امن البشير يتوعد ويهدد الشعب السودانى بمزيد من التضييق
السلام عليكم ورحمة الله
خلاص يا مكتشف الذرة
يا اخ انا كوز وكوز عن كوز عن كوز جد عن جد أها أنت مغصك شنو؟
أنا كوز وعندي فهم.. انت فهمك شنو؟ آآ فهمك شنو؟ آآ
فيديو واحد بس مرق الجواكم كله: نبذ .. حقد .. عنصرية آآ لو لقيتوا طريقة في (الناس) تقتلوهم..
نحن والله بفهم بسيط آآ بنملاك وبنفرغك وبنطرشقك زي البالون
ونحن عارفين كل الأحزاب المعارضة زي البالون تعرف البالون، يعني ممكن نفخها كدا وممكن نصييها نخليها تفرفر وممكن نشكها بدوس .. بش تطرقش آآ...
بعدين أنت بره ... ايش دخلك بالسودان جوه؟
انت بره داير البلد تدهور والاقتصاد يقع والدولار يصل 30 لأنو أنت شغال بالدولار اللفي اوروبا وفي استراليا في أمريكا
انت ما عندك شغلة في السودان ما عند شغلة بالشغال في السودان البطلع عشان يجيب رزقه رزق اليوم باليوم عايز تطلع حياته
عندك أهلك بتصرف عليهم عايز ليك Case تجيبيهو أهلك تداير البلد تتبلبل وتخش في مشاكل وحروبات عشان تعمل ليك Case عشان تقول أهلي متضررين وأهلي بتاعين حرب وتقعد تتسول بمشكلة السودان عشان تعمل Case وتجيب أهلك: لكن دا ما بتلقاه.
إن طلعت الشارع بتنداس .. واتحداك أي واحد في الغربة داير يجي الداير استراليا يجي والفي كندا ممكن نلحقه وفي امريكا ممكن نلحقه وفي الخليج .. نحن عندنا اتفاقيات امنية مع ناس الخليج آآ ممكن نجيبك في أي لحظة اذا كانت مؤثر لكن ما مؤثر .. (طرطاقة ساي آآ) ما شغالين بيك.. والفي امريكا نحن اتفاقات آآ وشغل بتاع استخبارات خطيييييييييررر مع الامريكان .. آآ أعمل حسابك إن دايرين نجيبك بنجيبك اعمل حسابك آآ ..والفي فرنسا نحن بنعمل بيك صفقة زي ما عمالنا بالناس التانيين صفقة آآ أيام كارلوس نحن ممكن نعمل بيك أنت صفقة يا مسكين .. يا ما (ناقش) شيء.. لكن (نحن فاكنكم) بره عشان نمرق بيكم (الشوك) الهنا .. آآ .. نحن فاكنكم عشان نمرق بيكم الشوك الهنا انتم ما ناقشين شيء يا مساكين .. نحن مخلنك تصوت وتجوض بره عشان نقدر نطلع بيك الخونة المندفنين هنا ديل ..
وأي زول (طلع خش) في العصيان المدني إن شاء الله حكومة المؤتمر الوطني ح نغير سياسة (الديوان الوظيفي) تاني إن شاء الله ما تخش إلا ببصمة وما تطلع إلا ببصمة .. عشان تنعرف آآ.. بعدين عشان ما تقول ما عندي عذر.. تخش لساعة 7 وتطلع الساعة 3 ونص أو 4 وببصمة عشان ..تعرف حقك من حق ليك وعندك ساعات معينة في مواعيد الفطور تمشي تفطر وعندك مواعيد معينة مواعيد الصلاة تمشي تصلي .. آآ والتغيير ح يحصل عشان البلد تمشي لقدام.. ومرحبا بالتعديلات الاقتصادية ومرحب بحكومة المؤتمر الوطني 100 سنة لقادم متوارثة جيل عن جيل بفهم ثابت بفهم مقنن آآ رغم الضغوطات رغم كل شيء الحمد لله الحكومة ثابتة والبلد مستقرة والناس في أمان.. والدايرني يخشي لي في الخاص آآ والبره نحن بنجيبكم .. والجوه قادرنكم .. كان فكينا ليكم (الأشبال) (بتعرف حاجة) مع بنفك ليكم (الأسود) بجيهوكم.. يا ما ناقشين... فهمكم كله نبذ وإساءات وحقد وعنصرية .. دا الحاجة العرفناها منكم .. يعني لو لقيتوا طريقة في (الناس) ح تذبحوهم آآ .. لكن نحن ما بنديكم طريقة في (الناس) آآ نعدل زي ما نعدل ونرفع زي ما نرفع ونوزنك زي ما نوزنك وأعلى ما في خيلك اركبوا والسلام عليكم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة