت هما من قلبي
وشكرا لود المشرف الذي عضدك
انت من الذين يعرفونني جدا
ويمكنك سؤال مبارك بطري عني

هلا صديقي أبوسن
يا زول ما تبقى حساس شديد كدة
والله انت فوق كل شبهة
واصدق من نقرا لهم
فلا تثريب عليك ولا تحمل نفسك فوق طاقتها
صدفتين فقط لا غير كونك صديق لعلي دفع الله
وكونك والمرحوم جادات من كوستي
ونقلت مباشرة من الأسرتين
وبالعكس والله قريت البوستين اكتر من مرة لم اشعر أبدا نحوك باي شك او ارتياب
وفاة جادات هزتنا عميقا
وفكان وكأنه يحمل نعشه على قلمه
فشلنا مازال الحزن
فطفقنا نخبط عشواءا
فاعذرنا يا صديقي الجميل ...

هلا أبوسن تاني
تصدق معاوية عندما كتب قالوا ملاريا
انا فهمت طوالي الضمير في قالوا
يرجع للحكومة
وليس لك
ولَم اشعر أبدا ان معاوية يغمز في قناتك
تسلم يا كبير

التحية والتقدير لك اخي عبدالحفيظ
وربنا يكتر من امثالك
في هذا البورد

احترامي

سلامات ابو سن
الإشارات ما مقصود بيها انت زي ما قال معاوية
كل الحاصل إنك بقيت واقف في خشم الباب بالصدفة
حسب قراياتي الناس ما متشككة فيك ولا حتى في اسرته النقلت منها بل في الرواية الجات لي اسرته
راجع القراية تاني بعيد عن احساس الضيق المتلبسك هسة حتلقى إنه مافي زول شكك في مصداقيتك أو وطنيتك
أهدأ يا حبيب .. الموضوع عام ما شخصي والآراء حول الموضوع ما حول الأشخاص الجابو الخبر

الاخ الحبيب عبدالحفيظ أب سن سالتك انت بالتحديد لأنك حددت سبب الوفاة
عن طريق الأسرة ولم تحدد منو فى الأسرة وايش صلة القرابة لأننى اعتقد
مية فى المية أحد الأقارب سافر لجوبا بعد سماعه الخبر مع إننى لم أعرف كيف عرفت ان ابنها صلاح جادات توفى فى جوبا ؟
خالص التحايا
صديق مهدى على
ملحوظة
لان الشهيد صلاح جادات شخصية معارضة لنظام الخرطوم وكفى

حسب قراياتي الناس ما متشككة فيك ولا حتى في اسرته النقلت منها بل في الرواية الجات لي اسرته
حسب قراياتي الناس ما متشككة فيك ولا حتى في اسرته النقلت منها بل في الرواية الجات لي اسرته
حسب قراياتي الناس ما متشككة فيك ولا حتى في اسرته النقلت منها بل في الرواية الجات لي اسرته


ي سلام ي مواطن ..شكرا عميييييييييييق
تانى ي ود اب سن احترامى لك عبر حكاوى
الكثير من الرفاق والرفيقات ..دمت..
يستمر النضال والرحمة للمواطن صلاح

بعدين يا ود ابسن انت ما قاعد تعرف تقبقب وللا شنو


كلامك كان واااضح في البوست المعني

اي زول حاول يلولو الكلام قبقبو لمن يقول الروب

سلام يا ابسن ما يغشاك شر
سلام لكل الاصدقاء المتداخلين
وعلي روح جادات السلام

ابو سن لا نشك في مصداقيتك لخبر وفاة زميل المنبر المغفور له صلاح جادات ..
تأكيد خبر الوفاة في حد ذاته هام بصرف النظر عن الكيفية او الاسباب ..
في النهاية المعدودات كملن وحسبنا الله ونعم الوكيل ..
للمرحوم الرحمة والمغفرة ولذويه الصبر والسلوان ..

عبد الحفيظ هو صوت مدينة كوستى فى هذا البورد.

