|
Re: أمريكا تمنع مواطنة سويدية دخول أراضيها بس (Re: Ali Abdalla Hassan)
|
Quote: أكيد في حاجة تانية للرفض غير زيارة السودان |
ابدا يا على
الخبر ما ناقص. تم ابعادها لانه كتبت فى طلب الفيزا الاليكترونى انها زارت السودان. رجعوها الاسبوع الماضي و كانت مسافرة مع والدتها للإحتفال بعيد ميلادها الستين. واساسا كانت مسافرة الأسكا.
ده تطبيق القرار الصدر قبل كده انه اى زول زار السودان بعد الاول من مارس ٢٠١٦ يمنع من دخول أمريكا...
اها ترامب جاء طبق لينا الحنة والبوخة قال السودانيين زاتهم ما يدخلوا امريكا.
| |
|
|
|
|
|
|
Re: أمريكا تمنع مواطنة سويدية دخول أراضيها بس (Re: سيف اليزل سعد عمر)
|
سيف اليزل
يبدو ان تلك السيدة السويدية عندها مشكلة اخرى غير زيارة السودان
لا خالتي التي تحمل الجنسية الكندية وجواز السفر الكندي تزور السودان
كل سنة وسافرت اخر مرة قبل شهر واحد فقط وعادت عن طريق امريكا
مطار جون كندي في نيويورك ومكثت معنا ثلاثة ايام وسافرت لكندا ...
وما تنسى انها كانت سودانية ومشار في جواز سفرها انها مولودة في السودان ..
يعني من باب اولى يمنعوها هي من دخول امريكا ، على اساس ان اصولها من دولة
ارهابية وفقا للنظرة الامريكية بدل يمنعوا السويدية وهي من دولة ديمقراطية ولا
تعرف الارهاب اصلا...
مع وافر الاحترام
| |
|
|
|
|
|
|
Re: أمريكا تمنع مواطنة سويدية دخول أراضيها بس (Re: Abureesh)
|
حسب ما مكتوب في المقال انها زارت السودان قبل خمسه سنوات ..وانها كتبت المعلومه دي في تعبئه البيانات الالكترونيه وليس لطلب الفيزا (الجواز السويدي ما اظن بحتاج فيزا).. لكن غلطتا انها ما طلبت فيزا حسب القانون الصادر سنه 2016 والبيلزم اي صاحب جواز اوروبي زار احدي الدوله السبعه المحظوره من السفر بعد 2011 ان يطلب فيزا من السفاره الامريكيه وهي ما طلبت فيزا لانها غاليه ودا سبب رفض دخولا امريكا
| |
|
|
|
|
|
|
Re: أمريكا تمنع مواطنة سويدية دخول أراضيها بس (Re: Nasruddin Al Basheer)
|
Quote: كان من الافضل أن يتم رفض الطلب الالكتروني |
سلام يا جمال هو اساسا الجواز السويدى غير محتاج لفيزا لأمريكا.
لكن قبل دخولك امريكا لابد من ملء إستمارة إسمها ESTA قبل ٧٢ ساعة على الاقل من دخولك اي مدينة امريكية..
هى فقط كانت صادقة مع نفسها وكتبت انها زارت السودان بعد صدور القرار.. فالطلب ليس فيزا بل شكلها معلومات بتكون موجودة عن سلطات الحدود الامريكية عند وصولك المطار..
| |
|
|
|
|
|
|
Re: أمريكا تمنع مواطنة سويدية دخول أراضيها بس (Re: سيف اليزل سعد عمر)
|
Quote: . لكن غلطتا انها ما طلبت فيزا حسب القانون الصادر سنه 2016 والبيلزم اي صاحب جواز اوروبي زار احدي الدوله السبعه المحظوره من السفر بعد 2011 ان يطلب فيزا من السفاره الامريكيه |
سلام يا معاوية حسين.. أعتقد تخمينك ربما يكون صحيح إنها كان من المفترض تطلب فيزا بإعتبار آنها زارت السودان. السودان زمان كان كاتب فى الجواز صالح لكل الدول ما عدا اسرائيل... امريكا الان قالت كل الدول ما عدا السودان....
| |
|
|
|
|
|
|
Re: أمريكا تمنع مواطنة سويدية دخول أراضيها بس (Re: سيف اليزل سعد عمر)
|
" أمريكا دولة منافقة ومفترية نسأل الله أن يفرتق ولاياتها ولاية ولاية وألا تعرف التنمية ولا الاستقرار وأن يرى مواطنوها في حياتهم ما أذاقوه للشعوب الأخرى من فرقة وشتات.. هذه أمنية شخصية فأرجو ألا تعقبوا عليها.."
