|
|
|
 Re: توضيح حول خبر وفاة جادات (Re: عبدالحفيظ ابوسن)
|
عذرا لمن وعدتهم
لقد حاولت بكل السبل ان اصمت وان لا اتحدث
فضل البعض ان يرميني بالاشارات المؤذية
والسخرية
وحتي العناوين التعريضية
لقد أكتفيت تماما من ذلك الصمت
منبر سودانيز لن يكون اول منبر اكتب فيه ولن يكون اخر منبر
ففي النت متسعا للكتابة
موقفي من السلطة لا يحتاج لتزكية من احد
ولن اقايض مصداقيتي بأي اتهام
من اراد ان يحاورني فليأت هنا
اما الاشارات المبثوثة
وغيرها فلن ألتفت لها
فلنصل للميز
خلونا نصل ونخت الكلام علي بلاطة
| |
 
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
سلام أبو سن
رحم الله الأخ صلاح جادات وجعل الجنة مثواه ..
أخي
انت نقلت عن أسرته اللي هم عرفوه ووصلهم وصدقو بيهو .. اللي ما مصدق أو ما مقتنع دا شي بخصو هو ويمشي بطريقته الخاصة يتقصى ويتأكد بنفسه ويجي يجيب كلامو بالأدلة
بوستك حق المرحومة أديبة والمرحوم جادات كانو مصدر صادق لكتير من الناس من داخل المنبر ومن خارجه
فلا تثريب عليك أخ أبو سن وواصل في مساعيك لتمليك الحقيقة للناس وأجرك عند الله
| |
|
|
|
|
|
|
|
|
|
Re: توضيح حول خبر وفاة جادات (Re: يوسف الطيب احمد إدريس)
|
سلامات أخ عبدالحفيظ ..
شخصياً ماعندى شك فى حسن النية والمقصد رغم أنى لم أقرأ كل الجدل الحصل فى بوستاتك الإخبارية هذه .. لكنى واثق أن هذين الحدثين سيظلان مثار جدل وتشكيك مهما فعلت ..
فالناس تقرأ الخبر حسب توقعاتها وأمنياتها وما يخدم أغراضها .. وذلك أمر متوقع طالما أصبح أى شئ فى هذه الأسافير مشكوك فيه ..
ولا تبتئس.. فالكلام ينقسم إلى إنشاء وخبر والخبر هو الكلام الذى يقبل التصديق والتكذيب :) .. وطالما كلامك عبارة عن خبر فأكيد هناك مصدقين وصديقين ومكذبين وكذابين ..
أنا عن نفسى أحاول دائماً أن أتجنب أن أكتب بوست خبرى .. زول بتاع إنشاء ساى .. :):):)
| |
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
زى ما قلت ي مواطن على بلاطة...ازيييك
المواطن اب سن الدوام لله والرحمة والمغفرة للمواطن صلاح
انا معاوية عبيد فتحت 3 بوستات بخصوص الكلس صلاح
يشهد الله لم يخطر ببالى تفكيرا لو ل لحظة حول مصداقيتك
التعازى عبرك ل اسرة صلاح والاهل بكوستى عموم....
وثق تماما انا اثق فى اى كلمة قاعد تكتبا هنا فى المنبر ومن الذين اكن لهم احتراما راسخ
ومن خلال علاقتى ب على دفع الله كان حوار حول مقتل اديبة وضح لى الاخ على .
.وقال لى كل معلومة او حرف عن اديبة كتبه اب سن عن اديبة هو الصاح....
بخصوص وفاة الصديق صلاح ف انا بتعامل مع مصادر اخرى
عموما ي مواطن انت مصدر ثقة راسخ واعلم موقفك من النظام موقف واضح دمت ي مواطن
والله على ما اقوله شهيد
| |
|
|
|
|
|
|
|
|
|
Re: توضيح حول خبر وفاة جادات (Re: معاوية عبيد الصائم)
|
Quote: المواطن اب سن الدوام لله والرحمة والمغفرة للمواطن صلاح
انا معاوية عبيد فتحت 3 بوستات بخصوص الكلس صلاح
يشهد الله لم يخطر ببالى تفكيرا لو ل لحظة حول مصداقيتك
التعازى عبرك ل اسرة صلاح والاهل بكوستى عموم....