يا عبد الحفيظ ياخى شكرا لنقل خبر وفاة زميل بوردابي، عليه رحمة الله، ومباشرة من اهله وكما وردهم الخبر..
يقينى إن لم تنقل هذا الخبر لطلب منك الكثيرون ان تخبرهم بالحقيقة كما سمعتها...
أما ماذا حدث فى جوبا فذلك موضوع آخر


نسال الله الرحمة والمغفرة لصلاح جادات

الأخ عبدالحفيظ

الغالبية العظمى من الأعضاء في بوست أسباب الوفاة وضحوا ثقتهم فيك وفي سلامة نيتك
لا أرى أي جدوى من فتح بوست جديد

الغالى ابو سن.. سلامات ورحم الله فقيدنا صلاح
لم أقرأ او حتى افتح بوستك عن الاسرة.. ولكنى مررت على كلمات فى بوستات اخرى مثل الاسرة قالت...الخ.. وكنت بصدد ان اكتب انه فى بعض الاحيان وفى مثل هذه الحالات فإن الاسر تخضع لضغوط هائلة وربما إبتزاز وتهديد.. ولكن اثرت ان لا أتطرق لهذا لقلة المعلومات.. الخلاصة خلى بالك سلبة فإن المنبر فيه العجب العجاب
تحياتى

أعجب ما أعجب لأولئك الذين يشككون في صدقية ونزاهة وسلامة نوايا أخينا عبد الحفيظ.
أمَا إني ـ والله ـ لأثقُ فيه وأصدِّقه في كل ما يقول.. ولا أبالي.

اللهم ارحم عبدك جادات وارفعه في أعلى عليين.

لا تبتئس أخونا ود أب سن ..
فمكانتك محفوظة ومثلك لايُشكك في أقواله ..
واصل في طريقك وخطك الذي انتهجته ..
صدقا ليس هناك مايدعوك للتوقف ..

اللهم اغفر لعبدك صلاح جادات , و ارحمه ، و عافه ، و اعف عنه ، و أكرم نزله ، و وسع مدخله ، و اغسله بالماء و الثلج و البرد ،
و نقه من الذنوب و الخطايا كما ينقى الثوب الأبيض من الدنس ،و أبدله داراً خيراً من داره ، و أدخله الجنة ، و أعذه من عذاب القبر
و من عذاب النار ، اللهم اغفر له ، اللهم افسح له في قبره ونور له فيه .

الصديق ود أب سن
ما أظن الزول عنده كلام تاني اقولوا
كل أفكاري موجودة في مشاركة الصديق
أبو ريش
تحياتي لك وله ولكل الجمع الكريم
والدكتورة إخلاص ضكّت عبارة ممتازة جدا
"ما عندنا خيار تاني" لها التحية أيضاً
_____
الحليلة

يا ابسن انا ما حصل قابلتك قبل كده و لا عرفتك معرفة شخصية
ورغم كده لو أعلنت انك المهدي المنتظر او انك السيد المسيح بعث من جديد لصدقتك.

مكرر لخطأ في الارسال

سلام مرة اخري
تعرف يا عبدالحفيظ الاتلدغ من الدبيب يخاف من مجر الحبل
دي بقولو عليها الضارة النافعة
من الكلام الفوق كلام دكتورة نعمات امسك فيه هو وكلام القبقبة
القبقبة قبل وبعد
قبقب ال بجيب الخبر بالاسئلة الكتبرة ( غالبآ هو طيبان )وقبقب ال بشكك

وبعدين يا صديق واصل. من غير فواصل

كتر خيركم
عاجز عن شكركم
بددتم غضبي وضيقي وكسيتموني شرفا

يا ود اب سن

Quote: يا ابسن انا ما حصل قابلتك قبل كده و لا عرفتك معرفة شخصية ورغم كده لو أعلنت انك المهدي المنتظر او انك السيد المسيح بعث من جديد لصدقتك.

انتا قايل المصداقية دى هينة
و ساكت يطلقوها فى الدرب
اها انا واحد من الناس ما بصدقك الا تبكى بى عين واحدة
و معاها الثيمات الاخرى

يا جلال
سيف من رسل الاستنارة والوعي العلمي شهادته حمل ثقيل في عقلي
وانت دة
بي عينين ما ببكي ليك

اها خليناهو البكا
كان بى عين و لّ بى عينين
اها نمشى على الثيمات
مالك مجليها
دايرين مريخ كوستى غالب اهلى مدنى 0/10 و مع كل قون دينا تزغرد
و بتاع الترمس مقّهى ... يعبّى الترمس برّه الكيس
كان عملتها .. اخبو اليك حبواً
ثم اقول ... يا مهدى الله
براك ح تلقى نفسك تبكى بى عين واحدة
و دينا تانى تزغرد

