عشان اسمع غنية او اغاني بحب اسمع لوحدي من زمن المسجل البانوسونيك ولا الناشينوال بشغل الاغنية وبنبطح ولا بقعد في كرسي وامد كرعيني في كرسي تاني وغالبا ما استغرق في الاستماع حد غميض العيون وممكن الاغنية تمرقني في عوالم تانية بعيدا عن معناها امكن دة اداني ميزة اني لو استرخيت وغمضت عيوني استطيع استرجاع الاغنية بكاملها ولو ما كنت حافظها كمان بدون ما اتذكرت فيها بيت واحد
إنتكاسة غير متوقعة من قامة إسفيرية عملاقة مثلك أخي عبدالحفيظ !
Quote: البوستات الانصرافية
ليس هنالك بوست انصرافي، الناس محتاجة تتكلم في أي شئ... باللغة الفصحى ، الدارجية، الشوارعية في سبيل جعل الإسفير مرجع لكل فئات المجتمع. ------- نتمنى عدم استخدام هذه العبارة (
Quote: البوستات الانصرافية
) حتى لا يحتقر الأعضاء بعضهم البعض، ويتجه الجميع للتهكم بمنشورا الزملاء الأفاضل، فكلنا محتاجون للنقاش حول كل شئ، فكل أمر عظيم مهما قل عدد المستفيدين منه تقديري واحترامي اللامحدود.
وانا مستغرق في الاستماع لسيد خليفة يوم في يوم غريب . استغراق جد وقصة انو ماشي بيت الحبيبة وكرعينو ما شايلاتنو . وحبيبتو زعلانة رغم الفرح الحولها اتذكرت حان الزفاف مايجي واحد يقول لي دى براها وديك براها .. ديك ولا جدادة الغنية قفزت لذهني وذاكرتي بب كدة طفحت في القشرة الخارجية للمخ وانحشرت لا جوة
حان الزفاف وياريت هواك لي ما انقسم هزيمة الحب المتلهف بحكم الظروف وانهزامه من الوصول للنقطة التي يجب ان يصلها وفق المعطيات اتنين بحبو بعض مفروض يكونو مع بعض يعني يعرسو سفينة الحب تمخر في بحر العطور وعلي اشجار الصندل التي تحف النهر بالجنبتين تغرد العصافير . وينسرب الضوء شفيفا من خلال كسر السحاب مخترقا اغصان الشجر تسير سيرا لذيذا والحبيب يعاين جوة عين الحبيبة والحبيبة تدنقر والحبيبة تعاين ليهو يدنقر هو والقلب يسوي رب رب وتعتريهم رعدة المقرور يتراجفو بدون سبب ويحلمو
سفينة الحب تتهادى جزلة وعينها علي القيفة . وعشة واحدة تلمنا تصطدم بي صخرة جمب القيفة وتبقا الجقلبة البكا والمخاخيت ومسك العنقريب وانا حالي كيفن بوصفو والحبيبة يحنسوها تحنيس تتحنن .. ومن البكا السري عيونها يحمرن ومحبوسة والحبيب يساسق بالدريب الجمب الباب يتسقط الاخبار ويسأل من يعرفهن بواسطة علاقته معها والرسايل البشرية ماشة جاية وتعرس وترحل مع عريسها وتلد وحبيبها يعرس ويرحل حبيبتو ويلد و يمضي الزمن اها في يمضي الزمن دة مخي اشتغل ياربي لو عرسها او عرستو وعشنا من الزمن ما سمح لنا بإختبار تلك الاسئلة لاهو مات لاهي ماتت لاهي عاشت تعيسة لاهو عاش تعيس
Post: #9 Title: Re: حان الزفاف Author: محمد على طه الملك Date: 07-18-2017, 01:43 PM Parent: #7
هسه أنت قعدت ومددت كرعيك وغمضت عينك وطلقت خيالك وأنا واقف اتفرج .. وين المزيكا عشان اخش معاك في الدور ؟ تستاهل اهو قصي جا قبقبك يعنى لو ختيت الغنيا يمكن ما كان جا ذاتو هههه..
ود اب سن وضيوفه زيدان وعمر الشاعر دوماً في ثلاثي مع ود الحاج موسى بالمناسبة عمر الشاعر له صوت غنائي رهيب وقد أجيز صوته تقريباً في بداية السبعينيات لكنه فضل الجانب الآخر من الغناء تحياتي _____ الحليلة
تعرف يا عبد الحفيظ انا كنت بستغرب جدا عندما يأتي فنان في حفلة و يغني حان الزفاف لو تذكر في كوستي كان فنان اسمه هاشم ابو ......... كان دائما ما يغني هذه الاغنية في حفلات الاعراس وكنت أقول في سري ماهو شعور العريس ( خاصة لو كان مغترب واختار العروس لانها جميلة) ماذا لو كان واحد من اولاد الحلة ( مكسر فيها) وهي كانت تبادله الشعور؟