|
|
|
 Re: عبدالله ادريس اعتذار و رجاء (Re: محمد حيدر المشرف)
|
المسنوح ود ابو سن
ياخي انت بقيت حساس شديد....
ياخي معقولة انت بتزعل ليك زول في الدنيا دي...
..عشان انت تجاوزت الزميل عبد الله ادريس وما رديت ليه افتكرت
انه زعل منك....وممكن يكون عنده الف سبب تاني عشان يشطب التعليق..
وانت كم مرة تجاوزتني وما رديت على تعليقي على بوستاتك النيرة...لكن
ما زعلنا منك لسبب بسيط...لانك عايش ومقيم في السودان وعندك الف حاجة
بتفكر فيها في نفس الوقت...ناهيك عن اهتماماتك بحل مشاكل كوستي...حتى
ناس عطبرة بقوا يتمنوا اذا كان ود اب سن مولود في عطبرة...(وش ضاحك)..
وكل ناس المنبر العام بيقولوا انت زول نادر في هذا الزمن القمئ المليان مشاكل..
...مرة واحدة فقط زعلت بت السيد ،،، ولكنها في النهاية فهمت انك بعيد جدا من الشللية
البتفقع المرارة ...ويا صافي يا لبن...
وانا متاكدة ان الزميل عبد الله ادريس حيقبل اعتذارك الفتحت ليه بوست
منفصل لانه عارف ان قلبك ابيض...وان فكرك مشغول ....لكن اذا انت كنت من
الناس المرطبين في امريكا واوروبا وكندا ( زي ما بيفتكروا عشاق الحضارة
الامريكية الاوروبية الكندية )ما كنا سامحناك ....
واهم حاجة تحياتنا لسلافة...
ودمت بالف خير وصحة وعافية
| |
 
|
|
|
|
|
|
|
|
Re: عبدالله ادريس اعتذار و رجاء (Re: نعمات عماد)
|
بالتأكيد سأتقبل .. نو هارد فيلنغز
وحتى لو لم تعتذر ، فمن حقك ان تتفاعل مع مشاركيك او لا ، ومن حقي ان اشارك او لا ، اسحب اي مداخلة في اي بوست او لا .. في النهاية هي مجرد تقاليد اسفيرية "ايجابية " لكنها غير ملزمة واقصد هنا التفاعل مع المتداخلين ..
شكرا ناصر ، نعمات ، مشرف ، ابوالريش ، بسمات
مساء الخير
| |
|
|
|
|
|
|
|
|
|
Re: عبدالله ادريس اعتذار و رجاء (Re: نعمات عماد)
|
تحياتي يا ابوسن ويا عبدالله ادريس والمتداخلين
ان كان عبد الله مسح مداخلته بسبب عدم الرد والتجاوز من صاحب البوست..اعتقد انها حساسية زايدة منه ولا ادري كيف حساباته
بالنسبة لي كثير ما يحدث عدم الرد لمداخلاتي او حتى تجاوزها من البعض وعادي اصر على توصيل فكرتي وممكن اكتب تاني مداخلة في نفس البوست لان الهدف ليس رد او تواصل صاحب البوست ولكن الهدف توصيل فكرة او راي للقارئ
على العموم اتمنى ان يقبل عبدالله الاعتذار ويجبر بخاطر ابوسن
لان الاخير اثبت انه اكثر حساسية من الاول بدليل اصراره على الاعتذار
تحياتي للجميع
| |
|
|
|
|
|
|
| |
عبدالحفيظ ابوسن
محمد حيدر المشرف
محمد أبوالعزائم أبوالريش
ناصر حسين محمد
نعمات عماد
Abdullah Idrees
Hatim Alhwary
ملهم كردفان
فيس بوك
تويتر
انستقرام
يوتيوب
بنتيريست