|
|
 Re: الاستاذة تراجي ستأتيكم في اللفة ... (Re: ود الباوقة)
|
اخونا ود الباوقه السلام عليك.
تراجي ممكن تجيء في اللفه لكن الخطوره وين لما تجيء في اللفه او في النقعه!
بحكم اني اول زول عمل معها في الشان العام ممكن ألخص الآتي عنها:
هي شخصيه عامه لكنها خطيره جدا تكمن خطورتها في الآتي:
هي أسهل زول في العمل العام ممكن تشحنه وتجنده ليقول ليك اي كلام علي خصومك السياسين الإنت مابتقدر تقوله لو دقوك بطنك وضهرك!!
"هي الأرجوز البيخفي داخلو كفت اليد البيتحرك بيها"
ببساطه تراجي مصطفي عادي جدٱ بتقول ليك الكلام المابيتقال وعلي الهواء الطلق!
اضف لذلك تراجي، إذا قربتها منك بتأذيك علي المستوي الشخصي والعام وإذا ابعدتها منك كذلك بتأذيك!
زي المنشار ماشي ماكل جاي ماكل!!!
هي أكثر فاعل مهرج او اكثر زول في المعارضه كانت معارضته غير شريفه وغير اخلاقيه وتستخدم مجموعه من الطرق الملتويه والغير ثوريه وانه هي اكثر زول بالمعارضه فبرك وحاك مكائد كاذبه ومضلله في الإنقاذ (وضعت صور لطفل يزحف علي بطنه وبجانبه صقر ليلتهمه علي الميديا لتكيد للإنقاذ).
المؤتمر الوطني أكثر شيطنه من غيرو في حال إختيار التماسيح بتاعينو (البيشتغلو معاه)!
تابع المقابله الأجراها معها محمد محمد خير بقناة الشروق!!!
سألها سؤال ذكي جدٱ عندما حاولت تسوق نفسها عندما قالت ليه انا عندي معلومات عن المعارضه لم أنشرها حتي هذه اللحظه وهي معلومات بكميه خرافيه ، عايزه تجعل من نفسها انها مهمه للإنقاذ ومازالت عندها ماتعطيه!!
الهوسن محمد محمد خير قال ليها:
إنتي حاله ماطبيعيه كيف تعملي كل هذا العمل الخرافي بالواتساب وما منتميه لاي حزب او لاي تنظيم!!!
قالت ليهو نعم انا فقط امثل نفسي، ونست انها تمثل المغتربين(بخشم عمر البشير) ومرات كدا بتقول بتمثل وفد المنافي..
ثم تلافت الامر وقالت له، لكن عندي معجبيين كثر!!!!
كلام الهوست محمد محمد خير واضح ومعناه ما بنقسم الكيكه إلا للناس المنتظمين داخل مواعين سياسيه وعسكريه!!!
المؤتمر الوطني اثبت انه نظام متمرس في العمل العام وقاريء لايخطيء في إختيار تماسيحه وذلك بإستخدامه لتراجي في الوقت المناسب(إستقطاب وإستبعاد)!
من المؤكد، لديه علماء نفس!
جداد إللكتروني رهيب في تشويش، تزوير وفركشة صف المعارضه!
كما قال المثل: "الفيل دعس علي الذبابه وطنينها بخفه وللأبد"
المؤتمر الوطني ضٍمن ١٠٠٪ انه حرق كرت تراجي وإلي الأبد:
وعارف إذا ضماها او جعلها واحده من شركائه سوف تفشي باسراره(كما افشت له باسرار قطاع الشمال واسرار الحركات الدارفوريه)!
المؤتمر الوطني لايمكن يقبلها في عضويته حتي لو كلفه ذلك حل الحزب نهائيٱ..
لانه يعلم جيدٱ أنها ستعبث به مع اليسواش والما يسواش!!
الآن تراجي، كشخصيه عامه، فقدت الثقه التامه امام المعارضه بكل اطيافها، بل لا تجد اي تنظيم سياسي، او اي جسم طوعي آخر ممكن يقبل ان تعمل معه حاله مثل حالة تراجي مصطفي..!
لا إعتقد المؤتمر الوطني ممكن يقع في زول يضر بعضويته وبشركائه ايما ضرر ويفشي اسراره واسرار شركائه!
تدخل اي تنظيم تضر به ضرر بليغ(منظمة هاملتون سيرفس، رابطة دارفور بكندا، رابطة السودانين الافارقه بهاملتون، حركة تحرير السودان، قوي الهامش، مجموعات التواصل الإجتماعي، الآن ناس الحوار الوطني وبعده حكومة السودان التبل راسها).
"تمسكن حتي تتمكن"
بل هي لاتعمل بذلك المثل وإنما هي من البدايه لاتتمسكن وعايزه تتمكن(شريطها الآن وزعلها من الحكومه وكانها شريك قديم لها)!
تراجي لو دخلت في حكومة السودان لمدة شهر او شهرين كافي لتعرف معظم قبائل، اسر واقرباء الحكومه ولعرفت نقاط ضعفهم وين!،
مين البيصلي ومين المابيصلي مين بيجكس مين!