وثق تماما انا اثق فى اى كلمة قاعد تكتبا هنا فى المنبر ومن الذين اكن لهم احتراما راسخ
ومن خلال علاقتى ب على دفع الله كان حوار حول مقتل اديبة وضح لى الاخ على .
.وقال لى كل معلومة او حرف عن اديبة كتبه اب سن عن اديبة هو الصاح....
بخصوص وفاة الصديق صلاح ف انا بتعامل مع مصادر اخرى
عموما ي مواطن انت مصدر ثقة راسخ واعلم موقفك من النظام موقف واضح دمت ي مواطن
والله على ما اقوله شهيد |
أبو سن أنت صادق فيما نقلته وما ستنقله مستقبلاً
ومعاويه صادق أيضا في أحاسيسه
لكم التحايا
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
لا شيء مؤذي كما الاشارات الخبيثة المبثوثة بحقد في طرقات المنبر ودهاليزه .. اقرأها ف "اشيل همك" يا صديقي العزيز ..وصدفا لم احسها قط عند قراءتي لبوستات ودالصائم
انا بقول الكلام وما عندي دليل الا مصدافبتي
| |
|
|
|
|
|
|
|
|
|
Re: توضيح حول خبر وفاة جادات (Re: محمد حيدر المشرف)
|
ود ابسن اولا اترحم على صلاح واعزيكم انتم اهله اولا واعزي نفسي في الفقد الجلل.
الصدمة كانت اكبر من استيعابنا .بعد سماع الخبر وانا من اول عشرة انفار قراوا خبر الزميل حمد ابراهيم وكان قد وضع رقم اخيه. مباشرة وفي عز الصدمة اتصلت بشقيقه الذي ابلغني بوفاته بالملاريا. ولما استغربت رد عليه بالحرف الواحد: " دمو كان ضعيف جدا عشان كدى اتمكنت منو"
وهذا طبعا لاينفى شكوك البعض في سبب الوفاة الذي قد يكون اهله ايضا ضحية لمعلومات غير صحيحة.
رحمه الله رحمة واسعة
| |
|
|
|
|
|
|
|
|
|
Re: توضيح حول خبر وفاة جادات (Re: محمد حيدر المشرف)
|
انظر لها كده يا ود ابسن تراكم كذب الحكومة والخم البسوو فيه للناس خلاهم ما يثقوا في اي شئ
لعبو بالدين ،ختو المصحف ف البسو والما بسو وبقت الفلاحة في الكذب بعين قوية والناس علي دين ملوكهم
الناس بقت كومين كوم تقمص صفات الحكومة تأذيك وما يرمش لها جفن وكوم جرب كذب الحكومة وصار يشك في اي شئ
والناس بفت ما بتفرز
نتاج 28 سنة من الفشل واصدق ما قال عبدالرحيم محمد حسن الفشل يولد الفشل
اصبر وواصل ما عندنا حل تاني
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
سلام يا ابسن
ياخي يوم شكرك ما يجي
قبل قليل صححت معلومات مغلوطة لإحدي السيدات لثقتي في كل كلمة
كتبتها فشكرا لك و للأخ المكلوم علي دفع الله و رحم الله اديبة و
اسكنها الدرجات العلى من الجنة .
الحمد لله أنك نقلت الخبر من أسرة المرحوم جادات مباشرة، لأنه
حسب القانون الجديد إياه أي معلومات مختلفة قد تعرضك للمساءلة لا سمح الله .
أخشى ما أخشاه أن يمتنع أعضاء المنبر عن نقل أي معلومة مهمة تتعلق
بشخص او بقضية خوفا من الملامة و بذلك تضيع فرص وضوح
أمور كثيرة و ربما يؤثر ذلك سلبا في حياة أحدهم .
