كان تصدقوني كان تكضبوني او أسالوا خالد المحرب عشرين سنة قاعد في كرسي واحد اصلي ما داير اغيرو وحتكمان المسامير لمن ينصلن بربطن تاني .... عشرة سنين مع الكرسي المهلهل دا الليلة جاني صاحب العمل وطلب مني دراسة جدوى لمصنع زهور وورد لمن قال كدا من الضحك قربت اقع من الكرسي المذكور اعلاه عارفين ليه وحيات خوتكم لليوم العلينا دا ما بعرف الفرق شنو بين الزهور والورد غايتو الدنيا دي بتوريك عريس امك هههههههه اولا بالتبادي ارجو من الحساسين والحساسات ما يسخروا مني بان لم اعرف حاجات عزيزة لديهم ثانيا بالتبادي ارجو من الزملاء الماليين المساعدة باقي انا خلاص عجزت ومافي روح للمجابدة كان لقيت لي دراسة جاهزة تكون عز الطلب . . النت شفتو لقيتو عولق ساهي ولمن يقوم المصنع بهدي لكل منكم وردة ول كان زهرة
12-28-2016, 02:23 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
اها وكمان في ناس يقولوا ليك صباح الفل الفل برضو شنو يضاف للعنوان اعلاه وعادة لمن زول يقول لي صباح الورد ول صباح الفل بقولوا عليكم السلام ورحمة الله تعالى وبركاته مو اخير ؟ عشان ما ارد على حاجة ذاتا ما بعرفا . . الغريبة خالد المحرب بقول صباح الورد ههههههه . . داير ادرقو ليكم كان يجي يرد
12-28-2016, 02:26 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الكلام الفوق دا كلو فذلكة تاريخية وطرطشة ساكت او تقرأ فتح شهية لكن الموضوع جادي مغروض في المساعدة لدراسة جدوى لمصنع ورد وزهور او بالاصح لمصنع اكسسوارات الورد والزهور مثل الفلوار فوم
الزهرة دي اعضاء التكاثر في النبات لازم في اي نبات تجد زهرة ولو في شكل او عدة اشكال وقد يوجد نوع او اثنين بدون زهور لكن الاغلبية العظمي من النباتات تحتوي اعضاء التذكير والتأنيث في الزعرة الورده دي بتكون في النبات اداة جذب للحشرات للتلقيح باقي في نباتات خلطية التلقيح وذاتية التلقيح المهم
12-28-2016, 02:37 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
هههههههههههههههههه زمان يا الحبيب صادق مرغني خالي يوسف لمن يكون نائم نصت نهار في الراكوبة ونحن الشفع نطق الحجار الحمراء ديك حقت الخرصانة طق طق طق عشان تولع شرارة هذه الشرارة تفرحنا ايما فرح ولكن الطققان دا بزهج خالي يوسف رحيمو الله ويصحى ويقول يا شافع ما طق تطق لمن حَمَارك يشق مع انو الشرح بخسي حلاة الحديس لكن بشرحو كلامو مضطرا يعني يا شافع تطق للصباح مجنونا . . على الجزيمة كان فهمت كلامك اطق لمن حماري يشق وكمان الموضوع اتعقد زيادة اخير اخليهو على الحاجة الخاتها في راسي تخيلا . . عاين لي جاي حقك بره واقع الماسنجر خالص التحياي والود
12-28-2016, 02:58 PM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
Artificial ------------- سنة ول اموت انا ؟ حلوة ارتيفشيال دي عاجباني عجب شديد من زمن عرفتها عاين لي جاي الدراسة المطلوبة لمصنع يصنع الفلوار فوم معناة المعنى الاسفنج البغزو فيهو الزهور والورد كان صناعية كان طبيعية طبعا عجبك الغززان يا عفن بعرفك انا كان بزغت في بطنك بعرفك ما عندك اسنبطا جاهزة زي بقولوا اولاد بمبة ؟ احتمال كبير نجيك في البيت يوم الجمعة معاي صاحبك الضؤ جهز الشعيرية وشاهي اللبن واحلى عشرة ونسة وذكريات البنك الزراعي
اسع كان رسلت لي الدراسة وقبضت الضحاكات ما كان اخير من 11 وش ضاحك ديل . . الزهور والورد شتلوها جوة قلبي الله يسامحك يا خالي البلولة ود علوبة كرهتنا في الغنا السمح مما تجي الاغنية دي ول الغنا المابنفع معاهو طوالي يقفل الرادي ويقول كملتو الحجار في الفاضي سيد الرادي عاد في كلام ؟ ننتظر الدلوكة والنقزي طلعنا كلنا نقزنجية