يا جلال الخواجات القاعد معاهم ديل عندهم If بتستعمل تلاتة استعمالات منها اخر واحد
لومك علي تجيني تحبي فيرد فرار اخليك تحقص داير تجيب لي تهمة جديدة كمان

يا أبو سن
حياك الله وبيض الله وجهك
ياحبوب زي ما قالو ليك الاخوان فوق نقلك لاحداث الفقيدة أديبة ربنا يتقبلها
قبولا حسنا بقربك من الاخ علي دفع الله وأيضا سبب وفاة الفقيد صلاح جادات ربنا
يرحمو ويتقبلو قبولا حسنا بحكم سكنك في كوستي بالقرب من أسرة المرحوم وفي
الحالتين إستفدنا فائدة قصوي وكنت بتدحض لينا كل الاشاعات التي تأتي عبر الوسائط .
فأنت لم تسعي لسبق صحفي ورجل ذو مصداقية صحيح لم نتقابل ولكنني أعرفك من خلال
حروفك وممكن بقلب قوي أضع يدي في المصحف وأحلف علي مصداقيتك وأي زول
عندو شكك في مصداقيتك فاليراجع نفسة فااشنو ما تتحسس ساي واصل في مسيرتك
وربنا يجزيك الف خير .

المنبر دا مليون صنف من البشر في البتمشيهو حسب عقلو وفي العاوز القبقبة وفي
الزول العاوز كربون لمن عرقو وشو تنط والله صحي .

تسلم عادل
وتشكر
قبل كدة كان في بوست حول سودانيز والاسماء . انا قلت فيهو قناعتي حول سودانيز
اصلا ما بعتبرها موقع افتراضي ولا الناس الفيها اشباح . بل موقع حقيقي .
ممكن انشر خبر عن كوستي مثلا كاذب ويصدقوهو كل الناس الا ناس كوستي الموجودين . وشوف بعد داك نظرتهم ليك ولا نظرتك لي نفسك قصادهم كيف
ف شنو
الكذب حبلو قصير
والمصداقية ما عندها تجربتين .. متين ما فقدتها فلن تستطيع ارجاعها .. وبرضو المصدر
الزول يكون واضح سمعت من فلان او نقلت من علان
مش تتولي الامر ولامن ينكشف تقول ناقلو .

صديقي الذي لم أقابله. أنا شخصية أي خبر منك صادق و لا تكترث فأنت بالنسبة لي و لكثيرين مثلي مصدر ثقة و من الذين أتمنى من كل قلبي أراك و أقابلك.

حبيبنا أبو سن
يا جبل ما تهزك ريح
لا شوفتك و لا لاقيتك للأسف الشديد
لكن كتاباتك تخبرنا عنك
عهدتك صادق في كل ما تكتب
و دوماً موضع ثقة عندي
و ما قريت ابدا مهاترات في بوستاتك
دع من يهمز و من يلمز
و زي ما قلت لك :
يا جبل ما تهزك ريح

أخي عبد الحفيظ صبحك الله بخيره وستره وعافيته..

أخي الكريم لا ادري لماذا تحاول التبرير لموقفك ونقلك لخبر وفاة المرحوم جادات ؟ ..

الغالبية هنا تثق فيك وهؤلاء لا يحتاجون منك لتبرير .. أما من لا يريد الاقتناع فلو ملأت هذا المنبر تبريرا فلن يغير ذلك ما رسخ في اذهانهم ..

لذا اعتقد انه لا داعي لهذا التبرير .. لان التبرير الكثير يضعك في خانة المدافع عن نفسه ..

انت نقلت بمصداقية من اهله مباشرة ..

من يريد التأكد فليذهب لأهله ويقوم بواجب العزاء ثم يكتب بعد ذلك ما شاء ..

لك تقديري

أبو سن سلام يغشاك
البوست دا إستفتاء حقيقي لمصداقيتك - التي تزعم أنها صارت على المحك -
فاااااا شنو خت الكورة واطة .. والحبة ما بتجيك

المهم: إجازة للسودان قصيرة ومشحتفة وباذخة بالمناسبات الاجتماعية
وأنا أوضب أغراضي للسفر للسودان كنت عندي من ضمن الخطط
أن ألتقيك وأجالسك في سوق الله وأكبر حق كوستي وأشرب معاك جبنة
لكن تقول شنو .. ربما في مرات قادمات

لك من المودة كيمان كيمان

تعرف يا عبد الحفيظ أنا بقرأ أي كلمة تكتبا في البورد دا لكن بلقى صعوبة شديدة في التداخل معاك
بحس بإني مفروض قبل ما إتداخل معاك مفروض امشي اعمل نوع من الطقوس تشبه الوضوء و موجبات الطهارة.

