كان تصدقوني كان تكضبوني او أسالوا خالد المحرب عشرين سنة قاعد في كرسي واحد اصلي ما داير اغيرو وحتكمان المسامير لمن ينصلن بربطن تاني .... عشرة سنين مع الكرسي المهلهل دا الليلة جاني صاحب العمل وطلب مني دراسة جدوى لمصنع زهور وورد لمن قال كدا من الضحك قربت اقع من الكرسي المذكور اعلاه عارفين ليه وحيات خوتكم لليوم العلينا دا ما بعرف الفرق شنو بين الزهور والورد غايتو الدنيا دي بتوريك عريس امك هههههههه اولا بالتبادي ارجو من الحساسين والحساسات ما يسخروا مني بان لم اعرف حاجات عزيزة لديهم ثانيا بالتبادي ارجو من الزملاء الماليين المساعدة باقي انا خلاص عجزت ومافي روح للمجابدة كان لقيت لي دراسة جاهزة تكون عز الطلب . . النت شفتو لقيتو عولق ساهي ولمن يقوم المصنع بهدي لكل منكم وردة ول كان زهرة
Post: #2 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 02:23 PM Parent: #1
اها وكمان في ناس يقولوا ليك صباح الفل الفل برضو شنو يضاف للعنوان اعلاه وعادة لمن زول يقول لي صباح الورد ول صباح الفل بقولوا عليكم السلام ورحمة الله تعالى وبركاته مو اخير ؟ عشان ما ارد على حاجة ذاتا ما بعرفا . . الغريبة خالد المحرب بقول صباح الورد ههههههه . . داير ادرقو ليكم كان يجي يرد
Post: #3 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 02:26 PM Parent: #2
الكلام الفوق دا كلو فذلكة تاريخية وطرطشة ساكت او تقرأ فتح شهية لكن الموضوع جادي مغروض في المساعدة لدراسة جدوى لمصنع ورد وزهور او بالاصح لمصنع اكسسوارات الورد والزهور مثل الفلوار فوم
Post: #4 Title: Re: الفرق شنو بين الزهور والورد ؟ Author: sadig mirghani Date: 12-28-2016, 02:27 PM Parent: #1
حقنا بره وردة ما بتنفع
الزهرة دي اعضاء التكاثر في النبات لازم في اي نبات تجد زهرة ولو في شكل او عدة اشكال وقد يوجد نوع او اثنين بدون زهور لكن الاغلبية العظمي من النباتات تحتوي اعضاء التذكير والتأنيث في الزعرة الورده دي بتكون في النبات اداة جذب للحشرات للتلقيح باقي في نباتات خلطية التلقيح وذاتية التلقيح المهم
Post: #5 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 02:37 PM Parent: #4
هههههههههههههههههه زمان يا الحبيب صادق مرغني خالي يوسف لمن يكون نائم نصت نهار في الراكوبة ونحن الشفع نطق الحجار الحمراء ديك حقت الخرصانة طق طق طق عشان تولع شرارة هذه الشرارة تفرحنا ايما فرح ولكن الطققان دا بزهج خالي يوسف رحيمو الله ويصحى ويقول يا شافع ما طق تطق لمن حَمَارك يشق مع انو الشرح بخسي حلاة الحديس لكن بشرحو كلامو مضطرا يعني يا شافع تطق للصباح مجنونا . . على الجزيمة كان فهمت كلامك اطق لمن حماري يشق وكمان الموضوع اتعقد زيادة اخير اخليهو على الحاجة الخاتها في راسي تخيلا . . عاين لي جاي حقك بره واقع الماسنجر خالص التحياي والود
Post: #6 Title: Re: الفرق شنو بين الزهور والورد ؟ Author: عباس الدسيس Date: 12-28-2016, 02:58 PM Parent: #5
سلام يا شيخ العرب دراسة الجدوي عايزها لأي نوع من الورود: Artificial dry natural لازم تحدد اول اخبارك مشتاقين
Post: #7 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 03:46 PM Parent: #6
Artificial ------------- سنة ول اموت انا ؟ حلوة ارتيفشيال دي عاجباني عجب شديد من زمن عرفتها عاين لي جاي الدراسة المطلوبة لمصنع يصنع الفلوار فوم معناة المعنى الاسفنج البغزو فيهو الزهور والورد كان صناعية كان طبيعية طبعا عجبك الغززان يا عفن بعرفك انا كان بزغت في بطنك بعرفك ما عندك اسنبطا جاهزة زي بقولوا اولاد بمبة ؟ احتمال كبير نجيك في البيت يوم الجمعة معاي صاحبك الضؤ جهز الشعيرية وشاهي اللبن واحلى عشرة ونسة وذكريات البنك الزراعي