| |
|
|
|
|
|
|
|
|
|
Re: توضيح حول خبر وفاة جادات (Re: نعمات عماد)
|
كتر خيركم جميعا
شكرا باذخا
فردا فردا
والله شعرت ان الدماء تصعد قمة رأسي ويضيق صدري .. اخوة اعزاء ظلوا يقنعوني بعدم تناول الامر . ولكن ظلت بعض الاشارات والهمز واللمز يكدر نفسي . ويجعلني غير قادر علي الكتابة فهنا
فقررت انا اتنفس هواءا حارا وبعدها اري . اما ان اظل هنا او اغادر
فلا يمكن المواصلة في منبر تحيط بك الهواجس والارتياب
لا املك غير مصداقيتي التي احسست بها تهتز
لكم الشكر
سأرد علي بعض المداخلات للاسباب تخصني
ودت الرد علي كل ما تفضلتم به ولكم اعذروني
لعل اعود لها لاحقا
اشكركم
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
كتب صديق
السلام عليكم اخى الحبيب أبوسن اسمح انا اقدم لك سؤالا واحدا :-
هل هناك رجل او امرأة حضروا مراسم دفن الشهيد صلاح جرادات فى جوبا ؟
مع خالص تحياتى
صديق مهدى على
مرحب صديق
الرد كان في البوست
وما مغزي السؤال والهدف منو
حتي بإفتراض انني لم اذكره هناك ما الذي جعلك تسألني انا بالتحديد .
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
تشكر معاوية
ولك مودة مني واحترام
علي بلاطة كدة
المني عنوان البوست قالوا ملاريا
واصلا انا متوجس ومتكدر
اشكر ردك
اشكرك جدا انك ازلت هما من قلبي
وشكرا لود المشرف الذي عضدك
انت من الذين يعرفونني جدا
ويمكنك سؤال مبارك بطري عني
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
هلا صديقي أبوسن
يا زول ما تبقى حساس شديد كدة
والله انت فوق كل شبهة
واصدق من نقرا لهم
فلا تثريب عليك ولا تحمل نفسك فوق طاقتها
صدفتين فقط لا غير كونك صديق لعلي دفع الله
وكونك والمرحوم جادات من كوستي
ونقلت مباشرة من الأسرتين
وبالعكس والله قريت البوستين اكتر من مرة لم اشعر أبدا نحوك باي شك او ارتياب
وفاة جادات هزتنا عميقا
وفكان وكأنه يحمل نعشه على قلمه
فشلنا مازال الحزن
فطفقنا نخبط عشواءا
فاعذرنا يا صديقي الجميل ...
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
سلامات ابو سن
الإشارات ما مقصود بيها انت زي ما قال معاوية
كل الحاصل إنك بقيت واقف في خشم الباب بالصدفة
حسب قراياتي الناس ما متشككة فيك ولا حتى في اسرته النقلت منها بل في الرواية الجات لي اسرته
راجع القراية تاني بعيد عن احساس الضيق المتلبسك هسة حتلقى إنه مافي زول شكك في مصداقيتك أو وطنيتك
أهدأ يا حبيب .. الموضوع عام ما شخصي والآراء حول الموضوع ما حول الأشخاص الجابو الخبر
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
الاخ الحبيب عبدالحفيظ أب سن سالتك انت بالتحديد لأنك حددت سبب الوفاة
عن طريق الأسرة ولم تحدد منو فى الأسرة وايش صلة القرابة لأننى اعتقد
مية فى المية أحد الأقارب سافر لجوبا بعد سماعه الخبر مع إننى لم أعرف كيف عرفت ان ابنها صلاح جادات توفى فى جوبا ؟
خالص التحايا
صديق مهدى على
ملحوظة
لان الشهيد صلاح جادات شخصية معارضة لنظام الخرطوم وكفى
| |
|
|
|
|
|
|
|
|
 Re: توضيح حول خبر وفاة جادات (Re: صديق مهدى على)
|
حسب قراياتي الناس ما متشككة فيك ولا حتى في اسرته النقلت منها بل في الرواية الجات لي اسرته
حسب قراياتي الناس ما متشككة فيك ولا حتى في اسرته النقلت منها بل في الرواية الجات لي اسرته
حسب قراياتي الناس ما متشككة فيك ولا حتى في اسرته النقلت منها بل في الرواية الجات لي اسرته
ي سلام ي مواطن ..شكرا عميييييييييييق
تانى ي ود اب سن احترامى لك عبر حكاوى
الكثير من الرفاق والرفيقات ..دمت..
يستمر النضال والرحمة للمواطن صلاح
| |
|
|
|
|
|
|
|
|
|
Re: توضيح حول خبر وفاة جادات (Re: علي دفع الله)
|
ابو سن لا نشك في مصداقيتك لخبر وفاة زميل المنبر المغفور له صلاح جادات ..