كتر خيركم لحسن ظنكم
واعتذر جدا
والله يا حافظ ما فهمتك كلو كلو واعذر سؤ فهمي وبطئه

سلام
في اي حدث كل الاحتمالات مفتوحة

ههههههههههههههه ..
يا حفيظ حافظ قاصد انك كائن طاهر جدا ونضيف..

...
هذه مداخلة أوسكار يا حافظ .. بتتقري قرايتين مختلفتين جدا

تسلم يا مشرف
فهمتها كدة والله واستكثرتها في روحي
لو قلت ليك لا اقرأ هذا البوست وإلا تدمع عيناي بتصدق
جد والله
ان تحس انك آمن
آمن وضهرك محمي
واشكرك جدا مشرف في اول مداخلة لك
اشكركم كلكم
فأنتم تعرفون
الكتابة من الداخل مليئة بالاشارات والرموز وكذلك الصمت
انك تكتب من الداخل محاولا ان تصمد
وان لا يساء فهمك

شكراً مشرف للفت نظري لإحتمال وجود قراءة ثانية
الفرق في القرايتين
هو وجوب طقوس الطهارة قبل او بعد القراءة.

كتابات حفيظ تستوجب قدر من الطهارة قبل قراءتها

تشكر حافظ
كتير والله دة
كتير جدا
ألجمتني

نعم عمر
صدقت كل الاحتمالات مفتوحة .
تعرف زمان في ميعة كنا مدمنين لكتب اجاثا كريستي و شرلوك هولمز . فايدة القصص دى تعلمك تفكر خارج الفريم كما يقول اخونا عبداللطيف .
لكن عموما علمتنا الحياة ان اسهل وابسط الاحتمالات اصحها
فقط ان الامر كان حول خبر تلقي الاسرة للوفاة واسبابها

يا عبد الحفيظ
أقرأ في هذا البوست ما (قد) لا يقرأه الآخرون.
وأرى فيه ما (قد) لا يراه الآخرون.
كثيرون لا يعرفونك معرفة شخصية ولا قابلوك وربما لم يتداخلوا معك في بوست.
ولكنهم وثقوا فيك وأحبّوك.
وبالمناسبة .... حافظ بشير وسيف النصر أصدرا شهادتين قويتين جداً.
قويتان لدرجة "القشعريرة".
أنا ـ شخصياً ـ فكّرت في زيارة كوستي، فقط لأسلم عليك... وأعود أدراجي.
.....................
لا تعجب أخي...
بل قل: الحمد لله الذي جعل أفئدةً من الناس تهوي إليّ.

Quote: كتابات حفيظ تستوجب قدر من الطهارة قبل قراءتها

سنة يا التلج

سلام...في هذا البوست كسبت شهادات تحسب لك كشخص فانت اهل لهاّّلكنك اتورطت كخبير ..فيا حفيظ القصة المنسوبة للخليفة عمر بن الخطاب عندما قال. ما رايكم لو قال امير المؤمنين انه رأى كذا وكدا... فقال له علي بن ابي طالب ياتي باربع شهود والا اقمنا عليه الحد...ما تتحسس في نقلك لسبب وفاة المرحوم فكل الاحتمالات مفتوحة ما لم تاتي بادلة..وهذا ليس مطلوب منك...اما السبب الرئيسي للوفاة لا يمكن الجزم بة والايام والاحداث كفيلة لا يمكن تاكيد الحدث...

إنا لله وانا اليه راجعون - ربنا يرحمه ويجعل مثواه الجنة

عبد الحفيظ ابو سن رجل صادق جدا في نقله للاخبار انا شخصيا بصدقه اكتر من الصحف وعندي مصدر ثقه ...يازول واصل سعيك واصل ...

ابو سن ... حبابك
غايتو انا لو نلت نصف شهادات الصدق وحسن السير والسلوكالتي ملتهم من رواد البورد لطرح نفسي رئيسا للسودان ... ف ابشر بطول سلامة مربع

ابو سن ... حبابك
غايتو انا لو نلت نصف شهادات الصدق وحسن السير والسلوكالتي ملتهم من رواد البورد لطرح نفسي رئيسا للسودان ... ف ابشر بطول سلامة مربع