Post: #8 Title: Re: الفرق شنو بين الزهور والورد ؟ Author: sadig mirghani Date: 12-28-2016, 04:11 PM Parent: #1
😂😂😂😂😂😂😂😂😂😂😂
Post: #9 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 07:32 PM Parent: #8
اسع كان رسلت لي الدراسة وقبضت الضحاكات ما كان اخير من 11 وش ضاحك ديل . . الزهور والورد شتلوها جوة قلبي الله يسامحك يا خالي البلولة ود علوبة كرهتنا في الغنا السمح مما تجي الاغنية دي ول الغنا المابنفع معاهو طوالي يقفل الرادي ويقول كملتو الحجار في الفاضي سيد الرادي عاد في كلام ؟ ننتظر الدلوكة والنقزي طلعنا كلنا نقزنجية
Post: #10 Title: Re: الفرق شنو بين الزهور والورد ؟ Author: علي دفع الله Date: 12-28-2016, 07:38 PM Parent: #9
الزهرة زي نوارة التبر والوردة زي نوارة القطن ..
ود البوش ازيك يا اخي.
Post: #12 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 07:55 PM Parent: #10
الزهرة زي نوارة التبر والوردة زي نوارة القطن .. -------------------------------- الله يفتح عليك فتحا لاك حاريهو ولاك دايريهو دا الكلام الواضح . . وما بخليك تمشي بصمة كيبوردك اتنين من عروبنا نزلوا ضيوف عن ناس مدينة جابو ليهم الفطور كسرة بملاح لحم بعد اكلو فيهم واحد شاف باقي كسرة في حنك التاني ودار بينهما هذا الحوار المشفر كي لا يفهم كلامهما المضيف المدني قال البدوي لاخيه ود اب عيش يسلم عليك فما كان من البدوي اللبق فطرة وطبيعة ان فهم محدثه ومسك حنكو ممرا عليه يده كدا دا ..... ومسح الكسرة من حنكو ورد عليه الله يسلمووووو .... اها لسع في محلو داك ول رحل ؟ قاليهو رحل سلم عليهو بعد تلاقيهو واكلو الشعيرية وقامو . . علي دفع الله يا حبيب مرورك العليل اعجبني وهذا مع التحية والاحترام
Post: #11 Title: Re: الفرق شنو بين الزهور والورد ؟ Author: أيمن الفاضل Date: 12-28-2016, 07:43 PM Parent: #8
حبيبنا ود البوش ياخ بوستاتك كلها روعة
بالنسبة لي سؤالك الزهرة هي عضو التناسل بتاع النبات (ماكل النباتات) كل الورود تعتبر زهور، يعني أعضاء تناسلية للنبات بس ماكل الزهور تعتبر ورود الزهور الجميلة هي الورود
يعني انتو شركتكم دي يفترض شغلها يكون في الورود تحديداً
لو في مهندس زراعي بتاع بساتين حيريحك
Post: #13 Title: Re: الفرق شنو بين الزهور والورد ؟ Author: Mahjob Abdalla Date: 12-28-2016, 08:11 PM Parent: #11
سلام ود البوش و صباح الوردFlowers and Rosesالورده نوع من انواع الزهور تنتمي الي فصيلة معينة من النباتاتRose:
Post: #15 Title: Re: الفرق شنو بين الزهور والورد ؟ Author: Mahjob Abdalla Date: 12-28-2016, 08:21 PM Parent: #13
Flower
Post: #17 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 08:36 PM Parent: #15
تمام كدا يعني ال Roses احمر وال Flowers بنفسجي ول ما لازم ؟ . . جزيل الشكر على الاضافة المفيدة جدا لي ولي الما مسقفين وعاملين فيها مسقفين كل زول بكون عرف رقبتو
Post: #16 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 08:30 PM Parent: #13