هذا منبر مفتوح يا اخى الكريم ولا احد يستطيع منع الناس من التعليق على ما ينشر فيه.. خصوصا انك تخطيت الحكومة الامريكية الى الشعب الأمريكى الذى منهم من وفر لك هذه البيئة والمنبر للنقاش.. وعندك مئات الأمريكان من اصول سودانية هم زملاؤك هنا أسأت اليهم وتمنيت لهم ما تمنيت. مثل السودان فان امريكا وطنى ووطن ابنائى.. والسودانيون كشعب لا فضل لهم على الشعب الأمريكى فكلهم عيال الله. انا قد اعترض على بعض سياسات الحكومة الامريكية وقد تدربنا على ذلك كواجب وطنى ان تنتقد حكومتك وتساهم فى الممارسة الديمقراطية.. وربما قرأت فى هذا المنبر (الأمريكى) انى عارضت سياسات ترامب بصورة واضحة .. ولكن الشعب الأمريكى من أجمل شعوب الأرض.. شجاعة.. إقدام.. كرم.. نكران الذات.. انا سافرت فى مجتمعات كتيرة ولم ارى افراد عاديون يخاطرون بحياتهم لإنقاذ غريب لا تربطه بهم علاقة, سوى مواطني شمال امريكا.. وثقافة وقيم الكنديين تقريبا نفسها. اخيرا احب ان اذكرك ان الدعاء على الخصم دليل ضعف و إستسلام.
تحياتى
| |
|
|
|
|
|
|
Re: أمريكا تمنع مواطنة سويدية دخول أراضيها بس (Re: سيف اليزل سعد عمر)
|
سلام يا معاوية مداخلتى ردا عليك شكلها طشت لسبب ما..
كنت عايز اقول ليك..إيلا دى كانت صادقة جدا لما قدمت طلب الESTA. قالت هى فعلا كانت فى السودان. كان ممكن تكضب وتقول انها ما زارت السودان وتغيير الجواز لكنها يظهر ما كان عندها علم بقرار ترامب انه اي زول زار السودان فى الخمسة سنوات الاخيرة ده يعلن عن ذلك وقد يكون سبب كافى من ابعاده لدخول امريكا.... شايف الامريكان امس ابعدوا طبيب ايرانى متخص فى السرطان واسرته من دخوله الي امريكا....
| |
|
|
|
|
|
|
Re: أمريكا تمنع مواطنة سويدية دخول أراضيها بس (Re: سيف اليزل سعد عمر)
|
سلام يا سيف
مشكلة الزوله دي ما زيارتا او دراستا في السودان لا
الزوله دي بعد ما عبت البيانات الاكترونيه جاها اشعار انو لازم تطلب فيزا قبل ما تسافر ودا اجراء روتيني ممكن كان تاني تعبي طلب فيزا وتدفع الرسوم وتمشي تعمل فيزتا وتسافر
وهي عارفه الخطوات دي لكن قالت ما عندها قروش للفيزا وحاولت تجرب حظها او تتحرفن علي الامريكان علي اساس انها سويديه وممكن بالحنك ساي تدخل
| |
|
|
|
|
|
|
Re: أمريكا تمنع مواطنة سويدية دخول أراضيها بس (Re: Deng)
|
Quote: أمريكا دولة منافقة ومفترية نسأل الله أن يفرتق ولاياتها ولاية ولاية وألا تعرف التنمية ولا الاستقرار وأن يرى مواطنوها في حياتهم ما أذاقوه للشعوب الأخرى من فرقة وشتات.. هذه أمنية شخصية فأرجو ألا تعقبوا عليها.. |
يا داعشي يا إرهابي
الله لا جاب باقي الدواعش والإرهابيين
| |
|
|
|
|
|
|
|