|
Re: عائشة: تجنيب مبلغ 9,384.930 وصرف 803 ملايين جنيه (Re: زهير عثمان حمد)
|
الخواجة قال طول ما الدنيا فيها موت يبقى مافي فايدة .. ونحن بنقول طول ما البلد حاكمنها الجماعة ديل مابتطلع ليها قوزا اخدر .. موازنة شنو يا زهير ديل مافي شيتن بيقرعن من المال العام .. كان في تجنيب او مافي تجنيب يدهم واصلة المال العام واصلاها .. هسه الموازنة حقتهم دي ما زي الشوال المقدود فرقها شنو !! .. يمين أجعص محاسب مابمرق منها بي رؤية محاسبية مكتملة ... فلا الايرادات معبرة عن حقيقية الايرادات المتوقعة .. ولا المصروفات تعبر عن حقيقة المصروفات المتوقعة .. موازنة الجماعة ديل عبارة عن لعبة ملوص الاكيد فيها .. الشعب حيمرق في النهاية كيت وملوص ساي .. دي موازنة عبارة عن شوال مقدود تدخل بي جاي وتمرق بي عادي .. الكيزان بيعملوا موازنة كل عام عشان يضحكوا على الناس ويغشوهم .. نظام شوفونا عندنا موازنة دولة للعام لكن حقيقة الوضع المالي غير ويتم تدوير الدورة المالية للنظام بمعزل هذه الموازنة فهي تخص الشعب المسكين ده .. ولا تخص اغلب أجهزة ووزارت النظام الحاكم بأي حال من الأحوال .. ولا تعبر عن منصرفات رجالاته وكبار مسؤليه .. ولا عن الايردات المتوقعة .. فالموازنة في هذه الحالة عبارة عن مضحكة ومهزلة ولعب ساي .. فيبلوها ويشربوا مويتها .. ياخ حجم دورة المال العام خارج موازنة الدولة .. براهو بيسوي موازنة موازية يبقى موازنة شنو وبطيخ شنو ..
|
|
|
|
|
|