سلام ود البوش و صباح الورد --------------------------------- وعليكم السلام ورحمة الله تعالى وبركاته الحبيب محجوب عبدالله افهم من كلامك في نباتات بتجيب ورد وفي نباتات بتجيب زهور التبر بجيب زهور والقطن بجيب ورد وكدا بقلب جامد اقوليك مساء الورد يا جميل ٌRoses ورود Flowers زهور و Student طالبة ههههههههه . . صورة ال Flowers ابت تنزل عشان توضح الفرق جزيل الشكر الحبيب محجوب عبدالله تحياتي واحترامي
Post: #14 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 08:12 PM Parent: #11
الله يجبر بخاطرك الحبيب أيمن الفاضل دا بالنسبة بالروعان . . اما بالنسبة لاجابة سؤالي النصيحة لفيت راسي زيادة قبيل اخونا صادق مرغني لف راسي وفات خلاني في لففاني اخونا علي دفع الله وقع لي راسي عديل وقلت خلاص كدا فهمت ولمن جيت اتا الحبيب قلت انركب كلامك وكلام صادق في بطن كلام علي دفع الله لقيت القطن عاقر كلو كلو علما بانه القطن بلد ولادة لمن نملا منو طلاطاشر شوال كبس . . اسع بكون في ناس كتار عاملين فيها مسقفين وحمالتك علي الكلام دا ذاتم بكون لف راسم . . طيب والفل شنو ؟ اديتونا الليل. شكرا يا ايمن يا معجب تحياتي واحترامي مع الود مرفق طيه
Post: #18 Title: Re: الفرق شنو بين الزهور والورد ؟ Author: Basamat Alsheikh Date: 12-28-2016, 08:40 PM Parent: #14
ود البوش تحيات وسلام.. ما في زولة بتعرف ليك الفرق بين الزهرة والوردة غير منى بت عمسيب لانها قاعدة في بلد الزهور والورد....وهي دائما بتهدي لينا مرات ورود ومرات زهور... وهي لا شك ستاتينا بالخبر اليقين عن الفرق بين الزهور والورود... ودمت بالف خير وصحة وعافية
Post: #19 Title: Re: الفرق شنو بين الزهور والورد ؟ Author: عبدالحفيظ ابوسن Date: 12-28-2016, 08:50 PM Parent: #18
Post: #22 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 09:30 PM Parent: #19
الزهور تتحول لثمرة الورود لا تتحول كلام رقبة نملة هسعتي الخياسة ليهو شنو . يعمل ليهو مصنع صابون وزيوت انا غايتو اكان ترضو اكان تزعلو بشوف هدية الورود دي فسالة ساي هدية خيتت المدغي للعيان ماها هدية زاتا ------------------------------------------------------------------ هههههههههههه ود اب سن ابو ضراع يا اخوي الناس تبحث عن الرفاهية بعدما وفرت لهم دولتهم كل المتطلبات الاساسية حتى صارت مصانع الصابون والزيوت والشعيرية تنتج اكثر مما يحتاجه المواطن وربنا يزيدهم من فضله ويمن علنا بنعمته لتصبح منتجات وخدمات الرفاهية مطلب لكل مواطن سوداني تحياتي ومعزتي التي تعلم
Post: #21 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 09:07 PM Parent: #18
الاميرة بسمات بت اخوي الشيخ حبابك وحباب طلتك البهية . . ما في زولة بتعرف ليك الفرق بين الزهرة والوردة غير منى بت عمسيب ------------------------------------------------------------------ هي لكن فاضية لي شايلة ضقلتها ومتحزمة وتلتخ من طرف بعد يوم تجيب لينا رقبة فعلا عملت بحث لقيت هولندة اكبر بلد منتجة ومصدرة للورد وغالبا اسافر هناك لابرام العقود التجارية في حالة جدوى المشروع ومنها حج ومنها بيع سبح بسم الله ورد . . تحية خاصة مرفق طيها برفق وعبرك ايضا التحية للاميرة اميرة السيد والاميرة امتثال والله يديكم الصحة والعافية
Post: #20 Title: Re: الفرق شنو بين الزهور والورد ؟ Author: سيف اليزل سعد عمر Date: 12-28-2016, 09:05 PM Parent: #11
ود البوش سلام الورد نوع محدد جدا من الزهور عشان نعرفوا ليك بالضبط هو المجموعة التى تنتمي لأسرة من النباتات إسمها (روسيسي). أو بالإنجليزية rose. لونها عادة أحمر لكن يوجد منها الأبيض والأصفر والأزرق وخليط من تلك الألوان. واكيد مر عليك ماء الورد...
