عبدالله ادريس اعتذار و رجاء

04:47 PM July, 05 2017

سودانيز اون لاين
عبدالحفيظ ابوسن-no where
مكتبتى
رابط مختصر

اللوم بالغفلات
والغفلة ليس شماعة
ولكني عن نفسي اقول انه ليس سوء قصد
وليس مثلك من يقصد بالسوء
تداعيات البوست جعلتني اتجاوزك دون قصد . وليس تجاهلا . لعلي ان قلت وانا ارد كنت في تراتبية ذهني . ليس انت بل الجميع كنت ارتبهم كل مرة في ذهني ثم اعود كل مرة للتأكد
لست من ذوي الذاكرة الجيدة ليس الآن
اعتذر لك اعتذارا صادقا آملا وراجيا ان تقبل العذر ومثلك من يقيل عثرة اخيه
ارجو ان لا تردني خائبا

الاتنين ناس ما هينين والله

سلام يا حفيظ،

بتعمل إنبثاق من بوستيك براك؟

فيما يخص موضوع البوست ...... زولك بيجيك ... الزعل ما بيرموهو في كل/ أي زول

المسنوح ود ابو سن
ياخي انت بقيت حساس شديد....
ياخي معقولة انت بتزعل ليك زول في الدنيا دي...
..عشان انت تجاوزت الزميل عبد الله ادريس وما رديت ليه افتكرت
انه زعل منك....وممكن يكون عنده الف سبب تاني عشان يشطب التعليق..
وانت كم مرة تجاوزتني وما رديت على تعليقي على بوستاتك النيرة...لكن
ما زعلنا منك لسبب بسيط...لانك عايش ومقيم في السودان وعندك الف حاجة
بتفكر فيها في نفس الوقت...ناهيك عن اهتماماتك بحل مشاكل كوستي...حتى
ناس عطبرة بقوا يتمنوا اذا كان ود اب سن مولود في عطبرة...(وش ضاحك)..
وكل ناس المنبر العام بيقولوا انت زول نادر في هذا الزمن القمئ المليان مشاكل..
...مرة واحدة فقط زعلت بت السيد ،،، ولكنها في النهاية فهمت انك بعيد جدا من الشللية
البتفقع المرارة ...ويا صافي يا لبن...
وانا متاكدة ان الزميل عبد الله ادريس حيقبل اعتذارك الفتحت ليه بوست
منفصل لانه عارف ان قلبك ابيض...وان فكرك مشغول ....لكن اذا انت كنت من
الناس المرطبين في امريكا واوروبا وكندا ( زي ما بيفتكروا عشاق الحضارة
الامريكية الاوروبية الكندية )ما كنا سامحناك ....
واهم حاجة تحياتنا لسلافة...
ودمت بالف خير وصحة وعافية

اثنين كرام ونموذج لحسن التعاطي مع المنبر
معرفتي بك يا كوستاوي تذهب لليقين انك صافي النية

وعشمي في عبد الله ان يكون كما اراه في المنبر خفيف ذو خلق حسن

سلامات اخ عبدالله ادريس

اتابع مداخلاتك و هي دائما في الصميم . خسارة المداخلة دي فاتتني .

يا ابسن هون على نفسك.. جلا من لا يسهو ... مش كدا يا اخ عبدالله ؟

بالتأكيد سأتقبل .. نو هارد فيلنغز
وحتى لو لم تعتذر ، فمن حقك ان تتفاعل مع مشاركيك او لا ، ومن حقي ان اشارك او لا ، اسحب اي مداخلة في اي بوست او لا .. في النهاية هي مجرد تقاليد اسفيرية "ايجابية " لكنها غير ملزمة واقصد هنا التفاعل مع المتداخلين ..
شكرا ناصر ، نعمات ، مشرف ، ابوالريش ، بسمات
مساء الخير

تحياتي يا ابوسن ويا عبدالله ادريس والمتداخلين
ان كان عبد الله مسح مداخلته بسبب عدم الرد والتجاوز من صاحب البوست..اعتقد انها حساسية زايدة منه ولا ادري كيف حساباته
بالنسبة لي كثير ما يحدث عدم الرد لمداخلاتي او حتى تجاوزها من البعض وعادي اصر على توصيل فكرتي وممكن اكتب تاني مداخلة في نفس البوست لان الهدف ليس رد او تواصل صاحب البوست ولكن الهدف توصيل فكرة او راي للقارئ
على العموم اتمنى ان يقبل عبدالله الاعتذار ويجبر بخاطر ابوسن
لان الاخير اثبت انه اكثر حساسية من الاول بدليل اصراره على الاعتذار

تحياتي للجميع

كل مداخله والجميع بخير

تشكر عبدالله
ازحت هما من صدري كون انني تصرفت بشكل آلمك غض النظر عن عدم قصدي او حسن نيتي
والشكر لكل المتداخلين
وشكر خاص

جل من لا يسهو . و ليس جلا .

شكرا اخ عبدالله و ابوسن.