|
Re: اللهم لا شماتة.. صدر عن باقان اموم في مثل ه� (Re: mayada kamal)
|
وانا اعلنها صراااااحة انا ضد دعوات مطالبة الحكومة السودانية والبشير بي ضرورة اغاثة الجنوبييين.هم من اختاروا الانفصال وعليهم تحمل تبعات مسؤولية قرارهم ذلك
_________________________________________________
يا دكتورة اصلو ما اتوقعتها منك علي الرغم من انك كوزة
عليك الله امسحي البوست ده
لابيشبهك ولا بيشبه السودانيين
ايوه ممكن نختلف في السياسة واي اي شي
بس ده جوع !! جوع عديل كده يا مياده ياااخ الجوع يا دكتورة اصلو ما فيهو شماته !!
ده هو البيفرق الزول من الحيوان يا مياده
صجيج انك كوزة ودي حاجة كعبة شديد لكن والله ليك معزة خاصة
فنو ابقي كوزة وابقي اي حاجة بسما تفقدي سودانينك
باقان شنو وسياسة شنو مع الجوع يا ميادة ياخ
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: mayada kamal)
|
تحية طيبة الفاضلة مياده طابت ايامك
الموضوع ما موضوع كسب او تصفية حسابات
جارك في الحلة مناقرك ليل نهار حصل ليه عزاء بتحرد ولما بتمشي للواجب
حاليا واجب الحكومة السودانية قبل الشعب السوداني مد يد العون دون من او اذى لاخواننا في الجنوب (والنجدة والمساعدة من صميم الدين مش الدولة رافعه شعار الدين )
العرف السوداني ما بتذل محتاج ولا بتذكر ليه الفات حتى ولو سباك
مواقف باقان او كل سياسي الجنوب تحسب من واقع شكل التعامل بين الحكومتين وما اظن خال الرئيس كان بتغزل في الجنوب ايام نيفاشا .
ولو الساسه بتحاسبوا بالكلام البشير ما بقعد مع عيال زايد في كرسي واحد ولسه صدى الحديث السياسي ليونس محمود مسموع في شوارع العين وابوظبي ودبي
لا يحق لي التعليق على موقفك ومطالبتك بعدم المساعده لكنه من اغرب المواقف التى اشاهدها
تحياتي واسف اذا المداخله ما جات على هواك
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: الجنيد حمد)
|
ليست من شيم واخلاق السودانى التخلي عن الجار طالما لديه أطفال ضعاف وعجائز اما كمسلمين القدوة هو الرسول (ص) الذى افتقد الجار اليهودى الذى كان يؤذيه برمى الاوساخ امام بابه ولما غاب الجار عن الأذى افتقده الرسول وعلم بمرضه فعاد جاره في مرضه وفاء بحق الجار
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: Asim Ali)
|
السياسة لا تتوافق ولغة العواطف. لو عكسنا الاية. الشمال هو من دخل المجاعة
هل الجنوب كان حيلتفت لي معاناتنا. هل كان يمكنهم از يتنازلو عن جزء من بترول الجنوب للشمال في الوضعاك. اناتية وضيق افق قياداتهم من امثال باقان اموم ومن لف لفه ضيعوا الجنوب وامال الجنوبييين وعلى المواطنين تحمل تبعات اختيارهم للانفصال اولا، ومن ثم عدم اعتراضهم ولو بي مسيرة واحدة لي رفض الانفصال وقتها. ابعدونا واعفونا من لغة العواطف في السياسة
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: Asim Ali)
|
السياسة لا تتوافق ولغة العواطف. لو عكسنا الاية. الشمال هو من دخل المجاعة
هل الجنوب كان حيلتفت لي معاناتنا. هل كان يمكنهم از يتنازلو عن جزء من بترول الجنوب للشمال في الوضعاك. اناتية وضيق افق قياداتهم من امثال باقان اموم ومن لف لفه ضيعوا الجنوب وامال الجنوبييين وعلى المواطنين تحمل تبعات اختيارهم للانفصال اولا، ومن ثم عدم اعتراضهم ولو بي مسيرة واحدة لي رفض الانفصال وقتها. ابعدونا واعفونا من لغة العواطف في السياسة
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: mayada kamal)
|
ابعدونا واعفونا من لغة العواطف في السياسة ____________________________________
يا دكتوره الله يرضي عليك سياسة شنو في الجوع
ده جوع الله لا جابو لزول لا في الجنوب ولا في الشمال ولا فياي حته
الزول لامن ينشف من الجوع وهو حي دي مأساة يا دكتورة ما سياسة
مسيرة شنو يا ميادة في زول جيعان مستني يسد رمقه هو وعيالو تجي تقول ليهو ليه ما طلعت مسيرة !!