أما الزهور فهي عضو تكاثر النباتات ايا كان نوعها. من أنواع الزهور زهرة الخروع والعوير والعشر والنيم والطندب والهشاب..
لكن عشان تكون في مجال دراسة الجدوي فالمقصود بالزهور هي في المقام الأول زهور الزينة زي. زهرة الجهنمية والاضاليا والهبيسكص والهيباتيكا والفل وغيرها...
Post: #23 Title: Re: الفرق شنو بين الزهور والورد ؟ Author: Mahjob Abdalla Date: 12-28-2016, 09:33 PM Parent: #20
يعني ال Roses احمر وال Flowers بنفسجي ول ما لازم ؟ ------------------- سلام ود البوش لا. اللون ليس هوالتصنيف. حسب فهمي الروز هي عائلة معينة في مملكة النباتات تسمي روز و ليست الزهرة ذاتها. الزهرة هنا اخدت اسم العائلة و هي في حد ذاتها زهرة مثل كل الزهور. و لذلك في كلامي الكتبتو فوق انو نوع من انواع النباتات. برضو ممكن تقطع الروز و تختو كزينه لايام و ما بتزبل سريع عكس الزهرة التي تربل عند قطعها. معظم الذي يباع في السوق هي من زهرات الروز
Post: #24 Title: Re: الفرق شنو بين الزهور والورد ؟ Author: Mahjob Abdalla Date: 12-28-2016, 09:40 PM Parent: #23
افهم من كلامك في نباتات بتجيب ورد وفي نباتات بتجيب زهور =========== يا هو ود ابوسن و سيف اليزل جابو النجيضة كل النباتات بتجيب زهور. الروز اسم النبات و زي ما قالو الروز بتعمل الزهرة لكن ما بتتحول الي ثمرة. يعني زي الزهرة الفوق اسمها Thorny Rose كل سنة بتعمل الزهور دي و الزهرة بتقعد ليها اسبوع او يزيد و بتموت لكن ما بتشوف ليها ثمرة
Post: #25 Title: Re: الفرق شنو بين الزهور والورد ؟ Author: عبدالله ود البوش Date: 12-28-2016, 09:40 PM Parent: #20
الحبيب سيف اليزل سعد عمر شكرا جزيلا لهذه الاضافة الثرة والمفيدة جدا كلام واضح ومختصر ومفيد . . شباب زي الورد ربنا يحفظكم بالجد شاكرا لكم مشاركاتكم القيمة والمفيدة منون جدا لكم للافادة واكيد استفدت من معلوماتكم وكذلك القاري الكريم . . تحياتي وتقديري اخي سيف اليزل
Post: #26 Title: Re: الفرق شنو بين الزهور والورد ؟ Author: عباس الدسيس Date: 12-29-2016, 05:29 AM Parent: #25
Quote: احتمال كبير نجيك في البيت يوم الجمعة معاي صاحبك الضؤ جهز الشعيرية وشاهي اللبن واحلى عشرة ونسة وذكريات البنك الزراعي
سلام يا حبيبنا لازم ضروري انا في انتظاركم الدنيا اخر سنة مافي فرقه نجامل اخوانا المسيحيين انشاءالله باربكان خالي اضافات بلد كلها رز رز الصين الشعبية
