عشان اسمع غنية او اغاني بحب اسمع لوحدي من زمن المسجل البانوسونيك ولا الناشينوال بشغل الاغنية وبنبطح ولا بقعد في كرسي وامد كرعيني في كرسي تاني وغالبا ما استغرق في الاستماع حد غميض العيون وممكن الاغنية تمرقني في عوالم تانية بعيدا عن معناها امكن دة اداني ميزة اني لو استرخيت وغمضت عيوني استطيع استرجاع الاغنية بكاملها ولو ما كنت حافظها كمان بدون ما اتذكرت فيها بيت واحد
07-18-2017, 12:14 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
إنتكاسة غير متوقعة من قامة إسفيرية عملاقة مثلك أخي عبدالحفيظ !
Quote: البوستات الانصرافية
ليس هنالك بوست انصرافي، الناس محتاجة تتكلم في أي شئ... باللغة الفصحى ، الدارجية، الشوارعية في سبيل جعل الإسفير مرجع لكل فئات المجتمع. ------- نتمنى عدم استخدام هذه العبارة (
Quote: البوستات الانصرافية
) حتى لا يحتقر الأعضاء بعضهم البعض، ويتجه الجميع للتهكم بمنشورا الزملاء الأفاضل، فكلنا محتاجون للنقاش حول كل شئ، فكل أمر عظيم مهما قل عدد المستفيدين منه تقديري واحترامي اللامحدود.
07-18-2017, 12:46 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
وانا مستغرق في الاستماع لسيد خليفة يوم في يوم غريب . استغراق جد وقصة انو ماشي بيت الحبيبة وكرعينو ما شايلاتنو . وحبيبتو زعلانة رغم الفرح الحولها اتذكرت حان الزفاف مايجي واحد يقول لي دى براها وديك براها .. ديك ولا جدادة الغنية قفزت لذهني وذاكرتي بب كدة طفحت في القشرة الخارجية للمخ وانحشرت لا جوة
07-18-2017, 01:13 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
حان الزفاف وياريت هواك لي ما انقسم هزيمة الحب المتلهف بحكم الظروف وانهزامه من الوصول للنقطة التي يجب ان يصلها وفق المعطيات اتنين بحبو بعض مفروض يكونو مع بعض يعني يعرسو سفينة الحب تمخر في بحر العطور وعلي اشجار الصندل التي تحف النهر بالجنبتين تغرد العصافير . وينسرب الضوء شفيفا من خلال كسر السحاب مخترقا اغصان الشجر تسير سيرا لذيذا والحبيب يعاين جوة عين الحبيبة والحبيبة تدنقر والحبيبة تعاين ليهو يدنقر هو والقلب يسوي رب رب وتعتريهم رعدة المقرور يتراجفو بدون سبب ويحلمو
07-18-2017, 01:33 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
سفينة الحب تتهادى جزلة وعينها علي القيفة . وعشة واحدة تلمنا تصطدم بي صخرة جمب القيفة وتبقا الجقلبة البكا والمخاخيت ومسك العنقريب وانا حالي كيفن بوصفو والحبيبة يحنسوها تحنيس تتحنن .. ومن البكا السري عيونها يحمرن ومحبوسة والحبيب يساسق بالدريب الجمب الباب يتسقط الاخبار ويسأل من يعرفهن بواسطة علاقته معها والرسايل البشرية ماشة جاية وتعرس وترحل مع عريسها وتلد وحبيبها يعرس ويرحل حبيبتو ويلد و يمضي الزمن اها في يمضي الزمن دة مخي اشتغل ياربي لو عرسها او عرستو وعشنا من الزمن ما سمح لنا بإختبار تلك الاسئلة لاهو مات لاهي ماتت لاهي عاشت تعيسة لاهو عاش تعيس
07-18-2017, 01:43 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
هسه أنت قعدت ومددت كرعيك وغمضت عينك وطلقت خيالك وأنا واقف اتفرج .. وين المزيكا عشان اخش معاك في الدور ؟ تستاهل اهو قصي جا قبقبك يعنى لو ختيت الغنيا يمكن ما كان جا ذاتو هههه.. التحية لك ولقصي ولى حد قباني.
07-18-2017, 03:53 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
ود اب سن وضيوفه زيدان وعمر الشاعر دوماً في ثلاثي مع ود الحاج موسى بالمناسبة عمر الشاعر له صوت غنائي رهيب وقد أجيز صوته تقريباً في بداية السبعينيات لكنه فضل الجانب الآخر من الغناء تحياتي _____ الحليلة
07-18-2017, 04:07 PM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9027
تعرف يا عبد الحفيظ انا كنت بستغرب جدا عندما يأتي فنان في حفلة و يغني حان الزفاف لو تذكر في كوستي كان فنان اسمه هاشم ابو ......... كان دائما ما يغني هذه الاغنية في حفلات الاعراس وكنت أقول في سري ماهو شعور العريس ( خاصة لو كان مغترب واختار العروس لانها جميلة) ماذا لو كان واحد من اولاد الحلة ( مكسر فيها) وهي كانت تبادله الشعور؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة