|
Re: أكياس الزبالة (Re: kamal omer)
|
يا شقي الحال خليتني امشي انكت الموضوع ده كان كتبته 2007
http://sudaneseonline.com/board/140/msg/%D9%83%D9%8A%D8%B3-%D9%86%D8%A7%D9%8A%D9%84%D9%88-...-%D9%88%D8%A7%D9%84%D8%B1%D8%A7%D8%AC%D9%84-%D8...%88--1189409029.html
Quote: اولا اعتذاري للاخ الجميل كرم الله في اقتباس هذا العنوان فالجمال يغري بان ناخذ منه شيئا --- كيس النايلو مصيبته مصيبة وخاصة مع الرجال ورحلته معاهم مآسي المسافر كلو مايلف سفنجته الا في كيس نايلو والهدوم يدفسوها دفس في كيس النايلو اما اخوانا بتاعين الكيف البرئ فكل جيب مليان كيس نايلو مليان تمباك... واحيانا يتملى لدرجة ان يفرغ بعض احشائه على الجيب ويطبع لطعة بنية داكنة ، تخلي ام العيال تنقنق ( متين ربنا يحلنا من القرف ده؟) اما اصحاب المزاج التاني .. ونتيجة لاختفاء الباغات بسبب الحصار الاقتصادي المفروض على الشعب السوداني من دول الاستكبار والحصار الرسالي المفروض على الجغامة من ناس التوجه الحضاري فقد تفتقت العبقرية على ان اللجوؤ للمغلوب على امره كيس النايلو قد حان . ثم بعد ذلك افراغه في قارورة او باغة داسينها للزي ده والغريبة لما يجو يفضو رحيق الذرة او العيش في القارورة نقطة واحدة بتتكب في الارض ما في علما بان نفس الشخص الكباب لما يمشي الدكان ( وهو صاحي 100%) ويشتري زيت السمسم عشان الفول لما يفتحو نصو يتدفق في الارض .. ولله في خلقه شئون.. وبمناسبة الزيت في كيس النايلو .ز زمان كان الشافع بدوه كباية او برطمانية مربى عشان يجب فيها الزيت .. ولكن لظروف العولمة فقد اصبح الزيت عبارة عن ( شريط) ما بستحق يشيلوا ليه كباية .. فكان الحل في كيس النايلو واغترب الرجل ممنيا نفسه بحياة مليئة بالراحة والدعة والعملة الصعبة شديد والبقت سهلة في جيبتها وفي غيبتها.. ولكن يكتشف انه محاصر .. فقبل ان تاتي الزوجة المصون بيرجع في الليل شايل كيس النايلو الملان (فتة) ايا كانت فتة فول او فتة كوارع او الاثنين معا وتجس بلمس كيس النايلو السخن في يدك وتتمنى تقده عشان تضوق الفتة وخاصة لو كانت من اولاد العباسية .. ورحلة كيس النايلو الملان فتة تطول وتقصر حسب نوع المهنة في الاقامة .. فتكون محظوظا لو كانت مهنتك ( كاوبوي) او راعي بقر سوداني فهذا يعني انك محدود الكيس اما اذا كانت مهنتك تسمح لك باستقدام الزوجة فهذا يعني التنوع الكيسي - على وزن التنوع الثقافي- فلا يمكن ان تدخل البيت ويديك ملولحات تتنسم الحرية الاداها ليها ربها : فاقل واخف كيس ممكن تكون شايلو هو كيس الخبز ولا زم يكون سخن عشن يقعد للعشا لو جيت الضهر .. ولا يبيت للصباح عشان يحشو منه لفطور المدرسة ثم يملوا كيس النايلو زبالة .. وانت الصباح في ابهى حلتك ومكرفت ( ىيعني ضابط الكرفتة الجميلة ومريح ريحة جميلة تنتاشك المدام وانت في غيك سادر( عليك الله ما تنسى كيس الزبالة) اواصل؟ والا تواصلوا انت؟ المصدر : http://sudaneseonline.com/board/140/msg/%D9%83%D9%8A%D8%B3-%D9%86%D8%A7%D9%8A%D9%84%D9%88-...-%D9%88%D8%A7%D9%84%D8%B1%D8%A7%D8%AC%D9%84-%D8...89409029.html[/QUOTE]
|
|
|
|
|
|
|
العنوان |
الكاتب |
Date |
أكياس الزبالة | حمد عبد الغفار عمر | 02-23-17, 06:11 PM |
Re: أكياس الزبالة | حمد عبد الغفار عمر | 02-23-17, 06:15 PM |
Re: أكياس الزبالة | حمد عبد الغفار عمر | 02-23-17, 06:22 PM |
Re: أكياس الزبالة | حمد عبد الغفار عمر | 02-23-17, 06:30 PM |
Re: أكياس الزبالة | حمد عبد الغفار عمر | 02-24-17, 10:30 AM |
Re: أكياس الزبالة | محمد حيدر المشرف | 02-24-17, 10:46 AM |
Re: أكياس الزبالة | حمد عبد الغفار عمر | 02-25-17, 08:25 AM |
Re: أكياس الزبالة | kamal omer | 02-25-17, 05:33 PM |
Re: أكياس الزبالة | د.محمد حسن | 02-25-17, 09:44 PM |
Re: أكياس الزبالة | حمد عبد الغفار عمر | 02-27-17, 06:32 PM |
Re: أكياس الزبالة | حمد عبد الغفار عمر | 02-27-17, 07:01 PM |
Re: أكياس الزبالة | عباس محمد عبد العزيز | 02-27-17, 08:26 PM |
Re: أكياس الزبالة | حمد عبد الغفار عمر | 02-28-17, 06:06 PM |
Re: أكياس الزبالة | Salah Habib | 02-28-17, 08:10 PM |
Re: أكياس الزبالة | Asim Ali | 03-01-17, 01:18 AM |
Re: أكياس الزبالة | عباس محمد عبد العزيز | 03-01-17, 04:23 AM |
Re: أكياس الزبالة | عباس محمد عبد العزيز | 03-01-17, 05:14 AM |
Re: أكياس الزبالة | Hussein Mussa | 03-01-17, 08:49 AM |
Re: أكياس الزبالة | حمد عبد الغفار عمر | 03-01-17, 07:21 PM |
Re: أكياس الزبالة | حمد عبد الغفار عمر | 03-01-17, 07:33 PM |
Re: أكياس الزبالة | حمد عبد الغفار عمر | 03-01-17, 07:51 PM |
Re: أكياس الزبالة | عباس محمد عبد العزيز | 03-01-17, 08:07 PM |
|
|