ياخي الناس البيعرفو (فقه ) المسيرة عددهم كم في في افريقيا كلها ؟ خليهو السودان ولاجنوبه
يا دكتورة ياخيه شيلي نظارة الكراهية بتاعة السياسة دي وشوفي الشفع الصغار هناك
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: Elsanosi Badr)
|
الاخت ميادة ,, سلام لا أجد ما اكتبه هنا الا أن انقل لك مداخلة الاخ منير (Munir) فى بوست يناقش نفس الموضوع فالى ما كتب منير:
Quote: فرصة للشمال لفعل الخير الذى لن ينساه الأخيار .. إدفع بالتى هى أحسن فإذا الذى بينك وبينه عداوة كأنه ولى حميم.. للشامتين نقول ـ لاتظهر الشماتة لأخيك فيعافيه الله ويبتليك .. إذا الدهر ألمّ بأناس نوائبه أناخ بآخرينا ٠٠ فقل للشامتين بنا أفيقوا سيلقى الشامتون كما لقينا .. |
بعدين ياميادة رأيك ده زى ناس الجيش يقولوا ليك الخير يخص والشر يعم. يعنى لايصح ان نُحمِّل شعب كامل شر فرد ,, والا لما صحَ لنا ان نقول ان العقوبات الامريكية على السودان جائرة وغير اخلاقية بسبب أخذها شعب كامل بجريرة افراد من حكومته ,, وللاسف فى ناس مع العقوبات على السودان بسبب افعال واقوال حكومته وفى نفس الوقت يعيبون عليك أخذك الجنوبيين بأقوال فاقان آموم ,, ياله من تناقُض.
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: Hafiz Bashir)
|
Quote: ابعدونا واعفونا من لغة العواطف في السياسة يا دكتورة العواطف ممكن تكون عواطف موجبة و ممكن تكون عواطف سالبة. فإحذري إنك تنمي عواطفك السالبة تحت غطاء إنك مفكرة سياسة و بالتالي تكوني لا نحجتي في إنك تبعدي العواطف من السياسة و لا نجحتي في إنو عواطفك تكون إنسانية. |
بعدين يادكتورة ,, العواطِف دى هى عينالخلق الاسلامى ,, فإذا كان ربنا سبحانه وتعالى أمرنا وحَضَّنا على جوار المشرك اذا استجارنا فمن باب اولى أن نفهم انه أوجب من ذلك أن نطعِمه ونسقيه ونعينه فى محنته. يقول الحق تبارك وتعالى فى سورة براءة الآية {6}: {وَإِنْ أَحَدٌ مِّنَ الْمُشْرِكِينَ اسْتَجَارَكَ فَأَجِرْهُ حَتَّىٰ يَسْمَعَ كَلَامَ اللَّهِ ثُمَّ أَبْلِغْهُ مَأْمَنَهُ ۚ ذَٰلِكَ بِأَنَّهُمْ قَوْمٌ لَّا يَعْلَمُونَ} ويقول الحق تبارك وتعالى فى سورة المائدة الآية {}: {يَاأَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلَا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ }
قال العلامة ابن جرير الطبري رحمه الله: يعني بذلك جل ثناؤه: يا أيها الذين آمنوا بالله وبرسوله محمد، ليكن من أخلاقكم وصفاتكم القيامُ لله شهداء بالعدل في أوليائكم وأعدائكم، ولا تجوروا في أحكامكم وأفعالكم فتجاوزوا ما حددت لكم في أعدائكم لعدواتهم لكم، ولا تقصِّروا فيما حددت لكم من أحكامي وحدودي في أوليائكم لولايتهم لكم، ولكن انتهوا في جميعهم إلى حدِّي، واعملوا فيه بأمري … ولا يحملنكم عداوةُ قوم على ألا تعدلوا في حكمكم فيهم وسيرتكم بينهم، فتجوروا عليهم من أجل ما بينكم وبينهم من العداوة. تفسير الطبري (10/ 95).
