|
Re: كلام واضح .. من يتغيب عن العمل بدون عذر سيط (Re: اميرة السيد)
|
الكلام ده شرح مبسط كدا للحاصل ...
علي جمال علي
🔴📡
في ناس عندها تخوف أنو لو حصل تغيير الدولة حتنهار .. ده طبعا تخوف منطقي .. شي طبيعي أنو زول يكون ما داير الدولة تنهار .. أو بعبارة تانية المقولة الشهيرة (حنبقى زي سوريا و ليبيا و اليمن).. لكن لو حاولنا نشوف القصة دي برواقة بسيطة .. انت داير شنو من الدولة ؟ يعني حريص انها ما تنهار عشان شنو مثلا ؟ التعليم .. فعليا الدولة ما بتصرف على التعليم .. أو عشان نكون حقانيين شوية .. هي بتصرف تقريبا لكل مواطن حوالي22 جنيه شهريا .. الصحة .. لو البوست ده كان قبل موضوع الدواء ده كنت قلت أنو الدولة بتصرف على الفرد 15 جنيه شهريا .. و هسي دي ذاتا بح خلاص .. الكهرباء بتشتريها بقروشك .. و بالسعر البتختو الحكومة .. الموية بتشتريها بقروشك .. أو في الحقيقة هي بتتباع ليك غصب مع الكهرباء لأنك مواطن بتاع حركات و ممكن ما تدفع .. طبعا ميزانية الدفاع أنت ما عندك شغلة بيها .. أنت عندك مشكلة مع مالك عقار ؟ مع عبد الواحد محمد نور ؟ الناس البتحارب فيهم الحكومة ديل في زول شاورك في قصتهم دي ؟.. كدي حاول أتذكر معاي شهر كامل من يوم 1 لحدي يوم 30 جيت تشتري حاجة الحكومة قالت ليك خلي ال 2 جنيه عشان انت زول لطيف و ما بيناتنا .. يعني مثلا الوقود .. أنت بتشتريهو بسعر مضاعف حتى .. السكر .. الزيت .. البطيخ .. القمامة حقتك ذاتها بتشيلا ليك الحكومة بعد تدفع ليها .. و على فكرة أي حاجة انت بتشتريها حتى لو بسكويت انت بتدفع 17% من قيمة البسكويت ده للحكومة ما لمصنع البسكويت .. يعني اي 100 جنيه بتطلعا من جيبك الحكومة فعليا بتشيل منها 17 جنيه كده بس ساي تحت مسمى ضريبة القيمة المضافة .. و طبعا ما تنسى أنو غير ال17% دي في 5% برضو بتتشال منك كضريبة من مرتبك .. الحد الأدنى للمرتبات تقريبا 450 جنيه .. بتشيل منها الحكومة 22 جنيه .. طوالي حار حار .. و عن طريق الضرايب التانية بتشيل منك تقريبا 65 جنيه (طبعا ده في الحد الأدنى .. ممكن تحسبها على مرتبك الحقيقي).. يعني فعليا الحكومة بتشيل منك قروش شهريا أكتر من البتدفعا ليك مرتين .. يعني نحنا بنصرف عليها ما العكس .. هي لمن تقول رفعت الدعم بكون قصدها دايرة زيادة قروش منك بس التعبير بخونها .. فلو مشكلتك مع التغيير إنهيار الدولة فهي أصلا منهارة .. نحنا لو جبنا شركة تحكمنا ما حتربح فينا قدر ده ..
أما بالنسبة لموضوع سوريا و ليبيا و اليمن .. فديل على فكرة دول عندها حروب في مناطق فيها .. يعني حلب .. بنغازي .. عدن .. النيل الأزرق .. واااااحد ..
و برضو عندهم لاجئين زي ما عندنا .. بس هم بدو موضوع معسكرات اللاجئين ده في 2012 .. لحدي 2015 .. نحنا عندنا من 2002 ..
الهلال الأحمر الإمارتي بقسم مساعداتو بينا و بين ليبيا و سوريا و اليمن .. في ناس كتار في العالم ده هسي ما بعرفو عننا غير دارفور .. زي ما نحنا ما بنعرف عن سوريا غير حلب ..
فللأمانة سوريا و ليبيا و اليمن هم البقو زينا .. 👌🏼
فالتغيير فعليا عشان الدولة المنهارة دي تقوم .. و عشان نبقى ما زي سوريا و اليمن و ليبيا ..
بقلم : علي جمال علي
#العصيان_المدني_السوداني19ديسمبر
|
|
|
|
|
|
|
العنوان |
الكاتب |
Date |
كلام واضح .. من يتغيب عن العمل بدون عذر سيطول بقاؤه في المنزل | عبد اللطيف السيدح | 12-18-16, 12:51 PM |
Re: كلام واضح .. من يتغيب عن العمل بدون عذر سيط | أيمن محمود | 12-18-16, 12:57 PM |
Re: كلام واضح .. من يتغيب عن العمل بدون عذر سيط | إدريس البدري | 12-18-16, 01:21 PM |
Re: ؟؟؟؟ ؟؟؟؟ ؟؟؟؟؟؟؟؟ ؟؟؟ ؟؟؟؟؟؟ ؟؟ ؟؟؟؟ (؟؟؟ | Hani Arabi Mohamed | 12-18-16, 01:02 PM |
Re: كلام واضح .. من يتغيب عن العمل بدون عذر سيط | وضاحة | 12-18-16, 01:12 PM |
Re: كلام واضح .. من يتغيب عن العمل بدون عذر سيط | وهبه الشبلي احمد | 12-18-16, 01:25 PM |
Re: كلام واضح .. من يتغيب عن العمل بدون عذر سيط | اميرة السيد | 12-18-16, 01:45 PM |
Re: كلام واضح .. من يتغيب عن العمل بدون عذر سيط | اميرة السيد | 12-18-16, 02:10 PM |
Re: كلام واضح .. من يتغيب عن العمل بدون عذر سيط | Haytham Ghaly | 12-18-16, 02:24 PM |
Re: كلام واضح .. من يتغيب عن العمل بدون عذر سيط | Asim Fageary | 12-18-16, 02:32 PM |
Re: كلام واضح .. من يتغيب عن العمل بدون عذر سيط | اميرة السيد | 12-18-16, 02:51 PM |
Re: كلام واضح .. من يتغيب عن العمل بدون عذر سيط | أحمد الشايقي | 12-18-16, 03:00 PM |
Re: كلام واضح .. من يتغيب عن العمل بدون عذر سيط | muntasir | 12-18-16, 03:14 PM |
Re: كلام واضح .. من يتغيب عن العمل بدون عذر سيط | Adil Isaac | 12-18-16, 03:40 PM |
Re: كلام واضح .. من يتغيب عن العمل بدون عذر سيط | kamal omer | 12-18-16, 04:33 PM |
Re: كلام واضح .. من يتغيب عن العمل بدون عذر سيط | عبداللطيف خليل محمد على | 12-18-16, 05:12 PM |
Re: كلام واضح .. من يتغيب عن العمل بدون عذر سيط | عبد اللطيف السيدح | 12-19-16, 09:25 AM |
|
|
|