تأكيد خبر الوفاة في حد ذاته هام بصرف النظر عن الكيفية او الاسباب ..
في النهاية المعدودات كملن وحسبنا الله ونعم الوكيل ..
للمرحوم الرحمة والمغفرة ولذويه الصبر والسلوان ..
| |
|
|
|
|
|
|
|
|
|
Re: توضيح حول خبر وفاة جادات (Re: Arif Nashed)
|
عبد الحفيظ هو صوت مدينة كوستى فى هذا البورد.
يا عبد الحفيظ ياخى شكرا لنقل خبر وفاة زميل بوردابي، عليه رحمة الله، ومباشرة من اهله وكما وردهم الخبر..
يقينى إن لم تنقل هذا الخبر لطلب منك الكثيرون ان تخبرهم بالحقيقة كما سمعتها...
أما ماذا حدث فى جوبا فذلك موضوع آخر
نسال الله الرحمة والمغفرة لصلاح جادات
| |
|
|
|
|
|
|
|
|
|
Re: توضيح حول خبر وفاة جادات (Re: عبدالغني محمد الحاج)
|
الغالى ابو سن.. سلامات ورحم الله فقيدنا صلاح
لم أقرأ او حتى افتح بوستك عن الاسرة.. ولكنى مررت على كلمات فى بوستات اخرى مثل الاسرة قالت...الخ.. وكنت بصدد ان اكتب انه فى بعض الاحيان وفى مثل هذه الحالات فإن الاسر تخضع لضغوط هائلة وربما إبتزاز وتهديد.. ولكن اثرت ان لا أتطرق لهذا لقلة المعلومات.. الخلاصة خلى بالك سلبة فإن المنبر فيه العجب العجاب
تحياتى
| |
|
|
|
|
|
|
|
|
|
Re: توضيح حول خبر وفاة جادات (Re: Abureesh)
|
أعجب ما أعجب لأولئك الذين يشككون في صدقية ونزاهة وسلامة نوايا أخينا عبد الحفيظ.
أمَا إني ـ والله ـ لأثقُ فيه وأصدِّقه في كل ما يقول.. ولا أبالي.
اللهم ارحم عبدك جادات وارفعه في أعلى عليين.
| |
|
|
|
|
|
|
|
|
|
Re: توضيح حول خبر وفاة جادات (Re: جمال ود القوز)
|
اللهم اغفر لعبدك صلاح جادات , و ارحمه ، و عافه ، و اعف عنه ، و أكرم نزله ، و وسع مدخله ، و اغسله بالماء و الثلج و البرد ،
و نقه من الذنوب و الخطايا كما ينقى الثوب الأبيض من الدنس ،و أبدله داراً خيراً من داره ، و أدخله الجنة ، و أعذه من عذاب القبر
و من عذاب النار ، اللهم اغفر له ، اللهم افسح له في قبره ونور له فيه .