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: عبدالعزيز الفاضلابى)
|
شخصيا كنت هناك قبل وبعد الانفصال بصفة صحفي وأقول للتاريخ شهادتي:
- غالبية الذين استطلعت آراءهم ما كانوا عارفين معنى كلمة استفتاء، خليك من تداعيات الانفصال ومدى قدرة كادرهم الإداري على إدارة دولة
- الذين أيدوا الانفصال كانوا إما سياسيين لهم مصلحة ذاتية ضيقة أو سياسيين وأناس عاديين كرهوا معاملتهم كمواطنين درجة عاشرة في الشمال
- نسبة مقدرة من السياسيين والمتعلمين والناس العاديين كانوا ضد الانفصال لكنهم كانوا خايفين من الإفصاح عن حقيقة آرائهم
من ناحية تانية، أكثر من (مسؤول) شمالي وفي مقدمتهم رئيس الجمهورية اعترفوا علنا وأكثر من مرة بأنهم (فصلوا) الجنوب استجابة لوعود أميركية برفع العقوبات وصفة الإرهاب عن الحكومة يعني الاستفتاء كان مسرحية حكومية بمشاركة قِلة من السياسيين الجنوبيين ضيقي الأفق
القول إن الجنوبيين (اختاروا) الانفصال يصدر إما من ناس جاهلين بالحقيقة أو منافقين يخفون حقيقة ما يعرفون
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: معاوية الزبير)
|
الكوزة ميادة كمال.
لا أنتي ولا حكومتك شعب الجنوب برجى منهم خير.
بطلي المكابرة الفارغة.
لو كان فيكم خير يا كيزان كان فعلتوهو من زمان
والمثل بقول الضو لو كان بضوي كان ضوا في بيت أبوهو.
حاولي أن تراجعي أتفاقية البترول، ولكي تعرفي أنها كانت تحتوي على مساعدة للسودان الشمالي ولم تكن كلها رسوم مرور فقط.
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: Abd Alla Elhabib)
|
. الفاضلة الدكتورة ميادة إذا كان ذلك هو رأي باقان ، فما ذنب عشرات الآلاف الذين راحوا ضحايا للحرب الأهلية التي لم تتوقف منذ الإنفصال ! والآن عشرات الآلاف من المساكين الذين لم يكن لهم دور في إشعال الحرب سيروحون ضحية للجوع .. فهل نعاقبهم بجرمٍ جرَّه السفيه باقان ؟ المسألة يا دكتورة مياده ( إنسانية ) وليست سياسية . اللهم اجعلنا ممن يطعمون الطعام على حبه مسكيناً ويتيماً وأسيرا . كامل احترامي بت كمال
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: محمد فضل الله المكى)
|
تحياتي ميادة الكوارث الإنسانية ليست مجال لتصفية الحسابات السياسية, السودان ليس استثناء من هذه الكوارث عشناها من قبل وقد نعيشها في المستقبل نسأل الله اللطف و تعارف العالم على التعاون وفتح باب الإغاثة للبلد المنكوب دون النظر للخلافات السياسية أو التاريخ أو اي شيئ آخر سوى الإغاثة فقط لو كانت هذه المجاعة في اثيوبيا مثلا او اي دولة أخرى ألن نقف موقفا انسانيا صحيحا كما وقف العالم معنا من قبل! فبنفس المنطق هذه نكبة ألمّت بدولة جارة غض النظر عن تاريخنا معها أو خلافاتنا فيجب أن نأخذ الموقف السليم و الذي امر به الدين عندما حض على إغاثة الملهوف و عون المحتاج
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: محمد البشرى الخضر)
|
Quote: ابعدونا واعفونا من لغة العواطف في السياسة
|
لا حولا ولا قوة الا بالله قالت دكتورة وخاته في البروفايل صورة لقاء في قناة انتي مفروض استضيفوك في برامج ساهرون او ساحات الفداء ياها دي العقلية الشتت الاسر وشالت الناس الصالح العام وبتنادي بحرب الابادة في جبال النوبة ودارفور شهادة اسؤ بوست في سودانييز
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: محمد البشرى الخضر)
|
هل فعلا في مجاعة في جنوب السودان ؟ هل من المعقول أن تكون هناك مجاعة في جنوب السودان ؟
الواقع أن جنوب السودان ملئ بالخيرات الزراعية ، أشجار الثمار في الطرقات جنوب السودان غني بالثروة الحيوانية كيف تكون في مجاعة ؟
ولا هي خطة من حكومة الجنوب عشان عندها فهم تاني !!!!!!!!
الصور ليست بالضرورة تعكس الواقع الحقيقي لأنها من الممكن أن تكون صورا قديييييييمة قدم السنين في مناطق أخرى
عادة المجاعة تصيب المناطق الصحراوية ومناطق السافانا لشح الأمطار وعدم توفر المياه. أما الجنوب لم تتوقف الأمطار ولم تجف الأنهار كيف تجي المجاعة
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: Deng)
|
Quote: لا أنتي ولا حكومتك شعب الجنوب برجى منهم خير.
|
وانتم ايضا العالم لا يرجى منكم الخير،،، بدليل الغرب وامريكا نفسها اللي راعت الانفصال قنعت من الجنوب واعلنوها دولة فاشلة من ايام ادارة اوباما.