مين البيلبس التكسيدوا وبربط عنقه غلط!!!
ولعرفت مين مطلقه مت مين وليش طلقوها، ومين متزوج اكثر من زوجه وما إسم الزوجه المحبوبه اكثر (نقدها لوداد بابكر علي انها مهمشه فاطمه) (والعجب ناس الحكومه مزواجين ح تجد فيهم التربه الخصبه)!!
خبيره في تكسير التلج وعايزه تصل به لطموحها الشخصيه، مناصب، سفر حول العالم، قرووش(شاهد مدحها للإنقاذ) !
كذلك لاحظ تكسيرها للتلج بمدحها وتهنئتها لحميتي ود دقلو قائد قوات الدعم السريع نفس الشيء حتكسرو للمؤتمر الوطني حتي تدخل في تشكيلة الحكومه الجديده لتعرف كم عدد حساباتهم بالبنوك وكم عدد جيوش الإنقاذ، كم عدد قواتهم الأمنيه وكيف يعمل دفاعهم بالنظر وممكن تفشي كل اسرار الأحزاب والمنظمات وحتي تعبث بسيادة الوطن لاي دوله اخري وذلك بعفويه شديده!
وبعد ذلك..
تزحف نحو القصر الجمهوري لتدخل في بيوتهم وفي اسرهم بكافوري وبالمنشيه وحوش بانقا وغيرو
نفس نهجها وتشعبطها في التنظيمات الصغيره (الروابط والجاليات) بسرعة البرق تدخلها وعايزه مناصب وعايزه تسليط أضواء عليها وباسرع مايكون لتصل لمكاتبها التنفيذيه ولقمة قياداتهل بالضبط كما تفعله اليوم مع حكومة المؤتمر الوطني لتركب علي ظهر الحوار الوطني ليوصلها إلي مبتغاها!!
تراجي مصطفي شخصيه عامه نسال الله ان لايجود التاريخ بمثلها مرّه اخري علي السودان ..
كما نسأله، ايضا، ان لا يجود بمثلها في المعارضه ولا في الحكومه!!
ياباوقه، دعها تأتي في اللفه حتي تتلفا هي والمؤتمر الوطني إلي مزبلة التاريخ.
|
|
  
|
|
|
|
|
| العنوان |
الكاتب |
Date |
 الاستاذة تراجي ستأتيكم في اللفة ... | ود الباوقة | 04-26-17, 07:55 PM |
| Re: الاستاذة تراجي ستأتيكم في اللفة ... | Mohamed Adam | 04-26-17, 10:15 PM |
| Re: الاستاذة تراجي ستأتيكم في اللفة ... | Saifelyazal Elmaki | 04-27-17, 05:56 AM |
| Re: الاستاذة تراجي ستأتيكم في اللفة ... | محمد ادريس زمراوي | 04-27-17, 06:16 AM |
| Re: الاستاذة تراجي ستأتيكم في اللفة ... | عباس الدسيس | 04-27-17, 07:12 AM |
| Re: الاستاذة تراجي ستأتيكم في اللفة ... | محمد عبد الله الامين | 04-27-17, 10:10 AM |
| Re: الاستاذة تراجي ستأتيكم في اللفة ... | Haytham Ghaly | 04-27-17, 10:19 AM |
| Re: الاستاذة تراجي ستأتيكم في اللفة ... | Hassan Farah | 04-27-17, 10:25 AM |
| Re: الاستاذة تراجي ستأتيكم في اللفة ... | MOHAMMED ELSHEIKH | 04-27-17, 12:54 PM |
| Re: الاستاذة تراجي ستأتيكم في اللفة ... | فرح الطاهر ابو روضة | 04-27-17, 01:46 PM |
| Re: الاستاذة تراجي ستأتيكم في اللفة ... | Basamat Alsheikh | 04-27-17, 02:22 PM |
| Re: الاستاذة تراجي ستأتيكم في اللفة ... | أحمد الشايقي | 04-27-17, 02:47 PM |
| Re: الاستاذة تراجي ستأتيكم في اللفة ... | ود الباوقة | 04-27-17, 07:31 PM |
| Re: الاستاذة تراجي ستأتيكم في اللفة ... | ود الباوقة | 04-27-17, 07:31 PM |
| Re: الاستاذة تراجي ستأتيكم في اللفة ... | Arif Nashed | 04-27-17, 08:05 PM |
| Re: الاستاذة تراجي ستأتيكم في اللفة ... | aosman | 04-27-17, 08:33 PM |
| Re: الاستاذة تراجي ستأتيكم في اللفة ... | الزاكى المغيرة | 04-27-17, 10:09 PM |
| Re: الاستاذة تراجي ستأتيكم في اللفة ... | aosman | 04-28-17, 03:29 AM |
| Re: الاستاذة تراجي ستأتيكم في اللفة ... | ود الباوقة | 04-29-17, 12:51 PM |
|
| |
Mohamed Adam
فيس بوك
تويتر
انستقرام
يوتيوب
بنتيريست