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
الصديق ود أب سن
ما أظن الزول عنده كلام تاني اقولوا
كل أفكاري موجودة في مشاركة الصديق
أبو ريش
تحياتي لك وله ولكل الجمع الكريم
والدكتورة إخلاص ضكّت عبارة ممتازة جدا
"ما عندنا خيار تاني" لها التحية أيضاً
_____
الحليلة
| |
|
|
|
|
|
|
|
|
|
Re: توضيح حول خبر وفاة جادات (Re: سيف النصر محي الدين)
|
سلام مرة اخري
تعرف يا عبدالحفيظ الاتلدغ من الدبيب يخاف من مجر الحبل
دي بقولو عليها الضارة النافعة
من الكلام الفوق كلام دكتورة نعمات امسك فيه هو وكلام القبقبة
القبقبة قبل وبعد
قبقب ال بجيب الخبر بالاسئلة الكتبرة ( غالبآ هو طيبان )وقبقب ال بشكك
وبعدين يا صديق واصل. من غير فواصل
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
يا ود اب سن
Quote: يا ابسن انا ما حصل قابلتك قبل كده و لا عرفتك معرفة شخصية
ورغم كده لو أعلنت انك المهدي المنتظر او انك السيد المسيح بعث من جديد لصدقتك. |
انتا قايل المصداقية دى هينة
و ساكت يطلقوها فى الدرب
اها انا واحد من الناس ما بصدقك الا تبكى بى عين واحدة
و معاها الثيمات الاخرى
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
اها خليناهو البكا
كان بى عين و لّ بى عينين
اها نمشى على الثيمات
مالك مجليها
دايرين مريخ كوستى غالب اهلى مدنى 0/10 و مع كل قون دينا تزغرد
و بتاع الترمس مقّهى ... يعبّى الترمس برّه الكيس
كان عملتها .. اخبو اليك حبواً
ثم اقول ... يا مهدى الله
براك ح تلقى نفسك تبكى بى عين واحدة
و دينا تانى تزغرد
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
يا أبو سن
حياك الله وبيض الله وجهك
ياحبوب زي ما قالو ليك الاخوان فوق نقلك لاحداث الفقيدة أديبة ربنا يتقبلها
قبولا حسنا بقربك من الاخ علي دفع الله وأيضا سبب وفاة الفقيد صلاح جادات ربنا
يرحمو ويتقبلو قبولا حسنا بحكم سكنك في كوستي بالقرب من أسرة المرحوم وفي
الحالتين إستفدنا فائدة قصوي وكنت بتدحض لينا كل الاشاعات التي تأتي عبر الوسائط .
فأنت لم تسعي لسبق صحفي ورجل ذو مصداقية صحيح لم نتقابل ولكنني أعرفك من خلال
حروفك وممكن بقلب قوي أضع يدي في المصحف وأحلف علي مصداقيتك وأي زول
عندو شكك في مصداقيتك فاليراجع نفسة فااشنو ما تتحسس ساي واصل في مسيرتك
وربنا يجزيك الف خير .
المنبر دا مليون صنف من البشر في البتمشيهو حسب عقلو وفي العاوز القبقبة وفي
الزول العاوز كربون لمن عرقو وشو تنط والله صحي .
| |
|
|
|
|
|
|
|
|
|
Re: توضيح حول خبر وفاة جادات (Re: عادل الباهي عبدالرازق)
|
تسلم عادل
وتشكر
قبل كدة كان في بوست حول سودانيز والاسماء . انا قلت فيهو قناعتي حول سودانيز
اصلا ما بعتبرها موقع افتراضي ولا الناس الفيها اشباح . بل موقع حقيقي .
ممكن انشر خبر عن كوستي مثلا كاذب ويصدقوهو كل الناس الا ناس كوستي الموجودين . وشوف بعد داك نظرتهم ليك ولا نظرتك لي نفسك قصادهم كيف
ف شنو
الكذب حبلو قصير
والمصداقية ما عندها تجربتين .. متين ما فقدتها فلن تستطيع ارجاعها .. وبرضو المصدر
الزول يكون واضح سمعت من فلان او نقلت من علان
مش تتولي الامر ولامن ينكشف تقول ناقلو .
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
حبيبنا أبو سن
يا جبل ما تهزك ريح
لا شوفتك و لا لاقيتك للأسف الشديد
لكن كتاباتك تخبرنا عنك
عهدتك صادق في كل ما تكتب
و دوماً موضع ثقة عندي
و ما قريت ابدا مهاترات في بوستاتك
دع من يهمز و من يلمز
و زي ما قلت لك :
يا جبل ما تهزك ريح
| |
|
|
|
|
|
|
|
|
|
Re: توضيح حول خبر وفاة جادات (Re: عماد الدين الطيب عمر)
|
أخي عبد الحفيظ صبحك الله بخيره وستره وعافيته..
أخي الكريم لا ادري لماذا تحاول التبرير لموقفك ونقلك لخبر وفاة المرحوم جادات ؟ ..
الغالبية هنا تثق فيك وهؤلاء لا يحتاجون منك لتبرير .. أما من لا يريد الاقتناع فلو ملأت هذا المنبر تبريرا فلن يغير ذلك ما رسخ في اذهانهم ..
لذا اعتقد انه لا داعي لهذا التبرير .. لان التبرير الكثير يضعك في خانة المدافع عن نفسه ..
انت نقلت بمصداقية من اهله مباشرة ..