Quote: لو كان فيكم خير يا كيزان كان فعلتوهو من زمان
|
اها عشان جنس فهمكم دا لا تستحقون اي وقوف معاكم لانكم ناكري جميل ومعروف. الرئيس البشير اول رئيس دولة اعترف بالجنوب وهنأهم بالانفصال،، وايضا الرئيس البشير اول رئيس زار الجنوب، والسودان اول دولة فتحت حدودها معاهم واستقبل الجنوبييين منذ الحرب اللي نشبت في ٢٠١٣ . كل هذه الخطوات هل قوبلت بي مرونة من المسؤولييين الجنوبييين !!!!!!. هل امتنعت جوبا عن دعم الحركات المسلحة وايؤاهم !!!!. هل التزمت جوبا بالاتفاقيات الامنية اللي موقعة معهم ،، هل سحبت جيوشها من خط ١٩٥٦؟؟؟؟؟. العملتو حكومة الانقاذ معاكم حقو تعملو تمثال للرئيس البشير في اهم ميدان بي جوبا تقديرا وعرفانا
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: mayada kamal)
|
لو كان فيكم خير يا كيزان كان فعلتوهو من زمان والمثل بقول الضو لو كان بضوي كان ضوا في بيت أبوهو -----------------
دينق انت شايت وين امريكي ولا جنوب سوداني بترول الجنوب نحن من حفرناه وسلمناهو ليهم يضوي في بيوت الجنوب الدولة الجنوب سودانية نحن من وافقنا عليها حسب اختيار الشعب حاليا انتو اكلتو قروش البترول وبنيتو بيها عمارات انت واحد ومعاك كل النخب الفاسدة وتركتو الشعب يموت جوعا تبا لكم وبعد كدا جاي تتكلم عن الضو ...انتم الظلام يا حرامية الجنوب
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: معاوية الزبير)
|
السيد معاوية كلامك صحيح مية في المية انا قعدت في الجنوب تسعة اشهر بصورة متواصلة كنت شغال مع World Food Program والمنظمة اتاحت لينا نجوب كل مناطق الجنوب والله الناس ديل ابسط ما يتصور بعض الناس واطيب خلق الله الناس ديل والاغلبية بتاعتهم ما عارف انو في شمال زاتوووو
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: mayada kamal)
|
نعم السياسة لابد من واقعيتها ، هل حكومة المؤتمر الوطني واقعية ؟؟!!! عاطفة الكيزان الوهمية هي التي اوردتنا مورد الهلاك .. لكن هذه حالة انسانية وليست سياسية الذي يموت جوعا في جنوب السودان ليس باقان او سيلفاكير بل اناس بسطاء لا حول لهم ولا قوة ولم يكونوا سبباً في ما حل بهم.. !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: الزبير بشير)
|
السلام يا ميادة,,,
هوجة وشماتة المؤتمر الوطني التى لا تخفى هذه الايام في محنة اخوانا الجنوبيين تكشف تماما إحساسهم الكبير بالخسارة وبالعار لتسببهم في إنفصال الجنوب ومحاولة لإنكار حقيقة أنكم عملتم على إنفصال الجنوب ودفعتم في ذلك الإتجاه وبعدها وفي وقت متأخر عرفتم حجم الكارثة التى تسببتم بها ,,,
الآن الوضع إنسانى والكوارث والمجاعات يعرفها شعب السودان وخبرها ,, تقيف مع أخوك زي باقى خلق الله زى ما وقفو معاك قبل كدا ولا نبقى في الشماتة الغريبة دى وخريجى مدرسة ناس الطيب مصطفى!!!!!
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: أيمن الطيب)
|
Quote: هوجة وشماتة المؤتمر الوطني التى لا تخفى هذه الايام
|
اولا احب اثبت انو دا راي الشخصي ولا يعبر عن راي المؤتمر الوطني. طيب اريتو كان دا توجههم... للاسف من الرئيس وقيادات بارزة ووزراء عاشو وعانو من وسخ بعض قيادات الجنوبيين. توجههم الان مع دعم الجنوبيين اهل الغدر وخيانة.
