|
Re: في رحاب andquot;القطية وعصد العصيدة بالارجلand (Re: Kabar)
|
عارف يا دهب..
سنة 1990 ، وانا كنت طالب بجامعة الخرطوم ، قام واحد من اولاد عمي اتلحني ليك وقال لي الإ تمشي تقضي معانا الإجازة في حلتنا ، وحلتهم قرية صغيرة في بحر ابيض اسمها كرري (تيمنا بكرري الواحدة دي) ، واهلها يتباهون بانها اخر وحدة في حدود مشروع الجزيرة غربا..! اها قمت مشيت معاهو..! ياخي الجوع قرب يسقط حجري..! طبعا ناس الحلة ، تحديدا بنات الأسرة ، جاتهن فكرة عبقرية وعجيبة انو وليد البندر ده شبعان في الرغيف ، ومكتول شوق للحاجات البلدية ، اها الكسرة والعصيدة..! العصيدة يا صاحب ، تجي الديوان ، والتقلية حايرة فيها بدهنها وشرمـــــوطها ومحدقاتها ، لكن تلات لقمات ويقفن ليك في زورك..عارف ليه؟.. هناك يا صاحب عندهم فكرة عجيبة في صناعة العصيدة ، يستخدمون عجين الكسرة الحامض داك ، والعصيدة بتكون لينة وحامضة حموضة تقف ليك في زورك..وده كلو هين..! طريقة صناعة العصيدة ، سواطة العصيدة بروايتنا ، وعصد العصيدة برواية الحناكيش ، امرها عجيب يا دهب.. اول حاجة مافي كلول ولا برمة ولاحلة المونيوم ، انما العصيدة بيصنعوها في الصاج بتاع اللحمة.. ولغاية هنا الأمر هين..! المساويط مافيش نوهائي (متذكر رائعة عزة الماهري: مساويط الرماد..؟!!)..وانما البنات بيستخدمن الة عجيبة وهي الجرايـّة/ الحشاشة ام قرينات (قرين حشاش ، ويا ناس المنبر قرين حشاش طائر وانسان الغرب في امسودان صنع الة من الحديد تشبه اجنحة هذا الطائر وهو طائر) الواحدة القاعدين نستخدمها في تجهيز الأرض لزراعة الفول السوداني..او غلة الدخن..!! اها الطريقة دي خلتني اشعر بالتحسس ، وطعم العصيدة ، عطفا على الحموضة ، بقت حديد حديد (يعني طعم الصدأ)..! وطبعا عارف حكمة اعمامك اياهم ، عمي ادريس كان بيراقبني وعرف انو الزول ده الشغلانة ما راكبة ليهو في راسي ، وذات وجبة فطور ، ونحن في الديوان ، قام نادي زوجتو ، وهي عمتنا ، وصاح: الفكة.. الفكة (اسمها زهرا ، ولقبها الفكة ، حينما كانت الفكة في امسودان قطع فضية رزينة من شاكلة الفريني اب قرشين والشلن والريال ابو طارة)..! اها عمتي زهرة الفكة ، اتلفعت بتوبها وجاتنا في الديوان ، ووقفت زي وقفة عماتك ، الوقفة الخجولة السمحة ديك..! قام عمي ادريس قال ليها: ول ملاح الجوع كتلا كلو كلو..امشي سوطي ليهو عيش (ملاح هو لقب والدي عليه السلام ، عمكم النور ملاح)..! قامت عمتنا زهرة الفكرة رجعت ، ونزلت واحدة من حللها الجميلة المدخرة لذات بوش ما ، ومسواطها الأبنوسي الأنيق ، وساطت العصيدة وجابتها..! اها ، لمن العصيدة الأصيلة جات ، قريبك وقع ليك فيها ، والناس تعاين..!! وحتى نهاية تلك الإجازة ، كانت عمتي زهرة هي من تسوط العصيدة ، طبعا البنيات الشباب مسكتهن الغيرة ، وقام عم ادريس قال ليهن: عيال الغرب عوافيين شديد ، وما بتقدر على مزاجهم الإ حكامة واصلة..!!..ياخي عمتي زهرة فرحت جنس فرح واستعادت كتير من ذكريات شبابها..!!
كبر
|
|
|
|
|
|
|
العنوان |
الكاتب |
Date |
في رحاب "القطية وعصد العصيدة بالارجل" | Dahab Telbo | 12-27-16, 09:05 PM |
Re: في رحاب andquot;القطية وعصد العصيدة بالارجلandquot | Dahab Telbo | 12-27-16, 09:09 PM |
Re: في رحاب andquot;القطية وعصد العصيدة بالارجلand | Dahab Telbo | 12-27-16, 09:12 PM |
Re: في رحاب andquot;القطية وعصد العصيدة بالارجلand | Dahab Telbo | 12-27-16, 09:18 PM |
Re: في رحاب andquot;القطية وعصد العصيدة بالارجلand | Dahab Telbo | 12-27-16, 09:21 PM |
Re: في رحاب andquot;القطية وعصد العصيدة بالارجلand | Dahab Telbo | 12-27-16, 09:26 PM |
Re: في رحاب andquot;القطية وعصد العصيدة بالارجلand | munswor almophtah | 12-27-16, 10:24 PM |
Re: في رحاب andquot;القطية وعصد العصيدة بالارجلand | فقيرى جاويش طه | 12-28-16, 07:49 AM |
Re: في رحاب andquot;القطية وعصد العصيدة بالارجلand | Dahab Telbo | 12-28-16, 05:56 PM |
Re: في رحاب andquot;القطية وعصد العصيدة بالارجلand | Dahab Telbo | 12-28-16, 06:36 PM |
Re: في رحاب andquot;القطية وعصد العصيدة بالارجلand | Dahab Telbo | 12-28-16, 08:09 PM |
Re: في رحاب andquot;القطية وعصد العصيدة بالارجلand | صباح حسين طه | 12-28-16, 08:27 PM |
Re: في رحاب andquot;القطية وعصد العصيدة بالارجلand | Kabar | 12-29-16, 06:17 AM |
Re: في رحاب andquot;القطية وعصد العصيدة بالارجلand | محمد البشرى الخضر | 12-29-16, 06:42 AM |
Re: في رحاب andquot;القطية وعصد العصيدة بالارجلand | Kabar | 12-29-16, 08:07 AM |
Re: في رحاب andquot;القطية وعصد العصيدة بالارجلand | Kabar | 12-29-16, 08:12 AM |
Re: في رحاب andquot;القطية وعصد العصيدة بالارجلand | Kabar | 12-29-16, 08:30 AM |
Re: في رحاب andquot;القطية وعصد العصيدة بالارجلand | MOHAMMED ELSHEIKH | 12-29-16, 08:52 AM |
Re: في رحاب andquot;القطية وعصد العصيدة بالارجلand | Dahab Telbo | 12-29-16, 04:41 PM |
Re: في رحاب andquot;القطية وعصد العصيدة بالارجلand | Dahab Telbo | 12-29-16, 04:48 PM |
Re: في رحاب andquot;القطية وعصد العصيدة بالارجلand | Dahab Telbo | 12-29-16, 05:03 PM |
Re: في رحاب andquot;القطية وعصد العصيدة بالارجلand | Dahab Telbo | 12-29-16, 05:24 PM |
Re: في رحاب andquot;القطية وعصد العصيدة بالارجلand | Dahab Telbo | 12-29-16, 06:24 PM |
Re: في رحاب andquot;القطية وعصد العصيدة بالارجلand | Dahab Telbo | 01-10-17, 11:04 AM |
|
|
|