من يريد التأكد فليذهب لأهله ويقوم بواجب العزاء ثم يكتب بعد ذلك ما شاء ..
لك تقديري
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
أبو سن سلام يغشاك
البوست دا إستفتاء حقيقي لمصداقيتك - التي تزعم أنها صارت على المحك -
فاااااا شنو خت الكورة واطة .. والحبة ما بتجيك
المهم: إجازة للسودان قصيرة ومشحتفة وباذخة بالمناسبات الاجتماعية
وأنا أوضب أغراضي للسفر للسودان كنت عندي من ضمن الخطط
أن ألتقيك وأجالسك في سوق الله وأكبر حق كوستي وأشرب معاك جبنة
لكن تقول شنو .. ربما في مرات قادمات
لك من المودة كيمان كيمان
| |
|
|
|
|
|
|
|
|
|
Re: توضيح حول خبر وفاة جادات (Re: عمر أبوعاقلة)
|
تعرف يا عبد الحفيظ أنا بقرأ أي كلمة تكتبا في البورد دا لكن بلقى صعوبة شديدة في التداخل معاك
بحس بإني مفروض قبل ما إتداخل معاك مفروض امشي اعمل نوع من الطقوس تشبه الوضوء و موجبات الطهارة.
| |
|
|
|
|
|
|
|
|
|
Re: توضيح حول خبر وفاة جادات (Re: محمد حيدر المشرف)
|
تسلم يا مشرف
فهمتها كدة والله واستكثرتها في روحي
لو قلت ليك لا اقرأ هذا البوست وإلا تدمع عيناي بتصدق
جد والله
ان تحس انك آمن
آمن وضهرك محمي
واشكرك جدا مشرف في اول مداخلة لك
اشكركم كلكم
فأنتم تعرفون
الكتابة من الداخل مليئة بالاشارات والرموز وكذلك الصمت
انك تكتب من الداخل محاولا ان تصمد
وان لا يساء فهمك
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
نعم عمر
صدقت كل الاحتمالات مفتوحة .
تعرف زمان في ميعة كنا مدمنين لكتب اجاثا كريستي و شرلوك هولمز . فايدة القصص دى تعلمك تفكر خارج الفريم كما يقول اخونا عبداللطيف .
لكن عموما علمتنا الحياة ان اسهل وابسط الاحتمالات اصحها
فقط ان الامر كان حول خبر تلقي الاسرة للوفاة واسبابها
| |
|
|
|
|
|
|
|
|
|
Re: توضيح حول خبر وفاة جادات (Re: عبدالحفيظ ابوسن)
|
يا عبد الحفيظ
أقرأ في هذا البوست ما (قد) لا يقرأه الآخرون.
وأرى فيه ما (قد) لا يراه الآخرون.
كثيرون لا يعرفونك معرفة شخصية ولا قابلوك وربما لم يتداخلوا معك في بوست.
ولكنهم وثقوا فيك وأحبّوك.
وبالمناسبة .... حافظ بشير وسيف النصر أصدرا شهادتين قويتين جداً.
قويتان لدرجة "القشعريرة".
أنا ـ شخصياً ـ فكّرت في زيارة كوستي، فقط لأسلم عليك... وأعود أدراجي.
.....................
لا تعجب أخي...
بل قل: الحمد لله الذي جعل أفئدةً من الناس تهوي إليّ.
| |
|
|
|
|
|
|
| |
عبدالحفيظ ابوسن
يوسف الطيب احمد إدريس
علاء سيداحمد
Munir
معاوية عبيد الصائم
بشير حسـن بشـير
صديق مهدى على
محمد حيدر المشرف
MOHAMMED ELSHEIKH
نعمات عماد
عبدالمنعم الطيب حسن
علي دفع الله
Arif Nashed
سيف اليزل سعد عمر
Abureesh
محجوب البيلي
جمال ود القوز
محمدين محمد اسحق
elhilayla
سيف النصر محي الدين
جلالدونا
عادل الباهي عبدالرازق
عادل ابراهيم احمد
عمر أبوعاقلة
Hafiz Bashir
عمر نملة
محمد البشرى الخضر
نيازي مصطفى
usama Babiker
سامي عطا المنان
فيس بوك
تويتر
انستقرام
يوتيوب
بنتيريست