Quote: تكشف تماما إحساسهم الكبير بالخسارة وبالعار لتسببهم في إنفصال الجنوب ومحاولة لإنكار حقيقة أنكم عملتم على إنفصال الجنوب
|
كلام دا كان يكون صحيح لو الجنوب بعد الانفصال اذدهر وتطور ونمى وصار دبي افريقيا و قام ليه قومه بعد الانفصال. لكن يا اخوى حالهم لا يحسد عليه بفعل غباءهم السياسي.. الجنوب دولة فاشلة. اول دولة تدخل حرب اهليه مباشرة بعد النفصال عن الجزء الام. الجنوب ايضا اول دول تشهد حرب عصابات بين اثنين هم اعلى هرم السياسة . سلفا، مشار. لو داير بجيب ليك تعريفات زيادة عنهم. تاني البخلينا نحس بالعار شنو
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: mayada kamal)
|
تأصيل الشماتة شماتة "ربانية"
لم اسمع احدا ...قال هذه العبارة "اللهم لا شماتة " في بداية حديثه الا وفهمت انه سيغرق في الشماتة حتى اذنيه
أسلوب العاجزين وفاقدي الخلق الانساني القويم
ولكأن ذكر اسم الله سيعفيه من الجريمة
تماما...ياها نفسية...الاسلامويين
يصرخون "الله اكبر" ويذبحون الاخرين
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: أيمن الطيب)
|
زي ما قال المتنبئ لا خيل عندك تهديها ولا مال فليسعد النطق إن لم يسعد الحال
كان الحكومة عندها حاجة فلتساعد بيها ناس الشمال أولئك الذين تقتلهم بالتجويع والقصف في دارفور وجبال النوبة والنيل الأزرق علي الأقل تسمح بمرور الإغاثة
إذا كانت عندك ماسورة بترول مارة ببلدك من جنوب السودان (وفيها دحل ليك كمان) وعندك ملايين من الأبقار تهاجر كل عام داخل الجنوب بحثا عن المرعي وإذا كان النيل الذي نشرب منه يمر أو ينبع من الجنوب ودا غير العمالة وفرص الإستثمار والتجارة
فطع شك إذا ما عاوزين عواطف في السياسة ما عندنا حل غير نصلح النطق حفاظا علي المصالح
يا الكيزان بتبالغوا عديل كدا ممكن مصر تحتل حلايب ورئيسكم ما عليه يتبرع بعربية لكل لاعب في الفريق المصري بل ويتبرع بلحوم لمصر
وتكنون للجنوب كل مشاعر الحقد والإنتقام والتفشي كأنكم ما سمعتم بالمثل الذي يقول الفش غبينته خرب مدينته
رغم أنني وحدوي وما زلت ولأسعي لعودة السودان الموحد بعيد إسقاطنا للديكتاتورية في الشمال لكنني وكل ما أقرأ مثل هذه الآراء أزداد إقتناعا بأن الجنوبين كانوا لي حق حين إختاروا الإستقلال
الأخوة في الجنوب الحبيب في محنة من صنع قادتهم الذين هم أيضا فشوا غبائنهم وخربوا مدائنهم كامل التضامن مع الشعب الجنوبي في محنتهم
وسأعمل لمساعدتهم متي وجدت لذلك سبيلا
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: kamal omer)
|
دكتورة / ميادة -- تحياتي..
المواطن في جنوب السودان مغلوب على أمره ولا علاقة له بألاعيب السياسة ودهاليزها....
يجب إغاثة جنوب السودان والوقوف معهم في محنتهم.....
من باب الواجب الإنساني والديني والأخلاقي....
قال تعالى في القرآن الكريم : " وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ (34) وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ".
عَنِ ابْنِ عُمَرَ قَالَ قَالَ رَسُولُ اللَّهِ صلى الله عليه وسلم:مَنِ اسْتَعَاذَ بِاللَّهِ فَأَعِيذُوهُ وَمَنْ سَأَلَكُمْ بِاللَّهِ فَأَعْطُوهُ وَمَنِ اسْتَجَارَ بِاللَّهِ فَأَجِيرُوهُ وَمَنْ آتَى إِلَيْكُمْ مَعْرُوفًا فَكَافِئُوهُ فَإِنْ لَمْ تَجِدُوا فَادْعُوا لَهُ حَتَّى تَعْلَمُوا أَنْ قَدْ كَافَأْتُمُوهُ.- وفي رواية :مَنْ سَأَلَكُمْ بِاللَّهِ فَأَعْطُوهُ وَمَنْ دَعَاكُمْ فَأَجِيبُوهُ وَمَنْ أَهْدَى لَكُمْ فَكَافِئُوهُ فَإِنْ لَمْ تَجِدُوا مَا تُكَافِئُوهُ فَادْعُوا لَهُ".
قَالَ رَسُولُ اللهِ صلى الله عليه وسلم:" إِنَّ مِنَ النَّاسِ مَفَاتِيحَ لِلْخَيْرِ ، مَغَالِيقَ لِلشَّرِّ ، وَإِنَّ مِنَ النَّاسِ مَفَاتِيحَ لِلشَّرِّ ، مَغَالِيقَ لِلْخَيْرِ ، فَطُوبَى لِمَنْ جَعَلَ اللَّهُ مَفَاتِيحَ الْخَيْرِ عَلَى يَدَيْهِ ، وَوَيْلٌ لِمَنْ جَعَلَ اللَّهُ مَفَاتِيحَ الشَّرِّ عَلَى يَدَيْهِ".