12-28-2016, 07:38 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
الزهرة زي نوارة التبر والوردة زي نوارة القطن .. -------------------------------- الله يفتح عليك فتحا لاك حاريهو ولاك دايريهو دا الكلام الواضح . . وما بخليك تمشي بصمة كيبوردك اتنين من عروبنا نزلوا ضيوف عن ناس مدينة جابو ليهم الفطور كسرة بملاح لحم بعد اكلو فيهم واحد شاف باقي كسرة في حنك التاني ودار بينهما هذا الحوار المشفر كي لا يفهم كلامهما المضيف المدني قال البدوي لاخيه ود اب عيش يسلم عليك فما كان من البدوي اللبق فطرة وطبيعة ان فهم محدثه ومسك حنكو ممرا عليه يده كدا دا ..... ومسح الكسرة من حنكو ورد عليه الله يسلمووووو .... اها لسع في محلو داك ول رحل ؟ قاليهو رحل سلم عليهو بعد تلاقيهو واكلو الشعيرية وقامو . . علي دفع الله يا حبيب مرورك العليل اعجبني وهذا مع التحية والاحترام
12-28-2016, 07:43 PM
أيمن الفاضل أيمن الفاضل
تاريخ التسجيل: 01-12-2013
مجموع المشاركات: 1013
بالنسبة لي سؤالك الزهرة هي عضو التناسل بتاع النبات (ماكل النباتات) كل الورود تعتبر زهور، يعني أعضاء تناسلية للنبات بس ماكل الزهور تعتبر ورود الزهور الجميلة هي الورود
يعني انتو شركتكم دي يفترض شغلها يكون في الورود تحديداً
لو في مهندس زراعي بتاع بساتين حيريحك
12-28-2016, 08:11 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8949
تمام كدا يعني ال Roses احمر وال Flowers بنفسجي ول ما لازم ؟ . . جزيل الشكر على الاضافة المفيدة جدا لي ولي الما مسقفين وعاملين فيها مسقفين كل زول بكون عرف رقبتو
12-28-2016, 08:30 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
سلام ود البوش و صباح الورد --------------------------------- وعليكم السلام ورحمة الله تعالى وبركاته الحبيب محجوب عبدالله افهم من كلامك في نباتات بتجيب ورد وفي نباتات بتجيب زهور التبر بجيب زهور والقطن بجيب ورد وكدا بقلب جامد اقوليك مساء الورد يا جميل ٌRoses ورود Flowers زهور و Student طالبة ههههههههه . . صورة ال Flowers ابت تنزل عشان توضح الفرق جزيل الشكر الحبيب محجوب عبدالله تحياتي واحترامي
12-28-2016, 08:12 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الله يجبر بخاطرك الحبيب أيمن الفاضل دا بالنسبة بالروعان . . اما بالنسبة لاجابة سؤالي النصيحة لفيت راسي زيادة قبيل اخونا صادق مرغني لف راسي وفات خلاني في لففاني اخونا علي دفع الله وقع لي راسي عديل وقلت خلاص كدا فهمت ولمن جيت اتا الحبيب قلت انركب كلامك وكلام صادق في بطن كلام علي دفع الله لقيت القطن عاقر كلو كلو علما بانه القطن بلد ولادة لمن نملا منو طلاطاشر شوال كبس . . اسع بكون في ناس كتار عاملين فيها مسقفين وحمالتك علي الكلام دا ذاتم بكون لف راسم . . طيب والفل شنو ؟ اديتونا الليل. شكرا يا ايمن يا معجب تحياتي واحترامي مع الود مرفق طيه
ود البوش تحيات وسلام.. ما في زولة بتعرف ليك الفرق بين الزهرة والوردة غير منى بت عمسيب لانها قاعدة في بلد الزهور والورد....وهي دائما بتهدي لينا مرات ورود ومرات زهور... وهي لا شك ستاتينا بالخبر اليقين عن الفرق بين الزهور والورود... ودمت بالف خير وصحة وعافية
12-28-2016, 08:50 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