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: kamal omer)
|
سلامات يا ود الزبيرQuote: القول إن الجنوبيين (اختاروا) الانفصال يصدر إما من ناس جاهلين بالحقيقة أو منافقين يخفون حقيقة ما يعرفون |
ما باقي ليك عصرت علينا يا ود عمّي!! لا أحسبني جاهلا بحقيقة ما جرى ولست منافقا, حين أقول أن الجنوبيين اختاروا الإنفصال بنسبة كبيرة و هنأتهم على خيارهم واحترمته أنا لو كنت محلّهم وأحس أنني أعامل كمواطن أقل درجة من الآخرين في بلدي سأختار الإنفصال بطيب خاطر . المهم .. يا قريبك خلّي مساحة ولو بسيطة لصاحب الرأي المخالف دون وصمه بالجهل أو النفاق
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: mayada kamal)
|
كل ما يحدث في دولة جنوب السودان سببه نظام المؤتمر الوطني ، الكل تابع تنفيذ اتفاقية نيفاشا ومراوغة المؤتمر الوطني و دغمسة اغلب بنودها واكراه الجنوبيين على الانفصال ، والذي قاله باقان لا يساوي شيئا من اقوال الطيب مصطفى ..ليس من العدل ان نأخذ شعب الجنوب بجريرة باقان الذي تحدث مكرهاً بسبب عنصرية الكيزان..من واجبنا في السودان دينيا وعرفيا مد يد العون لهؤلاء المساكين الذين يتضورون جوعا من سياسة الحمقى وعديمي الاخلاق والضمير.. نسأل الله ان يزيل عنهم هذا البلاء وان يعود السودان الكبير الواحد الموحد
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: ياسر منصور عثمان)
|
يا دكتورة ..قيم المروءة والشهامة والكرم والشجاعة واغاثة الملهوف والفزع..قيم مأصلة فى التكوين النفسى للسودانيين ولا تحتاج لشهادة من احد بشان الرؤية التى طرحتها ..انت محقة يا دكتورة ...مرة واحدة فى حياة السودانى ان يدع السذاجة والبساطة فى التعامل مع الاخرين سيما الذين ثبت بالتجربة والتراكم مكرهم ونكرانهم للجميل والكره والبغض لنا دون مبررات ..وفرية شعب الجنوب يختلف عن الحركة الشعبية فى التفكير ما هى الا ذر للرماد فى العيون كلاهما اسوأ من الاخر ...نحن لا نحجر على احد ان يقدم المساعدة ولكن ليس على المستوى الرسمى لانو موافق الحركة الشعبية المخزية فى ملف العلاقات بين الشمال والجنوب لا يسمح بمد يد العون اليهم ..بلغ من سوء الحركة الشعبية وكانت طرف اصيل فى السلطة مشاركة مع المؤتمر الوطنى ..ان طالبت الادارة الامريكية بعدم رفع الحظر عن الشمال والابقاء على العقوبات مفروضة وطالبت بتسليح جنوب السودان كلام موثق موجود وغيره من الخزئ...لذلك من اراد ان يساعد فله ذلك ولكن لا يفرض منطقه على الغير
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: على تاج الدين على)
|
.
بغض النظر عما يحدث حالياً في جنوب السودان، فهم كانوا مؤهلون جداً لكي يصبحوا دولة نموذجية ومتحضرة حيث أن عدد سكانها لا يتجاوز ال 10 مليون ، ولها نفط لا يحتاج لكثير عناء ... بجانب الثروة الحيوانية والسمكية والزراعة ... وغيرها من المنتجات الأخرى مثل الأخشاب ... وفوق ذلك كله نجد تعاطف دولي غير مسبوق معهم..
إلا إنها السياسة اللعينة القذرة ومخالب القط التي زرعت وسطهم ، فأصبحت دولة ليس فيها إلا البؤس والشقاء هذا الشعب كان يحتاج مدارس ومستشفيات ومراكز إنتاجية ومصانع .... شعب يحتاج لمن يأخذ بيده نحو الأفضل ..
السودان الشمالي وحكومته التي يرأسها المؤتمر الوطني تتحمل جزء من معاناتهم ... وذلك حسب أوراق اللعب التي أمامهم أنبوب البترول وفتح الحدود والتبادل التجاري وسد النهضة .. والتعلل بإيواء الحركات المسلحة والتعاضد مع دول الجوار وغيرها ضدهم
ولكن ماذا نفعل والسياسة كاتمة على أنفاس كل ما هو جميل وموجود أمام طاولة المفاوضات ... والنتيجة دول فشلت في مقومات الحياة تضرر منها السودان الشمالي والجنوبي ....
الناس أمام مسئولية تاريخية ويجب على السودان الشمالي التعاون مع المجتمع الدولي ودولة جنوب السودان لتجاوز هذه المحنة...
ثم بعد ذلك يجلس الناس مجددا على طاولات المفاوضات لأجل تحسين اقتصاد الدولتين والمضي قدوما لخلق دولا متعافية توفر لمواطنيها كل سبل الحياة الكريمة ..
جوبا .. واو ... مدناً لي فيها ذكريات جميلة
الشغيل
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: عبد العزيز محمد عمر)
|
دكتورة ميادة -- تحية طيبة لك الحق أن تتذكري المرارات .... ولك الحق أن تجودي بمالك أو تمسكي .... وليس للآخرين الحق ...في اتهامك .... علاقات الشمال والجنوب .... كانت ولاتزال محل شد وجذب .... تستغلها السياسة والأهواء الشخصية .... ** نعم حكومة الجنوب .... لاتدخر خيرا لحكومة وشعب الشمال .... وظلوا منذ الاٍنفصال يكيدون للشمال .. وأهملوا في سبيل ذلك بناء وطنهم الوليد .... ** نعم مواطن الجنوب ....فضل الاٍنفصال -- (علي وعي تام ) ..ومن يقول غير ذلك فهو (مكابر أو معاند).... الجنوب يعرف معني الاٍنفصال منذ العام (1954) . ** ومن حق المواطن السوداني أن يدعم اٍبن الجنوب أو يمتنع ... ولكن ليس من حق (( المعارضة)) أن تعلوا أصواتها باتهام ((الحكومة)).... وكأنها ترتكب جرم وكان الأولي بها أن تتهم (( جنرالات الحرب وحكام الجنوب أولا)) والمعارضة (المسلحة) في الجنوب ..... حيث يضيع المواطن ويموت --- ولا هم للمتحاربين اٍلا السلطة ..... ** ولكن أخت ميادة ..... من واجبي أيضا أنا المسلم (( أن أغيث )) كل من يستجير بي ... بدون تمييز لدينه أو جنسه (( فقد قالها المصدوق صلي الله عليه وسلم : في كل كبد رطب أجر )) - من هذا المنطلق الاٍنساني نحن ملزمون أن ندعم -- وليس من منطلق سياسي ولا مصلحي *** فلو غلبنّا السياسة والمصالح ... فلا أظن أن أحد سيمد يده بالعون *** وأقول لمعارضة (الخارج) ذات الصوت العالي .... ابدأو بحملة لاغاثة أبناء الجنوب - من حر مالكم - تطوعوا ..كونوا مبادرين ... ولا تلتفتوا للحكومة ... فهو واجب انساني .... واللاجيء ليس في حاجة الي سماع آرائكم السياسية ولا كلماتكم العاطفية ... هو في حوجة الي (( الغذاء + المأوي + العلاج + الأمن )) .... فهل نسمع عن مبادرات حقيقية ...أكثر من مهاترات المنابر !!!!!!!!!!!!!
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: عمار قسم الله)
|
Quote: سلامات يا ود الزبير ((Quote: القول إن الجنوبيين (اختاروا) الانفصال يصدر إما من ناس جاهلين بالحقيقة أو منافقين يخفون حقيقة ما يعرفون)) ما باقي ليك عصرت علينا يا ود عمّي!! لا أحسبني جاهلا بحقيقة ما جرى ولست منافقا, حين أقول أن الجنوبيين اختاروا الإنفصال بنسبة كبيرة و هنأتهم على خيارهم واحترمته أنا لو كنت محلّهم وأحس أنني أعامل كمواطن أقل درجة من الآخرين في بلدي سأختار الإنفصال بطيب خاطر . المهم .. يا قريبك خلّي مساحة ولو بسيطة لصاحب الرأي المخالف دون وصمه بالجهل أو النفاق |
لكن بالغت يا ود البشرى الجهل بالشيء ليس مسبة، أنا حددت الجهل هنا بحقيقة ما يجري في الجنوب والجهل بهذه الحقيقة تحديدا يمكن أن ندمغ بها غالبية الشماليين والعالم
أما من كان يعلم بالحقيقة لكنه يخفيها لأمر في نفسه فهو منافق وهذه أكيد لا تنطبق عليك ---- مرة أيام الاستفتاء، كنت برفقة مجموعة من ممثلي جهات غربية في عربية واحدة مرينا في الطريق بمجموعات متفرقة من الجنوبيين والجنوبيات يهزجون ويرقصون واحد منهم قال: "هؤلاء الناس لا يعرفون ما هم مقدمون عليه". فوافقه الجميع، وأنا أولهم كنت برضو أتحدث دائما مع صديق جنوبي وهو سياسي وابن قيادي سياسي مخضرم وكان يردد: "الحاجة اللي بتتم دي مؤسفة جدا". ----
الناس في الجنوب وأطراف الشمال غير مهيئين ولا مؤهلين للمشاركة في انتخابات خليك من استفتاء بالانفصال، انت قايل التهميش دا شنو
راجع مداخلة الأخ إبراهيم عبد الوهاب والله لمّا كنا (!(نشرح ونوضح ليهم)) ونسألهم عايزين تكونوا عايشين براكم في الجنوب يقولوا ليك ما فاهمين انت قاصد شنو، نحن أصلنا عايشين برانا!