الزهور تتحول لثمرة الورود لا تتحول كلام رقبة نملة هسعتي الخياسة ليهو شنو . يعمل ليهو مصنع صابون وزيوت انا غايتو اكان ترضو اكان تزعلو بشوف هدية الورود دي فسالة ساي هدية خيتت المدغي للعيان ماها هدية زاتا ------------------------------------------------------------------ هههههههههههه ود اب سن ابو ضراع يا اخوي الناس تبحث عن الرفاهية بعدما وفرت لهم دولتهم كل المتطلبات الاساسية حتى صارت مصانع الصابون والزيوت والشعيرية تنتج اكثر مما يحتاجه المواطن وربنا يزيدهم من فضله ويمن علنا بنعمته لتصبح منتجات وخدمات الرفاهية مطلب لكل مواطن سوداني تحياتي ومعزتي التي تعلم
12-28-2016, 09:07 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الاميرة بسمات بت اخوي الشيخ حبابك وحباب طلتك البهية . . ما في زولة بتعرف ليك الفرق بين الزهرة والوردة غير منى بت عمسيب ------------------------------------------------------------------ هي لكن فاضية لي شايلة ضقلتها ومتحزمة وتلتخ من طرف بعد يوم تجيب لينا رقبة فعلا عملت بحث لقيت هولندة اكبر بلد منتجة ومصدرة للورد وغالبا اسافر هناك لابرام العقود التجارية في حالة جدوى المشروع ومنها حج ومنها بيع سبح بسم الله ورد . . تحية خاصة مرفق طيها برفق وعبرك ايضا التحية للاميرة اميرة السيد والاميرة امتثال والله يديكم الصحة والعافية
12-28-2016, 09:05 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
ود البوش سلام الورد نوع محدد جدا من الزهور عشان نعرفوا ليك بالضبط هو المجموعة التى تنتمي لأسرة من النباتات إسمها (روسيسي). أو بالإنجليزية rose. لونها عادة أحمر لكن يوجد منها الأبيض والأصفر والأزرق وخليط من تلك الألوان. واكيد مر عليك ماء الورد...
أما الزهور فهي عضو تكاثر النباتات ايا كان نوعها. من أنواع الزهور زهرة الخروع والعوير والعشر والنيم والطندب والهشاب..
لكن عشان تكون في مجال دراسة الجدوي فالمقصود بالزهور هي في المقام الأول زهور الزينة زي. زهرة الجهنمية والاضاليا والهبيسكص والهيباتيكا والفل وغيرها...
12-28-2016, 09:33 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8949
يعني ال Roses احمر وال Flowers بنفسجي ول ما لازم ؟ ------------------- سلام ود البوش لا. اللون ليس هوالتصنيف. حسب فهمي الروز هي عائلة معينة في مملكة النباتات تسمي روز و ليست الزهرة ذاتها. الزهرة هنا اخدت اسم العائلة و هي في حد ذاتها زهرة مثل كل الزهور. و لذلك في كلامي الكتبتو فوق انو نوع من انواع النباتات. برضو ممكن تقطع الروز و تختو كزينه لايام و ما بتزبل سريع عكس الزهرة التي تربل عند قطعها. معظم الذي يباع في السوق هي من زهرات الروز
12-28-2016, 09:40 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8949
افهم من كلامك في نباتات بتجيب ورد وفي نباتات بتجيب زهور =========== يا هو ود ابوسن و سيف اليزل جابو النجيضة كل النباتات بتجيب زهور. الروز اسم النبات و زي ما قالو الروز بتعمل الزهرة لكن ما بتتحول الي ثمرة. يعني زي الزهرة الفوق اسمها Thorny Rose كل سنة بتعمل الزهور دي و الزهرة بتقعد ليها اسبوع او يزيد و بتموت لكن ما بتشوف ليها ثمرة
12-28-2016, 09:40 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الحبيب سيف اليزل سعد عمر شكرا جزيلا لهذه الاضافة الثرة والمفيدة جدا كلام واضح ومختصر ومفيد . . شباب زي الورد ربنا يحفظكم بالجد شاكرا لكم مشاركاتكم القيمة والمفيدة منون جدا لكم للافادة واكيد استفدت من معلوماتكم وكذلك القاري الكريم . . تحياتي وتقديري اخي سيف اليزل
12-29-2016, 05:29 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالله ود البوش
عباس الدسيس
علي دفع الله
أيمن الفاضل
Mahjob Abdalla
عبدالحفيظ ابوسن
سيف اليزل سعد عمر
فيس بوك
تويتر
انستقرام
يوتيوب
بنتيريست