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: محمد محمد قاضي)
|
( موافق الحركة الشعبية المخزية فى ملف العلاقات بين الشمال والجنوب لا يسمح بمد يد العون اليهم .. )
الاستاذ على تاج الدين نظام البشير منح لاعبى منتخب مصر التى احتلت اراضينا فى حلايب وشلاتين وفرس وارقين بحمرة عين ومازالت تحتل عربات بملايين الجنيهات .. منح حكومتها برؤوس ماشية بمليارات الجنيهات ومازال يتودد لها
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: خالد حاكم)
|
مثل هذا الحديث لا يصدر الا من المركزيين و المركزيات المتخمة بطونهم بخيرات الجنوب و الغرب و الشرق. أسأل الله سبحانه وتعالى ان يتفرتك السودان , الشرق يصبح دولة و الغرب الكبير (كردفان ودارفور) تصبحان دولة , نشوف امثال ميادة يسوّن شنو , و الله الا يشتغلن خدامات عند المصريين..
حقد مركزي دفين تجاه الاطراف و الهوامش في حين ان رفاهية هذا الانسان المركزي و سفرو لماليزيا و اوروبا وقرايتو كلو على حساب الموارد المكتنزة من باطن ارض الجنوب و الغرب و الشرق..
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: Khalid Elsayed)
|
Quote: شعب جنوب السودان ضحية الصفقة القذرة التمت بين حكومة الجنوب وحكومة الشمال برعاية المجتمع الدولي |
لسه يقول ليك صفقة بين حكومة الجنوب وحكومة الشمال !!!!!!!!!!!!!! يا اخونا انت عايش وين كتر خير الانقاذ اعطتهم حق تقرير المصير. والجنوبيين اختارو الانفصال ، علينا ان نحترم اختيارهم وعليهم تحمل تبعات ومسؤولية خيارهم دا. وما معقولة نكون ملكيين اكتر من الملك.
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: mayada kamal)
|
سلام الأخت صاحبة البوست و ضيوفك الكرام
ما هي الرسالة التي أردتي ايصالها من خلال البوست ؟
هل هي أنك من الذين يبخلون و يأمرون الناس بالبخل ؟
لو كنت طبيبة مثلا و أمامك مريض من جنوب السودان يحتاج تدخل سريع
هل ستنقذين حياته أم ستمتنعي و تتركيه يموت ؟
طبعا تعلمين ان جزء من مالك ليس ملك لكي ( الزكاة و الصدقة ) بل هو أمانة
اودعها الله عندك لتسلميها لمن يستحقها مثل أخوتنا الذين أصابتهم المجاعة ..
اذا سألك الله يوم الحساب لماذا لم تساعدي ، فهل ستتحججي بمقولة باقان أموم ؟
| |
|
|
|
|
|
|
Re: اللهم لا شماتة.. صدر عن باقان اموم في مثل ه� (Re: Arif Nashed)
|
الأخوة في جنوبنا الحبيب يستحقون النفير هم جذء من الوجدان السوداني الكبير شعب واحد تاريخ واحد روابط تاريخيه
سياسه شنو وقرف شنو يا ميادة
ياخي لي هسه الشعب السوداني لم يستوعب أن الأخوة في الجنوب أصبحوا في دوله أخري .. الوجدان لا يزال واحد لذا الشعور بنعانتهم هي نفسها التي قد تحدث في درافور أو في الشرق نحن شعب واحد وواهم من ظن بأن دعاة الكراهية يستطيعون تمزيق هذا الوجدان الواحد ...
بعدين ردة فعل ميادة وأمثالها مثيرة للشفقه لانها تنفث الكراهية وتختزن صور الحرب الدينية في الجنوب وأن قتال الكفار في الجنوب هو طريق الجنه ولقاء الحور العيـن , خطاب الهوس لا يزال يعشعش
الله في
| |
|
|
|
|
|
|
|